澄居

營業中

休息中

之前聽講過呢度食串燒omakase既，一早打左俾老闆話想食象拔蚌同喜之次，其餘都可以佢發板，仲可以自己帶酒添！老闆好nice,會同客人傾計但又唔會煩住晒. 頭盤有三文魚腩沙律同最期待既象拔蚌刺身！刺身係剛剛由日本運到既！鮮甜且帶海水味！真係feel到去左日本碼頭即食咁！之後食左d大路野例如牛舌，雞翼，雞肉棒同其他，牛舌薄左d，我比較鐘意厚既，另外兩款都唔錯. 之後仲有迷你版喜之次，第一次食！都幾好食但係諗唔明點解平時大條既要$800咁貴，都係叫試過下就算... 最後埋單都幾貴不過食左咁多好野都係值既！

我第一次到呢間食店。食物好好食，但我掛住同店主隻貓玩無好好影食物相。雖然沒有餐牌，但只要事先同店主whatsapp 溝通好，你就食到自己嘅心頭好。好感動係我突然想飲梅酒，舖頭無，店主走左出舖十分鐘左右同支梅酒返左黎。食鳥冬時突然想配温泉蛋，佢又整到出黎。佢仲比我播自己KK BOX啲歌，非常enjoy 的一晚。只得店主一個人及他的貓。但我感到店主嘅熱誠同努力。這樣的小店值得支持支持。

黎過呢間餐廳好多次 決定寫返篇食評！以前呢間餐廳完全冇餐牌，一入到去老闆會問你想飲咩食咩，第一次乜都唔知有咩揀，老闆就會問你食唔食牛呀 魚呀等等， 感覺幾好，更加期待既係將會放起檯上面既會係咩。而家有餐牌喇！可以揀唔同串燒，shabushabu 等等，但都可以跟以前一樣，由老闆發版！分享下最近呢次食既野先。。。Overall 真係好好味 亦好舒服 老闆既pocket 入面有好多唔同既菜式，每次黎都好正 又有唔同。細細間店 有d似日本既小店感覺。 下個weekend又book 左檯了

其實無諗過寫食評，所以初時無影什麼相！但食完覺得呢間小店好有心，好抵讚！所以就寫啦~其實想來食好耐，今天終於有時間試一試！一入到店老闆就好貼心地問我們想飲什麼，“果汁啱唔啱？”我們有兩個人都說好丫！另一個友人因感冒想飲熱飲，老闆整了青檸加熱水，加少少salt,友人說好好飲！👍我們點了shabu shabu!但其實我們不知有什麼食的，老闆幫我們揸主意！原來是海鮮！有三隻大蝦，帶子，生蠔，蜆，牛肉等！但因為我們都不食牛肉，老闆好好地幫我們換了白鱔！重有好滑的烏冬！味道調得十分好！但不夠飽！於是我們再點了燒豬肉！初時以為係串燒咁！點知係喜出望外！！如圖！最後我們甜品我們點了雪糕！但後來才知雪巴重正!還好！我們的椰子雪糕也不俗！！雖然最後埋單三個人要900元！好肉痛，不過咁優質服務和食物！都係物有所值！

早前留意到西營盤有間食串燒的餐廳澄居串燒料理 便提議朋友一試一開門, 老闆就"喂~~~~黎左呀" , 當刻反應: 我識你嗎? 哈哈!!! 店內地方不大, 可坐十多人, 老闆極為親切, 好像識了很久的老朋友一樣, 第一時間就問我們飲什麼之後老闆問我們想食什麼 (他一直在做另一張枱的單子, 同時又一邊招呼我們), 就當然問他拿餐牌啦, 進知原來他沒有餐牌的老闆會介紹今天有什麼新鮮, 亦可以直接告訴他想食什麼, 甚至可以跟他說BUDGET多少, 由他拿主意! 我就跟朋友一同上網看看有什麼食, 老闆見到, 又叫我們上上餐廳的FACEBOOK看多一點其實有好多的食物都想試, 可惜老闆入貨不多, 下次真的要預訂呢!! 還未點完菜, 老闆已經燒好了粟米和芝士烤蘑菇了粟米:粟米超甜, 最特別不是甜, 而是重重的牛油味和鹽粒, 不會只有甜味, 鹽味反且將粟米咪帶得更突出芝士烤蘑菇: 蘑菇烤得非常的好, 蘑菇的汁鎖在裡面沒有流出, 上面的芝士亦燒得很好, 黏黏的躺在蘑菇上, 當一咬下去, 蘑菇裡的汁就開始溢出來, 正煲仔飯:煲仔飯做法無異, 但用料不錯, 有蜆和螺肉, 男友叫老闆放多一點(開放式廚房),

