影片
更多
2023-08-08
202 瀏覽
☞ 紅磡 火夫 ☜ ———————————————又抵又好食嘅日式料理，午市套餐包括三份前菜、一款麵食、兩款串燒同一杯飲品😱———————————————◊ 週末午市 自選配搭1 ◊前菜固定咗三款，包括雞肝多士、枝豆春卷、麥豆味噌青瓜。前菜黎講，我地比較鍾意枝豆春卷，有層脆皮包住啲拆咗殼嘅枝豆。雞肝多士係俾雞肝醬我哋自己搽落多士上面，味道濃郁，而又唔會太咸。麥豆味噌青瓜就相對鹹，比較啱重口味嘅人🤣麵食加咗$50要虎蝦濃湯麵。啱啱上菜嗰陣比隻超級大嘅虎蝦嚇親，上面沾滿櫻花蝦乾，咬落外層香脆，中間嘅虎蝦又好彈牙，而且有兩重蝦味。湯底好濃郁，都係好重蝦味，質地偏濃稠，所以啲麵會掛滿湯，不過食耐咗會有少少油膩感🙈串燒加咗$8要白燒活鱔同加咗$2要蟹肉牡蠣。白燒活鱔唔會腥，層皮都燒到少少脆口。而蟹肉牡蠣就值得encore，上面鋪住一層嘅蟹肉，炸蠔炸得酥脆，加上入面嘅蠔都幾新鮮。飲品加咗$10要巨峰冰串梳打，味道上普通，但配咗串冰提子都幾特別嘅😝美味程度: ㊣㊣㊣㊣.5/5◊ 週末午市 自選配搭2 ◊前菜一樣，而呢個set嘅麵食要咗明太子撈麵。原本個汁好creamy，但就唔係特別濃明太子味，不過撈
———————————————
又抵又好食嘅日式料理，午市套餐包括三份前菜、一款麵食、兩款串燒同一杯飲品😱
———————————————
◊ 週末午市 自選配搭1 ◊
前菜固定咗三款，包括雞肝多士、枝豆春卷、麥豆味噌青瓜。前菜黎講，我地比較鍾意枝豆春卷，有層脆皮包住啲拆咗殼嘅枝豆。雞肝多士係俾雞肝醬我哋自己搽落多士上面，味道濃郁，而又唔會太咸。麥豆味噌青瓜就相對鹹，比較啱重口味嘅人🤣
麵食加咗$50要虎蝦濃湯麵。啱啱上菜嗰陣比隻超級大嘅虎蝦嚇親，上面沾滿櫻花蝦乾，咬落外層香脆，中間嘅虎蝦又好彈牙，而且有兩重蝦味。湯底好濃郁，都係好重蝦味，質地偏濃稠，所以啲麵會掛滿湯，不過食耐咗會有少少油膩感🙈
串燒加咗$8要白燒活鱔同加咗$2要蟹肉牡蠣。白燒活鱔唔會腥，層皮都燒到少少脆口。而蟹肉牡蠣就值得encore，上面鋪住一層嘅蟹肉，炸蠔炸得酥脆，加上入面嘅蠔都幾新鮮。飲品加咗$10要巨峰冰串梳打，味道上普通，但配咗串冰提子都幾特別嘅😝
美味程度: ㊣㊣㊣㊣.5/5
◊ 週末午市 自選配搭2 ◊
前菜一樣，而呢個set嘅麵食要咗明太子撈麵。原本個汁好creamy，但就唔係特別濃明太子味，不過撈埋配上嘅溫泉蛋、芝士粉同明太子醬，味道濃郁好多，而且更多層次😋
串燒要咗醬漬旬魚腩同加咗$2要生蒜牛柳。醬漬旬魚腩係包住脆皮嘅魚串燒，但就唔係特別有魚香。而生蒜牛柳，蒜味比較重，有少少蓋過咗牛味。飲品加咗$10要乳酸冰串梳打，都係普遍嘅味道，配嘅係冰檸檬片，等檸檬味出咗之後會更好飲🤫
美味程度: ㊣㊣㊣㊣/5
———————————————
📍:
火夫
紅磡黃埔天地百寶坊(第3期)地下G29號舖
#為食豬在紅磡 #紅磡美食
#foodblog #日本菜 #拉麵 #明太子 #串燒 #日式料理 #香港美食 #香港餐廳
張貼
