潮盛館

營業中

休息中

【黃大仙區】【潮盛館】同春哥做嘢之後搵地方食飯，佢比較少嚟新蒲崗呢頭食嘢，冇乜諗頭之下是但揀咗呢間路口位嘅潮州嘢嚟試。佢試 $68 嘅「潮盛招牌三寶飯」，由於我哋係兩點半後入座，所以減咗十蚊。有鵝肉、鵝肝、鵝腸嘅配搭，仲有鹵蛋，咁嘅價錢食到呢個味道幾抵。我就試 $118 嘅「醉香三寶飯」，都係減咗十蚊嘅價錢嚟，我呢份就有鵝肝、墨魚、雞髀，好正呀，加 $5 轉「米粉」先驚喜，湯底係雞湯底嚟，好好飲，估佢唔到。跟住我哋都試咗啲小食，先試 $53 嘅「砂薑豬手」，幾大碟，沙薑味又夠香，係唔錯嘅。之後試埋 $47 嘅「藤椒魚皮」，佢哋切得比較細塊，一啖一件，好食，一件駁一件咁食，相當邪惡。我哋都加 $3 要凍飲，佢哋嘅「凍檸茶」同「凍奶茶」都係正常茶餐廳水準，唔錯。咁食法埋單先 $297，抵，原來佢哋啲下午茶都勁平，用嚟做飯堂一流呀。。。（地址：新蒲崗寧遠街3-23號越秀廣場地下G25-G27號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

新蒲崗潮食之選，粉麵飯以外仲有潮州手工菜，係真係超精緻既手工菜!方魚肉碎粥以方魚乾做湯底，加入蚵仔，米飯無油少鹽，每一口也是純純的方魚香味超好吃的！ 冬天吃一大碗，肚子暖暖飽飽的也不會胖！正宗潮汕風味!脆炸牛奶卷外皮黃金酥脆，內餡是濃郁的牛奶香氣。入口酥脆，層次感十足，而且不會太油膩。香脆而甜度適中 一口一口，回味無窮!椒鹽竹炭豆腐雖然外表像黑炭那樣, 不過吃起來比普通的豆腐來得更香!上面灑上矜貴的金箔和蒜蓉粒，簡單卻堪稱經典。

朋友話想試呢間，所以就來試下。百花雞叫半隻已經好大份，第一次試百花雞，覺得幾好，鵝肝都好好食，鵝件墨魚都幾好，蠔仔粥都唔錯。個人最中意百花雞。鵝片買哂，下次有機會都想試下鵝片。

📍潮盛招牌三寶飯三寶飯有鵝肉、鵝肝同鵝腸，整體黎講十分足料，內臟位都清潔得乾淨，唔錯👍🏻📍滷水鵝片飯拼墨魚鵝片既量比一般坊間都多亦夠入味，墨魚🦑好似平面食一串串既味道👅📍脆炸牛奶卷🥛麵包包住牛奶攞去炸，外脆內軟，甜甜哋仲有少少牛奶味，唔會好油膩，十分滿意呢個飯後甜品📍麻辣金錢肚😍小食份量都幾多，麻辣香口惹味調味啱啱好，煙煙韌韌，切成一條條方便食又唔會咬唔斷📍生炸BB乳鴿外皮炸到好香脆，好似薯片咁，但又唔會好乾 乳鴿都大隻，撕開乳鴿嘅時候，留咗好多肉汁出嚟，咬落都好嫩滑，啖啖肉🍖

個人覺得佢係新蒲崗最好食嘅潮州菜，性價比好高。餐廳環境貼地，但食物出奇地精緻，質素亦都非常高。餐廳仲有燒味檔可以外賣食。本身觀塘設店，依家新蒲崗都有得食。最推薦醉鵝肝，片入邊嘅係半份。佢嘅酒味濃郁配埋鵝肝好夾，而且鵝肝嫩滑有彈性，一啲都唔硬，口感超好，嚟到一定要食呢一個，半分已經夠兩個人食。第二推介會喺蠔仔粥，蠔味唔會腥，反而幾鮮甜。而且好足料唔會得一兩粒蠔，同埋每粒都好肥美飽滿。想食粥一定要試呢個。之後就係好精緻打卡一流嘅醉乳鴿。有乾冰提供埋俾你出住煙打卡，但係記得搵個冇咁大風嘅位，如果唔係就吹走晒啲煙。擺盤好靚同埋都去咗骨。肉質軟嫩唔會好嚡。

我地叫左一碗鵝片飯，鵝片份量比想像中多，差唔多有十片甘多，而且唔係薄身，咬落啖啖肉沾埋個醋好夾，酸甜開胃。另一碗叫左鵝肉飯，鵝肉好入味，肉質嫩滑又大碗，仲配埋酸菜一齊，酸菜好惹味，我地食唔停。牛飯都係份量超多，一碗都可以好飽肚，更何況呢個甘抵食既價錢，下午茶仲有飯餐減10蚊優惠，加多18蚊就有碟油菜，加38蚊仲可以升級燉湯tim。飲品熱飲係唔駛加錢既，紙包飲品都係解茶解膩岩晒。鵝翼例牌：翼既肉好有咬口，切好方便易食，下面仲有豆腐底。

