火山燒 (已結業)

我最中意食既就係自己燒既野食，呢度岩曬我啦，因為佢係一個任食放題嚟嘅，嘢食都好多選擇，位置空間都唔會坐得太迫環境唔錯。😋😋😋👍🏻一坐低左之後就會見到枱面有個火爐，仲有三杯調味醬汁俾你。飲品嘅話呢就梗係揀啲清熱解毒㗎啦，因為食燒物都會刺激到喉嚨，飲返啲清熱氣嘅涼茶會好好多🤔佢哋除咗有得自己燒嘅食物之外，仲有一啲前菜小食，生冷刺身食品，任君選擇，唔會剩係得燒物咁簡單架。😌😌😌亦都有啲蔬菜類嘅燒物俾你選擇。👍🏻另外呢仲會有生蠔俾你任叫任燒，啲刪號都幾新鮮，但係略嫌細隻咗啲🤤🤤至於肉類佢哋亦都好多款選擇，有牛肉啊，豬肉，雞肉呀，雞軟骨啊，雞翼呀，多春魚呀，雞腎啊。非常之多嘅選擇，唔怕驚冇嘢食，食黎食去都係嗰啲。😉😉最後佢哋出邊亦都有個雪櫃仔，裏面放滿晒好多唔同款嘅雪條俾你選擇。

火山燒個名其實係有意思嘅，因為用嚟燒嘢食的爐就係用緊火山石，同Bobo撐枱腳，佢揀咗銅鑼灣地點夠晒方便。到步店員就安排我哋座位，枱上邊有一個 for 串燒嘅爐同埋一個 for shabu shabu 的。我哋兩個人簡直係應接不暇，因為嘢食方面都有好多選擇。有刺身、海產、牛肉、豬肉、蔬菜、菇菌類同埋菠蘿。最快上枱嘅就係刺身，刺身質素都唔錯，而且象拔蚌都幾新鮮，凡立貝味道鮮甜。材料都幾名貴下㗎！有我最鍾意嘅宮崎牛肉，質素高味道又好，牛肉味道濃郁而且肉質鮮嫩多汁。仲有鹿兒島嘅黑豚豬腩肉同埋黑豚叉燒都係我嘅推介！最好就係將火調校至中等，然後耐心咁燒烤咁，出嚟嘅肉就更加好味啦！水產方面都有幾多選擇，我就鍾意食珍珠帆立貝，同埋墨魚鬚啦！好有海邊燒嘢食嘅風味。仲有飲品任飲，我最鍾意就係消暑解渴嘅 竹蔗甘筍海底椰，咁極都唔肥嘅可口可樂 zero。最後我哋仲嘆埋個火鍋，湯底我哋就要左大阪豬軟骨湯。比較清同埋鮮甜。跟住我再揀左啲肉同埋菜，仲有松葉蟹棒咁就成個愛心 shabu shabu 。食到最尾一人一條特色雪條作結，竟然有榴槤雪條可以選擇，真係榴槤飄香囉⋯

早排為食同事話喺銅鑼灣駱克道食左間好正既串燒放題店叫火山燒，並強烈推介鐘意食串燒的我去試下，所以今個月好友聚會就選這兒了，幾日前已訂位，一行四人入店後立即安排入座，清一式男店員，他們亦很有禮貌，並安排我地坐卡位，現場環境地方雖然唔係好大，但裝修得好有日本Feel的，現場亦播放住好多經典日文歌的👍🏻，真係好有日本情懷，坐下後見到枱面上有多款調味醬料，有一個燒烤爐同火鍋爐，點野食紙亦有多款刺身、串燒、燒烤食品、火鍋配料同汽水飲品等，講返食物先我地叫左刺身做頭盤當中三文魚同北寄貝特別新鮮好食，肉類有牛肩肉、牛舌心、金菇牛肉、牛柳、牛仔骨等，而內臟類亦叫左雞心、雞肝、雞腎等，仲有燒生蠔(全部都新鮮好食值得推介😋👍🏻鍾意食雞內臟的朋友不要錯過了)，火鍋類亦叫左小量食品不能盡錄，這間火山燒，無論整體食物及款式選擇都夠多亦美味，店員服務質數都好好(很有禮貌同時常來收碟)，亦冇漏單的情況，最後飽到連甜品都食唔落tim😅這間高質任食燒烤絕對值得向鐘意食串燒既大家推介ar😋😋👍🏻

