瀛 ‧ 日式料理 (已結業)

去台南玩左幾日，返黎香港俾又焗又熱既天氣搞到唔想食嘢唔想出街，爸爸話不如揸車去坑口村睇下有咩食，竟然有間日本餐廳開左，上黎Check下食評，應該穩陣，又諗唔到食咩，所以試下......住係將軍澳既人係好慘，因為呢度係美食沙漠，有車好小小，可以近近地入西貢食但貴到爆 ，而家附近終於都有間可以食到入口既餐廳，餐具靚靚係加分既，至少唔好污糟豬咁，地舖最驚係好多烏蠅飛入黎但好彩呢度無三文魚係我同爸爸既最愛，一定食！好厚肉好新鮮！同台灣既質素有得揮！但$36如果有多一兩塊就好了haha中意食生蝦既我見到48蚊隻牡丹蝦唔係唔試掛！？叫左一人一隻，好彈牙之餘又有牡丹蝦本身黏口既feel，蝦頭先正！膏夠鮮味，唔係一般既臭蝦頭，個人覺得呢個價錢係值既~靚靚什錦天婦羅($78)~真心好抵食呀！haha開頭以為把扇係炸芽菜，老闆聽到之後黎解釋原來係白素面，黃色既係菊花花瓣，好大鄉里呀>< 入面有蕃薯，蝦同南瓜，蕃薯同蝦都好脆口，最中意係個南瓜！外脆內軟，勁香南瓜味，唔係普通既得個炸粉味。好欣賞個天婦羅汁既器皿，夠大又有好多汁，好易點到，唔洗點十萬下先點到，不過個白素面應該係for睇唔係for

前菜有酸蘿蔔同日式蒸蛋，蒸蛋好好食，夠熱夠滑，而且夠咸，入面有冬菇、蜆肉。加$10 有三文魚3片，好滑嘅三文魚，付有感覺似係即磨嘅wasabi，抵食。主菜係天婦羅丼同麵豉湯，賣相好靚啊，入口都好脆。有2隻蝦、一塊蕃薯、一片南瓜同兩隻青椒。蝦好好食，炸得岩岩好，唔會太老。蕃薯係好粉嘅。南瓜好甜好食。青椒個味好重，可能唔係個個中意個陣青椒味。個飯係珍珠米加左啲汁，唔會好乾。飲左巨峰乳酸梳打，甜甜地，不過不失。甜品係柚子雪糕，好大陣柚子味，仲有柚子肉，幾特別。

前幾日去樓下食野，見到間新開日本舖，咪走入去試吓囉！嗰到環境不錯，恬静又舒服。幾有情調！走入去之后，老闆好nice！即刻俾餐牌我睇，又問我想食咩。服務也不错！第一時候叫咗和風豬軟骨拉麪，南瓜蕃薯天婦羅，三文魚刺身。全部食物都很正！又抵食！快D介绍朋友來食la!

今天我落左樓下新開的日本餐廳試試，整體餐廳像居酒屋風格，食物選擇都算多，有日式串燒，有刺身，有天負羅，沙律，炒飯，烏冬，小食都有.我一個人就嗌左個什錦魚生飯同兩個串燒，牛舌同露荀！吾洗好耐就上碟，魚生飯好多魚生，好足料，有三文魚，吞拿魚，帆立貝等等，全部都好厚切，三文魚好鮮甜，吞拿魚又冇根，好新鮮，飯係日本米，熱熱地幾好食，都好大碗，我食到夠飽。食緊途中，我嘅串燒都到左，牛舌好大塊好彈牙，爽口，吾會太油，好食！食完牛舌食露荀我覺得幾好，露荀上面加左木魚，增加了口感，露荀好清新得嚟又爽甜，少少咸，岩岩好，幾好食！呢間餐廳幾好，幾用心，嚟緊有得外賣，咁就可以吾洗落嚟有得嗌外賣返屋企食到好味日本野啦！