冬至就到，家族聚餐定在這里，餐廳位於觀塘工廠大廈地舖，離地鐵站有一段路，餐廳裝修得光潔典雅中國風，座無虛席非常熱鬧，看看菜牌琳瑯滿目，傳統菜式新派菜式都有，任君選擇，而且價錢實惠，食得開心又放心。聚餐開始，傳統菜式陸續上台，潮州菜當然是鹵水鵝，首先是鹵水掌翼蚊得入味夠淋，食完一碟又再添，跟住有鹵水鵝頭頸，鹵水大腸，鹵水乳鴿鵝肝鮑魚，冷盤就已經食左幾碟，好過癮。跟住熱葷上台，豉椒鵝腸，鮮菠蘿咕嚕肉，蜜糖燒白鱔，竹炭豆腐，啫啫芥蘭煲， 上湯豆苗，魚肚勝瓜煲，松露蝦多士，脆皮炸子雞，沙律海鮮卷，總共十幾個菜，吃得不亦樂乎，餐廳上菜速度快，服務都唔錯，從頭到尾都有熱茶飲，在人手短缺的時勢算是很好。豐富的節日聚餐收費平均每人200多元，算是性價比高的地方，識飲識食的人總會找到最好的餐廳。👍👍

好有驚喜嘅潮州菜館，就算食lunch時段餐廳都幾滿場。裝修簡單舒適，坐得舒服。午餐有個2人套餐幾抵食，有燉湯之餘有滷水鵝雙拼又有個小菜。脆炸牛奶卷 $58/5條炸得好脆，個牛奶內餡食落棉棉滑滑咁，好有牛奶味好夠香滷水鵝頭頸 $68/原條呢個價錢真係無得輸，原條嘅鵝頸真係好多份量好足。個滷水味好香好濃，特別係八角嘅香味。午市2人套餐 $168燉湯足料，有瘦肉又有螺肉同少量藥材，飲落無味精飲落舒服。滷水鵝肉有得自己揀一樣滷水做雙拼，份量比想像中大碟。滷水味好香，每片都係啖啖嘅鵝肉。揀左墨魚做雙拼，墨魚食落厚身好正。虎皮椒炒鹹肉食落好香豬油味之餘，虎皮椒食落好辣好香。鹹肉雖然比較肥身，不過個油香確實唔會抵擋得住。最緊係嘅係有兩碗白飯跟，小菜配飯食就最好。

好友約我去食潮式午餐，我地去到位於新蒲崗寧遠街3-23號越秀廣場地下G25-G27號舖的潮盛館食午餐，環境舒適，坐得舒服。我和好友點左個 《午市2人套餐》$168 ，有是日豐料燉湯2位，滷水鵝肉拼墨魚，翠綠炒蝦球帶子，白飯2碗，餐飲係熱咖啡+熱鴛鴦。另外點左午市優惠小食：醉香鴨舌 $53，砂薑豬手 $53，宮廷蘿蔔 $28。滷水鵝肉拼墨魚賣相不錯，鵝肉嫩滑好味，墨魚爽滑彈口；翠綠炒蝦球帶子係西蘭花配大蝦球和帶子，好有鑊氣👍；醉香鴨舌好食，砂薑豬手份量不少，豬手軟腍有咬囗，宮庭蘿蔔好味。

呢間小舖之前都食過，今日同屋企人去開啟德行街，想食d特色嘢就又嚟咗試🤩。藤椒魚皮🐠每次嚟都係必點小食之一，魚皮爽脆，佢地自己整嘅青花椒麻麻辣辣好過癮🌶️，$48蚊幾多又夠食。蠔仔粥🦪🥣又係每次都叫，叫一碗就夠哂。最欣賞係蠔仔夠多又飽滿大粒，每一匙都好滿足。醉香三寶飯🦆🍷🍚見到有鵝肝就即刻想試下，幾有驚喜。幾樣餸都有酒香，而鵝肝特別在夠甘香，好好餸飯😝墨魚同雞都係合格水平，幾值得叫嚟試下。沙薑雞米粉🐤🍜呢個驚喜在個米粉，唔係普通福字米粉，係較粗身同埋係雞湯上，好有誠意👍。總括嚟講呢間小店無退步到，叫嘅菜式都係好食同埋份量足，同樣價錢其他店舖可能食唔飽添，所以算抵食，推介大家嚟試！地址：新蒲崗寧遠街3-23號越秀廣場地下G25-G27號舖@chillchill_aloye@潮盛館#啟德美食#潮州菜#蠔仔粥#抵食#小店#新蒲崗美食#食好西#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #hkeat #fo

