潮州邨 (已結業)

外遊前，忽然想起，之後日日都係食魚生壽司長腳蟹和牛鐵板燒，不如整番餐潮州菜至起行就正好~雖然不夠廿四小時後，我已安坐政壽司吃海膽飯。拉了靚女同事來一起吃，亦順便交帶之後一星期要代跟進的工作。呢度係天后舊舖搬過來的，連工作人員都是舊班底。地方是寬敞又光猛，還有LCD電視，在播覆雨翻雲。兩個人，吃不了這麼多，就簡簡單單的叫了地魚乾炒芥蘭、煎蠔餅及當然要有這裡的頭牌~鹵水鵝肝。同事很想吃鵝片，所以明知不會時令都叫了鵝肝及鵝片雙併，最後來窩紫菜蠔仔粥。鹵水雙併最先來到，急不及待的先吃一片鵝肝，甘香豐腴，是入口即溶的感覺，跟上次在天后店吃的是完全是兩個口感，非常美味。同事吃了也讚好，好在她怕肥，吃了兩片便收手，由我全部包底，果然是招牌菜，值得一試。也吃了一片鵝片，都算嫩滑有肉汁，水準以上的了。有鵝肝的雙併只賣78蚊，物有所值；其他菜色，雖不及鵝肝出色，但也交足功課。芥蘭條條翠綠，地魚鹹香脆口，都不錯。蠔餅是平平的「煎」版而非「炸」版，煎得幾香口，蠔仔都夠大隻及肥美，可惜是吃了幾片蠔殼出來，有點敗興；紫菜蠔仔粥大大窩夠份量，可以分六碗。紫菜沒沙，蠔仔都鮮甜，有水準；店員都是潮州怒漢，但服務粗中有細

尋晚同一班酒友食日本野飲sake,走o個時見個肚空空加上有人提議食返d熱野暖下個胃就黎左呢樹食碗粥,雖然成11點去到因舖位較細都要等一陣先有位,一行人坐低當然唔會淨係叫碗粥咁簡單啦,分別叫左....鹵水鵝片--鵝片肉質都幾嫩加埋鹵水味足,都幾有水準鹵水鵝肝--食落鬆軟味道甘香,雖然比唔上外國貨但以價比價貨比貨之下都值得一食!咸肉抄芥蘭同咸肉抄韮菜花--芥蘭幾嫩食落感覺偏咸下次都係配返沙爹牛肉炒會好d,比較上韮菜花比較香同好食油鹽水蜆--食落感覺唔太夠味似清湯浸蜆多,普通蠔仔肉碎粥--幾足料唔會水多過米,蠔仔食落幾鮮味加埋d芫萎蔥花都交足功課豉油王炒鵝腸--鵝腸咬落好爽同味道足但好似唔見晒d肥膏邊?細問老板後先知原來係雪藏貨,佢話如要食新鮮o既就要食鹵水,咁就下次要試鹵水!炒魚麵(唔記得叫咩名)--炒得幾好而魚麵食落好彈牙,但因配料太多相比魚麵份量比較少!加埋4支大啤埋單每人$80,雖然由食碗粥變成食正餐咁,但一班人有講有笑...值得!