潮食街 (已結業)

上年都食過一次潮食街，食物質素唔錯。見到訂座有優惠，就同屋企人嚟慶祝生日。呢晚主題係「蠔」食海陸自助晚餐，不過潮食街不嬲都有蠔。全晚比較特別係「自家製紅燒BB乳鴿」，非一般好食，多汁肉嫩，成世人食過最好食嘅乳鴿。不過食咗幾round就變咗沙薑雞，要食趁早。另外好味推介係燉湯。上次嚟都有食，結論係不論咩湯都一定正。足料又甜，屋企煲嘅都冇咁正。牛肋扒我試都唔敢試。見到師傅切落去咁吃力都知好食極有限，我知自己啲牙利唔過把刀，留俾其他食客啦。其他海鮮類普普通通，長腳蟹算甜，生蠔正常，青口差過火鍋放題。熱食類普遍一般。餐廳送咗生日蛋糕，雖然一早知呢度蛋糕普通，但都覺得好有心思。三人埋單1000多少少。可以食足三個鐘，樣樣試少少，合格有餘。

酒店剛開業時經常和當時還是男朋友的另一半到這裡Staycation，酒店新落成設計新潮，位置方便，房間光線充足，境觀開揚，最緊要是新淨清潔。當時入住酒店可享七折優惠，食過一次覺得不錯。今次已經係老公的另一半生日，剛巧於openrice訂位可享七折優惠，便選擇了在這裡食自助餐慶祝。海鮮全部放在同一區，大約5/6款熱食。海鮮冷盤選擇都有3/4款，當中長腳蟹質素是很不錯👍🏿生蠔即開，感覺衛生。食落海水味略淡，亦不算鮮甜。每人每次可取四隻，食一轉已經夠了。老公最欣賞他們的燉湯和豆腐花。在中式料理區自取，豆花也是自己「不」，很有趣西餐區不定時有即煮的限定菜式，當晚其中一款是香煎鵝肝，每人每次只能取2件。 非 常 好 吃 👍🏿甜品方面，款式大路，質素都一般。最特別可算是即焗的心太軟，不過製作需時，建議先到甜品吧落單，返轉頭食第二轉時取時間剛剛好。買單兩人約$8百幾，以食物質素選不錯。款式不選多，畢竟我兩小口也不算大食，所以也都滿足了。如果是想找款式多的自助餐，應該會有更好的選擇😀

昨日有幸來光顧,心裏早已負評,因為跟團購,同埋而家就算去九龍酒店食也一般可能年幾大冇食力,但是去得必須做㸃功課,鎖定燉湯乳豬,可惜只係飲到湯冇乳豬令我失望,湯味好 只是比較鮮喊一點,飲完其實都飽咗,魚生壽司同其他人的食評一樣魚生味道淡唔會冇腥味冇鮮,反而壽司好吃只是飯硬了一點, 長腳蟹肉散、翡翠螺 好多都爆了殼,生蠔唔知係乜野種有鹹味,小炒 唔多但重點係太環保好似麥太一樣將啲淨餘材料樣樣炒埋一碟畀你,好有家的感覺 燒烤部 控制食品的溫度唔夠好,凍的羊架、M5和牛,燒菠蘿係幾好食, pizza也過得去,甜品心太軟cupcake綠茶紅豆朱古力曲奇我都喜歡不過就偏甜嘅,嗰度仲有車仔麵粥咖哩蒸魚焗魚,最重要嘅回本之作haagen dazs雪糕,建議你練下手力先,總評這裏似乎樣樣都有,又好似樣樣都冇,可能係食材貴,食到個形式食唔到個味,真係幾百蚊預咗,咁你會好開心。

新年流流唔係好多地方會開～ 想搵一個靜少少嘅地方食午餐～ 我諗呢度係一個最好嘅選擇～ 人流唔多可能因為位置於工業區～ 真係要花點時間搵～ 位置喺 新蒲崗六合街～入門口 需要上兩層扶手電梯～ 裝修帶有香港工廠區既風格～當日一點半左右去到～ 人客確實不多～ 夜晚仲有buffet～ 價錢５０0蚊左右～ openrice訂枱仲有七折優惠～ 即係三百零蚊一位～可惜下午並沒有buffet～ 只有單點單點菜式方面頗有港式風格～今次忘記了影menu～叫了個辣肉腸蕃茄螺絲粉～加多個羅宋湯～ 記住並不包括任何餐飲～首先講一講個辣肉腸蕃茄螺絲粉炒得 不夠乾身～ 重略帶點微濕～ 羅宋湯 絕對係港式風格～ 可惜並不包括任何餐飲～如果講格調同埋食物嚟講其實算中規中矩～ 價錢還可以接受～

