潮福蒸氣石鍋 (已結業)

上星期有朋友新屋入夥，朋友搬到大埔區住 ，佢話初初都有啲唔慣，但原來住落後發覺交通十分之方便，而且食店很多……參觀完新居，我哋就去搵野食！我朋友都係食肉獸，最好梗係去打邊爐，任飲任食啦！經過呢間潮福石鍋，每位都係$198，仲包括指定海鮮，靚安格斯牛肉，三文魚及象拔蚌刺身添！ 同朋友食火鍋，任食就最容易預算 ！上到去裝修同一般海鮮酒家沒有太大分別，但服務員十分好禮貌，眼見附近嘅服務員，同樣都係笑容可嘉，仲主動介紹麻辣火鍋，佢仲話好正，中途佢見啲麻辣好似唔夠多，仲加多一碗麻辣畀我哋自行㖭加，真係細心！睇下menu原來仲包埋朝日同嘉士伯啤酒任飲 ，飲得嘅朋友，呢個價錢真係好抵！海鮮拼盤大蝦真係成隻手指咁長，雖然不是活蝦但係都好新鮮。貴妃蚌 相當大隻食落亦爽口。龍躉魚 塊 肉質結實。聖子皇 很有彈力。安格斯牛肉，油脂及紋理分佈均勻，而且每塊大細適中，好有牛肉味！刺身拼盤，三文魚及象拔蚌都係開胃小食！三文魚係厚切的，好肥美其他任點火鍋配料，我們只能夠點些少，因為食完指定海鮮拼盤，刺身及安格斯肥牛之後，都已經好飽了！

每逢星期日、公眾假期，去酒樓飲茶的人總是特別多，今日本來去翠園，拿了籌號但等位的人數實在太多，等了大半小時還叫不到十張枱，於是轉移陣地，去附近的樓酒碰碰運氣。果然，去到大埔廣場的潮福蒸氣石鍋，等都不用等便能安排入座，便本著試一試的心態入去。與翠園的裝修相比，潮福蒸氣石鍋是走平民街坊路線，點心價錢相而，大魚大肉的情況下人均消費才八十元。食物質素方面，還是不過不失，平平穩穩。如果想與家人朋友飲茶聚聚又不想等位，不妨去潮福蒸氣石鍋吧。

成日聽到D人話大埔好多好嘢食，所以今次朋友約我去大埔食嘢我一口就答應左。仲要係帶我去打邊爐正合我口味😆。去到這酒樓睇到大部份嘅人都係食火鍋，心想這裡一定食火鍋出名了。坐底一睇佢地個Menu好抵食👍👍👍。除咗有任食嘅menu之外, 又有任飲嘅飲品，每位客人仲要包一個海鮮拼盤、一碟高級肥牛同埋一隻乳鴿😋。我最喜歡佢地肥牛，牛味好濃，肉質好滑。其他生料都非常新鮮，佢地的手打鮮肉丸都係我既推介。湯底選擇都算多，醬料也有好多選擇。鍾意打邊爐，又大食嘅人都一定夠飽😃。真係抵食又好食，一定會再嚟。

我好仲意打邊爐，不過係街外食親埋單時都超貴，後來朋友介紹我試任食火煱，咁即管試下啦，睇左個價錢起碼合理先啦。我選左個$168/位（2位起）的任食火鍋餐，包一個火鍋湯底，一份海鮮拼盤，一隻乳鴿同一份肥件。另外有任食的Menu及任飲的汽水。雖然要加醬油及花生$20同加一服務費但真係好抵食。我選了醉雞火鍋湯底，有半隻雞及有些藥材配料，個湯底好香濃好夠味。 海鲜及生料也好新鮮。值得推介。想打邊爐又多個好地方了。

