潮江春 (上水匯)

營業中

休息中

潮江春除咗價錢較高外，都冇咩唔好。點心好食，我平日去通常食芋角，明蝦角，鮮竹卷，紫薯煎餅（各個名可能有偏差，自己去睇返menu），另外個沙茶醬牛肉河，濃味亦好味，蠔仔湯飯亦好味，諗起都想食。茶就唔少得，以前我好鍾意帶個壺去裝茶，而家唔想飲太多所以冇帶，鐵觀音好香，而家就飲壽眉多，大家都盡量叫壽眉，因為普洱其實對人唔好，因為係紅茶。佢哋服務都ok，冇話叫人唔理你，我成日添好多水，都好幫手。另外，晚市有咁環境，叫餸都唔算貴，有100蚊以內嘅餸可以叫，酒樓嚟講，價錢合理。

爺爺今日請食飯，平時都只係喺度飲早茶或者飲下午茶，未試過喺度食晚飯，於是就揀咗喺呢度食晚飯啦！今日人都多，唔使排隊，直接入去就得啦！ 一入去，整體環境乾淨整齊，侍應嘅服務態度感覺良好。一坐低，就見到有餐前小食，酸酸甜甜幾開胃，我好中意食我哋有六大一小，於是叫咗一個六人套餐，再加多三個餸菜及三個白飯，雖然每碟餸嘅份量都唔係好多，但都足夠填飽個肚.....如果位於上水區黎講，食物的味道都唔錯，係好食的一間，但價錢就有少少貴，如果係慶祝一啲喜慶事，呢度都係一個唔錯嘅選擇。煎蠔格 ：豪仔蛋炸到金黃色，賣相好好，蛋漿邊位非常脆口，食落口，淡淡都係蠔仔，但如果能夠有蛋嘅香味會更加好...滷水拼盤：味道一般，無咩特別，但食得出師傅的炸物的技巧好好，炸得好脆，唔會炸到過咗火候到時啲食物過硬變得唔好食我幾鍾意食呢一個，奶奶話呢個係新年係新年必食嘅，好香芋頭嘅味道，再加少少肉碎，但小朋友就唔係咁鍾意芋茸香酥鴨：呢好好食，由於一碟只有五個，所以我同老公一人一半，咬落去，就感覺到入口外酥里軟，好香芋頭香味，好想再食走地土家雞(半隻）：無咩特別，同係普通雞杏汁豬肺湯：飲既第一啖有微微杏仁味道，但唔係好強烈，味道

舊同事聚餐，最喜歡去酒樓食中餐因為全部人都岩食，又坐得舒服，可以邊食邊講下近況今次人唔算好多，叫左半圍 再加幾個餸花姿片份量比想像中少，西蘭花得幾舊，但就幾大舊調味唔錯，令到花姿夠味之餘又唔會太油太咸花姿口感唔錯唔會煮得過火太韌魚湯沙巴躉魚湯熬得好濃郁豐厚，睇得出好足料而且熬左好耐配料好多，令味道幾豐富蕃茄幾鮮甜、湯巴躉都幾滑，唔會好柴蝦仁蛋餅呢個意料之外地好食蛋餅應該半煎炸所以好香，但食落唔會好油蛋味好香，又有油炸過既香味，幾惹味開胃蝦正常，尚算彈牙調味剛好，微咸，令人不自覺食唔停口鮑魚扣花菇鮑魚都算大隻，唔錯既，味道都滷得入味，唔會死咸仲保留到鮑魚既鮮味，咬落口幾軟腍個汁唔會太稠 一patpat咁，加落生菜令味道增加層次，生菜都幾爽口新鮮，花菇正常，都有菇味炒翡翠苗個人麻麻呢隻菜因爲覺得佢有臭青味但佢調味偏重所以都蓋左啲臭青味雜菌走過油咬菇好香，配埋佢咸濃既調味令雜菌增加味道其他仲左幾款食物最後跟餐有紫薯水間包有三個紫薯三個奶黃個人好鐘意水間球呢度堂韌既皮紫薯餡做得幾好，唔好太乾，又唔會太甜而且好足料，爆餡咁滯

下午差唔多3點去到，已經無人招呼無人帶位，要自己去搵位坐，叫個阿姐俾兩套碗筷開壺茶，個阿姐話佢唔係睇呢邊，唔肯開位同開茶，算～～～跟住自己搵位坐個阿姐又話呢邊唔坐得又要轉位之後要坐最邊邊嘅位，坐坐下突然間有個男經理走埋黎話要開後面個櫃，又要企起身俾佢開，佢仲整跌左我媽咪個袋，對唔住都唔講聲，呢啲叫經理？？呢啲真係咩服務態度？！收人地咁嘅價錢，俾呢啲service?! 總言之一個字，差，差，差！！！唔會再幫襯！！！

