澳門台山水佬榮火鍋專家 (已結業)

聽過水佬榮好耐第一次食！湯底很有驚喜花甲雜菌湯很鮮甜！未開始打大家已經係咁飲湯火鍋配料也很新鮮！最讚係個$398牛肉三層架！頂層牛肉粒 燙20分鐘食得很有牛肉味 但有d瘦得滯有點筋！中層牛舌比較淋身 可能薄切的關係下層牛助排 又係好「牛」呢個塔算抵食又好味！其餘的火鍋料都幾新鮮手打墨魚滑彈牙！桶蠔都不錯 冬菇又大又厚！不過有一碟真係麻麻就係個墨魚滑釀油炸鬼真係...舊滑得好少 然後個油炸鬼燙一陣又太硬 燙耐d又淋到化開晒其實點燙都唔好味唔識欣賞！埋單計5個大人 一個小朋友食到飽晒 盛惠$2000當每人要$300-$400其實算合理價錢起碼食材新鮮！服務態度又好～最後仲送埋甜品生果有椰子糕同埋似冬瓜茶糕？個橙有切到一粒粒 幾有心意！下次想打邊爐水佬榮係考慮之列！

本人對邊爐有情義結,無論冬天/夏天都可以去打,而且每個月起碼2次,係fb見朋友上星期去了佐敦間水佬榮,心郁郁想試,今日即刻要去試試,到店先來一個招牌湯底-雜菌花甲蟹煲:正正正!好多蜆,雖然不是很大隻,但很鮮甜,一邊食一邊仲有好多好多。2個人吃這個煲已經飽了六成打邊爐必食 - 牛手打丸牛: 有3層 - 雪花, 牛舌, 牛柳粒 (一次過滿足所有願望)手打丸 - 墨魚丸好彈牙, 蝦丸每粒都有蝦! 每款都好好味!!!!鮮腐竹 - 落窩煲好耐都唔爛, 一食就知唔係平野 XD鵝腸 - 睇圖已流口水! 十分肥美! 入口"索索"聲!!!

中學同學聚餐吃飯，結果黎左水佬榮，門口好多明星照，難怪追星族的同學會黎依度食！我哋叫左招牌蟹煲~~貴，不值，點肉蟹結果是水蟹！！ 味道有小小鮮辣，合我心意！牛星拱照～～幾好，夠新鮮，但牛肉顏色有點黑，牛舌芯應該是冰鮮貨！六寶丸～～只有蝦丸可以，其他有啲行貨！牛丸好明顯係酒樓點心味，豬肉丸鬆散，凌魚丸街市貨色無口感一般般！象拔蚌刺身～～千幾蚊，夠甜夠鮮，刀功不錯，肯定好食^_^，至愛！響鈴～～街市行貨！-_-#檸檬薏米水～～不夠清，有點檸檬的苦味，而且好多渣，希望能改進改進！其他，牛柏葉，菜等等正常無特別！總體味道幾好，但依個價錢就好多更好選擇！

如果你吃過澳門那一間,一吃便知龍與鳳.那次在澳門的經驗,花甲煲中,無論是花甲的數量,雜菌的數量,以及味道不能與香港這一個相比,這晚真的很失望.霰雪花甲煲中的花甲除了份量小外,花甲的大細也十分小. 而雜菌的數量也少得可憐. 我更覺得湯底的味道與普通火鍋店的清湯分別不大.在澳門,其他的火鍋配料不值一提,只有花蛤的味道才是王道.但在香港,其他的配料當然比澳門好,但是質數比其他火鍋店差很多,先說是安格斯肥牛,188元,一點也不新鮮的牛肉,份量亦不多,談得上是安格斯肥牛嗎 ?花膠118元,質素不差,但份量真的太少,價錢卻太貴了.我覺得黃沙豬膶,是全晚最值回票價的火鍋配料,48元一份,新鮮,味道不錯.滿心歡喜香港出現了這個花甲煲,但卻換來這一晚的極度失望,究竟這間店真的是分店還是翻版呢?

