潮發粥麵茶餐廳

營業中

休息中

一坐底就問我地食咩！唔洗睇餐牌咩？叫咖哩牛腩飯，條阿姐話無咖喱！咁我就話牛腩飯啦！條阿姐就問我地叫得未！咪講左牛腩飯囉！水又要五蚊杯！下次黎尖沙咀飯，都唔會再黎呢間囉！😡😡😡

其實野食正常，價錢係尖沙咀黎講都算正常。但佢地既服務態度真係令人極深刻：未坐底就問你食咩、食到差不多就開始望住你，支可樂飲完唔夠兩秒即收走。完全感受到香港人既超光速效率呀！

忽然很想吃韭菜餃...結果叫了韭菜餃拼菜心湯飯。韭菜餃很飽滿，脹卜卜的，餃皮又薄又滑，裡面有很多韭菜，還有蔥，有陣蔥香還有韭菜的香。菜心很粗，但都夠腍。湯飯的飯就一般吧，有一團飯黏在一起。總括來說，味道就很不錯，不過貴了點。似是專做遊客生意。

今日下午我們去咗尖沙咀樂道嘅「潮發粥麵餐廳」食下午茶！我們叫咗雲吞麵嘅雲吞皮好薄身，咬開之後見到原來有3隻蝦肉咁多，肉質好爽甜彈牙！牛丸粗麵嘅牛丸有5粒，雲吞同墨魚丸都係得4粒，牛丸相當鮮味彈牙，粗麵嘅麵質好煙韌彈牙！墨魚丸米粉嘅墨魚丸非常爽脆彈牙，咬落有切成粒粒嘅墨魚肉，令到口感更加豐富！

Service was quick and waiters were curteous. Can't complain for the price. Will definitely come back.

5月16日在尖沙咀國際廣場睇完5:30，就和朋友行經樂道去找地方食嘢。經過路上看到一間粉麵飯店。伙記招手說有新招牌菜，就進內試試有咩好吃的。伙記介紹新加入的咖喱牛腩及咖喱雞飯。和友人各叫了一碟茄喱牛腩飯，一食之下驚覺茄喱很香濃及可以美味，牛腩又夠入味……細問老闆原來咖喱原來是經師父特別配方，內還加了紅蘿白及薯仔。在尖沙咀若想就腳也是很好的選擇……

牛筋雲吞麵走蔥，本想叫牛膀，但原來無牛雜賣，只有牛肚。柱侯牛筋爽口彈彈的，柱侯醬既味道已深深刻係牛筋之中，每一口都散發濃郁而清香味道，堅好味！雖然我較愛棉滑黏口牛筋。雲吞勁大粒，餡料滿到爆開，我緊緊一啖啪到入口乍。大路蝦爽無過咸無特別，中規中矩。辣椒油唔錯，接近中辣程度又夠晒香。飲頭啖湯時腩汁清香無比，非常可口。非爽口麵條夾住靚湯衝入口，美味美味！食完晒所有食物後再飲啖湯，湯變得強烈鹼水味而黏口，放棄。突然發現所有食客只得我一個香港人，其他都係大陸自由行。隔離枱外值男女在埋怨價錢勁貴，我碗雙併都 $45，真係物價騰貴，最衰都係天價鋪租，小市民都要捱貴野啦！放工急趕去尖沙咀剪頭髮再落旺角打拳，誰知落狗屎又氣溫突降凍冰冰，即時咩心情都無晒！唔打拳喇，直接剪完頭髮返大埔飲酒啦！凍冰冰即刻想食碗熱騰騰既湯麵，巧合地行錯路經 sogo 上到地面見到麵店有位就衝入去啦。潮發？個名似層相識，上網一查，原來以前係漢口道我最愛既牛筋腩，好好味架呢！即時勾起好多畫面、回憶、舊朋友。

連最基本魚旦粉都可以難食到。。。非筆墨可以形容。只能夠用表情去表達，友人面色越食越難睇 ，結果未食完就放棄，停筷了。至於我我牛腩撈粗還可以入口，不過這不是清湯腩，而是有大量腩汁的柱侯牛腩。兩碗咁嘅野加杯凍檸茶，盛惠一百大元。。。貴得離譜。無下次！

又一奸良心食肆，最少半百一碗粥。豬潤粥，一般粥良好不過豬潤少，豬潤並不出色。雞絲粥，一般粥良好不過雞絲少，雞絲並不好食。牛肉粥，一般粥良好不過牛肉少，牛肉並不鮮甜。鮮蝦水餃， 蝦細水餃皮厚，不爽口不好食。牛腩河，牛腩帶騷河粉一般。淨魚蛋魚片，得十五片魚肉狀物體，一舊水。油炸鬼，一般一般真不知道爲何特別貴。加上賣相差服務差，又一奸不想做本地人生意的店。

看到蘋果日報的報導，想起一個月還未搬辦公室前的一個早上，誤打誤撞的走進這間粥麵店。心想以為應該像鄰近幾家店都有早餐供應......怎知.....是沒有的......然後看著牆上的餐牌，連最基本的粥都要最少四十元。當時己被一位冇乜禮貌的店員截住，走不是，不走又不知叫甚麼。那麼，就叫了一個雞絲豬膶粥。對方再問，要油炸鬼嗎﹖胡亂的叫了。最後埋單接近六十元，帶著那碗粥和油炸鬼回辦公室吃。粥底算是綿的，豬潤和雞絲數量不多，但那味道給我的感覺，肯定下了味精。至於油炸鬼﹖ 肯定是交回來的，不夠熱亦不夠脆。我不敢告訴同事用了差不多六十元吃了這一餐.......明顯中伏，擺明劏客加態度差劣的店，絕無下次。

