潮龍清湯腩 (已結業)

估唔到傳統粉麵店會有試食，到底由細食到大既牛腩麵仲有咩好試呢？入到黎伙記已經好快安排座位，樓面得佢一個招呼客人都冇怠慢我地，仲好貼心介紹左幾款食物飲品！清湯牛腩麵用左牛坑腩，肉質幾爽，食得出係用心烹調過。而驚喜既係牛腩炸醬蘿蔔撈麵，啲牛腩仲腍過坑腩，醬汁好入味，仲要大大份，差啲食唔哂。小食叫左炸魚皮同菜心，炸魚片好新鮮完全冇漏氣，食落脆卜卜，中意浸湯食又得，好惹味。菜心都好新鮮，食咁多肉又咁濃味，食返碟菜先至健康。佢地仲有自家製既雪梨菊花茶，清潤下火冇添加，絕對值得一試。舖面唔算大但反而凸顯到人情味，價錢極親民。伙記待客有心，做到傳統麵店水準之餘又有自家產品，黎到元朗想食牛腩麵冇理由唔黎啦！

終於開返晚市，可以坐低食碗麵！堂食梗係要叫湯河啦，外賣唔會叫丫嘛（會糊掉）！潮龍在屋企附近，環境樸實無華，定價街坊，3/40蚊大碗得黎質素仲要唔錯，平時放工想快都會嚟食碗麵。呢度最招牌嘅係清湯腩，炆得軟淋，但我最鍾意係佢通常會送一排白蘿蔔😽😽索左個清湯好清甜。今次除左點平時必點嘅牛腩同牛肚，仲試左店員推介嘅豬膶，原來係即滾嫁😍所以個湯變左豬膶水，仲飲得tim啊！黃沙豬膶都好味！份量仲幾多~加$7仲有魚皮/凍飲!

食牛腩真係吾同部位都有唔同質感味道，黎到呢度當然都要一試牛腩✅清湯崩沙腩雲吞米粉湯底清甜，食得出冇加味精，見到餐廳仲可以揀淡湯底或者無味湯底，岩哂唔同需要既食客，牛腩質感軟腍同時連住既薄膜帶點爽脆，肉味較膿，值得一試👍🏾✅清湯牛坑腩河牛坑腩相對崩沙腩無咁重牛味，但質感比崩沙更較腍，見到脂肪比例適中但食落都吾會覺得韌，各有各特別，好睇自己既口味😋✅潮州腐皮卷等同如潮州既粿條，沾上少少麵粉後油炸食落更香脆，最特別既係配埋個酸甜既醬汁，減低油膩感😉✅自家製雪梨菊花茶自家製菊花茶清甜不膩，甜度適中👍🏾

元朗周圍都多美食，香港粉面店周圍都有一間，對於對香港本土麵食情有獨鍾的愛好者，今次初嚐潮龍清湯腩，真係夠曬地道，完全體驗到港式麵店的情懷。潮龍清湯腩一聽個名就知道係食腩肉出名，呢度的崩沙牛腩麵正正係我想點的，點了一份崩沙牛腩麵，再點一份墨魚丸麵，另外再點了炸魚皮，淨豬潤粉腸，同埋油菜，就夠曬數啦。首先崩沙腩夠滑夠入味，腩汁超正，名符其實係招牌麵，炸魚皮更是正到一個點，新鮮炸的炸魚皮，放到湯麵裡還能聽到「炸炸炸炸」的聲音，又脆又香。鍾意食豬潤腸粉的也可以點這個，因為鍾意食既朋友都應該會鍾意呢個，味道夠香食落夠過癮。另外不得不提，好少地方有得食西洋菜油菜，呢度食到，點埋呢度個腩汁，正到漏斗。整體而言，麵店做得出色，難怪馳名多年。

放工去買日用品, 又順便食埋晚飯先返啦湯麵類我都係鍾意坐低堂食,先至夠熱夠香同保持到口感今日點左 清湯牛坑腩幼麵+牛丸首先一定要飲啖湯先, 湯頭好清, 又夠味唔會得個咸字坑腩口感非常鬆軟, 牛味好出另外有一種係崩沙腩, 店員姐姐話係脂肪分布多啲雖然坑腩冇咩脂肪, 但完全唔韌, 一咬就咬得開夠晒淋牛丸夠爽又彈牙幼麵冇咩梘水味都好爽口咁樣雙拼都只係30幾蚊真係好良心, 出面求其牛腩麵都要40幾啦店係舊dd, 不過環境都好整齊乾淨, 會再返黎食