繼上次喺潮福食蒸氣鍋之後今次再試任食打邊爐雖然依度係酒樓啲服務都唔錯嘅、加湯都加得快今次繼續有乳鴿同海鮮灬個乳鴿幾好食，啲蝦都幾新鮮其實一直對任食火鍋都冇乜期望不過食完今次有對任食火鍋改觀今次最激讚嘅係佢啲牛丸以一個唔食牛丸嘅人來講今次食咗差唔多一打牛丸真係不敢相信啲牛丸仲好食過啲肥牛食得出佢啲牛丸真係新鮮打，用心去做，有淡淡的果皮香啲牛丸又真係用平時d滑牛黎打真係唔講得少，直頭想打包返屋企如果下次再嚟我都一定會淨係食牛丸

放工相約舊朋友去打邊爐，就他們就去了附近嘅潮福，因為一個價錢任飲任吃，3樣必送嘅東西，有海鮮盤定食、極尚安格斯牛肉、脆皮乳鴿半隻，個湯一揀了，3寶就跟住上來了，脆皮乳鴿肉質嫩滑香脆，熱盪盪夠晒新鮮！而個海鮮盤定食就更加抵吃，有龍躉斑片、生鮑魚、生猛中蝦、桶蠔、大元貝、肉蟹半隻，以上每樣一件，呢個價錢自己去買都可能啦！呢啲材料本身可能係食蒸氣石鍋，但反過來打邊爐真係超級正！而其他配料則可以無限任添，咁鮮滑牛、丸丸、炸魚皮、午餐肉、雲吞，樣都要啲，滑牛超軟熟嫩滑，丸丸點了手打丸，丸丸夠晒彈牙爽口，墨丸、牛丸、蝦丸係本人推介，如果只係吃手打丸，分分鐘可以吃到回本！而估唔到佢重有我最喜愛嘅皮蛋吃！完全流心，外面彈牙裡面流心，放湯又得，就咁吃都得！溫馨提示，快樂時光只有兩小時，當然兩小時嘅頭一個鐘你可能已經吃到食唔落，因為都有好多選擇，邊食邊同朋友吹水絕對係一個價錢相宜但質素高嘅選擇！

天氣凍最好打邊爐又來我最愛嘅潮福打邊爐。兩個人喺屋企打邊爐食嘅種類買唔到太多，每樣又唔可以買少少，所以兩個人最好就係出街打邊爐。仲要呢度可以任飲任食，仲送你三個定食，真係超級抵食。今次揀咗澳門豬骨鍋，湯底入邊已經有粟米蘿蔔，個鍋到咗可以即刻食啲粟米添！呢度仲做緊推廣有一蚊鍋，好抵呀。海鮮拼盤啲海鮮好新鮮。乳鴿上到枱亦都好香，最緊要係夠熱！所以，以咁嘅價錢食到咁新鮮咁熱辣辣嘅食物，真係超級抵。呢個亦係我多年來都幫襯佢嘅原因！

星期日 同幾個朋友去潮福飲下午茶估唔到咁抵食蝦餃$12.8 好大隻蝦蘿蔔糕 夠香口馬拉糕 好鬆軟叉燒腸有叉燒茄子炆米 好味道燒賣 夠新鮮 水滾茶靚最緊要係 坐得舒服服務周到 價錢優惠

話說兄弟就來結婚，我哋出嚟開會，講下當日點樣俾人玩，真陰公！點都要食返佢一餐㗎啦！但話晒結婚洗咁多錢，做兄弟嘅平平哋，放題任食最好啦！鍾意潮福坐得舒服，任飲任食，啲姐姐服務又唔錯！經理話而家做緊推介，一蚊雞就有花膠雞湯底冬天滋補一下！第一件事order左湯底先，然後就自助醬油 bar, 混完醬之後等食。仲未得閑畫野食，定食已經上枱，每位都會附送首先係每位半隻乳鴿，最緊要係脆皮肉嫩，細細隻有肉汁，ok 啦！海鮮盤定食鮑魚、元貝、肉蟹，新鮮生猛，放湯好鮮甜。仲有美國筒蠔、生蝦、龍躉片，真係食勻成個海連安格斯牛肉都有，肉質特別柔軟，一個價錢 $198，真係超值，冇得輸。估唔到任飲都有 Asahi 啤酒。鍾意飲嘅真係飲到番本。其他自選食物質素都幾好，尤其是本地肥牛，食得出新鮮美味，最讚不絕口嘅就係個手打丸，彈牙過乒乓波下次一家人再嚟食過

