潮庭 (新城市廣場) (已結業)

在沙田想食潮州菜都冇乜選擇，只有在新城市廣場的這一間， 碰巧星期日到新城市廣場逛街，就到這間潮州菜館吃午飯。食潮州菜，總會試佢嘅蠔仔烙、蠔仔粥、潮州粉果、 再加個XO醬炒蘿蔔糕、雞絲春卷、蛋散就夠哂食。迷你煎蠔烙非常油膩，上枱時幾乎不敢下箸，最後只揀蠔仔吃，因為太太太……油。蠔仔粥蠔仔肉碎份量都夠，但個粥底好似用飯煮粥，唔似係潮州粥。XO醬星洲炒蘿蔔糕好油，蘿蔔糕亦無乜味， 只係有少少XO醬味。雞絲春卷春卷夠脆，味道唔錯。潮州粉果味道好， 唯一缺點係花生好淋，唔夠脆。蛋散夠鬆化，但無蛋味，因糖膠太多，所以非常甜。

最鍾意食就係杏汁燉豬肺，平時喺屋企整豬肺好麻煩，所以好難得食到豬肺，仲要個湯好好飲！平時一家人食叫四五個餸都夠六個人飽，鵝片、雜菜煲、魚麵都好正！仲有反沙芋！！

用左ae 美食卡。2個人食。半價。等既時間雖然耐。由落單起計。45分鐘先來第一碟野食。不過味道唔錯。兩個魚粥味道好好。好鮮味。蠔餅有啲油。凍左少少。唔夠熱。但味道好。菜好甜。火腿肉唔會得個咸字。夾落津白。味道好甜又有少少咸。芋絲不過不失。有啲淡味。冇特別可言。

AE卡半價，心血來潮就試下先正價餐牌好多選擇奈何2人食唔到太多叫左兩碗潮州粥話就話兩碗，黎到先知係勁大個碗，湯碗咁大🤣食完都飽左七成方魚肉碎粥好好味🤤美心集團啲湯好好味，蟲草花螺頭花膠好入味，唔似加味精

今天晚上幫襯了沙田潮庭。想食清淡一點，點了煎釀豆腐煲及涼瓜排骨煲及一個白飯。兩餸清淡，正合心意。雖然味道合意，可惜呀，未知是繁忙時間，還是人手不足，白飯遲遲未見，而鄙人舉起手招侍應，大約也舉了三幾分鐘，依然無侍應理會。我的手.....好攰呀......好彩正要發作之際，終於有侍應理我了，白飯亦好快來到。總括來說，此店食物質素不俗，但人員配備略嫌不足。

Date: 21Sept平日晚市差不多座無虛席，更突顯人手嚴重不足⋯⋯也許人真的太多，我們入座時檯還沒有舖好。坐低後不久，卻有4個不同的侍應來問我們幾多位⋯⋯其實如果問完的沒有行動，為什麼要這麼多人問？自問我們不是點那些又焗又炸又蒸的菜色，但出菜還是需時極久。吃到最後差一個菜未到，便找侍應跟一跟。找過2個侍應跟單都無影，最後找到一個侍應肯印張單出來對，才發現一直等的那個菜根本沒有落單！之前的所謂幫忙跟單的都跟了些甚麼？如果發現那是一個不存在的菜，為什麼不來通知一聲？真的很無奈⋯⋯埋單嘛？很快就過來了，還好習慣望一望單，發現又多個我們沒有用到的外賣膠袋收費⋯⋯總的來說，食物味道還可以的。但上菜速度和侍應的服務水平真的很需要改善。

見星期六全日冇特價茶，諗住橫掂全日正價就瞓晏d先去飲茶，點知咁啱撞正潮庭晚上有大型宴會，下午2點半就截止冇得拎飛好彩趕得切拎最後一張飛，門口好多人都一場尼到冇得入佢同Food Gulu手機app合作，download左可以拎飛，下次可以出門口前先取電子飛排住隊先假期全日正價時段收費一坐低姐姐就放低一碟前茶俾我地，都幾高質，涼涼地帶少少辣既冷盤，有青瓜、辣白菜、木耳、花生，好開胃個前茶要$20，如果唔中意可以叫人唔洗俾，慳返d不過個人覺得兜野幾好食我地2個人叫左6個點心蘿蔔糕蒸鳳爪咸水角呢個入面有d蝦米幾特別，個皮都幾彈性，係有少少炸得回油牛栢葉燒賣菜苗餃呢個真心推介，入面好多餡，好多菜苗同蝦

回沙田探媽媽時，多數都去這間朝廷飲茶，坐得比較舒服點心也不錯，但係近排有些圓枱轉為四方形細枱，供給兩人之用。而不知是否任何食肆都一樣員工很少，想找人加水叫點心埋單也很難，蝦餃有舊式的味道，不會好像現在酒樓的只得蝦多，蝦餃皮也不會蒸到爛晒，燒賣和牛肉也不錯我最喜歡吃炸物，春卷炸雲吞炸蝦角，皮炸得很脆，也不會有油膩的感覺，尤其是炸蝦角味道很好這裏的雞包仔也很好味，我喜歡他內裏有很多姜，味道香濃也帶些甜味，叉燒包只覺普通福建炒飯用料上乘，有很大隻的帶子和蝦，感覺矜貴只是碗碟洗得不太乾淨，有些殘餘物，中上價錢的酒樓，我不接受碗碟污糟

