火星料理 (已結業)

見到好多人比高分, 以為實冇事, 今次真係估佢唔到咁難食...電話book左台所以唔使等即刻有位餐牌冇乜特別都係果d野叫左個豬手冷面 同 牛肋骨湯跟飯, 加個可樂先講豬手冷面豬手冇特別, 就咁烚完咁既味道冷面勁韌, 真係好韌, 好難咬成個面好普通, 似煮個面加豬手咁再講牛肋骨湯更加有問題個牛肋骨完全冇醃過, 白烚的, 咁我使乜比錢食?係有牛肉味, 但就咁白烚, 一d都唔好味!個湯又淡, 牛肋骨仲要唔林, 一食就知煮得唔耐, 是旦烚完加個湯就算...個飯...好爛...想點...題外話, 間野冇裝修, 但明白的, 工廈ma但餐牌既價錢係等同出面普通韓國餐廳既價錢, 食物既質素同味道完全同人比唔上...仲有, 好熱同個可樂唔凍, 隔離燒烤...冷氣一d都唔夠

送左6款前菜：每種不同味，唔係全部辣招牌牛肋骨飯：牛肋骨好林，好入味。辣炒年糕：好辣，年糕好煙un,好有咬口。牛肉炒粉絲：牛肉不un, 有牛味，粉絲都好煙un。送雪糕糯米慈：有唔同味， random 比

其實見呢間野派左傳單好耐𠺢喇！不過見到個價錢都唔平，始終都無去過。約左今日同同事食飯，其中一個鍾意食韓國菜，就拉左我去喇！裝修好簡單，牆上畫左啲韓國特色圖畫。老板係韓國人。坐落左張圓枱仔，侍應就拎啲前菜來，有8碟咁多。menu有成三十幾定四十幾款野揀。好在我一早揀定，如果唔係就唔知幾時先有得食喇！Kimchi最愛黑豆，因為甜甜地。其他唔太辣，我都食倒的！我個飯上枱，嘩，吓死我，咁鬼大碗，50蚊真係好抵食丫，而且材料好多豬肉片有啲辣，但我都仲接受到。撈匀一齊食，正。個炸醬又唔會太重味！同事叫左大醬湯飯，佢話有啲怪味。但我覺得，嗰個就應該係大醬味，可能佢以為大醬似日本麵豉味個湯多到都食唔晒！仲有另一個叫左豬肉什菜拌飯，都話正食完仲有糯米糍雪糕，而且有唔同味道的觀塘工業區韓菜首選丫

這個晚上跟男友去嘗一嘗久違的韓國菜地點蠻方便的我們6點15分左右就到了見內裏空無一人還以為今天沒有開我們並沒有預約剛好後面也有3個人walk in唯一一張walk in 的空桌就給了我們啦當時是覺得很幸運的也沒有想到這間餐廳竟然有接近full booking的威力menu非常豐富看得我花多眼亂幾乎用了15分鐘才可以決定這一次想要回歸基本步我要了一個辣泡菜豬肉湯配白飯男朋友則要了一個牛肉菜(炒)飯我的湯豬肉有點少菜跟豆腐的份量剛剛好辣度十足非常下飯我們被安排坐在餐廳的後半部旁邊四五人的桌子陸續填滿然後問題就來了有一桌點了烤肉而後半部這一塊是不見有抽氣扇的(前半部沒有留意)那些油煙非常強勁我的衣服沾滿了味道從我這邊望向四五人桌那邊好像在仙境有點迷曚當晚走到那裏都聞到自己身上的油味不斷這一餐我無法好好的享受一看見正旁邊的桌子也準備了烤肉的爐具我慌慌忙忙把飯吃完叫侍應把雪糕上了準備拿著走男朋友一心以為雪糕是用杯或碗裝著的拿不走也不知幸運與否上來的是雪米糍我正好拿著老趕快結帳逃離現場烤肉是件十分愉快的事我很明白只是內裏的通風真的不好是會令到別人吸入油煙不適咳嗽的不好

最近不少旅游節目或飲食節目都廣泛介紹韓国美食。我受它影響，對韓國菜忽然充滿興趣。今天和同事小敏去一间位於觀塘工廈的韓國餐馆吃午飯。小敏上個月在那裏吃過晚飯覺得正，剛巧我最近韓國熱，一拍即合。這間韓國料理叫火星料理，名字很特别，給我一種卡通的感覺。走進餐廳，看見牆上畫著卡通的插畫，確實有一番童真。這裡供應的午飯套餐的選擇頗多，共有31款！原來大廚是韓國人，那麽煮法一定正宗。我叫了“白切豬手水冷面”，非常適合炎夏。小敏叫了“招牌炆牛肋骨配飯”。在等待食物到來之際，侍應端來六款開胃前菜及麥茶，有熱有凍。前菜有泡菜，茄子，蝦米，椰菜，白菜及青瓜。食材吃得出新鲜，非常清新又醒胃。麥茶和日本的玄米茶有點似又不似。玄米茶香，麥茶的感覺就樸實健康。午飯終於到！賣相靚又大大碗，看上去很抵食。我的冷面是蕎麥麵，彈牙爽口。值得讚賞是湯底，帶點酸甜非常清新。湯底是韓國秘製醬汁加蔬果一起熬出來。無味精。分了一些給小敏，她亦很欣賞湯底，感覺清甜醒胃。蕎麥面配這個湯底非常夾。我也試了她的牛肋骨及白蘿蔔。牛肋骨煮得非常夠火喉又入味。招牌菜，實至名歸。火星的裝潢和食物都實而不華。食物吃得出有愛心，食材講究。火星有住家飯