首先 我覺得呢個老闆做生意真係幾唔老實叫咗嘅刺身完全唔想嚟咁樣冇叫就每樣執啲嚟用啲你唔想食嘅嘢去質飽你個肚第一round已經係咁唔知想點已經嬲嬲哋其中有三樣刺身我係冇叫到嘅為咗唔浪費都係咁樣食咗唔使講已經係唔新鮮跟住食完 唔夠一個鐘就想返屋企開大即係用劣食去質飽你嘅肚就算數用最平嘅價錢去了結你呢一餐呢度我可以話 最好嘅就係可以shabu shabu燒烤同刺身一次過滿足曬你三個願望但係啲嘢全部都咁難食一定唔會再有下一次輪到燒烤啦漏單情況非常嚴重淨係個菠蘿都叫咗三次第三次先至嚟總之 你叫十樣嘢梗係最貴有一兩樣唔會畀你連放題嘅燒菠蘿都好食過佢唔知點解有陣苦味唔通真係要好似啲人 超級浪費不停要狂嗌先至保證可以食得飽我冇嗌雞肉佢就 整咗三嚿超厚嘅雞畀我食 又係用返嗰招你唔好咁唔環保得唔得跟住我吹佢單廚房有好似發晦氣咁樣我淨係叫咗 一嚿 佢又畀兩嚿我到咗 shabu shabu我都唔明白點解佢個菜可以咁難食 到last order亦都有漏單情況發生呢餐真係食得好嬲唔怪知佢有涼茶飲

話說約左舊朋友聚舊，大家食量很強，所以單點食物很蝕，我都決定選擇放題任食，突然網上發現一間火山燒，有刺身火鍋燒烤，款式夠多，我地決定去食！店內裝修不錯。店內環境清潔。食物選擇很多，令人選擇困難！我地首先叫刺身，上菜快，刺身新鮮，溶雪做得好，不會太冰，最鍾意就係三文魚，夠晒肥美。我地太肚餓既關係，叫左雛雞，由廚師代燒，佢燒得岩岩好，肉質嫩滑多汁，啖啖肉，好食！燒烤材料十分多，有生豪夠大隻，牛舌牛柳牛仔骨肥牛卷，太多不能盡說（請看圖），連玉子都有得燒，正呀！我最鍾意食牛舌，厚切但脂肪夠，肉質柔嫩，其他食材都唔錯。全部都係自己燒，又有得燒又有得玩，唔錯打邊爐配料都十分多，基本野都有，不會令係失望。昆布鏗魚湯清甜，配上娃娃菜既爽甜十分夾。我地食到好飽，每個人都係$306，好抵呀，覺得回左本咁，下次會再黎惠顧！

天文台話過兩日打八號風球，咁咪冇得約朋友食飯囉！熱死辣辣，又想去BBQ，朋友提議嘆住冷氣燒烤👍🏻👍🏻👍🏻銅鑼灣廣場第二期 carpark 隔離的 The L. Square 有好多餐廳！！然後找到了一間任燒2.5 小時 「火山燒」，足夠時間吹水啦！一到9樓！OK冇油煙味，而且坐位闊落，舒舒服服地BBQ食物選擇多：前菜粒粒飽滿枝豆有驚喜嘅漁夫沙律野菜沙律必食燒生𧐢刺生新鮮、份量多牛肩肉、黑豚腩片、香草羊扒、仲有本人至愛厚燒牛舌金菇肥牛卷、牛仔肉、墨魚鬚Encore 刺生甜品亦少見，兩樣試齊

今天好開心，和Victor 做到大單，我們兩姊弟决定到銅鑼湾的火山燒任点任吃，又可以吃火煱，又可以吃刺身，又可以吃日式燒烤，一個價錢就可以吃過痛快，而且兩小時真的是剛剛好，我們一收工就馬上去!裝修很特别，很有日式的風情，首先當然点了我最喜歡做刺身，我点了三文魚，象拔蚌，墨魚片，鮑片，北寄貝，八爪魚加帆立貝，不但新鮮，而且鮮甜味美!我們都很貪吃，叫了半隻雛雞，很好因為是廚房代燒，燒得又香又脆，而且熱辣辣，真的停不了口! 我還叫了雞腎，雞心和雞肝串，燒得香噴噴，真的停不了口!火煱很特別，先選了一個冮户人參雞湯，湯料很特別，我們叫了魚磚，京都魚丸，流心芝士年糕，娃娃菜和生菜，每樣都很日式和有口感，我們都停不了口!  飲品和甜品也很多款式，感覺真不足，我們都很滿足呀!

