澳門台山水佬榮火鍋專家 (已結業)

突然好想打邊爐 上Open Rice睇下有咩好食就見到 << 水佬榮航母盛宴>> 正好想食海鮮火鍋就即刻飛的去食👍🏻，去到留下原來有分時段食 $208 - $238一位( 星期日至四 ) $238 - $268 一位 (星期五、六 ) 👍🏻扺食過其他放題好多，但佢唔係放題，係一個好多野食既套餐，我去果個時段係 $238都幾多人排隊，不過等左一陣就有得上去，排隊嘅時候仲聽到幾個𡃁妹話已經食過幾次，一定要叫返個辣汁湯底，所以我地上到去就叫佢地話超好味果個湯底啦👍🏻，航母盛宴係海鮮個煲大到航空母艦咁，又真係好巨大👍🏻，有好多海鮮，仲包埋配料，海鮮好新鮮，湯底真的一流，非常滿意，下次一定會再來仲會打電話預約👍🏻

本來也不想評論，但真係忍唔住要講下呢間又唔太突別好食，價錢不太平，最重要係服務態度超差，叫人就十問九唔應，我明白繁忙時間你地會好多野做，但唔係過到來嘅時候將你哋嘅情緒發洩喺客人身上，咁樣嘅服務態度就唔好做服務行業啦以後都唔會再去嘅餐廳

星期六為左慶祝爺爺6x 歲生日 一家大細去左食勁正航母盛宴 我地總共有九個人所以叫左九位份量 平時出去食餐飯都要四五千 今次埋單加一收費、小食、醬料費先三千 仲要係勁足料 個煲有好多好多海鮮呀 全部海鮮都好新鮮 隻蟹仲會旭 帶子勁厚肉 蝦好味 花甲又好味 湯底叫左小辣味道 個味係出面食唔到煲左陣海鮮鮮味都出埋黎 勁好飲 最後埋單仲送埋雪糕糯米糍 出面買都要＄8 一粒 我地每人都有一粒 星期六 ＄268一位 仲要包埋配料 真係好平 下次平日黎先 因為會再平d 哈哈 爺爺食得勁開心 真係無介紹錯

之前見到廣告介紹已經好想去，因為一路都係水路榮fans!! 我平時好鍾意食花甲鍋，因為真係好多花甲！就咁食個餸都好抵，而且個湯底好夠味！打邊爐上來，就連豉油都唔使點，個味都夠！ 講返今次，航母一放上枱，堅好震撼！影相post fb呃like一流! 未計各項茶芥及小食, 最平應該日至四去食$208/位，咁我覺得茶芥查架分開計都正常！你去酒樓都要啦！小食裏面: 我比較鍾意嗰個酸嘅青瓜~參考過其他人嘅食評，知道要食花甲先！厚身嘅蟹要留最尾。如果唔係驚會唔熟！不過啲侍應都好好人，我有個朋友連微辣都食唔到！特別要求佢比碗清湯我，自己過冷河！佢都冇收到我哋錢，當我地好似平時加湯咁咋嘛！唔食得辣嘅朋友，記得要提佢哋真係好少辣啊！

補祝返朋友A生日，一行6人黎左食航母海鮮，係FB見到d海鮮好吸引又勁大盆，預早book左位，準時6:00黎到，係order紙選左個小辣湯底，5款火鍋配料（包括有安格斯肥牛，貢丸，蓮藕片，蟹棒，魚皮餃）唔洗等好耐已經成盆海鮮搬左上枱，侍應等我地影完相後就開始加湯上蓋等佢滾，蟹，鮑魚，青口，扇貝，基本上係可以每人分到1-2隻，蝦會再多d，牛肉係幾唔錯嘅，其他就係一般火鍋配料，海鮮食落去係真係新鮮嘅，但蟹呢就有d偏細隻左，蟹肉食唔到好多，配料方面佢都係計人頭上俾你，每樣每人兩隻。飲品係唔包嘅，叫左一渣竹蓆茅根，好清甜唔會好甜，解渴一流，之後因為愈食愈咸每人再叫支裝可樂，佢地送左三個公仔麵，食到最後我地都係落左兩個就夠啦，但個湯底係食到接近尾聲就勁咸，呢樣要扣分，整體都ok，侍應都勤換骨碟，未算話好爆場。埋單計埋酒水$18xx,未算好抵食，叫做試下呃下like咁囉