年初二又係食自助餐搵咗好耐搵咗呢間附近方圓十里都冇人難得呢間餐廳做有位仲要有折頭咁咪訂咗先囉以前見過啲食平話呢間餐廳有伏 試完之後又唔覺得咁差不過佢啲甜品真係最差 又少又唔好食擺到明係就咁係一般西餅店訂返嚟隨街都有得賣嗰種 完全可以唔使試 本來大節流流 唔會期望有啲咩好好服務佢哋啲侍應收碟收得好快好後生好醒目 抵讚所有侍應生黑T恤牛仔褲。 如果你都諗住咁樣打扮九成九有人以為你係侍應生講番啲食物佢只係將啲食物分開四五個檔口睇起上嚟好似好多其實根本冇乜特別最奇怪 係有腸粉其他食物不值一提 幫你擺食物嘅員工 個個都好似趕住收工咁 就咁掉上你隻碟 我明白大年初二個個想早收工…… 但係唔該都注意下禮貌呢度只係啱啲又窮又想食自助餐嘅勉強 滿足一下細節上面應該注意一下設計問題餐廳入口喺正check in入口旁邊註冊同刺客打成一片混亂非常只得一個感覺。。。極度討厭整體嚟講只係有賤物鬥窮人嘅感覺四周圍都冇位冇辦法先去你度食如果有得揀去茶餐廳好過。。。完

晚上自助餐很多嘢食,長腳蟹/生蠔，蝦,還有羊肉,生蠔不太大,但鵝肝/和牛很好味,送那碟蟹蓋味道不錯,白菜響螺燉湯都不錯,美國芝士蛋糕很好味,有很多蛋糕品種,免費飲咖啡檸檬茶，還有汽水飲品,有香港的滷水鵝，紅腸,海蜇，皮蛋...還有蛇羹任食，已來数次,唯一不喜歡就是燈光太暗,其他整體都很好。

食物高質，價錢貴，地點不算方便，喺鑽石山地鐵站行大概15分鐘先到達，嘢食高質，服務生不足，在地區性價錢不值這個價，環境幾好，薑母茶做得不錯👍🏻很重薑味，而且大杯，主菜都幾好，但係個薑汁奶，唔知點解個味道好苦而且冇甜味，又冇奶味，非常差

朋友試過潮食街覺得唔錯, 於是呢次同事生日飯就試下呢間buffet啦～首先酒店位於新蒲崗工業區, 距離地鐵站都有一段距離, 但唔算難搵既。 酒店類似精品酒店走型格路線, 幾特別。🔸蟹腳細細條唔太吸引, 所以食得唔多。🔸生蠔即排即開, 夠新鮮, 回本之選。🔸日式燒和牛片好味, 要Encore。🔸瑤柱菜膽花菇燉螺頭湯, 我自己就好鍾意飲呢個湯, 一盅飲哂, 朋友仲飲咗兩盅。🔸香煎鵝肝配黑醋汁, 一口size又夠香總括黎講, 食物都幾多選擇, 質數當然無得同4/5星酒店比較啦, 但味道都ok的。

係決定慶生飯餐廳之前，參考左呢度既食評，見到好壞參半，心中已十五十六，最後見地點適合，加上幾年前試過也不太差，姑且再試一次。結果係。。。。。負評所講的全中！食物差，服務差，物不所值，差！差！差！雖然話7折優惠，折實每位成人都超過$400，但食物質素，數量並不合格。每樣稍貴價的食物都要排隊，生蠔細而冇味，M5和牛硬而冇味，鵝肝膩而冇味。。。。港式小食(滷水雞翼，海哲，青瓜)色香味全冇，熱葷更不用說，見到廚師連切帶扯咁切羊架，未食都冇胃口！講到服務仲一肚氣，全場2位年輕女廚師，一位面黑黑，一位戰戰兢兢，邊煮邊請教旁邊師傅，唉！當全枱人都不在，侍應自動波放低“生日甜品碟”, 真感謝佢無聲無息既“驚喜”，嬲！難忘的一頓“吃不飽的自助晚餐”！其實好心痛，咁好環境既酒店，點解會令自助餐變成咁？如果成本做不到，倒不如只做普通晚餐，浪費！浪費！

