潮州城酒樓

營業中

休息中

打電話問咗幾個禮拜都話得月餅劵，今個星期終於有現餅，即刻訂位同阿女飲茶。阿女最鍾意糖醋麵（黃金伊麵），我地都肚餓，一人夾一份，撈啲糖撈啲醋，又有得玩又有得食，小朋友最鍾意，脆脆地、好味！食完先記得影相添阿女食咗半份麵都飽，但難得來到我又唔甘心只食個麵就走，叫咗個蘿蔔春菜，菜啫應該食得曬既🤔係好味既，但偏油再來一個馬蹄綠豆爽，入面幾多白果，個人來講麻麻地，如果有清心丸就好喇👉🏻👈🏻最後仲有功夫茶送。而家已經越來越少咁傳統又抵食既潮州酒樓喇😢潮州月餅暫時只係食咗荳蓉，阿女差唔多食曬成個迷你版😋。芋蓉未開，不過年年都幫襯佢買月餅，應該好味，好期待！

寫食評彷彿已成了生活的一部份，吃飯一般都是手機先食!月前大家姐生日與姨甥一家人吃飯，來了尖東這家開業廿多年的潮州城。記得很久以前吃過午飯，印象中無甚特别。以為今餐可以 hea 一下，於是手機也放下了。太極素菜羹~ $128怎料來到這個太極素菜羹，卻十分驚喜! 綠白雙色像太極圖的賣相很特別，以西湯方式煮，湯底打得很幼滑，口感綿密，濃稠合度，明明是素菜卻像有鮮肉，非常美味!隨即執起手機拍照，並重新檢視每樣菜式。彩虹豆腐~Fusion 煮法，材料有蟹籽的羹湯，顏色吸引，味道也不錯，材料豐富但略複雜。較喜歡簡簡單單的太極素菜羹。椒鹽豆腐~椒鹽九肚魚~$88豆腐和九肚魚的外皮都煎至淺金黃色，真好! 一向怕太香口會上火，所以最愛這種煎法。豆腐軟滑，九肚魚還肉嫩有汁。家鄉蠔仔烙~$108 蛋餅香脆，蠔仔肉多又鮮甜。煎蠔烙是潮州菜有代表性的菜式之一，正宗是用鴨蛋煎的，這道菜鴨蛋味很香，做得好!排骨大芥菜(加湯加大)~芥菜很大棵，肉厚又甘中帶甜，排骨大塊又入味!碧綠川椒雞~說時遲，那時快，只剩下一小片肉和幾片綠葉，無法品嚐清楚。照片是姨甥發給我的，上菜時拍，看到相片也垂涎!另外還點了其他菜式:青瓜凉伴海

有很久歷史的潮州菜館，位於尖東，師傅功夫出眾，滷水拼盤因為太快吃完所以忘了影相。現在香港找老師傅買少見少，特別推介蒜蓉蝦蒸糯米飯，蒜蓉加油配上鮮蝦蒸，糯米飯粒粒沾上油香，絕對滋味。另外當紅炸子雞配上非常傳統的蝦片做法，蝦片也可以是主角，香脆！糖醋炒麵必吃！另外點了傳統的潮州魚蛋湯，潮州魚蛋非常彈牙！至於蒸海斑一貫水準。特別介紹甜品「五福臨門」五釀湯圓，有芝麻湯圓，番薯，香芋，白果及果仁等，配上特製糖漿，非常滿足！常常覺得潮州菜是非常考功夫的，在香港吃到正宗感覺的潮州菜要好好珍惜，而且價錢相宜，同樣價錢比出外吃普通酒家更值得。