The service here was super slow. It took them a really really really long time to bring out a new dish each time. The funny thing was that before all the dishes were served, the waitress already gave us a to-go box without being asked. 😓😓😓 It made me feel like that she wanted us to leave as soon as possible. The dishes were not that special or tasty really (I meant the chicken and the fish were kind of rough). With all things considered, it really wasn't worth the price. By the way, it also t

氣死人的等待.......45分鐘才上第一個菜，眼看食物放哂出來但無服務員有空上菜，催了才上第一個菜，發現原來遲了20分鐘落單，上完第一個菜再等，又一段時間，再下單，又等45分鐘，催了服務員說五分鐘就可以了，點知再等15分鐘，經理上菜一點都沒有說抱歉的說話，最後一個點心又溜了單吧，再等等等！無奈的等！

外面熱辣辣，天氣炎熱，最好就飲返碗冬瓜盅消消暑氣喇。問左潮庭有供應，兩個人就叫一個冬瓜盅同一碟潮式鹵水食下，結論係飲都飲飽！原隻鮑魚海鮮冬瓜盅（$298，4-6位用）：冇錯，呢個冬瓜盅嘅份量之多，足夠4-6位食，而我地兩個人努力食呀食，每人飲左約5碗湯！冬瓜盅用料都幾豐富，有細細粒鮑魚仔，瑤柱絲等等。鹵水雙拼（$168）：鵝片同墨魚，鵝片啖啖肉，墨魚彈牙但冇乜味，墊底嘅豆腐索晒味，寶物尋歸底！正！鹵水豬腳凍（$60）：呢個麻麻地，豬腳凍有啲漏，食唔晒呢！

二人同行半價真的很吸引，所以一放假我們大多去美心旗下有優惠的餐廳。今晩選擇去潮庭吃吃潮洲菜。我最喜歡吃潮洲粥，覺得與湯飯無異。我們點了倉魚片肉碎粥，份量很大，用料充足，每一口也吃到倉魚片和肉碎。湯喝光也不會有口渴的感覺。因為不叫白飯，所以叫魚片河代替。折扣後只需 $21，比外面的粉麵鋪更便宜。魚片和魚蛋很爽口，河粉也很滑。乳鴿皮炸得好脆，乳鴿肉嫩滑多汁。主角鴛鴦水晶包岀場，不是太甜，剛剛蒸起超好吃。而我就最喜歡吃這種煙煙韌韌的甜品。茶錢要$15一位，但是食物半價所以無所謂吧。很飽的一餐，但折扣後真的很掋食！

媽媽節的早晨梗係同娘親飲早茶，今日黎到沙田潮廷，貪佢唔洗好似隔離翠園等甘耐。媽媽節店內忙得不可開交，侍應都尚算有耐性，未至於黑口黑面，可以接受！點了蠔仔粥（吾娘總怕我唔夠飽，一坐低就要俾啲米氣我落肚）湯底濃郁，蠔仔鮮甜，唯一美中不足就係飯的比例略微多左啲，不合蠔粥應有水平！菠蘿叉燒包：菠蘿皮鬆、香，內餡叉燒juice 。蝦腸：正常水平，雪藏蝦配滑腸粉。韮菜粿：無得輸，潮式點心！煎得香脆，韮菜青嫩，正正斗馬拉糕，唔洗多說，看圖已知有幾正！蝦餃，控制火候剛剛好，juice 蝦餃久違了！總括而言，潮式粵式，當日食十幾樣點心，無一樣差，樣樣好味，唯一問題就是貴左啲平均40-50一個點心！

食物質素保持水準。公司對員工/顧客無承擔。星期日人多但無加人手。員工受罪，食客受罪。做服務行業提供不到服務但收費一樣，等於變相加價。店舖是否覺得少你一個無所謂我不知道。

到新城市廣場，去潮庭次數算比其他酒樓多，食物唔差之餘，最主要原因門口人潮無咁多，今日都唔例外，早上10時多到達，唔駛等就可安排到座位，1個人坐在窗邊2人枱，感覺不錯，枱與枱之間很接近，鄰座的閒話家常，全聽進耳內，反正一個人，當作解悶吧。可選擇鐵觀音，前菜選擇不要，因為一個人又唔肚餓，只叫了2個點心，等了約25分鐘，心想是否漏單，剛想追的時侯就上桌了:蝦餃--特點$43滿心期待，上枱賣相討好，熱騰騰的蝦餃脹卜卜，四粒大小均勻，入口蝦肉爽口鮮甜，沒有其他酒樓蝦餃的肥膩感，水準之作。鮮蝦腐皮卷--$38蝦肉充實了整條腐皮卷，足料的用心製作，但個人覺得皮可以更脆一點會更好吃。在此消磨了一個多小時，侍應也不會催促交枱，叫辣椒油不到5分鐘便拿到來，服務不錯。埋單$105.6，潮庭食物質素，環境和服務跟價錢是合理的。離開時，見有特價早茶和下午茶暫停字眼，那我的照片算是新春假期價目吧。