火五越式牛肉粉專門店 (清風街) (已結業)

天后想食越南野，第一時間諗起清風街呢間餐廳。無晚市堂食...唯有Lunch時段嚟食飽啲啦「香茅豬頸肉青木瓜沙律」$58豬頸肉爽口，唔會好Dry, 加上青木瓜沙律都係唔錯嘅配搭。青木瓜新鮮爽口，好喜歡呢種清清地嘅味道「火五特式鳳爪」$22鳳爪大大隻，酸酸甜甜嘅味道好醒胃「火五火車頭牛肉粉」$68主菜必食火車頭，湯底清得嚟好香，無諗過 "和牛牛丸"入口勁Juicy, 無誇張，一啖咬開...裡面嘅汁真係彈哂出嚟。好彩無人坐我對面「凍白桃紅茶」$19清甜嘅白桃味，配上紅茶好好飲，而且又唔會太甜，密封式嘅杯裝，份外衛生。

A very decent not fancy place for quick bite Vietnamese noodles. Reasonable pricing and good food. Enjoyed myself very much especially during winter. Very tasty beef soup, and the beef tendon curry was delicious. 1) Vietnamese mixed beef noodle 火車頭牛肉粉 $662) Beef tendon curry with vermicelli 咖喱牛筋撈檬 $58

今晚同朋友黎呢到食越南菜。店舖好寬敞，食客越黎越多，仲見到好多外賣速遞員，店員都好勤力收拾同送餐。睇到餐牌，好多越式地道美食，第一眼就見到「火車頭」，一定要試下！火五火車頭牛肉粉。生熟牛肉整得岩岩好，札肉有少少胡椒味，和牛牛丸係非一般既牛丸，略帶牛筋，十分鮮味。軟殻蟹青木瓜沙律。軟殻蟹炸得岩岩好，亦有蟹膏，食落香口鬆脆，同時有蟹膏既鮮甜味道，配青木瓜沙律可以中和炸物既油膩感。手作大蝦米紙卷。蝦鮮甜，其他配料亦清新，配魚露食可增添食物風味。越南三式冰。我好鍾意飲「珍多冰」，呢個類似，但椰汁會比較多，所以更重椰香味，唔錯！

今日聖誕節同女朋友去試食呢間越南嘢 我哋傾openrice買咗個二人餐98蚊 ，😀有兩碗粉 ，有兩個小食，加一個菜同兩杯嘢飲品， 我哋分別叫咗另外兩個小食， 一個黄金蝦球，同一個意大利黑醋牛油雞翼！蝦球一定一定一定要叫，係超水準之作，色香味俱備，外脆肉嫩，入味好夠新鮮，雞翼係用大中翼，好入味，又係新鮮炸。一定要再支持

冇得去旅行，唯有用食嘢去解決我嘅相思之苦，今次就輪到越南野啦！天后平時都有唔少嘢食，清風街俾我搵到間越南Pho。餐牌主要分幾類，有Pho、撈檬、小食、越式油香飯，有好多不同嘅選擇。火車頭湯河湯河上枱之後，店員會放低一杯芽菜、青檸同薄荷葉，呢個真係令我好有越南嘅感覺，喺越南食嘅時候都同樣會有一點新鮮嘅芽菜同薄荷俾你放入碗pho 到。河粉上枱，好足料，有和牛牛丸、生熟牛肉、扎肉，河粉都非常之多，男仔食一碗都一定嗌飽。湯底就有濃濃嘅牛肉味，加埋新鮮爽口嘅芽菜，配埋好滑嘅河粉，唔錯唔錯～火五特式鳳爪小食就嗌咗個特式鳳爪，同泰國嘅無骨鳳爪有啲似，酸酸辣辣，每隻仲大大隻添，足料又夠曬惹味。鹹檸檬青檸梳打食完酸酸辣辣嘅嘢，呢杯野飲就夠曬解渴，飲落好爽，佢雖然係有兩款檸，但係唔會非常酸，幾好飲，唔錯。

係天后清風街橋底下面開咗一間食Pho 嘅，見肚餓就入去試試佢佢個餐牌非常多款色，河粉，檬粉呢啲一定唔少得，仲有越式油香飯添，呢個比較小見生牛肉湯河上枱嘅時候啲湯好熱，加上啲牛肉唔會太厚，撈一撈佢熟度就啱啱好，牛肉好有肉味，同湯一齊食，好香濃嘅感覺，口感唔硬，河粉好滑，重點係佢好大碗，已經叫咗少粉都好大碗炸軟殼蟹青木瓜沙律軟殼蟹炸得非常脆口，仲好juicy，青木瓜絲好爽口，酸酸甜甜咁，好醒胃。再加撈檬汁，有少少辣帶起哂成個沙律嘅味道香茅美國黑毛豬扒係出面食嘅通常都好硬好柴，但呢一個完全無呢個問題，好腍，好香，唔乾，加上有啲蔥油同炸乾蔥，令到件豬扒好香口鹹檸檬青檸梳打好解渴，小小鹹，小小酸，青檸好香，非常青爽解膩整體幾好，下次要再試下其他嘢