係facebook見到朋友食呢個海鮮鍋好似好勁咁，作為seafood怪的我即時約朋友去食啦梗係！佢係人頭計，再另外可以點5樣火鍋配料。我地點左安格斯肥牛本地手切牛肉冰豆腐午餐肉響鈴而個鍋就有蟹，蝦，沙白，蛤，扇貝，鮑魚，8爪魚。我地想揀中辣，但waiter 堅持話會太辣，叫我地點小辣，最後真係唔辣要叫佢加辣🌚看似好多，其實好小野😐食完都唔太飽🙄咁大個盤用2個電池爐hit 住，中間係唔會滾到，感覺唔係咁好，始終係海鮮。。。D 沙白又有怪味。其他海鮮ok la,冇咩驚喜。最攪笑係當日係朋友生日，準備左個cake 做驚喜，我特登扮去廁所叫個waiter 上蛋糕，點知佢轉個頭行去我地個位度問係唔係要上蛋糕🤦🏼‍♀️🤦🏼‍♀️🤦🏼‍♀️咩驚喜都冇曬。總括黎講一人要成300蚊其實可以食其他，應該唔會再黎🤦🏼‍♀️

綽頭「航空母艦」，大就夠晒大，但蜆有8成都唔開口👎🏼，叫經理換過後十成都能打開， 證明剛才的唔新鮮👎🏼。除咗蜆外螺都細得可憐⋯⋯我都唔知點樣撩出嚟食。👎🏼公道啲其他食物都好鮮味👍🏼，不過價錢都幾貴😱，叫航空母艦嘅話就要計人頭費$238+醬料費＄18+茶介$10+前菜花生兩碟$20再加一， 飲品另計⋯⋯🤦🏻‍♂️推薦：唔記得左叫咩名，但有個三層碟嘅牛肉幾好食值得推介。👍🏼👍🏼👍🏼全店有兩名經理，除咗瘦嗰個經理可以叫佢食屎之外其他員工服務都好好而且很幽默😂👍🏼總結冇下次。🌚🌝

曾經幫襯過至少五次水佬榮嘅花甲蟹煲，係新鮮好食嘅，我成日話佢嘅湯底連豉油都唔需要，亦介紹不少朋友去食，可惜味道同服務一次比一次嘅水準低。加上佢嘅價錢唔平，所以有一段時間冇再去食....最近水佬榮狂賣廣告嘅「航母海鮮盛宴」無論Facebook～ ig～朋友之間都比佢呢個大鍋吸引，所以我都唔執輸嗱嗱聲去試吓先早兩日打去book咗平日既八點半， 238一位需要＋1 醬料費 小食登～登～～登～～～登～～～～個鍋真係好呃like大到要前後用二個Gas爐先頂的住湯底建議大家揀蟹湯底，唔食得辣嘅可以揀微辣蟹好新鮮仲係郁既，蝦雖然冇郁但都好彈牙，鮑魚同扇貝都幾大隻👍🏼「員工最主動嘅就係依一刻，主動話幫我地同個鍋合照」要問咗n次熟未，先教我地原來要先食蜆，蟹要留返最後食....點解我哋要問佢熟唔熟，原因係 只有兩旁係滾嘅，中間係死水一直都唔滾...好怕會肚痾另外可選五樣料揀左肥牛，牛肉粒，雞件，午餐肉同油炸鬼肥牛同牛肉粒好牛味 午餐肉應該唔係用雜嘜牌雞件同油炸鬼把鬼，雞件冇味仲切到好細件...油炸鬼一啲都唔脆，疑似放左好耐....另外加左招牌墨魚滑一啲都唔好食仲叫招牌同炸響鈴炸響鈴同油炸鬼一樣疑似放左好