有時為咗出來同D好友聚餐，淨係諗邊度食又要食乜嘢都要諗一諗，又要就大家方便又要地方夠近，趁呢排天氣都幾寒冷就約埋出來吹水，去咗附近一間食火鍋啱晒大家口味，呢度除咗有火鍋食之外，仲有蒸氣海鮮可以俾大家選擇至於火鍋湯底都有十多款提供，而家仲有做緊優惠俾多1蚊就可以點埋星級湯底濃湯花膠雞鍋，咁好自然點咗呢個湯底係湯底滾緊同時，就可以先食脆片乳鴿每人半隻，熱辣辣乳鴿外皮香脆內裏肉質香嫩多汁，跟住鍋底滾起梗係要食番件雞入口肉質鮮嫩，花膠爽滑接住有海鮮盤共有6款海產同極尚安格斯牛肉共3片，而我就先食美國桶蠔，桶蠔size 夠大隻啱晒我口味，蠔肉飽滿又多汁夠鮮甜，而另一款生猛大元貝同生猛鮑魚食落一樣新鮮，當然食埋安格斯牛肉，肉味香濃嫩滑除咗食到以上每人都有一份定食外，當然唔少得點埋其他火鍋配料一同品嚐，有美國肥牛，手打丸類同極品黑豚肉呢D必點食物，尤其係手打丸類用料足食落爽滑彈牙，就算平時出面街買到果D丸都未必有咁質素，而且價錢亦唔平，咁梗係趁呢個時候食多D滿足口感，其他火鍋配料亦相當唔錯，而order 亦跟足店員仲會時不時換碟服務周到，最後唔會少得汽水啤酒任飲呢個環節最後梗係食到肚仔飽飽，估唔到近

原本個FD介紹過來,諗住200頭任食有乳鴿有海鮮拼盤好抵食,仲要830後入座有優惠,FIT到漏啦一上去坐低叫完湯底,即刻寫齊野比紙,先來個乳鴿,雖然薄身,但係岩岩整起都幾好味,海鮮拼盤,扇貝,蝦,鮑魚,生蠔,躉件食得出幾新鮮,但係不滿肉蟹變左普通花蟹,無膏亦無肉問完個呀姐就話肉蟹賣哂,食完呢D就諗住來正餐任食果PART,結果等來又等去,第一張紙淨係來左幾舊牛柏葉,生根,籮白,粟米,冬瓜,鮮牛肉,望一望個場,7成人坐唔足,仲要有D我一坐低已經係起身埋單,都仲未計部份人食蒸鍋,部份小菜,諗住佢汁漏,唔緊要,我即刻補多張,來既又係重覆上面果堆野同埋多左少量既菜,頂,我都係想食野姐,兩舊水我唔期望D乜野,甚至開頭海鮮乳鴿都已經超班但係你都來D野食呀,天氣咁冷打邊爐都係想烚下烚下,捉住個靚仔幫我睇睇單,入到廚房出返來話寫過張再幫我追廚房,我好記得9點15分,炸魚皮,餃類正常打邊爐必有既野,基本上一律賣哂,有既基本上都已經汁哂出來,之後果一粒鐘我就重覆牛柏葉,生根,籮白,粟米,冬瓜,鮮牛肉,生菜,西生菜,金姑,生根呢堆野無限咁LOOP,2舊水,我就係咁樣LOOP呢堆野LOOP到10點幾走人 本身係