突然間想飲茶, 潮州菜! 12:30到, 得2枱客, 好似伏伏哋! ....嗯...過過口癮便算! 一睇點心紙, 又貴又唔好食! 😕 點心皮超厚, 好在是剛出壚熱辣辣的! 細細碟雙面黃要 $88 小食部堂煎, 底部放粒粒韮黃, 好似食緊明星媽咪麵! 😂😂胡椒牛腩, 清甜湯頭重胡椒味, 牛筋太硬咬唔開, 牛腩反而算炆得幾淋! 香煎胡椒餅, 其實係好重胡椒味嘅韮菜包, 包係軟熟嘅! 最後侍應姐姐問要唔要糖水, 今日係紅荳沙! 紅荳起沙, 無乜陳皮味...送嘅無要求 😁

頭盤就系呢只大紅乳豬啦，皮燒得好趣，豬肉就好嫩口，食落唔膩，而且我覺得潮州城酒樓呢度既小菜好好食，而我最中意既小菜就系呢碟酸菜啦！又爽口又酸甜，好開胃！ 中秋節公司請食飯，去左呢間位於尖沙咀既潮州城酒樓，望落菜單就好豐富啦，唔知味道系點呢！仲有我覺得潮州城酒樓既功夫茶真係好好飲，好甘甜，又解渴又解膩，整體黎講，呢度既菜式都唔錯！ 而呢張菜單入面最吸引既緊系呢盅紅燒官燕啦，估唔到食個中秋飯都有官燕食啊，老細真係好豪氣，官燕熱住食，味道清甜，營養價值豐富，正！ 而呢碟賣相勁吸引既就系菊花石榴雞，西蘭花伴碟，包得好令之餘，入面材料都好豐富，雞同蔬菜味道好夾，又健康！

Value for money, good for gathering. All traditional dim sum plus some very Local Chiu Chau food are available. Highly recommend to ppl who need to get a restaurant in TST East at a very reasonable price. The restaurant allowed us to stay and chat till 330pm on Sunday even though we were the only table in the room

噚日中午同家人飲茶，埋單時比了信用咭某職員，但等了十五分鐘仍未能簽單，問兩個職員都話要等陣，其實人流唔多，再等多五分鐘先埋到單，位職員仲話負責位職員處理時有事要去廚房工作沒人跟，我地就話即係你地處理有問題，但一句道歉都冇，位職員仲話飲茶有時係咁，態度極差，唔會再有下次！

潮州城酒樓主打潮式菜，每日都有不同既菜式做優惠黎潮州酒樓，當然要試下個滷水鵝喇~滷水鵝嫩滑入味，辟左鵝既 “蘇” 味。但滷水汁偏鹹!另一主打蠔仔粥餡料十分豐富…粥地軟綿綿，蠔仔份量夠多，每啖粥都食到蠔仔!整體黎講，都幾好食…但不論潮式菜抑或其他既小菜，如牛仔粒，味道都偏鹹!

友好公司上週五於尖沙咀「潮州城酒樓」請食團年飯，小肥雖只屬低級職員，但仍有份參與，當真感激T老闆 ！宴席合共五圍，有間大房坐。雖然「潮州城」以其正宗潮州菜聞名，但菜單上所示，當晚o既團年飯都係以粵菜為主。食物一道接一道，菜單上面八道餸、兩款單尾、及四項甜品一個鐘頭內上哂 ，快得真係幾誇張。我地嗰枱有位靚姐代為分餸，一手包辦埋斟添茶水、更換碗碟，其效率極高、友善又識執生 。 大紅乳豬全體：乳豬皮層香脆，肉質都唔係好嚡，不過就咸咗啲。 松子百合蚌仁拼錦繡鮮蝦丸：兩味餸同一時間出，靚姐好醒目地二合為一 。前者o既西蘭花、百合、松子都好脆口，蚌件亦好爽滑，只係蝦仁老咗少少。金黃色o既錦繡鮮蝦丸就認真誇啦啦，其外皮不但香脆鬆化，而且一啲都唔油膩，蝦丸又夠爽口彈牙，簡直係完美呀 ！ 竹笙扒雙蔬：每人最少都分到一片爽脆o既竹笙，伴碟o既律白都好幼嫩甜美。 原窩雞炖鮑翅：真係冇諗到食團年飯都會有翅食，每碗份量仲要有返咁上吓，絕無欺場 ！滑溜o既鮑翅足，個雞湯底更加係清澈香濃，暖胃窩心。 花菇炆鮑片：鮑片香滑，花菇又夠厚身軟腍，簡單美味。 清蒸花尾躉：魚肉嫩滑，蒸煮時間掌握得好好