媽媽大壽當然要慶祝一下啦。家姐就揀左呢邊食自助餐慶祝。去到餐廳咁多野食既？生，熟，即整，熱食，湯，粥，甜品......樣樣都有，味道仲唔差，我見蠔隊太多人排隊啦，遲啲先食啦，帶個女行個圈真係相當多選擇，好大張甜品枱，中式涼菜，有啲偏咸。燉湯好清呀！西冷牛好難咬呀蟹蓋係每位大人都會送一客既，好味呀！好多芝士正呀！呢度有藍芝士食，真係好臭呀，但我好鐘意呢個味呀火腿夾蜜瓜，火腿唔太咸，太好啦！可以食多幾次甜品真係太太太太好味啦！未食完咸野都忍唔住去食左先，最後家姐幫我排左生蠔雖然好cream 但對我黎講咸左啲，咁個人口味唔同啦！野食都新鮮，價錢合理，下次同班朋友黎先。

地方舒服寬敞有懷舊特色，配合酒店的年青、科網風格。此外，設有足球機和美式桌球，大人、小朋友食飯之餘也可玩樂。食物方面，燒牛肉、羊扒鮮嫩，燉湯夠熱美味，即炸軟殻蟹可口，喜愛的食物無論是甜品、海鮮種類也有；其中有即時制作的梳乎厘，以鐘聲通知食客完成，做法不但有趣，而且也可以熱食好味。熱葷也熱騰騰，意大利拿破崙雞不錯。每位也有蒸鮑魚一只，很好吃。美中不足的是魚生如帶子、甜蝦供應有限，只得一輪便不再供應。

契女一家及2位朋友，同我及契女媽媽慶祝生日🎂🎉 - 揀返之前一齊去過嘅新蒲崗貝爾特酒店" 潮食街" 。有生蠔，刺身，燉湯(超級足料㗎)， 鮑魚，長腳蟹，haagen dazs雪糕，即製燒味粉麵，仲有好多各種各樣嘅美食 ，多到数吾晒。成人$508， 但like facebook 就7折 (加埋一都係$406)，認真超級抵食。地方寬敞，吾會好迫，就算好多人來人往都吾怕撞到。如果想泊車，訂位前可以先講明，之後會記錄低，咁就當晚吾駛錢泊車(以訂位先後而先到先得)。 既然有咁嘅優惠，我梗係要帶我架Kitty車出去啦!

今晚同個 friend 慶祝生日，試下呢一間喺新蒲崗工廠區嘅貝爾特酒店自助餐。 食自助餐就最好㗎啦自己鍾意食乜就夾乜嘢 ， 令我最驚喜嘅係呢度嘅即開生蠔係好新鮮同埋掃D沙掃得好乾淨， 我仲食咗好多around添!同埋呢度 一定要試嘅係燒牛肉同埋羊架， 燒得好香同 好重牛同羊味 ; 而且呢一度都係400蚊位，食到咁靚嘅生蠔，好超值。

今日係網上買左團購COUPON, 所以就過左黎食啦餐廳位置其實都算幾方便,啲STAFF 都好NICE ~我想調枱佢地都有幫到我!!不過個燈光方便就有少少暗啦!野食選擇都幾多, 生蠔都幾新鮮都值得推介!熱食個啲都好好食~ 會再買coupon 再黎食的!!!

今次選擇而間酒店食自助餐，除了環境不錯外，食品質素都好好，重要既係，有折扣優惠。先講佢地既生蠔清理得好好，冇殻碎，雖然細隻，但就係因為細隻，所以每位人士都可以令到四隻生蠔。海鮮種類有四款，都係平時自助餐既款式，冇咩特別，但熟食真心唔錯，我最欣賞就係老火湯，好入味，最緊要係落足料，飲品方面，其實好小自助餐會有飲品提供，但而間就有不同凍熱飲品比大家選擇，真係唔錯。服務員方面要值得一讚既，因為當晚都好多枱客人，我地就偏去入一間冇門既房到食野，每次食完野都會有服務生收野既，有個年長既四眼叔叔服務生就係超級有禮貌，無論收野或令餐具比客戶，都會笑，你地知道啦，自助餐執枱既工作人員其實都好辛苦嫁。好啦再講講場地環境，舒服，出面重有多款遊戲比客人去玩，又電視，電腦，遊戲室，桌球等等，有得玩有得食。最後都好推介比大家去試試，可以打電話問下有冇其他優惠。