今日好早就去到，，，大約6:30到，，，所以真係冇乜人 坐得好舒服呢度地方都大 唔會郁一郁就撞到後邊嗰個嘢食方面我哋就叫咗海鮮火鍋餐任食任飲唔使煩！！！hahaha我覺得佢哋個餐都幾好 除咗有海鮮拼盤之外，，安格斯牛肉同半隻脆皮乳鴿都係跟埋嘅～我自己本身都好鍾意食乳鴿 我覺得佢整得都唔錯海鮮嗰度都好新鮮 隻蟹好大隻呀！！！圖中嘅就係兩個人嘅份量 個樣都幾靚仔㗎～另外配料都系好似其他免費任食火鍋咁任叫任點去汽水嗰度除咗一啲本土可樂、忌廉嗰啲估去唔到仲有韓國汽水添 ，，，幾款樂天汽水都係有得揀總括嚟講 佢位置都方便 好近大埔廣場而且坐得都幾舒服 價錢中中等等 大約加埋一嗰啲 2百左右一個所以都係唔錯嘅選擇～ 起碼唔使係屋企又洗野嗰啲丫嘛 hahahaha

第一次食蒸海鮮，揀左呢間潮福揀左蒸海鮮任食餐每人有一盅湯，唔記得係咩湯，不過幾好飲等緊海鮮來的途中，每人有半隻乳鴿送，好食個餐限叫４款海鮮：我地叫左扇貝﹑聖子﹑蝦﹑鮑魚﹑龍蝦飽魚和扇貝好食到不得了，好鮮甜，又彈牙，豉油都不用，勁好食！龍蝦都好鮮味，又係不用豉油的朋友，超好食串蝦都好味，肉質彈牙結實仲有青口和油蛤，一樣好好好食整體海鮮都幾好，不過因為係限左數類，想食多ｄ就要另外叫了其他還有蒸肉丸﹑蔬菜﹑茹菌等，一般質素，叫做食飽自己個人喜歡馬拉高，有得任食仲要即蒸就十分好味！最後還有個粥底，咩精華都係晒度，ｄ南瓜已經容晒，好鮮好錦人手方便一定唔夠人，有漏單情況出現，催好多次都未必出到，呢個希望日後會改善不過整體來說海鮮質數好，其他就一般，不過食得呢ｄ餐，一定係貴ｇａｌａ～

呢排天氣涼涼地又係打邊爐既好時候，所以今日就同朋友仔近近地黎到潮福蒸氣石鍋到打邊爐喇，間酒樓依家做梗仼食優惠。每位任食嘅顧客都可以有海鮮盤定食 1 份，極尚安格斯牛肉 1 份同脆皮乳鴿半隻，而且仲有好多任點任食嘅火鍋配料多達 50 幾種比你選擇，重有任飲添，十分有誠意。海鮮盤定食 : 有蝦、元貝、鮑魚、龍躉、美國桶蠔同肉蟹。海鮮都算新鮮而且都幾大隻好足秤，而脆皮乳鴿都整得唔錯，香脆可口之剩重啖啖肉。如果以呢個價錢可以食到呢啲咁嘅質素既食物，性價比真係十分高。

因為朋友生咗baby，所以我哋一行4個sisss就入咗大埔探探小baby，行經大埔廣場，難得齊人想揾個舒適又可以坐得耐嘅地方原來唔容易！見到喺間餃子店隔離有間食蒸氣石鍋，大家都係好「鮮」之日，於是就決定試試呢間連鎖蒸氣石鍋餐廳！｜乳鴨｜唔好問點解，係有啲格格不入但因為朋友心血來潮想食，就試試個乳鴨，一人一隻份量剛好，味道都唔錯好入味，皮脆肉嫩，色澤較深不過如果好以唔好咁乾身就更好！｜龍蝦｜開邊龍蝦都幾新鮮，開邊加上蒜蓉但調味，清蒸已經好perfect！龍蝦尚算幾大隻, 肉厚彈牙，中上之作！｜蒸扇｜蒸扇一樣大粒，望落同食落一樣都咁新鮮，帶子鮮甜爽口！配埋托底個粉絲食唔駛再沾任何調味都夠yummy！｜龍躉肉｜除咗飲宴都好少接觸龍躉肉，今次仲要係清蒸，都有點受寵苦驚！肉質係好易滑但如果鍾意有口感嘅朋友就未必會欣賞，因為肉質入口真係好滑，不容咀嚼已經散開於口膣內，且魚味唔算好突出。