今日過海整啲嘢，順便喺天后附近食lunch，搵到間價錢親民嘅越式嘅，就以下一度嘅心態入去試吓。入到去感覺都算舒適，座位與座位之間都幾闊，我哋叫咗：意大利黑醋汁蒜蓉牛油雞翼首先雞翼炸得鬆脆可口，蒜蓉味突出，配上黑醋汁出奇地配合，酸酸甜甜幾好食😋法式咖喱豬頸肉油香飯法式咖喱比較香濃，有陣陣嘅蘿蔔香，而且豬頸肉肉質鬆軟，個人比較喜歡油飯同咖喱分開食，因為咖喱會蓋過油飯嘅飯香😉火五火車頭牛肉粉最正同值得推介嘅係呢個火車頭粉！首先大大碗料又足，而且湯底濃郁，牛丸爽口彈牙，牛肉亦好入味！🤗最正係有好多芽菜，真係好滿足！整體來講午餐幾抵食，個人推介河粉類！真係唔錯嫁！ ❤️

講到越南野，天后呢間餐廳價格平民，足料抵食雖然有堂食，但亦都有源源不絕嘅車手嚟拎外賣送餐。「火五火車頭牛肉粉」湯底味道夠香，河粉吸哂湯底精華，好正有齊生牛肉．熟牛肉．牛丸．扎肉牛丸超正，啖開一啖幾乎爆汁，勁Juicy「越式炸春卷」即叫即炸，熱辣辣，好香脆，裡面仲包住原條蝦肉「香茅雞翼」外皮香脆，雞翼依然保持肉汁，唔會太乾「法式咖哩豬頸肉油香飯」咖哩好惹味，加上黃油香飯，豬頸肉又夠爽口飲品乾淨衛生，飲唔哂仲可以拎住走添「白桃紅茶」「荔枝梳打」裡面有粒粒有口感，唔會好甜

放假黎到天后覓食，今次黎食越南菜食物款式都幾多，有河粉、檬粉、油香飯、小食、沙律同飲品，價錢親民。越式炸春卷春卷外皮炸到金黃色，口感酥脆，唔會好油膩，裏面包滿咗蝦肉，蝦肉爽口彈牙，幾鮮味。意大利黑醋汁蒜蓉牛油雞翼雞翼共有五件，外層炸到脆卜卜，充滿蒜蓉同牛油香，雞肉嫩滑，雞翼表面淋左黑醋汁， 酸酸甜甜，中和油膩感星洲黃金蝦球望落已經覺得好邪惡，蝦球大大隻，蝦肉爽口彈牙，外皮香脆，外層沾滿左鹹蛋黃醬，啖啖鹹蛋黃起沙嘅口感，味道香濃香茅豬頸肉撈檬份量好多，豬頸肉厚薄適中，肉質幾爽彈，幾香香茅味，撈檬嘅靈魂在於魚露甜酸汁，味道酸甜，而不失魚露鹹鮮味道，非常開胃。飲品方面，朋友就叫咗熱檸茶，而我就叫咗鹹檸梳打，鹹鹹酸酸，幾解渴，食越南菜就啱飲啦

不嬲都好鍾意食越南菜，今日放工同朋友食飯行過見到呢間越南菜就入嚟試吓。叫咗兩個粉面一個係火車頭湯河另一個係雞絲湯河火車頭河湯底味道超級濃郁，材料都好豐富除咗牛肉仲有牛丸、越南扎肉等等，河粉超級熟湯汁，超級入味，唯一不足之處就係碗粉唔夠熱另外雞絲湯河味道同樣出色，雞肉絲亦都唔會鞋另外仲要多個越南炸春卷，呢一個小食係我食越南菜最鍾意嘅，炸得好香脆又唔油膩餐牌仲有好多款其他越式食物，下次想再來試撈檬！！

記得之前在佐敦那邊吃過，原來有其他分店的。午餐價錢好划算，飲品只需加$6-$10。  火五火車頭牛肉粉 - $68 湯頭香甜有牛香味，帶微微香料味；生牛肉的肥牛好嫩滑，熟牛肉則是軟腍的牛腩，還有牛丸、札肉和粉嫩的牛筋；佐料生芽菜和香葉另上，可自行控制份量。  火五熟牛肉粉 - $58 牛腩的份量自然比較多，但款式比較單調。相比之下，好像火車頭的性價比較為高。  香茅美國黑毛豬扒(2件) - $42 兩大片切件的豬扒好划算，炸得好香嫩，有惹味的香茅香。  凍青檸梳打 +$10 青檸酸酸的好清新，有碳酸的爽口感。  凍越式香滑濃咖啡 +$10 比想飲中濃郁的咖啡味，甜度相對較為低，故帶點咖啡苦。 

