潮庭 (新城市廣場) (已結業)

態度仲衰過大排檔! BAD Service晚上8:30見唔使排隊同屋企人入去食晚飯..可惜一入去,有個女待應黑哂面..心諗可能工作辛苦啩..算!要求一張BB櫈..遲遲未到,最後同個男經理講先有.到落單,無人肯嚟寫單,最後忍唔住叫返個男經理嚟落. 小菜不過不失.後來後加一碗白飯..另一女待應行過,只係同其他待應講”叫呀!”...”叫呀!”...心諗寫個飯都咁辛苦! 後來由那男經理嚟寫.叫咗一碗白飯,嚟咗兩碗! 唔緊要,照要..可惜碗飯原來係凍嘅,最後都係同個男經理講!其實本人已經多處忍讓,但真係食得一肚氣!(嬲到相都唔想影!)

突然想吃糖醋麵，可以在那麼吃到🧐？普遍也要在潮式餐館才有😯。•1️⃣糖醋麵表面煎得很脆🤤。-吃法是加點醋和白砂糖。酸酸甜甜咸咸的，好味道👍。-但份量對2個人說太多了。-原來有迷你版，份量和價錢也是這個的一半🥺，可憐的我看到隔離枱才知道。•2️⃣蛋散蛋散不夠鬆脆。•3️⃣蒜蓉脆豆腐有驚喜，外脆內軟之餘，豆腐帶點Q彈😯。•4️⃣流心芝麻煎堆非常一般。芝麻餡少也不在話下，一點也不流心。•5️⃣燒賣味道不錯。•回頭指數：8/10（為糖醋麵而去）

同屋企人去食晚餐，突然間想食潮州菜，咁岩今日係沙田返工，搵左一輪見到有呢一間潮式酒樓，咁就訂位去試吓，其實睇完食評好多人都話呢間野一般般，但係我就覺得呢一間係味道還可以的一間潮式酒樓，可能因為是屬於沙田區，價格偏高，呢間酒樓有時候啲夥計會扮睇你唔到，但係正確而言招呼我果台嘅夥計態度係可以接受。值得推介菜式為潮式炒魚麵同欖菜肉碎炒飯，呢兩個菜式我覺得味道同性價比都比較高，如果真係去試可以試吓呢兩個菜。

今日難得平日放假，帶前世情人跟姨婆見面。姨婆是由小帶大我的長輩，一直都想帶小情人去探望她。姨婆最愛吃美心旗下的酒樓。這次我們到潮庭試一試。*百花魚肚 $33*奶皇包 $17好吃，熱辣辣的時候,流心的,但小心燙*炸雲吞 $17普通，始終太油膩，只能淺嚐。*焗叉燒菠蘿包 $22外面吃叉燒包吃了很多次，叉燒菠蘿包則較少見，菠蘿皮做得非常鬆脆但又不會太甜*煎堆仔 $22母親大人的至愛，不得不叫~*蝦腸 $31大大隻鮮蝦爽口彈牙!*潮洲粉果 $22非常足料，很好吃!茶錢$15一位，再加一。

正值中秋佳節，搵位困難，上星期六才打電話訂枱，仍可在8點有5人枱，幸運。以前曾惠顧過，印象中食物的味道ok! 「鹵水鵝片」是潮州菜的主打，這個鵝肉醃得唔錯，味道ok。只是鵝片切得較薄，影響口感，反而豆腐吸收了鹵水汁，又香又滑。「梅羔醬烤骨」上枱時令我們有點失望，中間一個大窿，是漏了裝飾品還是🤔🤔？或者是我的藝術天份不足，希望中間填滿醬烤骨☺️☺️。雖然份量不多，但好好味，每嚿骨都包有厚厚的肉，又軟又稔又香，而其醬汁用浙醋及糖混得啱啱好，最適合送飯。👍🏻👍🏻👍🏻「潮州煎蠔絡」絶對是佳作，蠔仔夠多及新鮮，餅底唔厚粉並煎得香脆，食落滿口都充滿蠔及疍的香味，亦有滑嘟嘟的蠔肉口感，過癮👍🏻👍🏻👍🏻！加埋蔥及芫茜，十分之香口，食完一片又一片。😋😋😋「粟米石班塊」很別緻，汁分開上，一菜可以有2種口味。先試無汁，石班肉夠厚，亦香滑，炸粉很薄，好味！但略為熱氣，不敢多吃。之後點汁，也好，粟米汁較稠，調和了班塊的熱味，並加有粟米的香甜，小朋友很喜歡。最後一味是「淮山上湯浸莧菜」，清清地，中和之前的肉及煎炸食物，唔錯。總結而言，美酒佳餚賀中秋，人人歡樂笑連連 😃😃😃

