澳門九記清湯腩王 (已結業)

想見識下老鼠點樣識飛？來裡間餐廳就岩啦！火都來埋！食食下天降米奇～奶茶一啖無飲，即走！！高速埋單；收銀淨係識講‘唔好意思’一邊快速咁找錢。抵到爛！50來蚊當跌左，睇清楚一間餐廳素質～永久唔會再幫襯；通知埋親朋好友～原來香港都有野生動物園嘎。🐘🐴🐷🐶🐑🐦

一個人行完信和買高達，搵附近餐廳醫下肚仔先，就咁行行下就去到呢間海南雞專門店，都食左好多年，水準依舊。呢到啲雞呢全部都係會去骨嘅，除左雞翼，所以食落啖啖肉真係好爽皮。而佢啲雞皮都好滑，有少少味唔會太鹹。雞肉方面呢，佢斬左雞髀同雞胸，雞髀肉食落好彈口好好食，雞胸老左少少但都接受到，而且都仲有雞味，算係咁。個飯底就好有油香，配雞一流。最緊要有薑蓉，師傳教落雞配薑蓉就最好食，個蓉唔太鹹唔太辣，送飯送雞都好好。個辣醬就不了，我真係唔食得辣，唔評。蘿蔔湯呢，味精湯好好飲（笑），蘿蔔好甜無根夠林，好好食。環境就普通旺角茶仔咁，無乜招呼，無乜裝修，不過一支公有乜所謂呢。

呢一間係我返工嘅時候，Lunch time搵到但係令到我帶啲眼鏡因為真係好唔抵食同埋好貴。但係呢一間野都意外地好多人去食，我聽到好多操流利普通話嘅人應該多數都係大陸人幫襯。佢嘅份量真係十分之少，味道都係一般般，海南雞飯唔正宗，佢多咗一Pat蒜蓉就破壞左成個海南雞飯。而我兩啖都食完了，全程5分鐘我就已經將成個飯食完。所以下次一定唔會再幫襯，今次我蠢咗呢間野應該係做開遊客生意，仲諗住佢有少少本地良心，我真係諗得太多了，搞到我仲要去出邊叫多個牛腩麵先至可以飽肚。，所以呢間野我真係唔會再去，亦都強烈建議其他人唔好去最重要係買$60唔包野飲。但係佢都有好嘅地方嘅，就係可以快速咁食完，味道係開胃嘅。但係真係好唔抵食

嚟呢間食店我只會食佢嘅海南雞髀飯因為雞肉好滑好香， 跟小小薑蓉+一小碟綠色小小辣嘅汁簡直係天作之合 令本人每次中午經過油麻地都會心思思鼠🤣😉入去食🐥🍚而丸記不太油膩嘅雞油飯，更勝觀塘碼頭某間出名大飯店， 因大飯店雞油飯過油 ，而丸記轉雞髀只要加六蚊 😸 凍飲加四蚊！ 地點又方便 🤗重點係佢哋海南雞飯油朝賣到晚 🤩🥳唔會入到去冇得食但係其他嘅食物就唔太吸引， 而咖哩牛腩就絕對唔好叫😬 一定會後悔， 但都已經吸引我最小每個月去食一次 果然獨沽一味就夠洗🤣🤣·

一家明星粉面店，店內牆上貼了密密麻麻的明星合照，店鋪雖不大，卻總有當地人為美味而來。最為有名的就是清湯牛腩了，出品很不錯，湯底清甜，肥瘦相間的牛腩入口不硬而爽滑，慢慢咀嚼時牛脂香氣緩緩溢出，香濃撩人。

話說講起海南雞飯，女朋友話有一間佢由細食到大，鋪頭名由九記變成丸記，但一樣都係甘好食ga，highly recommend 我去試下。好‼️就睇下你有幾好食🤨D雞又滑又淋，減緊肥ga我，都忍唔住偷食咗幾舊雞皮🙈真係好食至停唔到口👆🏻跟飯送ga雞湯同蘿白雞湯絕對係真材實料，唔係好似其實鋪頭送ga味精湯；D蘿白炆到入哂味，最後忍唔住要encore多一碗🤤甘高性價比ga海南雞飯，真係值得強力推介‼️

記得學生時代經常幫襯丸記（當時應該仲係叫九記) ,今日難得經過 一於就入去回味下啦！！諗都唔諗就叫左最愛嘅海南雞脾飯，真係估唔到過左咁多年再幫襯，D雞都仲係keep到咁滑滑 ，d味一d都無唔同到，加埋泰式醬汁，最啱依家咁熱嘅天氣食！非常開胃跟飯仲有雞湯送，唔好睇佢螢光黃色咁⋯其實都幾好味，又唔油！入面舊蘿蔔深得我心，又甜又無渣。除左海南雞飯，其實蕃茄牛腩飯同豬脾飯都好好食架！可惜一次食唔到咁多野，唯有下次再黎幫襯啦

2個人來個快食的晚餐，看到泰式海南雞飯只是$50(配老火清雞湯)，就來一份試試吧。雞件的份量多，雞肉味都重而不肥膩；油飯不過不失，飯質一般；清雞湯很香，湯中的蘿蔔完全沒有渣；配海南雞的醬汁令整個餐生色不少，有特色又開胃。還要了個廚師秘制咖哩類的秘制咖哩豬扒飯($56)，雖說是秘制的咖哩，個人認為一般的正常發揮，反而豬扒要讚一讚，很有厚度，又軟又入味，吃完了一碟飯還會剩2-3塊豬扒，好像吃不完的那麼多，份量十足！