諗住咁多人食過，仲要唔係平嘅放題，每人都要成$3xx。點之勁失望而回。佢一早同去講左張枱冇得自己燒，我諗冇所謂啦，平時食放題都係人地燒埋上，都ok。佢啲魚生睇同食都唔吸引，冇所謂因爲佢唔係主角。主角係燒肉...黎到唔係好熱，啲肉嘅質地唔好，簡直唔好食。我老公冇要求嘅人都話咁嘅價錢食呢個放題真係貴。仲差過人地$2xx嘅放題。佢仲有個細邊爐打，啲肥牛樣衰，差過食‘稻x’全食哥啲！只想快啲食完快啲走。。唔會再想去。

幾年前食過火山燒，食足三個鐘食到飲飽食醉🦑今日突然興起又去食一次，過下燒烤癮🍢分兩個時段，等埋朋友放工就緊係食七點三依個時段，好彩有位🙋🏻枱面有火鍋爐同燒烤爐，我哋一心食燒烤就放開咗火鍋爐🤡嘢食都有唔同選擇🐿有牛肉、豬肉、雞肉同羊，都有海鮮同野菜🤤除咗依啲食材，都有啲特別啲嘅嘢食✌🏻嘢飲任飲🤞🏻我哋嗌咗牛舌芯、牛肩肉、羊扒、魷魚、生蠔、帆立貝等等食物🤛除此之外，都嗌咗一啲魚生：甜蝦、鮑片、榮螺等等🍣牛舌芯推薦！加上辣燒汁燒，燒到剛好嫩口入嘴就十分美味😌秋葵同菠蘿都好出色，後來叫嘅玉子燒加上蜜糖更加甜絲絲💛食足三個鐘，又係捧住個肚出返去🤷🏻‍♀️

之前都試過呢間燒烤店，都覺得唔錯。今次同另一班朋友一齊去，大家都覺得食物不錯，好開心！雞肉串，仲有牛舌都好好味，爽口彈牙。仲有呢個牛小排，肉味都好濃不過可能燒得太耐會有點硬。其他蔬菜都好夠新鮮，最鍾意燒蕃茄仔，d汁會飄晒出黎，好juicy!!仲有好多唔同食物選擇，大家都食到好飽。最後仲要飲番杯涼茶下一下火岩岩好。不過建議抽煙系統要做得更好，都幾大煙，坐耐左可能有少少辛苦。如果無咁油膩就更加好喇，可以同朋友坐得再耐d。

有得燒有得烚喺香港第一次一路燒烤一路打邊邊，呢個第一次比左銅鑼灣火山燒任飲任食。入到去一坐低，就立即點食物。種類都唔少，有前菜、刺身、不同肉類、串燒、火鍋配料等等等，其中刺身同肉既質素都十分唔錯！好多時放題既刺身質素都很普通，但呢度啲刺身都好新鮮，特別係三文魚、甘蝦、鯛魚片同鮑片都好鮮甜！而肉類方面，黑豚豬柳同雞肉都好嫩滑，廚房代燒既雛雞亦十分juicy，有好香香草味。其他都正常，唔會過鹹。有啲肉類有醃既，有啲就自己一路燒一路掃醬汁或蜜糖。不過內臟果啲就麻麻。火鍋方面，由於顧住燒，都無咩時間烚下烚下。叫左人參雞湯底，普普通通偏淡。唔知係咪睇唔到，唔見有得混醬，所以食物都偏淡味。不過可以烚下蔬菜清清地都幾好，我就因為太飽喇無再烚蔬菜。總括黎講係唔錯既！ 生蠔，無臭味菠蘿酸酸甜甜開胃飲品都好多種類，我地點左涼茶類清下熱有唔同調味料燒玉子燒到個面脆脆的好味道香脆蒜蓉包美味雪糕雪條作結