一家之煮一向喜歡食潮州月餅，今年她的粗心女兒竟然只顧著買奶黃月，忘記了買潮洲月餅呀！還好，在中秋節前發現，有時間去買~~ 剛巧行經尖沙咀地鐵站，見到潮州城的廣告，對啦！就是我要搵的潮州月餅啦！事不而遲，立刻去買！潮州月餅有Normal size 跟Mini size 的，正常大小的一盒有六件，迷你的一盒有八件，每盒都有兩款口味，綠豆跟芋茸，一家之煮愛餡兒多於外皮，所以買了一盒六件Normal size 的~回家後一家之煮見到很開心呀！立刻開來試食~~紫色的盒子很貴氣，打開盒子，牛油紙下的是膠盒盛著六件胖胖又飽滿的潮州月餅~潮州綠豆蓉月餅，酥皮有點兒糊口，不夠鬆化，綠豆蓉甜甜的，軟滑得來有一點點黏牙，起沙的鹹蛋黃香口十足~潮州芋茸月餅，糊口的酥皮真的很不討好! 幸好芋茸的味道不錯，香甜棉滑，芋茸味道天然不做作，配著漏油的鹹蛋黃，不錯~潮州城的月餅，餡兒做得著實不錯，不過酥皮就差一點點啦~ 如果可以做得鬆化一點，一定更加吸引！另外呀，這月餅買回家一定要快點兒食呢！因為沒有落防腐劑，我們買回家後一星期，月餅已經發霉了....白白浪費了兩件呢....

nov 15, 13.......我哋飲完hh後.............10人嚟食late dinner...........叫咗 :1) 功夫茶-食潮州當然先來杯功夫茶啦-咁濃嘅鐵觀音...........真喺1小杯就夠晒了2) 川椒雞-味道可以,雞肉表面不脆3) 菜甫蛋-不會過鹹,ok的4) 滷水大腸拼腎片-大腸沒有押味,肥度適中-腎片可以-滷水鹹味都適中-底墊有豆腐5) 滷水鵝片-鵝片都幾薄切喎-很入味,不過滷水汁過鹹,亦無香味-同之前喺旺角嘅百x潮州酒樓有點距離-底墊有豆腐6) 煎鹹鮮魚仔-我第1次食到細細條嘅煎魚仔-煎得幾靚,魚肉結實.........鹹度適中-幾好喎7) 咸肉魚腐-只喺淺嚐咗少少8) 水瓜烙-味道正路的9) 糖醋麵-+糖+醋.......通常去食潮州嘢都會叫的糖醋麵10) 蜜汁脆鱔-外少脆,肉少彈,無泥味-ok不俗的11) 白粥-我哋叫咗幾碗12) 鴛鴦紫米露-淺嚐了1口-幾足料,小"杰"身-唔太甜13) 馬蹄片豆漺-呢個我就無試到了14) 福果芋泥 x 3-我最鍾意芋泥-佢都都滑,黏"杰"身...........絶不欺場.........如果芋頭味再濃d

九月二十五日 (星期一)今年吃月餅的款式比往年多有的是自己或家人買回來，有的則是來自各方好友的贈送，在此也先謝過!蓮蓉,冰皮,蛋黃月餅吃得多，潮州月餅還是第一次吃今次吃的來自潮州城，是媽媽買回來的酥皮層次分明，入口鬆化，頗對胃的其中吃了芋茸的一款，味不過甜，不錯的蛋黃也隠隠滲出油來，雖然肥膩，但卻誘人六個迷你裝只售$168，不算貴，一試無妨!