今天一行10人滿心期待去食航母盛宴，點知比預期中差，普通一間火鍋店都一定比佢好，老實說海鮮份量算多，但因為個鍋太大，個爐又係正冷氣口，根本滾唔起，一開始已經同店員講，佢話叫我哋耐心d，之後加蓋有位女服務員話5分鐘唔得就成鍋換，我地計時到左5分鐘叫佢，之後打開都唔滾佢先換gas,再將冷氣溫度調小，試想想海鮮放太耐先食乜都唔好食啦，之後因為太熱叫佢調大冷氣佢地勁唔願意，服務態度超差，埋單$37xx, 下次請我都唔去，成肚火😡😡😡

打邊爐真是港人的一大娛樂，無論冬天定夏天，小人定多人，都會看到火鍋店內長期坐滿人，真是一年四季也不缺客人。有些客人是食肉獸，枱上的全是牛肉；有些人則是海鮮怪，枱上放滿各式各樣的海鮮；有些人更是湯底控，沒有特色的不要，總知就是五花百門啦。可是，最近知道有一間火鍋店推出了一個航母海鮮盛宴，用上一個超大型的鍋來打邊爐，感覺有趣，便即相約友人們一試。 店內雖然沒有華麗的裝潢，但卻勝在平實舒適，座位間一點也不擠迫，而且卡位都很寬敞，幾個朋友圍在一起確是開心。今次來的目的當然是為了超巨型的航母海鮮鍋而來，實在非常抵食，大約$238一位，以人頭計，基本上每位客人都會有8款海鮮，4款蔬菜及5款自選配料，款式也有不少可供選擇。 事不宜遲，四人份量的航母海鮮鍋送到了，份量真是驚人，當中的海鮮都很生猛。我們在多款湯底中點選了招牌的辣汁(微辣)湯底，當侍應加湯入鍋時，花蟹更是非常生猛而周圍走。 由於鍋具太大而沒有蓋子，所以都要等待一下水滾的時間，就在此時，我們數一數海鮮先。有花蟹、鮑魚、大扇貝、青口、海蝦、花螺、蜆及墨魚，份量真是不少，花蟹、鮑魚及大扇貝每位一隻，而青口及海蝦也有兩隻，其餘的都有為

上星期日男友話帶我同D朋友去食水佬榮既航母盛宴火窩, 可能我見識少, 之前都未聽過,不過男友知我好鐘意食海鮮,見人地介紹話呢度好正, 難得咁有我心,咁就信佢一次啦去餐廳之前有小小插曲,因為我同男友都未去過, 就上Open rice 揾下地址,見到寫住上海街37號, 就開google map 揾路啦, 點知去到乜都冇,嚇死我,望真D 其實係佐敦道37號, 只係佢連埋上海街, 大家記住唔好去錯啊(可能得我地咁白癡)本來約左朋友8:30, 去錯地方過返去都9點了. 朋友已經拎左位叫埋個航空母艦,我地坐底就開始等食啦, 等多十分鐘左右, 航空母艦就上場了 真係好大盤, 我見到都流晒口水, 最重要D蝦同鮑魚仲郁緊, 好新鮮啊! 侍應哥哥話比我地影晒相先開爐落湯, 我地就揀左個辣汁湯, 好快個湯就滾左, 大家都開始掛住食野, 唔得閒講野.我試左一啖湯, 唔算太辣,正! 扇貝好大隻,好厚肉, 蝦都好鮮甜, 我自己最鍾意就係隻鮑魚, 真係好鮮味. 蟹都好食,不過我覺得太細隻, 肉小左D.食到咁上下, 大家覺得唔夠食, 仲叫左一碟牛, 雞丸同豬肉丸, 牛我覺得好好食, D丸我就覺得好一般啦.最後埋單5個