等埋朋友收工去食，去到都11點幾，唔洗等位雖然話得3個人，不過食量係6個人所以都叫左幾多嘢食！叫左個細花蛤雞煲，味道不太差，唔太辣，但香料味唔夠重，雞幾好食，唔會太老，幾滑，但花甲就唔似澳門，數量得好少(相比之下，澳門食極都仲有)，價錢都可以接受！黑豚肉……好好食，肥瘦平均，唔會太老，好香豬味羊肉……肥瘦平均，唔會太老，唔會太蘇墨魚滑油炸鬼……墨魚滑好彈牙，但略厭油炸鬼淋晒，如果令油炸鬼唔會太淋，會好d(不過墨魚會唔熟lor~)六寶丸……夠新鮮，係人手打，唔係買貨果d，好彈牙，好爽！特愛凌魚丸！！！好香果皮味檸檬意米水……好香意米味，檸檬味唔會過重，冇苦澀味！good！

位於佐敦的火鍋店。著名的蟹湯火煱湯底。火鍋的蟹是時價，有肉膏蟹有水蟹，大摡四百蚊隻。落左火鍋冇肉食到。蜆肉完全食吾到，蜆殼就好多。唯獨湯底算是可以，當然啦湯底成四百幾蚊。叫了一個小食，糖鱔，十分怪，十分甜的鱔魚。其他配料部分一般，特別油炸鬼的那個接受不了，頭是蝦滑加油炸鬼，一放火鍋，蝦滑未熟但油炸鬼全淋。好怪。

今次已經是第四次光顧這間火鍋店，實在是美味非常，湯底用料非常豐富，真材實料，火鍋用的配菜更是非常精緻而且新鮮!第一次是和朋友大顆兒在亂碰情況之下遇上了這間火鍋店，細看之下原來它在澳門來頭響當當的，只是近年做了過江龍來香港開分店，我們還沒有幸試過澳門的那一個水佬榮，第一次便來試了這間，上網看看資料，大多都說它不及澳門那間的水準，質素及服務都劣評，這麼一說真的很想找次到澳門試一試呢!說回初試這家火鍋店，點了它們的川貝海底椰燉鷓鴣鍋，對我們而言實在是清甜美味的湯，從來火鍋店的湯，我個人都覺得只是用來灼熟食物而以，很難可以放得入口當湯飲用，但這個川貝海底椰燉鷓鴣鍋，清甜美味，實在是值得一試~這個美好的初試，令人回味的不只是湯底還有精緻的火鍋配料呢~~手打六寶丸，沒有什麼特別，跟普通火鍋店的差不多，唯一覺得顏色排列得很美觀。花枝脆鯇魚，爽脆清甜，在點菜單上已經覺得很漂亮，果然都是沒有令人失望，一條條像金魚般做型的鯇魚片在眼前，實在美得不捨得吃呢!牛星拱照一出塲就如high tea一樣，令人驚喜萬分!分三層的擺設由牛肉粒丶牛舌丶牛脊背肉砌成，整體牛肉汁很出，牛舌爽滑，牛肉粒放得愈久牛肉味愈突出。黃

The food is general good and of high qualities. We ordered the crab soup base. There are many crab meat. The soup base is very delicious. So when you put the raw food into the pot, the food became very delicious too.One special food in the restaurant is the perigord truffle(黑松露) put inside the dumpling. We can smell the special taste of truffle.The watermelon juice is very good. It was really prepared after you ordered. So it took some time to arrive. $48 for one bottle while $24 for a cup. Of c