友人慶祝生日，突然想起自己從沒有在這裡寫過有關飲茶的食評，說真的身為香港人的我不太喜歡飲茶，原因有很多；一是的我根本不愛粵菜，二是飲茶速度太慢，又永遠吃不飽，三是因為永遠不是每一個點心你都愛吃。所以飲茶真的令我卻步。有得選擇都不會去飲茶，今回是因為慶生所以是沒的選擇下一起去喝茶。多數會到附近的一間叫作《潮州城》的酒樓吃，說真的吃過幾回他們的鵝肉拼盤是很不錯，但今回又沒辦法吃到（就是我所說的原因之一，永遠會出現不合心水的情況）。燻魚，這是我永遠不吃的菜，以前曾經嘗試過，感覺蠻有趣的，但因太多骨了而放棄了，賣相算是吸引。切雞的雞皮毛沒有清好，不知是否因為禽流感感覺雞不像以前好吃。雖然雞還算滑但基本上雞骨佔整隻雞的大部份肉偏少，還是因為雞年紀太小？味道可說是淡淡的，沒有甚麼味道可言。素餃的材料很多永遠都滿滿的，但我最不喜歡吃（是因為個人問題）蝦餃的皮不算薄，但蝦還算新鮮，而且大大粒蠻有口感，算是可取的點心。煎腸粉比以前來得失色，味道還好但總覺得以前較好吃。最不喜歡他們提供的醬油由其麻醬，雖然我很愛麻醬但這個有點肥和太“杰”了，感覺質感有點像沙薑醬。完菜後有中式甜品及功夫茶送。環境方面對於酒樓

恨左食潮州月餅好耐有日老豆拎左盒返黎仲唔拿拿臨開黎食^^我眼見樓下食友d月餅好似正d咁芋蓉表面睇落唔油d皮仲好似好鬆化但一切...皮唔似d老婆餅咁碎開,好似韌左d拎上手已成手油了,用左抹手紙狂索不過之後都照食{可能凍左既關係所以皮不夠酥~幸好唔厚芋蓉餡好香甜同棉~冇人工化的芋頭味蛋黃就一般,偏硬唔夠沙,冇美X月餅既黃咁正我吃了半個,就滯得要命綠荳蓉試下焗熱佢睇下點~焗個陣好多油既滋滋聲@除左隻色靚左之餘d酥皮都正常番了^^鬆化荳蓉冇芋頭咁好食,甜左d同有少少黏牙蛋黃有少少咸香但還是很硬試左一次就夠了

因喜愛荔芋月餅的香味和覺得好美味,被潮州城的月餅海報吸引左.電話中詢問,職員態度好有禮貌.亦叫我試吓喇,並說明師傅天天鮮製.於是係教協買左張158大元的餅卡來換月餅.酒樓度買月餅或者餅卡正價要168架.有六個裝168元及兩個珍寶裝好似102元.<教協賣餅劵每張平十蚊>(兩個裝的珍寶月餅size不是很大,好似係一盒兩個同味架)食癮起,尋日開始有得換,於是急急腳換左盒返屋企嘆提提大家:如果好似我咁心急咁大舖食月餅癮,最好事前打去問吓有無得賣或者有無得取(持餅卡者),因現在不是換月餅高峰期嘛.佢地話係每日鮮製,相信量應唔多.注意:40g已有151千卡和179千卡,但其實每個月餅是80g重,所以計一計條乘數,就知月餅真係好高卡的食物.小學時主任都成日提我地"月餅係小食多滋味多吃壞肚皮的食物"提我地要注意份量.由於on diet:每個月餅都只是食左1/4個,感覺:新鮮,流油,真材實料的蛋皇和芋頭茸,好正,但好肥仔.都好貴.因每個都要成$26.3但個月餅其實都好細過.老公大頭就話"太油喇.怕食左肚痾"我就支持佢地.因好難得鮮制,不是預先包裝的,實在值得支持.買番盒應吓節,又何妨