講起潮汕菜一定係滷水，打冷，海鮮。今日去左一間潮州食店午餐，午市坐滿客人，價錢大衆化。🥣蠔仔粥 $68潮洲粥一向米粒分明，不糊口，蠔仔🦪粒粒漲卜卜，方魚粒香脆，令湯底鮮味提升。搭配芫茜和少許胡椒粉，味道更加出色。🥢滷水豆腐 $20一碟有2件，滷水布包豆腐內裡非常滑嫩，滷汁香氣四溢，清淡中卻層次豐富。🌶️煎釀尖椒 $48一碟有5件，煎釀尖椒釀鯪魚肉鮮香可口，煎至金黃外皮焦香，味道微辣吃得過癮。🥤可樂 $12潮盛館每日仲有午市套餐，價錢大眾化，深受街坊歡迎，午市坐🈵，坐冇虛席。

新蒲崗| 超驚喜創新潮州菜係Mikiki行出來，夜晚9點鐘都仲有人係出面等位，就想試下。蜜汁燒鱔 $168 是日MVP, 食落真係好驚喜，一咬落口會爆汁，外面燒得酥脆，鱔肉厚切爽脆，蜜汁調味恰到好處，唔會太黐立立，又好夠味掛汁。必叫！醉乳鴿 $128好少係出面餐廳有，有乾冰做裝飾，好ig-able! 刀功了得，乳鴿片得每片一樣厚度，好容易食。花雕酒味好香，但係絕對唔會苦，仲有一浸淡淡嘅甜味！成件事好和諧！蠔仔粥（碗） $68一碗份量都唔少，夠二人份量。蠔仔都幾多，又大大粒。蠔仔粥加左魚乾，芹菜芫荽，好香，好食！餐廳環境裝修得很現代，好適合一班人一齊聚餐，價錢合理，9點後仲有85折，好抵食！潮盛館 (新蒲崗)新蒲崗寧遠街3-23號越秀廣場地下G25-G27號舖#潮盛館 #新蒲崗 #潮州菜

一直見呢間野好多人排隊，今日終於有時間嚟試下一場嚟到食潮州野冇理由唔叫滷味於是乎就叫咗滷水鵝片同埋小食雙拼呢個滷水鵝片真係啖啖肉，一啲骨都冇而且肉質都好鮮嫩，肥瘦均勻唔會過肥啲肥膏係哂度/瘦到乾柴加上個味道濃厚，都幾好食咁小食雙拼我哋就叫咗墨魚同埋金錢肚呢個墨魚完全係成晚嘅mvp墨魚肉咬落去好軟屬，而近墨魚咀嘅部份又有啲爽口食落真係好正，再加埋蒜蓉辣椒醋呢個靈魂醬汁令人忍唔住一嚿接一舊咁食而金錢肚嘅份量一啲都唔少，每一嚿都好厚身，絕對唔係是是單單幾條幼絲就算天氣有啲涼，我哋仲叫咗秋冬必備嘅臘味煲仔飯首先，夾臘肉味道濃郁，近皮嘅位置仲要好煙韌成個口感好豐富再加上連埋飯焦一齊食成件事昇華哂整體嚟講呢一間潮州菜都好正宗，價錢嚟講都唔係話好貴，適合同朋友相聚食飯

自從啟德開了Airside 和SOGO之後，人氣度越來越高! 鄰近新蒲崗就有很多地道美食，在Mikiki旁邊的潮盛館主打潮州菜，無論性價比和食物質素也很值得推介當中最難忘的就是「酒香鵝肝」，口感入口即溶而且滑不溜口，我哋本來點半份發現真係好食，所以再encore！客人大部份都是附近街坊，店面唔算大，就算在平日飯點也幾乎滿座，想吃真的要早點去除了潮州菜之外，就連小菜都好出色，土魷蒸肉餅即叫即蒸，土魷幾香有口感，半肥瘦剁房的肉餅沒有肉筋，肉質嫩滑，真係米飯殺手鹽香海蜇手撕雞份量好足 海蜇夠爽口 手撕雞都好食唔使剝骨真係夠晒方便平時外賣加餸都唔錯-方魚肉碎粥估唔到一碗份量都幾多 食潮州嘢一定要 芫荽超多 好清新

Lunchtime 去食個佬飯! 點知大有驚喜!滷水鵝片拼元蹄飯 ($73+10)滷水鵝片肉質嫰滑入味 肉質唔梅 不過都片得幾薄 元蹄質感都非常恰到好處 白飯都粒粒分明唔係一patpat!蠔仔粥($56一碗)粥煮得岩岩好 飯粒夠腍但唔會爛曬 蠔仔新鮮大粒 粉量都好足夠 湯頭清得黎夠味 牛奶卷 ($18/2條)口感酥脆 但係唔夠熱 唔通係預先整好左??下次再encoure要試佢個蜜汁燒鱔!!!! 好吸引好好食咁喎!!!!😆😆😆