潮龍清湯腩 (已結業)

個次同埋3個FD去食野,見到有間清湯腩咁多人掛隊咪諗住去睇下係唔係真係咁好食啦。去到排隊,排左差唔多10分鐘之後就入到坐啦,咁就諗住叫野食,突然我個FD同我講話有人抄牌,咁我好正常即刻沖出去啦,後來番到黎.我問佢點解會見到有人抄牌,原來係有部電視機睇到出面泊車既情況,好彩有得睇住....如果唔係今餐就好溶啦....講番食個方面啦,我地成班人叫左四碗野,分別有雲吞麵,柱侯牛腩加牛根,七寶麵同埋招牌麵呢四碗真係好正,特別係雲吞,因為我本人就唔食得蝦,而呢到既雲吞雖然無蝦,但係就好好食,食完之後仲叫多左碗淨雲吞下次如果經過一定會會再食雲吞,同埋下次麵就可以試下招牌麵,因為我見到好似幾多野食

今日.我負責等人來維修家居電話,一定要在元朗,就一試呢間店..係小店來.樓面一個負責收銀.一個樓面..樓面好熱心,不斷介紹呢間店有什麼好食...?好有禮...席間.我聽到其他客人,除了聽到一班師奶..討論港孩的問題..仲有一個男食客,想叫三併食物..店員話:唔好意思..無啊!之後男食客...都係錢的問題...你加我錢....20元都俾......之後樓面問老細...老細..話係無...唔關錢事..係廚師唔會咁樣做?每個廚師都有性格....樓面立刻說叫1個淨餸仲平....客人.話唔關錢事.佢鍾意多餸...我有2個感想...廚師可能覺得三併破壞品質.幾多錢都唔做..好有性格...第2個感想...我以後食麵.唔會三併...哈!!我點了一個...凍檸茶同牛腩米牛腩米:20元...呢間店分潮式牛腩同廣府牛腩,可以雙併.就加5元.......我呢個係廣府牛腩....令我驚訝呢碗粉.幾大碗..仲有幾件大蘿蔔.蘿蔔清甜無渣..最勁連消除牛腩騒味的葉都係度....值得一讚係牛腩有5至6件.肥瘦適中色澤偏紅...味道甘而香甜...只是20元物超所值凍檸茶加6元....茶味,如果10係最高...都有8...

呢排呢間清湯腩就出左幾隻新野,其中有豬潤麵,七寶麵同埋招牌麵本人試過幾有新意好少人做,但係又整得幾好食下次再食過但係我個人就比較鐘意食"炸醬麵",呢隻炸醬本身就唔係好辣,但係落左少少佢自己整既辣椒油就變得好辣(可能我唔食得辣)之後同個朋友一人一支野飲,我叫左COFFE佢就叫左奶茶,我就試過"大快X",同"大X樂"我覺得仲好飲過佢最後每人埋單都唔係好貴,學生都比得起其實有樣野真係唔係好明佢附近個間"X記"(大家知啦),日日都見到好多人未開門就排哂隊但係講真我覺得潮龍淨係個堂面都好過間"X間",而食物方面潮龍真係拍得住佢下次各位既然要排隊不如去潮龍食,2間都有得揮,與其企係到曬不如去間好D啦