每個星期日都要係上水搵野食今日決定 飲茶！去到潮江春帶位帶錯晒坐定定之後 另外既小二同番我地講坐錯位又要調坐岩位 拿拿臨叫野食最後7個人叫左 26籠野一開始上左啲炸野先有個 芝士炸芋角芝士係芋角中間 幾特別既一定要襯熱食不過都係傳統芋角好味啲炸魷魚鬚 都幾大碟不過無乜味Xo醬蘿蔔糕 都幾失望佢係炸蘿蔔糕 但完全係無xo醬而滷水鵝 好入味 但份量少左啲下面啲豆腐仲多過鵝黑糖馬拉糕 真係好香黑糖味好推介總結黎講 係唔錯既以後唔去富臨！去潮江春！

星期六假期經過上水,但上水廣場太多人,轉移到上水滙,人少好多,今次去食潮州嘢,叫咗潮州點心,未試過嘅潮州炸油粿,原來入面係花生芝麻餡,仲有傅統嘅潮州粉果,鵝肉薑蔥撈麵,加上豉汁鳳爪,可惜欠特色潮州茶,酒樓一般人只飲普洱,香片,少食多滋味😀

聖誕前後，跟朋友聚腳的機會超多，吃到肚子都快要不行了。今天跟朋友來吃中菜，又任性地點了一些肥膩菜式，一於食完先減！上湯龍蝦伊麵龍蝦走油炸得好香口，份量比較細碟，三人吃謹謹夠。炸蠔餅吃潮洲野，不能不點蠔餅。 這蠍仔蛋炸得很香，蠔仔份量很充足，我們三人分享份量有點多，不過吃得很滿足！點了兩樣肥膩食物，當然至少耍回一樣清淡的菜式。於是點了這道粉絲蝦米雜菜煲，清清淡淡不錯。

潮江春位於上水滙商場，搭電梯就可以到，唔駛排隊就可以到達。星期日通常等一陣就會有位。雪白的檯布，配閃亮的茶具格調立即提升。今日係假日，所以收費以是正價時段計算。茶位每位$14，前菜費每碟$16。蜜汁叉燒腸（大）（$34）最欣賞這裡的即拉腸粉，皮又薄又滑，透出美味的蜜汁叉燒。豉汁蒸排骨（大）（$34）今天的排骨啖啖肉得來偏肥，少食多滋味。原籠馬拉糕 （中）（$30）熱騰騰的原籠馬拉糕，極度鬆軟，味道不會過甜，質感結實。蜆蚧鯪魚球 （大）（$34）炸到香脆的鯪魚球配咸香的蜆蚧醬，滋味十分。黃金炸饅頭（中）（$30）新鮮炸饅頭，點忍得手，外層炸到脆卜卜，配埋甜甜的煉奶，一絕。

食極都唔厭嘅飲茶，經常都會同家人來呢度飲茶，已經成為週末必到地點。計埋計埋應該都食超過3、40次，不誇張雖然呢度好似都係美心集團旗下嘅餐廳，但係我覺得呢個品牌打造得非常之好，係政治版嘅飲茶，從餐具已經睇得出心思，全部都係好精緻同埋乾淨嘅餐具。推薦我成日食嘅鵝肉炒飯比大家，成個飯都好香好香，飯粒粒粒分明，鵝肉都好入味好食！仲有啲菜粒增加爽口感鳳爪去到邊都係必點～香煎蘿蔔糕都係唔錯嘅選擇，因為有啲茶樓會濺到好濕，變成一pat pat咁樣，但係朝江春呢個係乾爽嘅同埋有少少脆！腸粉都係唔錯～總括來講，呢度飲茶算係幾高質，好多點心都幾唔錯，有啲仲有啲潮州嘅特色，呼應返潮江春呢個名因為餐廳嘅質素唔錯，所以茶客都好多，有時都需要排下隊，但係又因為有電子飛，我哋又住得算近，所以都唔係一個問題～

带着不愿走远路的2老顺着商场电梯来的，进门不用等位～仗着银行卡新入人工的自豪一口气点了13份粮食，本以为点了虾饺🦐🥟蟹黄烧卖🦀️豉汁凤爪🐔奶黄流沙包糯米包🥠煎藕饼咖啡糕🍮牛柳粒🥩煎蚝烙普宁炸豆腐沙茶牛河🐂就可以给2老献殷勤展示自己能自食其力，结果还是被嫌弃不如地铁站40➕的快餐～总体感觉还行，算上加一服务费总体价格并不实惠。一桌菜印象最深的还是牛柳粒和牛河，点心则是奶黄流沙包，可能是我不会点菜miss了一些厨师招牌菜式点心吧，整体感觉和其他店差别不大