成年冇幫襯，店子親切沒變！其實吃的還有很多，花螺和汁煮大根就是這裡的招牌小吃。三文魚腩也零捨肥美，油潤程度是難以用筷子夾起。由於我們特別 request，店主專登訂了時令的 Gillardeau n White Pearl，新鮮度只要試試裙邊就知。這夜沒有白酒，house sake 和黑壁亦足以讓人醉了。鹽焗鵪鶉蛋，size 比起街邊燴蕃薯檔的更大。薑汁蘆筍完全冇渣，做得又香又 juicy。厚燒白鱔油份豐富已無可匹敵，新鮮的食材只需鹽和黑胡椒調味就很足夠。未上鏡的還有皮脆肉滑鹽燒雞翼，滲透著陣陣牛油味的燒粟米。尾聲是日本空運的菠蘿雪芭，賣相可愛，酸酸甜甜清新得很，可以 balance 返之前的飽肚感，雪芭內有幼細的菠蘿果肉，口感極佳。這次跟店主的知己「泳兒」拍了些寫真，她姿態優美地整餐晚飯陪伴在側，甚得各位歡心！已多時沒 update 開飯記錄的我，再次為店主寫幾隻字，除了欣賞他熱誠為顧客的態度外，就是那份不屈不撓的精神，那怕只是一枱客，只要可以專心一意提供服務就是了，聽他一席話，不得不要寫個「服」字。

天陰陰未夠兩點落街搵食，本來一心諗住走去東邊街新開張嘅森沃睇下咩價錢有咩野食，點知坐滿咁滯門口又冇餐牌。之後就掉轉頭走去小上海碰碰運氣，無獨有偶，同森沃一樣咁爆。正想落多條街買飯團當做晏之際，經過之前好幾次都想試下嘅澄居，皆因同區專做堂食嘅日本菜唔多，不過經開唔係烏燈黑火就係冇咩人幫襯咁，今日一於試下佢。坐低左，一腳踢嘅老細就開冷氣播住歌咁介紹下有咩野抵食，落完order我就睇住都市閒情等食嘞。叫左啲乜?兩張相睇曬，下次夜晚黎試多啲串燒先有得話好唔好食。總結: 好歌，好貓  (隻貓初頭成尊佛咁我留意唔到，之後老細就收返佢入籠)，好氣氛。相片說明由手機上傳之後係網頁版Openrice提交唔到更改， 菜式名憑記憶，未必跟餐牌一樣另外我鐘意佢用扁筷子 別註:第一次寫食評，唔知點解，可能戚起條筋掛。

星期一到朋友推介的心水日本料理店子為她賀生日, 店子門面不十分起眼, 感覺簡樸, 牆上滿是貓貓的生活照。除店主以外, 還有另一位長期打"躉"的知客, 她叫"詠兒", 是店主心愛的蘇格蘭短毛貓寵物, 閒時到處招呼食客, 很乖巧這裡開業只3-4個月, 由到市場選料, 落單, 料理製作, 招呼客人, 收銀, 甚至店內佈置… 都是店主全權負責。年終無休, 由午市營業到宵夜, 實在盡心盡力, 為的只是想客人吃到價錢合理, 口味正宗的日本料理。何謂正宗?! 店主是專誠跟日本師傅學藝, 那份對食物用心製作的追求, 誠意可加。為求進步, 也很open接納食客的意見, 從交流之中發掘新靈感。當晚order的食物其實都很多, 數一數先… 有汁煮大根, 辣汁煮花螺, 芝士大啡菇, 燒多春魚, 白鱔, 廣島蠔, 油甘魚鮫, 帶子… 還有我自家製的鬆弛熊彩繪生日卷蛋 (順帶一提, 為保持新鮮和神秘感, 我特意前一天把卷蛋送到店子, 店主很合作, 而且保持得好好, 讚！！）到正題, 講返食物…先是汁煮大根, 很日式的製作, 蘿蔔本身很夠甜和多汁, 而且汁的調味相當好, 沒有過咸, 煮得入味, 感覺清新開胃 ☆☆☆