今日收左工返屋企附近同男友食晚飯，佢話好耐無食牛腩麵呢類野食，定位搵下附近有咩選擇，見到呢間幾抵就決定試下～男友叫咗崩砂腩加金錢肚河走青，我叫咗金牌炸醬撈粗麵， 另外加咗碟芥蘭，潮式腐皮卷同埋一支自家製雪梨菊花茶～崩砂腩充滿住香濃既牛味，煮得好淋，一啲都唔韌 😋 金錢肚爽口，而且牛既份量好重手👍我嘅炸醬麵都好大碟😂 啲炸醬舖到滿滿，肉絲係偏瘦無咩肥肉，但食落唔會覺得韌，酸酸甜甜完全開正我果範😍 粗麵冇我唔鍾意嗰陣鹼水味👍👍彈牙唔會過淋～芥蘭色澤好靚，食落爽脆，亦無芥蘭本身有既澀味👍潮式腐皮卷一食就覺得好香黃豆味😯 整到好似椒鹽咁，外層香脆裏面彈牙🤤 我自己覺得有少少油膩咗啲但係男友唔覺😅 (可能係我份人麻煩🤷)自家製雪梨菊花茶幾清新解渴，唔會太甜，好有媽媽的味道👍三十零蚊就食到一個咁足料又好食既麵，真心推薦！👏👏

成日嚟雞地呢頭買外賣都係食合興，今日就試吓佢隔離呢間潮龍清湯腩，結果都無令人失望。辣汁魚蛋，喺 openrice 見到其它網友個魚蛋個辣汁好咁濃稠，就嗌一個嚟試吓，果然無令到我失望，魚蛋彈牙得嚟唔腥，辣汁惹味，辣得過癮，份量都唔嘢少，夠哂滿足。柱候牛筋併牛腩飯，一打開個盒見個啲柱候牛筋腩炆到咁深色就知啱 feel，牛腩炆得入味，實食無黐牙，牛筋炆得好腍，用條脷輕輕一頂都能夠分開，加條油菜索盡腩汁，有夠好味。

三點三 去食麵🍲$36.00 有牛坑腩食 吸引倒我囉🤭真係估唔到咁抵🥰街坊小店 裝修樸實 座位唔算太逼夾 除咗一般潮州粉麵黃沙豬潤麵 鹵水大腸粉腸麵泡飯 蠔仔粥 款式多多……真係估你唔到🎉叫咗雙拼河粉加紫菜#牛坑腩加冬菇木耳雲吞👍🏻超大碗 呢度湯底唔係好醎👍味道適中好緊要😆因為我都好怕越食越鹹配菜有無渣清甜蘿白😚牛坑腩同雲吞都唔錯 好味😋#潮式腐皮卷外皮好酥脆 口感彈身淋上甜甜地醬汁 美味香口😋都係唔錯嘅小食

🐖 香茅豬扒飯 $43豬扒肥美香口，份量都唔少，加埋豉油撈飯，特別惹味，即叫即做果然唔同啲😋 有埋生菜同蔥～🐂 清湯蘿蔔牛腩飯 $43餐廳名都有「清湯腩」，咁就嗌呢個招牌菜啦！牛腩半肥瘦，有爽口嘅，亦有軟腍，幾好👍🏻 蘿蔔清甜冇渣，索埋湯汁更正。有幾條菜心～🌼 凍雪梨菊花茶 +$3裝係膠樽仔，唔怕漏出黎～ 清甜好飲，感覺健康啲🤣🍋 凍檸賓（少冰） +$3檸檬有三大片，利賓納唔會太甜👍🏻阿姐姐幾好態度，把聲幾溫柔😂☺️ 仲同我介紹佢哋嘅招牌菜，等我唔使選擇困難🥰

牛腩胡椒豬手麵牛腩有咬口，牛肉味香。胡椒豬手味道唔算好出，但係口感唔錯，唔會太淋，豬皮同筋既口感都幾好，亦有咬口。幼麵完全無梘水味，不過個人覺得煮得耐左啲，對我黎講有少少過淋。清湯入口都幾香，比起濃味既腩汁，我更喜歡清湯腩。蘿蔔煮得好淋好入味。崩沙腩冬菇木耳雲吞麵崩沙腩超推！價錢唔貴，肉質又好，比普通牛腩更軟嫩。冬瓜木耳雲吞比我既感覺好似無蝦既鳳城水餃～我好鐘意個味！而且細細粒幾得到同特別。潮式腐皮卷 桔仔油店員推介既小食，雖然係油炸，但點左潮洲既桔仔油之後，無乜油膩感。而且夠香脆，忍唔住一塊接一塊咁食。炸香茅豬扒加蔥見有其他客人叫，所以我地都叫左黎試。即叫即炸，豬扒外脆內軟，加埋佢地自家製既蔥油，超級好送飯！！大人小朋友都一定會鐘意。奶茶水準唔錯，有茶香，奶味亦平衡。同店員傾左幾句，知道佢地大多數都做街坊生意。坐係到咁耐，都見到店員同客人關係幾好，會傾下計打招呼，亦都覺得店員好nice，態度好好，抵讚！