星期六，都一定會同媽媽飲茶，上水區酒樓，我最鐘意去潮江春飲茶，價錢唔算貴，質素有保證，餐廳裝潢優雅簡約，坐得舒適。星期六午茶不用等位，侍應好快安排入座。來到一定要點燒賣，燒賣大大粒，肉質鮮美原籠馬拉糕馬拉糕好軟熟，鬆軟～～～蒜片牛仔粒香滑軟嫩的牛仔粒，加上香脆的蒜片，非常美味。金不換沙律海皇卷炸得好香脆，配上沙律醬，味道不錯。擂沙煎堆仔有好多芝麻，餡料太甜，不太油膩。荷塘煎藕餅煎得香口，蓮藕爽口。

約中午到潮江春排隊飲茶，排了約半小時入內。飲中午茶來說，價錢算貴，茶價HKD 14一位環境好大，坐得好舒服，傾計好地方。最好食都是大蝦腐皮卷：腐皮煎得香最脆，大蝦彈牙，大點 HKD 34。黑松靈淮山蒸素餃 （大點）HKD 34。內有粟米，紅蘿蔔。 粟米唔甜，紅蘿蔔沒味 ，雖有口感，但味道有點淡 ，有待改善。潮洲蒸粉果： 有口感，味道OK, 豬肉新鮮入味，花生淋。大點 HKD34。煎蘿蔔糕：味道一般，少蘿蔔絲，有臘腸味道，煎得金黃, 中點HKD 30。家鄉特色炒麵線： HKD 60 最覺得點錯的食物，完全是胡椒味 ，麵線雖炒得爽，但略欠有點油。

身為上水人食過好多次啦，雖然比起其他酒樓價錢都稍為偏貴，但勝在食物質素不錯，所以keep住有幫襯，而且又可用apps等位，非常好方便啦！今次去著左條深藍色棉質裙，同朋友傾傾下計，望到自己胸前，咦勁多廁紙碎，以前自己食野唔小心，點知朋友都係咁，原來係張白紙台布上面痴滿晒廁紙碎，一定係送洗時夾集住啦！搞到好狼狽，好醜怪，明明出門口之前喺屋企用除塵碌碌過希望可以改善下啦！！！因為冬天有咁多人著深色衣物！

因為有屋企人住上水，喺上水匯嘅潮江春，由佢開張到依家都會幫襯。呢排突然間做特價，星期一至五下午茶時段做特價，大、中、小點都係$18。第一次做呢個優惠，不過就唔知做幾耐，可能係期間限定。長期都咁多客都竟然會做減價，良心食店??我推介三款大點點心，抵啲丫嘛!黑椒金錢肚(大點)，金錢肚好入味，仲好腍，份量都幾多。減左價仲比平日大份左!下面係蘿白。沙律明蝦角(大點)，三大隻炸蝦角，入面仲有幾隻蝦，好爽口。芝士蜂巢芋角(大點)，好少酒樓有芋角食，呢度就有喇。入面芋蓉、肉粒同好多芝士，好正

假日同屋企人飲茶，間間都人山人海。上水滙呢間潮江春，侍應人手唔夠，做唔切。已經用手機攞飛，都等左好耐位先可以入坐。茶位$13、煎菜$15/碟、小點$19，中點$29、大點$33、特點$36。雖然係集團，但間間分店啲野食同價錢都唔係統一既。香煎韭菜粿$29，煎得脆皮，但極油膩，好似油浸咁。食完成個碟都係一滴滴油，好恐怖。煎蝦米腸粉$29，都幾大碟，煎得都唔錯。食食下先記得影相。叫點心姐姐一陣黎開俾多碟醬我，佢話好，一去冇回頭。沙律明蝦角$33，好大隻，又香又脆，裏面全部都係蝦，好滿足。芝士蜂巢芋角$33，而家好少酒樓有做，就連好多間潮江春分店都冇呢款點心。係咪工序好繁複呢?芋蓉香滑，芝士流心，正仲有個晶瑩鮮蝦餃$36，蝦都幾大隻，爽口彈牙。五個點心，兩個人二百幾蚊，唔貴既，只不過真係等得太耐。人手唔夠，執枱執唔切、冇人開茶、冇人加水、冇人收點心紙。