初哥打食評，專登揀左間自己鍾意食既菜館評下分。如果你係因為食左正宗澳門水佬榮而慕名幫襯香港分店，你或多或少會有啲失望。係澳門店食，最大驚喜莫過於係個煲食極都食唔曬既花甲，同埋足秤又大隻既鮮甜肉蟹。而香港店呢肉蟹尚算新鮮，但花甲就唔太夠食啦。(雖然我地叫細鍋，但花甲數量真係唔太夠喉)。食完個蟹煲當然要食埋佢出名牛星拱照啦，。底層係特級手切肥牛，雪花分佈得幾均勻放係湯度啅幾秒就食得。第2層係薄切牛舌芯，估唔到除左串燒之外牛舌用黎打邊爐都好爽口。第3層既牛仔肉粒，食完真係要大叫"好好味呀"。食用時千祈唔好心急，放係湯度慢慢滾，大約15至18分鐘就食得。牛肉粒既脂肪比較多，非常多汁可口。3人行真係唔食得太多野，但又唔忍心嘥左個湯。最後決定叫個出前一丁，麵條吸左滾過海鮮同牛肉既湯汁好鮮甜。簡直為今次邊爐作完美句號。是晚餐單:辣汁花甲肉蟹雜菌煲:168 (煲價)+384(肉蟹)牛星拱照:398生菜:28出前一丁:18/個紫貝天葵:48/楂

是日點餐:招牌花蛤煲 ($168)羔蟹 (約$480)本地手切肥牛 (小) ($188)黑松露三寶其他.....一坐下未跟食伴談話，侍應已經滔滔不絕的介紹菜式。刺身，海鮮，羔蟹，熟食......根本未有時間掃看餐牌已經不停介紹，約4分鐘過後，食伴向侍應要求私人時間認真看一下餐牌再點單，介紹才就此完結。是次重點希望試邊爐為主，熟食小炒未有考慮。羔蟹足稱且羔多，花蛤不要烚太久，算新鮮入味。湯底有小中大辣之分，胡椒湯烚食材味道還不錯。湯濃且開胃。惟黑松露三寶略欠特色，除了肉丸有黑松露味道，其他二寶 (餃，雲吞)皮偏厚，較普通。凌晨12時後: 全單76折開瓶費： $50

水佬榮花甲蟹雜菌煲，平時自己都鍾意去人地介紹嘅餐廳食飯，好多朋友都有講過啲間打邊爐好，原本以為係澳門嘅，但係原來係香港佐敦，一直都好想試，一知道係係香港佐敦走去試下，我自己就住係旺角，所以都好近，但聽人講價錢都唔平，不過其實同不倒翁價錢差唔多，一坐低睇下個餐牌都幾多配料選擇，但系第一時間緊係叫咗個最出名嘅花甲蟹煲先啦，因為我哋得三個人食，所以叫咗個細煲，加左一隻蟹，其實我哋三個女仔嘅食量都唔太大，所以基本上一個細煲到夠我哋食，但係打邊爐當然要叫多啲餸啦，我哋叫左聖子皇,墨魚滑,牛肉等等，花甲蟹煲原來裏面嗰啲材料都好多，有好多菇好多西芹，加上我哋好鍾意食辣叫咗大辣，越辣越停唔到口，有機會會叫一大班人黎一齊食咁就可以叫多啲餸啦，我個人好鍾意食濃味既野所以被好評啦。

大名名鼎鼎澳門水佬榮,食夠左雞煲, 試下花甲煲先!我地10點去, 都要等約3個字先有位, 仲要坐大台, 有人就要調位....因為得2個人, 所以叫左個細ge, 招牌 辣汁花甲煲($168 細)侍應不斷叫我加蟹, 加海鮮, 由於只係想小試"牛"刀, 所以無加.個湯底好味!夠味夠鮮湯料都唔算多. 有胡椒, 乾蔥, 大蔥, 洋蔥, 西芹, 等等...不過可惜花甲唔多, 花甲有d唔新鮮唔開口.食完煲ge 料, 叫d 火鍋料先~火鍋料紙平均價錢都略貴, 所以只係叫左少量火鍋料.鮮脆鯇魚片($48)好味! 夠鮮夠脆夠爽! 抵食!紅薯粉($28)好一般..呢隻薯粉唔好食...重頭戲本地手切肥牛($188 細)夠牛味! 夠冧, 有口感.新鮮. 可惜細盤都太貴. d 料so far 都好新鮮, 不過價錢都係略貴 量唔算多.唔算好飽, 但係埋單86折左竟然要$500蚊.原來佢醬料茶位每位已經收左約每人$30蚊...物非所值

