潮州邨 (已結業)

今日同老婆加埋朋友四條友到銅鑼灣廣場，本來打算食泉章居，但係臨時改變主意試潮州菜。 鵝片好嚡，真係唔明點解整得咁差，大佬，鵝片係潮菜嘅主角，主角爛，成套戲都受影響。 好彩另一角主角有超水準演出，鵝肝入口即溶，連食五塊，滯都要食。 墨魚本來冇叫，諗住係大路嘢，但係一食之下，鮮甜彈牙，上品。 埋單500蚊多啲，都算實惠。

昨晚家人生日請客, 訂了兩圍晚飯, 訂枱 時店員已問時否食翅及凍蟹. 由於是生日飯, 我們訂了翅, 但表示不要凍蟹($1,000一隻, 兩斤半). 點菜時, 才知道一煲12位用的翅要二千多元, 又說已留了凍蟹給我們, 由於我們的預算是$3,500 - $ 4,000一圍, 我們表示不要翅而吃其他. 怎料, 那幾位著便服, 看似是老闆的人繼續極力推介名貴菜色, 如遼參、老虎班等, 又當眾大聲說點菜可以豐儉由人, 但你們食生日飯, 菜式又是我們著名的……….由於不想再當著客人面前與他們糾纏, 便硬著頭皮要了他們的“著名”菜式:1.鹵水鵝肝(很好吃)2.潮州翅(足料, 味道不錯)3.蝦棗、蟹棗4.蒜蓉蒸蝦5.鵝掌遼參6.蒸老虎斑7.方魚炒芥蘭(好苦)8.鹵水鵝(好鹹)9.炒魚麵(勁鹹)10.糖水, 壽包結果兩圍埋共$12,247, 大大超出我們的預算! 老闆說已給了折扣!! 其實, 以這個價錢可以在其他酒樓包房吃飯了。坦白講, 此店食物水準尚可, ,但服務及環境實在不值這個價錢. 由於店子太細, 兩張大枱 貼牆放, 店員根本不能替我們換碟及遞菜, 要我們自己傳菜及食具給貼牆坐的家人, 自己招

我媽咪想吃潮州菜，又唔想去那些大集團式的餐廳，所以睇左Openrice 的介紹及對這餐廳不錯的食評，所以特登來試下囉。個滷水鵝都好好味，但蠔仔旦就比較細碟，石榴雞清清地都幾好味，本來想試凍蟹，但成$800一只，好貴，所以無試到，如果有人試過好的話，我都會下次試下。我們還吃了荔”護”香so 鴨及炒四季荳。四個人，$361，每人不用$100, 都ok 啦。

好好味呀叫左:1.潮和骨2.鹵水拼盆3.沙茶牛河4.蝦醬炒菜5.蝦棗6.蠔仔餅7.地魚粥個潮和骨超好味鹵水拼盆都好好味環境又好,坐房入面仲有電視睇想食埋甜品不過超飽最尾仲叫左個地魚粥外賣

Came here for dinner to celebrate my aunt's birthday. The 9 of us ordered a total of 9 dishes including soup as well as dessert. The food was all nicely prepared except for the vegetable that was a little raw. Overally my family enjoyed the food and would come again if we're looking for Chiu Chow food.One flaw, however, was the service. Not that the servers weren't nice, but they made several mistakes - forgot we ordered 1.5 portions of a dish, forgot to put in an order for another, and brou

得半層地方唔夠大得12張台由2人台至12人台一間大房仲有兩張4人卡位叫完送同朋友傾野都聽到廚房炒送落鑊聲真係唔掂d 送都唔錯...好啦食完傾多一陣, 個肥嬸嬸就埋黎扲左張單去回來時就話邊位埋單, 我地都無叫埋單...算啦.. 我見我們都差不多我就埋單諗住埋完單再傾多一陣, 點知傾傾下, 另一個瘦叔叔帶個客埋黎搭台順便開埋茶話佢地就走.......我們都無鬼理佢... 傾多一陣就走... 雖然門口排緊隊, 都唔駛咁趕客架嘛...

上個禮拜六同女友諗住去食潮州邨，去到謝斐道見到已經唔係潮州邨，之後好彩喺銀包搵番之前事頭婆俾嘅禮物（卡片），打個電話去碰碰運氣，好彩佢地無轉電話，原來原本喺謝斐道嘅嗰間潮州邨，已經搬左去銅鑼灣廣場一期六樓，地方大左勁多，食物款式比以前嗰間多好多，價錢又無乜大改變，而且仲抵食左，我地點左一個金華四蔬，有啲金華火腿喺面頭，下面有四款蔬菜，其中有啲瓜係心形，真係有心思，之後我地點左海參鵝掌，一位只係＄５５，勁抵食，鵝掌夠入味，海參又夠霖，讚！仲有女友一向摯愛嘅鹵水鵝肝，味道依然係無得彈！

一行六人食左一碟128三拼, 份量唔多, 樣樣試下(唔抵食, 雙拼抵好多!).. 之後都係要叫多個雙拼encore 鵝肝.. 另叫左蠔仔粥, 豬肚湯(太咸), 水爪胳, 椒鹽矮瓜, 潮和骨, 魚麵, 鮮魷"九"菜花..整體其他野ok冇特別, 但為左一試鵝肝, 仍然應該要黎下!!

