潮州滷 (已結業)

上朋友屋企打搞，除了在新三陽抽了幾隻大閘蟹上去外，也照顧不吃蟹的朋友，買了些滷水東西，一齊分享。Thomas話事，要鵝翼、鵝腳、鵝肝和腎，執吓執吓，唔覺唔覺又兩舊幾水。最有期望的鵝肝，是軟身，可惜甘香不足，滷水香亦稍遜，比預莆之中失色；另一內臟鵝腎，相對好一點，因為夠爽脆。鵝翼是要大的，一口一口的「齒」，幾咁過癮，當然如果滷水汁濃厚一點，會更理想；鵝腳原理差不多，不鈙。是晚打搞晒，期待再一齊享受更多美食。還有Thomas，多謝你的花雕！

太座身體有點累，不欲四處亂走。是日dinner就由小弟拿主意，到了龍城買外賣回家吃....第一站先到潮州滷買盒滷鵝飯給自己吃。看見那飯塞滿了整個盒子，賣的只是二十多大洋，便宜得發笑....滷水味很淡，絕不是小弟那杯茶；鵝的皮下脂肪極厚，但肉卻是很嚡口，而且骨的比例絕對比肉的多。不過只是二十多大洋一盒飯，粗俗點說 : "仲想點ar ?"相反加錢吃的滷蛋就不太差，蛋黃不死實，蛋白部份很入味，是比想像的好.....用來填肚是最適合不過。但要吃好一點的滷水，還是到別處吧....

主人與奴隸獸在九龍城街市買完餸，正要打道回府，剛好途經此食店，看見有我們至愛的鵝肝、鵝腸出售。好嘢！！斬料加餸。買了鵝腸、鵝肝、鵝腎及鵝翼（HK$94）。鵝肝雖然不是入口溶化，但夠軟身，味道甘香，越食越好味呀！鵝腸好爽口，但卻少了豐腴的口感。鵝腎彈牙有咬口。鵝翼肉質煙韌，味道 OK。總體來說：此店的滷水雖然較為淡口，但仍然滋味無窮。

一向不肥不吃,視膽固醇如無物.尤其鵝肝鴨肝雞肝豬肝牛肝.....法蘭西鵝肝價錢貴不常吃,潮州鹵水鵝肝就價錢相宜,在潮州滷,鹵水鵝肝$9一兩.我我一個人吃,要幾多左右.)女店員五兩都夠架喇.)我好,咁再比多隻鵝翼.)此店標明是新派滷水,味道較淡,事實上,我比較愛芳香醇厚的陳年味道,那麼新派又是否完全不行?這個鹵水底,又幾清香,當然沒有幾十年歷史的沉厚.說回個鵝肝,質感很淋,入口近乎即溶,甘香豐朕感覺,仍舊不散.個人覺得,同潮州村水準相差無幾,係前者的鹵水味較淡.鵝翼同吃鴨舌一樣,旨在享受"啜"骨的過程,吃筋位的口感.再送支Riseling白酒,聽著外面春雨綿綿的雨點聲,簡直末世得要命.

貴價鵝肝我自問就唔係好捨得食，但呢度既滷水鵝肝一個都係四十九蚊又不妨一試，水準相當唔錯，中間部份咬落去真係入口即溶，即衰我自己唔飲酒，因為食o左幾件我味覺已經開始麻木，開始感覺d鵝肝變得難食，好彩佢跟埋d酸辣汁再加埋我食下其他野中和下，如果唔係就真係浪費o左咁好味既鵝肝，順帶一提，想食最好下午茶時間就好黎，試過五點左右已經無晒鵝肝，不過有興趣可以試下第二樣。

買料加餸 (主要係因為自己吞pop想買少一味，去呢度買一件鹵水鵝肝打包...)五十多大洋一嚿，絕對不便宜，但食落甘香豐腴，一D渣都冇，中間部位入口即溶，水準絕不比銅記潮州邨遜色...滷水味道對小弟來講係淡咗D，但點酸醋都係一樣啫，仲可以減少肥膩添...太座講都係西式"番瓜"啱佢D。我就中式做法又可，西式又得，乜都殺...

阿爸阿媽買了半隻鹵水鵝+ 一盒鹵水蛋/豆腐/牛筋/牛(月展)晚飯加(食送).鹵水鵝片好入味, 食落都腍, 不過幾0鞋; 鵝件夠肥, 要0黎送酒都唔錯; 鹵水蛋同牛(月展)麻麻, 唔係咁入味; 豆腐就好入味, 不過唔夠滑; 牛筋就最唔得, 唔入味又好硬, 少d 牙力都唔掂.最掂反而係d 潮州醋汁, 非常惹味, 用0黎蘸鵝片/鵝件真係一流! 整體感覺上硬係爭d 咁, 食唔到「老味道」, 不過間中先食0下, 算啦.下次試試佢d 鵝肝先得.