晏d約咗人交收，諗住求其食就入咗丸記食個lunch，2點到時間人客不太多都幾多位侍應叫我坐則邊位，我個人都未坐低就一路企係我則邊到我坐下睇下食乜都唔走 乜我去咗澳牛咩？諗下都得瓜？之後拎個餐牌嚟。。攞我則邊咁我叫個咖哩牛腩飯加可樂好快上枱。。。咖哩唔辣。。。味道可以的！ 大概有5舊牛腩一舊薯仔。。。口感可以唔算出包。。。最出色係d員工。。上枱所以嘢都係叼喺我側邊雖然平民嘢姐。。。態度唔洗咁瓜。。。。所以無咩事都唔好食e到啦。。。

原本是到果欄買生果的，逛了一圈後實在買不下手。回程時經過砵蘭街，瞄到＂九記＂？行近一看，澳門九記。也好，反正有點餓，吃個下午茶再說。除了清湯牛腩外，還有海南鷄飯同香芧豬扒等泰式食品。心大心細下選了清湯腩河。下午茶送飲品，選了凍咖啡少甜少冰。咖啡一上桌，啡色略淡，奶比例稍高。喝一口，太甜了！不是少甜嗎 甜味過後咖啡香出來了，略帶杏仁味，看來咖啡原本是不錯的，但甜味實在太甜嗆了。清湯腩份量不少，６大件牛腩，配一件白蘿蔔。夾一口河粉，熱氣跟著湧出來，熱辣辣的實在是大愛河粉比較幼身，夠簿，也滑，能掛湯，入口滿口湯底的清甜味，不錯。蘿蔔是甜的，但有點假甜。牛腩半肥瘦，腍得來保留咬口，肉香慢慢滲出來，不特別濃，但配上適中的油脂，令肉味稍稍突出，肉質更滑，不黏牙看看其他食評，原來海南雞比較出色？路經的話，可以再入來一試。回頭率：  3.2/5.0

我好鐘意食海南雞飯，成日都周圍搵食，呢間就係同事介紹的。雖然呢間鋪頭主要係食清湯腩，但我睇過評語都麻麻地，所以就只係叫左兩碟海南雞飯。清雞湯充滿住蘿蔔的甜味，清清地幾好飲。雞的份量都幾多，已經去哂骨，雞皮都算爽，食落唔肥膩。飯底就無特別，普通油飯。個綠綠地色的醬汁係整個飯的精髓，好快比我點哂，下次要多醬先得。當晚見到的客人大部分都係點海南雞飯，睇黎真係幾受歡迎。雖然呢間的海南雞飯未算係食過最好味，但整體上都算唔錯，可以再食。

本身朋友推介呢間舖頭嘅海南雞飯，但見到店名覺得搞笑，因為呢間舖名叫九記清湯腩王，主打應該係牛腩，但見到唔少食評都話啲牛腩好一般，又太肥，反而海南雞飯比較受歡迎，咁我都唔冒險，叫左個海南雞飯算數。食物上得好快，唔使5分鐘就有野上，先黎碗熱湯，熱辣辣，有雞味，轉頭就上飯，個海南雞飯份量都ok適中，雞唔算鞋，又唔算嫰滑，個黃油飯都幾香，我覺得最好食係個醬，好好味，整體黎講都可以話中上啦，下次會黎試下佢啲牛腩😬

油麻地地鐵站出口附近一帶，印像中都有不少食店經過呢間 "丸記"， 見佢門口貼曬相片，好似好多人幫襯，應該味道都唔錯，所以我哋就去試下啦！先講環境，舊裝修，環境污糟！食物: 我叫了一碗雲吞魚蛋麵，雲吞裹面嘅蝦沒有生氣，不夠新鮮， 魚片頭並非潮州魚蛋魚片頭，總之食落冇味！服務員手指甲起曬黑邊，真係睇見就冇曬胃口！

這裏是我經常會嚟食海南雞飯的地方， 我感到這裡做的海南雞飯， 配上特製的汁， 十分好食， 平時我食很少飯的， 但每次在這裏我都會加飯， 而且全部食清的， 我感覺 他做的海南雞 比翠華做的更好食， 因為他做得很滑， 連胸肉也感到不錯， 我差不多一個月都會去食一次的， 試過很多間海南雞飯，大部分 都比不上他的味道， 而我丈夫總喜歡在這裏吃清湯腩 撈麵或者河粉的， 而我 因為皮膚敏感 ， 不能食牛 ，所以就無福消受了。 不過這裏座位就是快餐形式的，不而坐得太耐，一食完就要走了， 最差還是廁所， 地很濕很滑很細的， 入去真要小心小心喎。

清汤腩很硬很肥，咖喱牛腩如川菜一般辣。论性价比还不如翠华！十几次到港，第一次遇到要吐槽的餐厅！萝卜很老，里面有很硬的丝，但是单点萝卜的汤很鲜。卫生一般，茶水上面还飘着油花，就是杯子没洗干净！老板要好好擦擦地板，走在上面溜冰一样的感觉啦，生怕自己飞出去。煮面的厨师边做饭边吸烟，都怕烟灰掉进锅里，清醒自己没有食面！还有，要诚信！有人误作九记牛腩，问老板，也不否认，只是指一下自己的牌子不说话！餐巾纸是卫生间用的卷纸！