為了方便大姐放工，所以我們約在沙田吃飯。想不到觀塘去沙田要這麼久，下次還是坐鐵路較好了。入座會送上小食，青瓜豆腐入味新鮮。紅燒排骨梅菜扣肉梅菜及扣肉相隔，扣肉肥瘦相間，入口油脂飽滿，豬油香化在嘴間，回味無窮。鹵水拼盤蠔仔肉碎粥蠔仔、菇及肉碎份量多而混在化開了的粥里，入口清香蠔仔及肉味，濃度剛好而不咸。瑤柱蛋白炒飯炒飯粒粒分明，軟硬適中，瑤柱絲混入飯粒中，增加口感及多重味道。晚飯套餐比單點便宜，大家可帶備匯豐信用卡，有折扣。

相約朋友在新城市廣場晚飯, 「潮庭」這間潮式酒樓未試過, 大家商議決定試下, 電話訂位, 不用等位。一般中式酒樓的裝修多以常用的傳統紅色為主色, 而「潮庭」採用以冷色調的藍灰色為主色, 餐具亦是藍色花紋, 冷色調的環境添加幾分幽雅, 唯枱與枱之間的距離太貼, 給客人的空間感太少了。而且可能枱與枱太貼, 聲浪的環迴立體聲令感覺上好糟雜, 隔鄰枱的對話亦聽得好清楚呢! 這壓迫感浪費了本來裝修得幽雅的食肆的原意呢!我們點了「潮式四喜拼盤」、「沙茶牛肉芥蘭 」、「 潮州家鄉煎蠔烙」、「家鄉煎釀豆腐煲」 「潮式四喜拼盤」 ~  我們揀了油泡鮮帶子、黃金蝦棗、葱油海蜇、鹵水鵝片油泡鮮帶子 ~  帶子鮮甜, 食到帶子的特有鮮味, 油泡煮法的確是能夠保持海鮮的原有味道。黃金蝦棗 ~  蝦棗炸得金黃色, 蝦膠味道有鮮蝦味, 質感彈牙, 唯未夠香脆。葱油海蜇 ~  海蜇爽口清甜, 但份量實在太少了吧!鹵水鵝片 ~  一般潮式鹵水鵝片, 味道可以, 但沒有太大驚喜。「沙茶牛肉芥蘭 」  ~  沙茶醬好香濃, 稠度適中, 牛肉肉質很嫩滑, 似是先泡油才煮理, 芥蘭嫩綠清新, 平衡番肉類的膩感, 牛肉、芥蘭再加

食飯當晚係星期一晚上七至八點時段，唔爆場，坐左六七成左右。我地一家雖然係食飽，但碟上仍然有"送"係食淨，我媽仲拎住對筷子食緊野，我地亦未叫埋單。侍應就拎個盤過黎，準備收我地D野食，第一轉我地話仲食，佢淨係收左清左既碟就走。唔夠五分鐘又拎個盤行過黎，收晒我地成枱既碗筷，唯獨我媽仲拎住筷子冇收到，因為佢仲食緊D頭盤。一家人出黎食飯，食飽再傾下偈好正常，加上呢間野係冇時間限制，我地用餐時間亦只係兩個鐘之內既事。如果出面好多客等緊急於翻檯或者我地已埋單準備走既情況下，你黎執野係情有可原。呢間野我地食左好多次，服務每況愈下，每次都有情況發生..有一次十幾人BOOK左檯話然後將我地張檯俾左人，一家有老有嫩要再喺出面等。我地唔會再幫襯呢間野，相信屋企樓下既普通酒樓既服務仲好過佢地。

一年一度母親節又到喇，當然一定要一家人同老媽出去食飯啦，今晚揀左沙田潮庭，主要是方便大家，老媽又喜歡食中菜，訂了8:15，大家準時到達，今日是星期五，酒樓將近爆滿，坐下來老媽開始睇餐牌，睇哂成本只揀到一味海鮮炒粉絲😂，其他餸又交由我去點，洒樓上菜速度很快，全部餸菜差不多是同一時間上菜，太快了，我們食的速度追不上上菜速度，冇辦法啦，唯有大家吃快點，但當然有些餸菜很快冷掉，但味道全是不錯的。5大1小點了8個菜😋😋😋😋😋鹵水三拼 😋😋😋炸雙棗😋😋😋😋椒鹽九肚魚😋😋😋😋😋炸子雞半隻😋😋😋梅羔骨😋😋😋😋😋糖醋煎麵😋😋😋😋😋海鮮粒炒粉絲😋😋😋😋𧐢仔粥😋😋😋😋😋超級足料

