潮滙館 (已結業)

早兩日心血來潮想食潮州野, 本來想落九龍城, 但朋友話對上一次去食得唔太開心, 咁冇計, 即刻上openrice睇下仲有冇邊度有水準既潮州菜啦, 發現呢間潮滙館新開冇耐, 見D食評都唔太差, 好!就去試下龍與鳳啦……揸車沿住openrice個地圖去, 都兜左一陣, 哦!原來就0係大中華條街, 門口仲好光猛tim, 最抵死門口可以泊到車。可能新開既關係, 地方都幾企理, 牆身用左舊街景做牆紙, 邊度黎呢??香港?澳門?廣州?就0係我地疑惑之際, 店員走過黎同我地講係汕頭黎既, 係wow, 潮州菜丫麻, 梗係用潮州景啦。一行五人點左五餸一湯鵝肝拼鵝片豉椒鮮鵝腸普寧炸豆腐潮陽梅羔骨春菜火腩煲咸檸檸燉鴨湯鵝肝拼鵝片鵝肝入口鬆軟, 散發出濃烈既鹵水香味,冇根, 好好味, 老實講, 終於知道咩叫齒夾留香, 到而家都仲掛住果種味道。鵝片火喉0岩岩好, 唔老, 肥廋適中, 鹵水香純。豉椒鮮鵝腸原本對呢樣餸麻麻地, 因為出街食親都係用左好多梘水去腌制, 令佢爽口, 大條d,但咁樣會令到佢本身鮮味都冇埋, 不過店員介紹話佢地絕對用新鮮鵝腸, 而且冇加任何TIM加濟, 為保持鮮味咁話wow….好!又試下你先

老公剛好在附近上training. 本來想去大中華食. 點知勁多人.又要等位.. 都係唔食大中華了. 剛好從另一邊來佳寶隔來有一間好像食潮州野的餐廳. 都好多人. 但我想應該有位架.就同老公提議不如去個度食. 好好彩. 入去等人執好枱就可以食了. 比起大中華呢度可以有電視看. 岩我呢d 電視餸飯的師奶. 呵呵呢個係荔芋鴨. 呢個好脆口. 點d唔知咩汁好好味.本來想食花甲, 聖子.點知冇.店長推介了呢個. 呢個都唔知係咩. 忘了叫咩名. 我上網看人地說呢個好似叫薄殼. 潮州獨有. 呢個好野味. d肉好鮮. 沒有個d 泥味臭味.呢個係蠔仔粥.基本上去親潮州鋪都一定會叫. 我覺得潮州鋪呢個可以看出呢間野好唔好味. 蠔仔好大粒. 而且肥瘦肉適中. 木魚好好味. 我老公自己有叫個白飯. 而我也差不多自己一個食哂成煲..難怪愈來愈胖..老水併盤. 老水汁好好味. 鵝肉好入味. 墨魚片有咬口.不過點解冇墨魚鬚給呢......呢餐食到我同我老公都好飽.. 下次都會再來幫襯.

那天跟朋友路過長沙灣聯邦附近,瞄到有家新開潮洲菜館, 見到玻璃窗內D鹵水鵝, 就忽然個肚餓餓地想走入去試吓~就快快點左幾個菜, 是鵝片, 鵝肝,仲有煎蠔餅及小炒, 一食! 出乎之料之外的....好讚!鵝肝好甘香好滑, 之後系咁狂食,好彩D份量都吾算太少,鵝片都好好味,好正中,賣相都幾吸引~再來就是蠔餅, 料好足, 我中意佢吾會好多粉, 而且蠔仔都幾多! 小炒水準都不俗, 勝在料多, 味道都ok~而且錢價都好底, 我們4個人, 平均每人都吾洗100蚊, 如果潮州菜中佢都算低食 , 有機會不防去試吓

有朋友推介, 就約埋d fd 去試試看, 果然價錢大眾化但亦不失水準 :鵝肝 : 入口甘香軟滑, 口感十足,有驚喜~ 想起也會想再吃.鵝片 : 很正中的潮式鵝片, 入口鬆化, 好入味! 小炒 : 賣相十足, 很足料, 蝦乾很鮮味, 腰果很脆口, 味道很鮮香~半煎煮 : 烏頭魚外皮帶點脆口, 內裡魚肉鮮嫩清甜, 配上那個半湯汁, 味道洽到好處~衛生環境也ok, 下次我一定會再去, 好想試試那個方魚肉碎 / 蠔仔粥 今次沒能吃到, 是有點可惜!

尋晚去長沙灣搵班朋友聚舊,行過長沙灣福榮街,見到有間門面好鬼光猛食潮州嘢嘅舗頭,見好似新開張未入去試下籮,我地一行6個人,個侍應幫我地點左8樣嘢,有鵝肝呀,鵝脹呀,魚呀.........(因為我對內臟無咩特別興趣),第一牒鵝脹嚟勒,我無諗住起快,但系我見到我啲fd食到眼都大埋!!我心知不妙喇!!拿拿聲即刻起快試下先!喂!咩事呀?鵝脹有咁好食嘅咩?真系咁大個仔都未試過咁好食嘅鵝脹!第二碟鵝肝上枱,呢次我系用音速夾嚟食嘅^^,嘩!!!想點呀?簡直可以比美法國鵝肝呀!!又一讚,跟住其他嘢食都有超水準嘅味道,仲有個好似叫普寧豆腐,都系超超好味!最後成班朋友再約下星期再食過,實在太好味喇!!!咪住!!仲有條烏頭都要讚!無泥味!!一個字!正!!

I was with a few friends in cheung sha wan area and was just randomly looking for some place to eat and one of my friend lives in the area and highly recommend this restaurant. Honestly Im not such a big fan of chiu chow food but after I tried I really change my mind about it. The food really is shockingly good! One of the must-try dishes: chinese style goose liver, goose intestines, po lin tofu, some chiu chow style fried fish. The price is very reasonable(around $100 per head). I will definit

平時好少去到呢區, 吾知附近有咩好食, 朋友極力推介大中華, 點知門口好多人等位, 但我又好肚餓, 好吾想等位既時候, 發現對面仲有間野燈光火著, 好奇心驅使下就過去 8 下, 發現左間潮州菜, 招牌仲封住紅紙, 但裝修好特別, 入面坐左好多人, 望下望下就有人衝出黎話有客埋緊單, 於是我地就入左去試食 , 聽侍應推介叫左鹵水鵝肝,餓片 , 普寧豆腐及數個小炒, 小炒味道不錯 本人極力推介普寧豆腐, 鹵水比上環那間潮州菜 (忘記了名字)還好味, 加上白粥一碗, 十分滿足 如果吾係個肚無哂位, 真想試埋個反沙艼.... 整體感覺不錯, 值得再試 qq