從來沒有寫過食評，破例一寫只因我倆也被這用心的小店感動。店子位置比較偏僻，座位就只有十二個，店員、大廚跟老闆就只有這麼一個人，清理桌面，點菜及上菜等動作少不免要稍作等待。難得的是一眾食客也毫無怨言，還會囑咐老闆慢慢來，完全感受到濃厚的人情味。食物種類不多，只有三十來種，本身也不存太大期望，誰知點了的數碟食物都充滿驚喜，我倆高興之餘也不忘立刻追加。蓮藕蘿蔔豆腐，不知為何沒有豆腐，無論如何，也是很好吃的一味菜芝士菇，好吃！豬肉波波，店主不太會解釋的一味菜，我們吃過後也不太能解釋，反正就是很特別，也挺好吃芝士餃子，唯一比較失望的一碟，燒得有點焦，影響了味道黑椒牛肉粒飯，很好吃，很有驚喜，差點便想再點一碟西冷牛排 encore炸雞翼，很好吃，也很容易吃總括來說是這是很滿足的一餐，感謝老闆的用心，也感謝把我帶來西環這人情味小區的那位。

由於之前係openrice未搵到呢間餐廳, 依家一次過寫返自己食過又覺得好好味既食物介紹比大家!第一次去純粹路過, 入到去第一個感覺好溫暖, 餐廳貼滿店主既寵物, 有貓有狗, 擺設亦幾特別, 好有台灣小餐廳既感覺。係時候介紹食物!由於食過好多次(依家已經成為飯堂!除左因為食物好味, 最重要係店主好nice, 會記得每位客人既喜好!呢個係汁煮大根(凍食), 入口好清甜, 夏天必食! 銀雪魚西京燒, 銀雪魚本身好甜, 加上店主燒得表面十分脆口, 入面軟林林, 好好味!!燒廣島蠔及油甘魚鮫, 蠔算大隻, 加上店主自製酸汁, 好開口! 油甘魚鮫好肥美!燒茄子, 相比其他食物較普通, 勝在唔會燒得太乾身親子飯, 唔好睇佢外表一般!佢係我食過最好味既親子飯!!材料簡單但真係好好味!必食!!!最後要補充, 店主真係好親切, 每次都會問客人意見, 環境亦十分舒服!而且可以包場, 價錢算超值!!

西營盤有好多呢啲細細間食肆, 呢間澄居就係其中一間. 座位數目不多, 大約只有12個位, 我地一行七人已佔去舖頭大部份位置. 小小舖子只有一位員工, 小二, 廚師, 收數都係佢. 我地估老闆都係佢. 地方不大, 但係有一個掛牆大電視. 綠茶(注意: 是熱的!) 以桌上的白酒瓶盛載. 陳設簡單, 一些細節別具心思. 例如渠蓋杯墊. 可能因為都係街坊生意, 所以我地去到唔洗等位, 老闆服務態度殷勤, 不過由於得一張細細餐牌, 我地都係問老闆有咩推介, 就食咩. 其他後來入黎既食客都係靠老闆推介或者睇下其他人食咩就食咩. 我地叫左金菇牛肉卷飯, 親子丼, 同地獄雞扒拉麵. 餐飲大家都飲罐裝檸茶, 加$5蚊. 午餐平均價錢都係三十幾蚊. 佢會有烏冬同拉麵供應.由於得一個人, 所以都係要煮完一樣到一樣, 不過都唔算等好耐, 而且味道不錯. 如果人少少, 可以考慮幫襯.