剛剛在台北吃了一間航空母艦，名叫痛風鍋，鍋裡面有勁多不同的海鮮，十幾種蝦，名乎其實，吃到你會痛風。 在二萬公里飛行里數的香港，我地都有個好強勁嘅航空母艦，我是從instagram看到H小姐食過後讚不絕口，於是，我再次來到水佬榮，這間澳門名店。 如果你對澳門有少許認識，你應該會知道水佬榮個朵，出名的火鍋店，就算名人明星食家遊客都讚不絕口，不過，澳門價錢都幾貴，不過，香港分店反而平易近人，在佐敦火鍋林立的情況下，這裡都是我其中一間心水。 今晚為了這航空母艦而來，像我這般海鮮精一定鐘意。 混醬度度都有，但這裡竟然有來自海南島的黃辣椒，呢個配海鮮，係一流，記得不要錯過。 精選火鍋湯底係佢經典嘅辣海鮮湯，當場落去架航空母艦到，海鮮撞海鮮，那震撼有如台北的那個誇張海鮮鍋。 今晚的八款時令海鮮有鮑魚，花蟹，魷魚，花螺，青口，扇貝，大蝦，蜆肉，全部都是最鮮最時令的，加上四種不同的蔬菜，有蕃茄，生菜，西芹等等，氣勢如虹，真係同係博物館見到航母的氣魄。 幾種海鮮都不錯，最好係鮑魚，厚身而有彈性，和那個湯底打成一片。 青口同扇貝都是大型而新鮮的種，花蟹是較想像中更鮮甜多肉，魷魚，花螺，蜆肉都是中

誰說火鍋要冬天吃，什麼年代？早前見到Facebook既《航母盛宴》廣告就去試一下，呢個餐有八種不同的Seafood + 四款蔬菜 + 五款配料 ，配料我地揀左，手打香芋豬肉丸，好香好正呀，炸響玲，入哂湯汁的味道，仲正！安格斯肥牛，一食就知係靚野，食完即刻另加左一碟，打邊爐點可以無牛肉，湯底有四款選擇，喇沙，越南，清湯，辣汁，我地揀左水佬榮最馳名既辣汁湯底，二百幾蚊位，真係好扺食！加湯既時候 Seafood 仲會郁添 🦀 係新鮮野！🐙🐟🦑🐠🦐

Hi all, im Jetaime. This is the fir­st time i write a co­mment in openrice.Last Saturday, my fr­iends brought me to a restaurant for hot­pot at Jordan area. When i drove to there and i found they provide valet parking service, which quite surpri­sed me.Then four of us went upstairs to a priva­te VIP room i guess and it was so nice as we didnt need to stay in a crowded area like what usual ho­tpot restaurants offe­r.When we tried to ord­er food and the hotp­ot type, sadly, they dont have a Englis

知道這家火鍋店有很多明星歌手KOL 都喜歡過來光顧，就算是夏天都有很多人過來光顧，秘密就在於他們的湯底，店長說秘制湯底廚房足足熬制幾個小時。可選擇微辣，小辣，中辣，大辣，這次網上得知有新菜式就再次光顧，新菜式「航母盛宴」，應該是海鮮多得像航空母艦一樣既意思，加入多款新鮮海鮮，蝦蟹鮮甜可口，鮑魚帶子大隻，平均消費不用三百，還配有幾款火鍋食物，物超所值，大辣汁火鍋配肥牛，入口濃香，口感柔和，吃後還有點香辣的感覺！另外我們吃了新鮮山藥，煮的時間短，口感爽脆；煮的時間稍長，入口即化。放入辣湯一層一層地衝擊味蕾，湯底一流。