又到左入元朗搵食嘅時候朋友帶我去附近周圍搵嘢食依間餐廳係我朋友話佢由細食到大，話已經開咗10幾年餐廳餐牌點餐類型種類繁多，有粉麵、泡飯、碟頭飯，同時亦有不少小食店員喺中間仲會過嚟問吓食後感，亦同我哋介紹話因為佢哋種類繁多，牛腩係主打廣東做法，係用傳統嘅滷水汁但係另外亦有潮式嘅崩沙清湯腩。牛腩牛筋麵牛腩色澤偏向深色，入口陣陣滷水汁香味而熟軟的牛筋軟嫩中不失咬勁崩沙腩相比起來，傳統潮式牛腩既藥材味道略嫌欠奉，崩沙是連着一塊皮狀半透明物，口感略帶煙韌。炸醬麵醬汁甜甜辣辣加上肉絲，鋪在彈牙的幼麵上。值得一提是幼麵是用上少鹼水麵。炸豬扒豬扒即叫即炸，食落幾鬆化，吾會食到成口粉。椒鹽燒賣作為小食真係一流🥰炸到香口脆卜卜。

潮龍清湯腩位於元朗鳳翔路69號建輝大廈地下4號舖，餐廳主打牛腩，除左麵類，亦有飯類、泡飯、蠔仔粥等等。牛腩雲吞米線-麵類可以選擇，幼麵、粗麵、河粉、米粉、米線，亦可加錢轉伊麵。我選擇了米線，拎到返屋企碗湯都仲係熱辣辣，米線彈牙，不會過腍，牛腩燜得入味，牛味頗濃，雲吞皮薄，入面有雲耳絲，底下還有蘿蔔，蘿蔔清甜沒有渣，湯底清甜，不會愈飲愈口渴。香辣汁牛腩飯-個汁好惹味，雖然辣，但都不會蓋過牛腩味，牛腩份量都頗多，足夠撈勻成盒飯。菊花茶&檸檬茶菊花茶自家煲，完全沒有防腐劑，淡淡的菊花香，清熱又好飲

午餐到了屋企附近的潮龍清湯腩食碗粉，呢度單併湯粉連一小食同冷熱飲品都係40蚊，應該都平通全港九新界了。店內都幾大有卡座，牆上貼滿餐牌，除湯粉，仲有撈麵，飯餐，都幾多野食揀。先來杯凍奶茶，茶底幾香，甜度適中啱口味。點了雲吞炸醬撈麵，都幾大碟喎。炸醬酸酸辣辣的好開胃，是傳統式的炸醬。雲吞包的是豬肉冬菇木耳，很鮮味。麵條爽口無鹼水味，沾著炸醬很好味。撈麵附送的清湯，淡淡地伴下麵幾好。撈麵雙併44蚊？係好抵食呀～朋友點左清湯崩沙腩試下，話晒都係店家名物嘛。崩沙腩爽口鮮味，有咬口但一點都不鞋，好正。仲有吸滿腩汁嘅蘿蔔又係勁正，鹹香鮮甜，完無渣勁好味。街坊小店，多多支持下～

< 潮龍清湯牛腩 > 📍元朗呢日突然好想食牛腩麵 就同男朋友去潮龍買下午茶外賣 咁多年都保持到水準❣️🍜金牌炸醬撈 好少喺香港食到正宗又好味嘅炸醬麵 但係呢間真係做得唔錯😛 生麵彈牙有蛋香 炸醬同肉絲平衡得好好👍🏻🍜柱侯牛腩撈粗 牛腩用咗廣東做法 牛腩好入味 炆得好惗👍🏻👍🏻 多腩汁 撈粗麵食一流😋 另外仲有白蘿蔔 清甜冇渣唔錯😆🍢咖喱魚蛋 $19咖喱有少少辣 好惹味 魚蛋細細粒 係陳皮魚蛋黎 多咗一份果香👍🏻

元朗有牛🐮平時落去元朗成日見到呢間野，咁岩經過又肚餓就走咗入去食佢個名叫得清湯腩，當然要試吓佢呢度嘅清湯牛腩潮龍鴛鴦牛腩麵 靚姐話崩沙腩係有啲肥，牛坑腩就係瘦啲又夠林，咁我當然梗係揀瘦啲同埋夠林，平時食開屋企整嘅牛腩都係柱候牛腩，當然要試埋佢同屋企嘅有咩分別。牛腩份量都算多，我比較鍾意柱候腩，可能因為我比較重口味，而鍾意清淡啲嘅就可以揀牛坑腩，一啲都唔肥。個面底我揀咗幼麵，阿姐話呢啲面冇鹼水，我竟然可以食晒成碗冇剩低🤙🤙 唔想咁清淡加咗個魚皮，啲魚皮好脆，而且都幾多大片，唔會係碎濕濕雪梨菊花茶阿姐同我講得返最後一支，係自家製，然後我就買咗，呢個價錢來講唔貴，又真係幾香菊花味，唔會話太甜👏👏👏食完打包左個外賣俾細佬食叫咗個雞髀飯，返嚟一打開勁香，大大隻嘅炸雞髀，返到嚟個皮仲係脆👍👍👍