服務混亂: 服務人員不斷問上左乜嘢點心。上菜嗰個又唔會刪除上咗d乜。我哋嗰枱叫咗蛋撻，食食下，嗰姐姐走過嚟問我哋有無叫蛋撻，因為隔離枱有碟蛋撻未上（我地有叫）。根本佢上菜嗰系統就係無系統。任嗰客人講有乜未上，廚房樓面又唔一早mark上咗乜，搞到鬼咁亂。地下又污糟，一入去就見到有紙巾，用完嘅點心紙係地下。嗰帶位都唔望下張枱企唔企理。侍應上菜又唔講嘢，木口木面放低轉身就走，我講唔該仲多過佢講嘢。譚仔阿姐上菜都會講下係乜嚟啦。上菜嘅侍應又唔收返d碟。叫d侍應加返d滾水，佢d廚房同事勁大聲講: 下，仲加水呀？乜料呀，我餐茶飲咗一個鐘咋！嘢食味道幾好，裝修都ok，唯獨係d人d服務十分唔ok。

女兒想食脆麵，於是明知週日一定係勁多人，為博紅顔一笑，都盡管殺去沙田新城市廣場的潮庭。果然去到要等五十幾張枱。好彩我哋够經驗，估到好多人攞咗飛都未必等，一於死守。半個鐘後，終於有位。由於桌子擺得好密，我哋都要收腹挺胸先入到我哋張枱。點咗菜後等咗好耐先上一道椒鹽九肚魚。份量唔多，但炸得外脆內嫩，兒子最愛，一人對咗5件😅。食完呢道菜又等咗十分鐘先上涼瓜排骨煲，入面竟然有豬肚，正😋。不過涼瓜燜得唔夠腍，亦唔係好入味。鮮蝦腸粉，燒賣，蝦餃都中規中矩，不過不失。炒飯出色，飯很幹身而且粒粒分明，欖菜唔太多，所以唔會太咸。香脆麵當然係最愛，麵的上面果陣煎到爽脆，但下面的麵又能做到很腍和弹牙，點砂糖食最正😋

第一碟上枱點心係煎蓮藕餅, 上枱時已見到非常油膩, 咬落係冰凍兼有隔夜油益味, 叫人取消左佢. 之後叫左既蝦醬雞翼, 但係嚟左魷魚鬚?! 同時隔離枱又因為碟餸入面有奇怪嘢而取消左.等候食物需時,以為佢因為用心製作每碟點心所以需時咁耐,但每碟點心都係凍或室温.食左六碟點心, 盛惠三百多元, 食物質數差, 侍應服務嚴重混亂。食到一肚氣仲要突登打夠二百字先可以俾個喊樣。以後絕對唔會去潮庭~以後絕對唔會去潮庭~以後絕對唔會去潮庭~

叫左一碟甜酸炸雲吞衹來雲吞就唔見左碟甜酸汁，三催四請都見唔到碟汁，等人加水都要廿拾多分鐘，差啲要發爛渣，本來同老公、女兒開開心心飲餐茶，真係一肚氣。隔離三張枱啲單都亂都不得了，真失敗！

又係同屋企人食飯嘅時候，由於姨丈住沙田，咁所以決定喺沙田搵好嘢食。屋企人鍾意食潮州嘢，咁所以咪試吓依間囉。一早已經訂咗位所以都唔需要等，餐牌上邊嘅食物都算多，食完之後先發覺原來係美心集團，難怪環境食物都唔係差。但係以潮州嘢來講，就唔係太正宗啦，可能想改變一下口味迎合下香港嘅大眾，潮州粥係值得一讚嘅，煮得好棉好好味，覺得真係唔錯。但係始終係酒樓嘅感覺啦，環境真係有啲嘈，嘈到好似大排檔咁樣，依樣野有少少失色。員工方面都算係幾好， 每個員工都笑容好好

時日家庭聚會，系沙田其實好多嘢食選擇，但卻比較少在沙田新城市頂樓飲茶（因平時實在太多人）。今日我地抱住冒險的心態去潮庭等位，竟然破天荒只等咗10分鐘，當時大概13:30 左右。真心嚇一跳。飲茶味道雖然不錯，但點心無以前好食。但方魚肉碎飯，蠔仔肉碎飯，鹵水墨魚腩片仍然keep到水準的～上菜速度一般同偏慢，我地差不多食完準備買單，佢先上牛肉球，我地都差d唔記得有叫到。當一個星期六唔洗等位飲茶，實屬難得。希望可以換下d碗碟，因為全部都崩崩地…