今日去探下朋友家，兩個人，就落附近嘅坑口村食飯，呢一間新開業嘅日本料理餐廳，朋友食過大力推介，今晚帶我去試一試！平日嘅晚上，坑口村吾算熱鬧，反而我喜歡這種寧靜，一入到餐廳，裝修別緻，牆上有吾同日式掛畫，提升了日本風味，我地坐住卡位，sofa乾淨地方夠大坐得舒服，環境吾錯。我地嗌左一個什錦魚生飯，海膽刺身，三文魚刺身，同串燒一口和牛！一嚟就上左三文魚刺身先，上碟好靚，有鮮花做伴碟，雖然得三片，但勁好食，厚切，好鮮甜，又冇雪味！吾錯！海膽刺身係推介的，真係好正，忘了係咩品種，老闆介紹過的，好似話冇咁易出水，所以食落口感好似冇咁溶身，但海膽味好濃，仲好食，份量都幾多，有紫菜俾你包住食！好味！其後嘅什錦魚生飯，賣相同樣咁靚，而且好多魚生，有三文魚，油甘魚，吞拿魚，帆立貝，蟹桻等，全部都好新鮮好食，食落鮮甜，加了不少青瓜絲口感豐富。最後嗌左串燒一口和牛，做緊特價買一送一幾抵，有埋salt自己點，牛燒得岩岩好，吾會un，好有牛味，好食！最後我地仲嗌左雪糕，好似好特別好吸引，老闆又推介所以飽飽都試下，食左綠茶同紫薯味，好軟身好滑，又吾會太甜，好滿足！因為新店關係，keep單一個月再嚟光顧仲有八折優惠

住係將軍澳，坑口村有好野食就聽得多，但一直都未嚟食過，我地今日突登入去睇下，竟然有咩好野食！個feel係一個小夜市，外面有大排檔，入面有吾少有情調餐廳，想食日本野，俾我入去第二排屋竟然俾我搵到間，就去試下！店有室內同室外的位置，內外裝修都幾令！餐具很有日式風味，店員送上menu，老闆非常有善，介紹食物同最新優惠，原來最近可以坐的士拎單而消費滿$200就可以平$30，幾方便同住本區嘅食客！最後我地嗌左日本蕃茄沙律，帆立貝刺身，炸軟殼蟹，串燒和牛，同鰻魚丼！先嚟嘅日本蕃茄沙律，蕃茄好多汁鮮美，特別一贊係去左皮，吾洗擔心有農藥，菜加左醋酸酸地，好醒胃。帆立貝一向我至愛，好好食！好大粒，加上伴碟都好美觀，很得出食店對食物嘅誠意，好鮮甜，好味道！炸軟殼蟹都吾錯，應該係即嗌即炸的，最怕太多油太厚粉，但呢個吾會，熱辣辣，幾好食！串燒一口牛味道不過不失，特別在於付上海鹽，自己加落去，但有時自己吾小心整多左就會咸左，哈哈。最後個鰻魚丼！要好好讚一讚，好肥美，好多鰻魚！鰻魚好厚肉，醬汁甜度適中，配飯食岩岩好！都好大碗，我地力仔兩人分食都得！整體嚟講，食物，環境，服務都好好，常常主動嚟添水，不錯，有機會再嚟

早前與表弟到這間新開業不久的餐廳吃飯，我們點了蟹籽沙律、燒墨魚餅及兩碗地獄湯拉麵。雖然食品的價格不算貴，但這4款食物的味道可說是比香港普遍的日式餐廳還要差很多…蟹籽沙律的味道雖尚可接受，但沙律內的青瓜又粗又硬，吃下去口感很差。至於燒墨魚餅和地獄湯拉麵，不論是賣相還是味道，都令人非常失望，所以連照片都懶得影了… 燒墨魚餅的外皮很乾很硬，上面的燒汁也屬『行貨』；而地獄湯拉麵，拉麵的麵質只在『味千』的水平，地獄湯加辣後，對只在『譚仔』只能吃麻辣 3 小辣的我來說也是淡而無味…總括來說，這家餐廳我絕對不會再去！！！

有街坊在FB將軍澳群組介紹，仲話可以訂三文魚壽司生日蛋糕，即刻嚟試吓午市套餐唔洗加一，拉麵或稻庭烏東，加埋茶碗蒸蛋，又有沙律，仲有柚子雪芭做甜品只係$48 ，抵呀1. 茶碗蒸蛋: 夠熱2. 和風沙律: 味道ok，夠份量3. 叉燒拉麵: 麵底好食，豬骨湯底夠濃，只可惜日式叉燒有啲雪味，令感覺打了折扣4. 甜品柚子雪芭: 味道ok, 但天氣熱，見雪芭外圍溶晒出水，影響觀感，可惜呢間舖係意大利餐Davinci code附近，唔易搵，上手川菜咁多客都咁快就執，可惜。希望呢間日本餐廳keep到水準，頂住呀小店。