又平又抵食充滿誠意嘅越南菜小店☺️💛放工同朋友經過天后呢一間越南野，見到個名記得佐敦都有一間分店試過幾好食就隨便入咗去🤣 一口芝士年糕$48今次叫咗個芝士年糕🧀🍘 拎出嚟嘅時候有啲朱古力醬喺下面，裝飾好似一個甜品🤣 但係食落就好香脆，好重芝士味，中間啲芝士仲會*唧*出嚟～絕對唔會差過其他日本餐廳！仲要佢係有五舊芝士年糕，真係超滿足我呢啲芝士控😄香茅美國黑毛豬扒油香飯 $58上次食過佢個咖喱豬頸肉，今次就試吓佢個豬扒😌 都係超級大份，啱晒我呢啲放完工超肚餓嘅餓鬼，豬扒配埋啲蔥油真係又香又好食，仲有少少脆。香油飯更加係將個飯加分嘅原因🤣香草大蝦春卷撈檬 $66都係果句，分量真係好足夠，最重要係啲餸都好多🤩 有四條春卷同埋五個炸蝦球，真係物超所值～ 春卷同蝦球咬落去都脆卜卜，春卷入面仲有少少蝦肉😋 成碗撈檬都好有越南風味🤓 決定下次放工諗唔到食咩就再食一次！！

今天放工後，順路過來吃越南菜，餐廳又變漂亮了，整潔寬敞許多，真好。香港真是一個超級有效率的地方，市場機制發揮到了最大限度，優勝劣敗，適者生存。所以，餐廳也要常常監視自己，只有做到最好，才能在如此激烈競爭的市場生存。 火五越式牛肉粉 58超級大份，牛肉湯鮮美，河粉細嫩軟滑，冬天喝點湯，超級溫暖。 手作大蝦米紙卷 38最喜歡的卷，配上特製的調味料，酸酸甜甜，一口下去，滿滿的都是新鮮蔬菜，補充維生素和營養素。 越式炸春捲 28原來是細細長長的卷，外皮酥脆內心有蝦仁。 香茅雞翼 22愛了，最近超級喜歡吃雞翼。入味之餘又有營養。 香草大蝦青木瓜沙律 52清爽口感，青木瓜沙律新鮮，又開胃。火五越式牛肉粉專門店 (清風街)天后清風街17號地舖

位於天后天橋底下的一家越式牛肉粉麵店，主打是越南牛肉湯河粉及其他越式菜式，粉麵飯皆有，選擇多多。小食：越式炸蝦春卷長條幼身的春卷，賣相看似一般，但新鮮炸起，非常酥脆，入面包裹著打成蝦蓉的餡料。米紙卷：手作挪威煙三文魚米紙卷6件的份量，外皮煙韌。加上煙三文魚、甘筍絲、米粉、生菜及炸蒜粒，蠻大件的，蘸上甜酸汁一起吃，增添味道。河／檬粉：越式鹹菜腐竹胡椒豬肚湯檬除了著名的越式牛肉粉外，還有其他選擇。整體份量大碗，麵條方面，可選擇河或檬粉。胡椒豬肚湯底味道較淡味。鹹菜及豬肚多件，鹹菜大條爽口；豬肚很有嚼勁。腐竹數片，相對較少。檬粉亦很多，滑口掛湯。

今日經開天后做嘢，知道嗰度有好多唔同菜式就嘅餐廳，咁就食完個lunch 先返公司😁經過見到呢間食越南菜餐廳嘅門面都好乾淨清爽又好耐冇食越南菜，所以一於決定幫襯😋一坐低，見到佢哋有好多唔同嘅醬汁，而且難得地每個醬汁瓶都好乾淨👍🏻👍🏻唔會癡笠笠同冇抹乾淨，見到就唔想用😂火五火車頭牛肉粉🐮 好大碗🤩好彩我哋係2個人share ，如果唔係真係食唔曬😂 入面有：生牛肉、牛腩、牛根、牛丸同扎肉、檬粉，d牛腩好淋！而牛丸居然係和牛丸😍好juicy同好有牛味😋意大利黑醋汁蒜蓉牛油雞翼🐔 平時蒜蓉牛油雞翼就食得多，但係加埋意大利黑醋汁就真係少見！雞翼一上枱已經聞到好香蒜蓉味，食落去好脆口，加埋啲黑醋汁又幾夾喎，酸酸地又可以解膩😋😋手作軟殼蟹紙米卷🦀 食越南菜梗係要叫我最鍾意嘅紙米卷啦！軟殼蟹好鬆脆！加埋檬粉、生菜、青瓜一齊食冇咁heavy 😂dip埋d酸汁仲惹味😋😋越式三式冰🥤有香濃椰子味，而d「三色」煙煙韌韌、咬落去又爽脆，好味😋😋