星期三晚的銅鑼灣，友人既想食火鍋， 又想食燒肉， 又想食魚生， 那麼便來一個一鑊熟，3樣全在同一餐發生吧～～～～～ 來到火山燒， 由於已book 了檯， 一到步便有位了， 當然點夠了食物， 眼闊肚窄 ，其實也沒有再encore 的空間， 一檯的食物很快便奉上，林林總總，食的時候有些分不清是燒的還是屬於火鍋的，哈哈， 幸好店員都耐心解釋； 另有鴻福堂支裝飲品無限叫， 降降火，甜品也有亞菠蘿雪糕。如果想咩都食下， 呢度總算為心多多的人帶來心多時刻。

銅鑼灣「火山燒」出左名多元化， 可以一次過食晒燒烤同Shabu Shabu嘅日式放題！ 無底黑洞couple話好肚餓，要食餐勁嘅！😂 有11款刺身可以任君選擇， 全部都幾新鮮， 推薦三文魚和北寄貝刺身！ 三文魚肥美，魚油脂香， 北寄貝爽彈～ 前菜有日式小吃、沙律、冷麵， 我地試左味付帶子裙邊和味付螺肉， 味付螺肉惹味， 唯味付帶子裙邊略嫌份量太少。🙊 食刺身同小食嘅同時， 梗係要燒下野食慳下時間～😂 點餐紙選擇都算多， 有來自宮崎和鹿兒島嘅肉類，😳 真是花多眼亂呢！ 餐廳提供調味料如蜜糖、燒汁、酸辣汁、七味粉和黑椒粒，給食客邊燒邊調味。 😊～～～～～推薦以下嘅食物～～～～～😊 金菇肥牛 長長嘅肥牛片包住金菇， 燒嘅時候金菇吸晒牛肉嘅肉汁， 相當不錯👍🏾！ 大米雞肉棒 雞肉彈牙多汁！ 玉子燒 厚切玉子，最好係用黎燒烤，香甜美味！ 牛舌心 厚切牛舌，口感爽彈，肉香juicy！必試！😋 牛肩肉 肉質細嫩爽滑，又不失嚼勁！ 香草🌿羊T骨 大大條T骨，肉質鮮美多汁， 半點羊羶味也沒有，好食呀！👍🏾 燒生蠔 個頭幾大隻，入口嫩滑，不會怪腥味， 配上蒜蓉醬調味，幾惹味！ 秋葵食得

作晚一斑frd 5人去試，安排抬得一個超細燒爐（放5塊肉就冇位，仲要係得爐中間個幾塊會熟）同一個shabu shabu 爐跟本唔夠燒。另外，食材真係一般，黎左第一round 之後再加單嘅80%單係會漏。刺身得三文魚，黎左10 塊之後話冇貨，另叫帶子同甜蝦成晚冇出現。再追問點解漏晒單先話三文魚，帶子，甜蝦全部冇貨。望見廚房d staff 整係玩手機，唔係忙到甩單，係完全冇諗主上真係我食過嘅最差餐廳，雖然係任食，但係你唔會食飽，食都一肚氣。極度建議唔好上檔

一班朋友終於約齊腳食飯，大家都喺港島返工所以就揀左喺銅鑼灣食飯。諗左好耐都諗唔到食乜好，但大家都係食肉獸上OpenRice睇下有乜放題，見火山燒呢間評價唔錯所以就上去試試。一入到去環境非常唔錯，好有日本風味。再睇下張放題紙有成7張咁多，火鍋海鮮刺生燒肉樣樣有，就知今晚一定會好飽。不過淨係有數量冇用嘅，質量先係最重要。話明係食肉獸，緊係試哂咁多款燒肉啦。點知果然冇令到我地失望，肉嘅顏色好靚好新鮮好有肉味，我自己就最推介肉舌同牛肩肉。肉舌肥而不膩，牛肩肉味最濃。呢兩個我地都唔知encore左幾多轉。最好嘅係食燒肉咁熱氣俾一定價錢啤酒可以refill下下火。雖然佢地主打燒肉，但海鮮嗰啲都合格以上，絕對唔係出面放題嗰啲cheap野。食得肉多轉下口味都好。