與友人吃過下午茶以後，便與友人分道揚鏢，在下就前往紅磡海隧附近接在下的女友。接過女友後，便向尖沙咀行。行經尖東，已經開始有燈飾佈置。不過女友說有點肚餓，於是先行找間食肆醫肚。咱們來到樂道，先看看澳門茶餐廳有甚麼吃，但是女友卻不想在這裡用餐，於是行到潮發粥麵，就說想吃粥，咱們便進入這食店。女友一向喜歡吃牛肉粥，於是叫了一碗，而在下則叫了碗鮮蝦水餃河和一杯凍菜蜜。不消一會，粥與麵端上，牛肉粥看似很綿，跟著女友便舀了碗給在下，在下吃過後，就不如在下看到的綿，有點稀，而牛肉不是碎牛而是滑牛，牛肉本身未算很滑。在下的鮮蝦水餃河味道一般，水餃中使用了胡椒粉，使在下吃到頗重的胡椒味道，而且水餃不夠爽。尚若蝦仁是新鮮的話，無須使用胡椒粉去蓋過鮮蝦味道的，至於河粉，都尚算滑溜。整體而言，食物並非理想，有點難吃，而服務則未如理想。

經過樂道，唔係咁肚餓入咗呢間叫潮發嘅麵店，睇咗一輪餐牌，見啲嘢食都唔平，一碗麵揀兩種餸要＄４０，最終叫咗一碗牛腩麵$３０，麵冇乜梘水味，牛腩入味，唔靭，仲有一、兩舊細細嘅牛根，亦係好夠淋，唔錯。食食吓之際周圍望吓牆上啲介紹，見到我嘅至愛酸菜，但要$20一碟，仲要惠顧任何粉麵至可以叫，心諗一碟配菜夠膽收人咁貴，就即管睇吓係咪真係咁巴閉。辣酸菜上枱，細細嘅一碟，有少少水浸住，唔會乾爭爭，似係有落過功夫，唔係就咁'畢"啲酸菜上碟就收人廿蚊。酸菜上面有啲蔥，入面混有辣椒段，有啲啲嘅蒜粒，有零零碎碎十數粒嘅肥豬肉碎。放入口嘞，WHAO！ 好食喎，啲酸菜口感爽脆，個味酸中帶甜（最怕一味得個酸字嘅酸菜），之後辣味開始刺激味蕾，再嚟就會食到啲蒜喺度整古做怪，整體食落有層次，「酸」搶唔到「甜」，「甜」又唔會中和哂啲「辣」，味道攞到個平衡，雖然食到尾聲已經辣到標哂汗，但絕對唔係食辣椒嗰隻死辣。只會愈食愈想食，好味，絕對會再食！推介俾所有鍾意食餐前酸菜呀、酸青瓜呀、泡菜呀、酸蘿蔔呀、西餐嘅pickle呀、炸菜呀、菜圃之類醃菜嘅人。但記得帶紙巾抺汗

在初三的下午路經尖沙咀區，見有丁點肚餓，就隨便入了「潮發」醫肚。記得上次來吃過「古法鹹雞」，食味一般價錢又唔平，鄙人還是沒有吸取教訓。。。點了一碗「牛肚牛腩河」，大家估估價錢是多少？答案：$45，跟熱飲要再加 $8，實在是貴得離譜！而且不論賣相與味道，也不覺它有任何地方可以「升呢」賣 $45，就算是過年加價也不要如此過份，拜託！若不是已下了單，鄙人一早就揮袖而去。看見淨魚旦湯、淨雲呑之類也要賣 $99 一份，以為自己眼花。投胎做牛什雲呑，也要懂得選區分啊。 絕對相信它是專做遊客生意！

小時候愛吃外婆弄的「鹹雞肉什菜沙律」。將雞脾用鹽略醃，隔水蒸熟，起肉拆絲，再將之放在薯仔紅蘿蔔沙律上，放學時打開雪柜，最愛吃。是日路過尖沙咀樂道，看到「潮發」門口的海報「必試推介 ﹣ 古法咸雞飯」，不其然吸引了本少爺的目光注視。賣＄36，就來一客試試，看看會否尋回丁點童年回憶。怎麼說呢。。。它的味道就像鹹一點得白切雞，肉身較乾，要仔細吃才吃得出分別。雞肉小鹹，但蔥油卻是大鹹，不見得是「必試」。當然，也與小時候吃到的鹹雞味道不一樣。是我想多了吧？！

很久之前吃過這裡的原汁牛腩飯，印象深刻。可能是那時是冬天之故，腩飯感覺份外溫暖。今天路經附近，想起食，不其然想到這裡，好想食過返尋味。單叫一客牛腩飯。牛腩鬆軟得來又有咬勁，只有新鮮的肉才有這樣的肉質。入味，表裡一致，醬汁滲透腩塊，味道均勻。濃而不鹹，吃著不點飲品也行。花椒、八角很足料，入口肉味香料味好夾，還帶點甘香，仔細看，原來加了陳皮。飯，固然沒有甚麼可以斟酌。但十分重要，你可以叫粉麪，不過，最好配飯。