第二次打食評，早幾天見到今期新假期雜誌介紹 ”澳門台山水佬榮火鍋專家“就同親戚去試一下，因為我媽很喜歡吃海鮮的 ，見到雜誌的花甲蟹火鍋是推介，就點了花甲蟹火鍋大辣， 裏有很多花甲和菇，十分美味覺，還有點了超大的黃金大蝦， 雖然要$98一隻， 但絕對抵吃因為黃金大蝦比我手還大 ，我們有十人一起吃的關係 ，所以我爸 叔叔點了兩款刺身， 有象拔蚌刺身， 龍蝦刺身 ，還有避風塘炒蟹， 牛肉和一些配菜， 男人都是喜歡喝啤酒所以我爸點了一打啤酒 ，吃飽後還有甜品和西瓜，都是免費的， 大家都吃得很開心， 有機會一定再來。

辣汁花甲菌蟹煲好食到不得得了。 辣汁花甲皇野菌蟹煲中辣，睇您有幾好食先 ﹗起初湯底偏淡，但越滾越濃郁。味道有點似泰國冬陰功湯改版，無冬陰功咁酸，帶點中國香料味道，味香辣、豐富而沉實，好好味 ﹗巨形花甲有 5 - 6 cm 咁大，隻隻新鮮，爽彈鮮甜，正 ﹗即劏活泥蟹，有膏有肉，肉味濃且結實鮮甜，真係好好食 ﹗配菜大部份為味菜，菌類好少。總括黎講，以依個水準的話，價錢可以接受啦，﹗鮮雞子，因大部份火鍋店只供應雪藏的巨形火雞子架乍 ﹗真正鮮雞子 size 只有 1 - 2cm，但味道有濃郁蛋味，口感更彈牙更香好，勁好食 ﹗外脆內嫩 ﹗鮮甜味美 ﹗肥牛味道鮮甜，值得推介！

自己好多年前係澳門食過, 真係好食到離哂譜!!!!!!!!!!!!!香港開左當然想試下.....我地3個叫左一隻肉蟹, 都好大隻....當個湯底滾起左, 職員就叫我地快D拎起花甲, 如果唔係會過熟, 我地即時不斷拎起D花甲, 點知有好多, 整左好耐都仲有, 未食已經忙到飛起, 整緊既期間, waiter不斷問我地飲咩, 我地話轉頭先, 原因我地實在好忙下, drink list 根本都未睇, 過左一陣又問左我地兩次飲乜, (仲整緊花甲中)我無好氣同佢講話而家好忙呀, 一陣先叫啦...佢先無再問, 一d都唔識時務終於搞掂哂, 即刻食下D花甲啦, 根本一D都唔好食, 加咁多隻都無用啦, 又唔鮮甜又細隻仲有少少沙, 普通蜆都好食過佢, 食剩哂....講返個湯底先, 同澳門嗰間味道完全唔同, 我記得澳門用既係花蟹好甜, 個湯底惹味到爆, 花甲好大隻, 肉有紅色嗰種, 超新鮮, 仲有超多配料, 京蔥, 莞西, 芽菜, 菇都有幾種....呢間配菜唔夠多, 湯底唔夠惹味, 用肉蟹反而比花蟹更遜色!!!!! 但呢度只可選擇膏蟹或肉蟹, 都係想賺錢多, 因為一隻都賣4-5百無走雞....叫左幾款配料,