潮江春 (上水匯)

營業中

休息中

朋友邀請我去上水食飯慶祝生日，約定在新開幕的潮江春等。餐廳裝修都唔太差都幾華麗、樓底都幾高。朋友想食鹵水豆腐，所以點了一份，可惜鹵水未夠老身所以唔香、幸好豆腐夠滑。鮑魚雞球煲、賣相比起餐牌相有好大分別，幸好鮑魚好有咬口又有魚味，雞肉是新鮮雞所以雞味濃郁，配以蒜子及香葱入饌、味道好好。潮州烏㰖蒸寶石魚、寶石魚肉質肥美、是本地養殖魚之一，含有豐富奧米加脂肪酸、配以烏欖碎、豉油及豆腐、烏㰖有小小酸澀味混和豉油及豆腐一起食用、加重了魚味！青㰖螺頭燉豬𦟌湯，湯清淡冇油，帶有小小豬肉及螺頭鮮味、但自己飲唔到青㰖味道！食了一粒靑欖、味道偏鹹都幾好味。臘味煲仔飯，飯煲得好好味、夠乾身又香口！臘腸、膶腸、臘鴨、臘肉一點也不肥膩又唔鹹。足足食了兩大碗飯才擺休！雖然今晚沒有完全點了很多潮州餸、但沒有想過在上水的潮江春都可以煮出美味的廣東味道！今晚十分滿足！唯獨是有一兩個服務員服務態度差、影響了整體氣氛！

星期日，最好既節目係一家人去飲下茶，休息下今次我地去左潮江春餐廳環境幾好，坐得都舒服，但服務唔好，叫極都唔加水唔收野我地食左叉燒腸，腸皮夠滑，叉燒又唔會好肥好硬，都幾好味蝦餃都好大粒，而且蝦肉又多咸水角，皮好厚芋角，夠香脆，芋頭味都好香濃珍珠雞入面既料好肥總結，點心一般，服務差

老媽子朋友說: 果間「潮江春」好好食架，得閒去試下啦! 但伏線從此埋下 午市點心選擇不多，都是點了較大路的點心。先來的是菠蘿叉燒包&蒸牛肉腸粉。菠蘿叉燒包賣相不錯，幾特別。但一試便知道又是「好睇唔好食」的東西，首先這個包分為酥皮、包、叉燒(叉燒醬)三個部份，最難得之是食下去便知道這三個部份是完全沒有關連，完全唔夾，沒有任何配合。而且來到的時候已涼掉，的確失望。最後叉燒與叉燒醬佔的比例極少，真的是「慳得就慳」蒸牛肉腸粉質感極差，三條「痴」埋一齊，仲帶有「粉糊」的感覺，失敗中的失敗醬汁蒸鳳爪看起來真的不錯。但又是中伏之作，整個醬汁只有豉油的少許鹹味，沒有甜和辣味，非常清淡啊確是有點驚嚇竟然連鳳爪都可以甘差勁。「山竹牛肉球」一看便知道不及格，這是一個粗糙的球體啊，完全沒有那種嫩滑的感覺。雖然加上喼汁後味道比一般的差了一點點，但真的差本來以為潮江春食潮洲粉果應該幾穩陣，但原來又錯了粉果的外皮有點厚，而且粉粉的，食下去有點「漿」住個口。但味道只是與一般潮洲粉果相若牛栢葉份量不少，但有時真系應該重質不重量。味道相當清淡，個人認為較適合著重健康的人食因為只有少許薑絲的味道failfail

美心集團旗下嘅潮江春我係第一次去食 , 佢嘅感覺俾我一個好似好高級但事實只係比較接近高檔嘅酒樓 , 佢嘅裝修好似一間西式嘅cafe (應該話好典雅但又唔係華麗到好似酒店咁)。呢間分店並唔算好大 , 但又唔會細到枱與枱之間好近 , 都算坐得好舒服。紅棗千層糕:夠煙靭而且唔太甜食多唔會話好'濟'糖醋麵:第一次食所以唔知點講好不過幾好食芋蓉包:夠香而且唔太甜芋絲春卷:食落感覺似咖哩咸水角 , 唔算好咸咖啡糕:好香好重咖啡味 , 用筷子'督'住都唔會散哂瑤柱蛋白炒飯:唔太油啲瑤柱好多啲飯粒粒分明會再嚟 , 因為環境同裝修我都好鐘意。

見間野新開入左去試，之前食佢分店都唔錯，自然對間野有期望，味道其實係唔差，但個人覺得食物唔夠熱，同埋侍應態度好一般，上菜求其D囉，即係放低就算又唔理有冇撞到客人既碗碟，倒瀉醬汁又唔知，不過佢提供西瓜汁比我飲已經將功補過嫁啦! 總括而言啦，係上水唔知食咩入去食下都不失為好選擇既。講下D食物啦佢野食啲汁夠正夠熱又夠多，梅菜扣肉係真係要大大力推薦既！口感真係非筆墨可以形容，完全唔會好似出面個D咁整到好油膩，唔洗搵飯送都食得落。另外佢有D潮州打冷既菜式，佢既風味絕對唔會輸比街邊個D打冷鋪，我會形容佢做"高檔打冷"，真係好好食，佢既款式都幾多，下次會去再試下其他菜，而佢既炸小黃魚都係唔提唔得，所謂"小"黃魚條魚其實真係好大條，但個皮炸得好香好正，同時D魚肉又KEEP到好香滑似蒸魚，我一個人可以食2條，飽過食飯。但有一樣野要提，間野話明係"高檔打冷" ，價錢真係中上既，平均一個菜一個小食都講緊$100左右，而且等位都要等幾耐下，不過都算物有所值。