母親節去了這間潮州打冷三個人叫了...鵝肝--第一次食倒d咁淋的鵝肝...幾好食但其實我嫌佢唔夠大陣味水瓜烙--煎得好香，但係有埋菜甫好似有少少怪蠔仔粥--很清的感覺，略嫌不夠咸呢炒魚麵--d魚麵好有魚味又好彈牙..個味都唔錯炒檉子--我係第一次食呢樣野，覺得幾好食喎..但係某d有沙清心丸糖水--d綠豆淋得黎又唔會爛..但稍甜仲有一樣野唔得..就係有d onion 竟然是酸的整體味道算不錯..埋單二百七十元..比想像中貴呢

8時左右都唔算太多人真係好彩...2個人一心就係食鵝肝, 所以一來就決定叫個鵝肉拚鵝肝, 件鵝肝好鬼死正又無筋又香口真係入口即溶果種... 一碟都有成6件左右..不過2個人食曬都幾辛苦...同老闆既結論都係食鵝肝壽司細細件比較好d又唔使食咁多...反而鵝肉真係麻麻地.再來一個蠔仔粥及豆豉鯪魚油麥菜...蠔仔粥都唔錯夠多蠔仔又肥美...菜就麻麻啦好油呀..食完鵝肝都漏啦仲要加碟咁有既菜.口就勁講飽死...但又再去叫我至愛綠豆爽清心丸...太好味...又唔會過甜...清心丸煙煙unun唔錯唔錯..其實此店對於我潮州妹來講就一般水準啦..對於老闆就已經好好啦...不過我都係喜歡去九龍城老店食潮州野.

近排愛上潮州菜，上次去完尚興，去開灣仔再試這間。餐牌上潮州菜式不算很多，和Honey 點了三個菜：鹵水鵝片拼鵝肝- 鵝片爽口不肥；鵝肝入口即溶，鵝肝頗多，二人吃，是有點膩；豉椒蟶子- 蟶子爽口大隻，可惜有沙；豆豉鯪魚炒油麥菜- 菜味好正。地方算清潔，不覺嘈雜。服務算可以。但都是覺得上環個邊D潮州菜較好味。

日期：28-3-2007男友想食蠔仔粥，咁我就上Openrice睇下有ｄ咩心水喇，見到哩間好似頗吸引，一於試下都好．阿叔同阿姐都好好招乎，會提意我地要ｄ咩．．．ａ．一碗紫菜蠔仔泡飯：好清甜，ｄ蠔無沙．ｂ．鹵水鵝片：都幾好食．ｃ．一窩胡椒豬肚湯（少辣）：都幾辣下，係個喉嚨度醞釀住．有鹹酸菜，芹菜，豬肚，豬腸一大煲，每人飲咗四碗．豬腸有ｄ肥膏黏住，好臊．之從係九龍城食果個蠔仔粥之後，我地就未搵到一間good既，今晚都可算無黎錯．下次會黎試下佢既蠔仔餅，椒鹽鮮魷，見隔離枱食，好正啊！唔通，隔離飯香．

阿叔正傳最近響飯局上有食友問我做乜咁耐無出食評，我未開口另一食友即搶住話：「梗係啦，你D食評咁鬼長，寫一次有排先寫得完啦！」心諗咁又係，所以今次的起心肝寫短D ^_^早排同朋友仔係灣仔飲完野，往搭小巴途中醒起上次去完靠得住食粥，本來特登走去潮洲買滷水鵝肝，點知早得滯未開，撲個空。今次難得經過，幾大都要幫襯。入到去一個客都無，可能因為已經好夜，又係Weekday原故啦。有個好友善阿叔走黎問我要乜，我話要滷水鵝肝行街，佢就招呼我同朋友坐底稍等。跟住佢又問我地點解唔坐底食野，又問我地食唔食凍蟹，重走去的隻蟹過我地睇。我話不如下次啦，阿叔就好豪爽咁話：「好，下次黎我一定揀隻至靚蟹比你，同整D靚野你食。」我話：「車，我下次黎你都唔認得我啦！」阿叔就答：「你我就一定認得！」跟住仲上演一幕阿飛正傳中張國榮同張曼玉深情對話。阿叔一路睇住錶，一路講：「依家係二零零六年十一月二十九日零晨二時三十分，我會記得你來過呢度買滷水鵝肝。」嘩！我咁大個女都未試過有人咁同我講野，當場哂，並即時同阿叔定下盟約，不日番來幫襯！你睇，阿叔兩句我就鬆毛鬆翼，連鵝肝都未試就話番來，幾無性格‧‧‧莫講話你地，就連我自己都睇唔起自

突然好想吃潮州菜,匆匆看過食評便決定一試。地方也算清潔,一般小菜館格局,不過座位不算多,如人數多可以先致電訂位。我們兩口子點了3款菜+糖水:蠔仔粥-很足料,蠔仔不帶腥鵝干-入口即溶,不過二人吃的話有點膩泰和骨-這個用來送白飯不錯,帶點辣,不過與我們點的其他菜味道格格不入,下次應不會再叫清心綠豆爽-不愛甜的男友也覺得ok^^(見到別人點潮州炒米粉好像很好吃,不過已吃不下了)老闆娘服務不錯,很樂意推介菜式。離開時見旁邊<喜記>很旺場,下次一定要試試!!

同男朋友2人, 中秋追月之日, 決定一定要野餐! 於是買左鹵水鵝例牌同鵝腸入赤柱插針。潮州邨的侍應一向俾我感覺係好識sell野食, 當我話鹵水鵝要下庄時, 佢話要加20蚊, 所以大家留意。入到赤柱, 買一盒白飯, 行左好多地方, 搵位插針, 不果; 最後搵到赤柱的best kept secret, 賞住月咁野餐。鹵水鵝同鵝腸經過舟車勞頓, 依然肥美可口。前者好好肉, 肥瘦適中; 後者肥美甘香得來爽口, 不過肥羔份量可以多返d就更好!