明明電話定左位但到左餐廳時話無記録！等左10分鐘先有位，不過要答枱。食評咁好，大熱天時行幾條街過去午餐...結果失望而回。叫左海鮮豆腐辣湯&牛肋骨辣湯配飯。前菜：泡菜，好咸、黑豆好味，矮瓜&蕃薯唔特別牛肋骨辣湯，牛炆得林，可惜牛味不足，湯辣而不鮮，失敗。海鮮辣湯更差，得個字*淡*。不值＄70無冷氣好焗，小裝修。不會再去了

又想試新野 見呢間餐廳個名咁特別 又咁多好評 就黎試下啦 點知...8點幾先黎到 所以唔洗等位 但一入去個感覺就係好熱！可能枱枱都食海鮮鍋或者燒烤 冷氣又唔夠 見到個個都大汗疊細汗！我地兩個純粹想食個快飯 所以只係叫左泡菜豬肉炒飯同蛤蜊牛肉大醬湯飯泡菜豬肉炒飯: 看似好細碗 但食落都幾多 但味道方面比較淡 豬肉不是一般的豬柳片 而是厚切腩肉 這個一讚蛤蜊牛肉大醬湯飯:大醬湯不夠味 不夠濃 有好多蔬菜但牛肉很細粒而且偏硬味道一般 但最大問題是不夠冷氣 食到一半已經一身汗 沒有心情吃下去了

和男友忙裡偷閒吃個午飯，揀選一個坐得舒適的地方，於是到達樓上舖的 >>>火星料理<<<，享用韓國料理。內裡環境挺寬敞，不會坐得太過擠迫，牆上的壁畫也令人心曠神怡。我倆剛自點了一客午餐，選擇相當多。等待期間就吃點小菜。小菜碟數按客人數量提供，一人有兩碟，二人有四碟，如此類推。冰點了一客「招牌炆牛筋骨」，份量很充裕，一個人吃會很飽肚。牛肉和蘿蔔炆得非常入味，肉炆得腍而不霉，非常可口。醬汁味道甜甜的，用來撈飯相當惹味，不過，油多了一點。另一客午餐是「海鮮豆腐湯麵」。海鮮份量不欺場，只是味道和新鮮度一般，未如上述招牌菜般味美。這午餐完全不辣，適合想吃韓國菜但又怕辣的客人。麵條煮得不錯，頗為彈牙。午餐跟茶和雪糕，雪糕真身是雪米糍，為炎炎夏日帶來一絲清涼。二人合共使費 HK$150，以日常午餐來說價位稍微偏高，每天光顧的話可謂「小數怕長計」；但若有特別事情，譬如和同事慶祝生日、歡迎新同事、歡送舊同事的話，不妨一試。

某日 , 到 觀塘 豐利中心 領取獎品後 , 在同一層發現原來有這一間名字有趣的韓式餐廳 , 所以便入內光顧 ~門面的招牌生鬼活潑 , " 火星料理 " 真得意 ~店內裝修得相當有趣 , 看到這些民族牆紙 / 畫 , 我便十分喜悅 ~可能是因為午市才剛結束 , 店內只有一檯在說韓語的顧客 ~說 廣東話 的女侍應前來招呼我 , 並端來六碟 前菜 , 女侍應介紹說 : " 前菜是自家製的 而且是任添的 " , OK 明白 .... 吃後就是覺得味道確是比較樸實和自然 , 尤其是 黑豆 味道香而甜蜜 , 又夠咬口感 ~ 激讚 !簡便易明的 Menu ~我點了 白切豬肉水冷麵 $ 75 (套餐)套餐就是有跟一碗湯 ~ 餐湯是 海帶湯 , 湯內有海帶 、紅蘿蔔絲及大白菜 , 味道很清純怡人 ! 是 home made style .... I LIKE ~這碗 白切豬肉水冷麵 是一碗很有份量的麵 ,碗大之餘 , 麵量也多 ! 豬肉也有五片 !麵條幼細滑嫩、麵質 Q 韌 有咬口感 , 湯底冰涼 , 味道是微酸又帶甜的 , 勁消暑 !豬肉說不上是嫩滑 , 亦不算諗身 , 但也不是嚡口 , 就是很住家

觀塘開源道54號豐利中心5樓507室火星-外星人, 不其然就聯想到來自星星的你。Anyway 我也是半個火星人,朋友常說”地球很危險,快滾回火星”那我就來吃老家的”火星料理”好了。茶太淡有色無味如白開水晚市套餐包了前菜，主菜同甜品，價位都是一百元以下。四款前菜有帶點辣的豆芽，爽身兼且多汁，清新的麻油菠菜，魚仔鹹中帶甜不過略多骨及必需的泡菜。主菜方面我點了海鮮豆腐湯配白飯$80，材料十足有點湯飯似的，大蝦，青口，蜆，迷你八爪魚，湯中還加了大量蔬菜，有翠玉瓜，白蘿蔔片，洋蔥，青蔥，當然少不了嫩豆腐，可是慷慨一大磚放在湯中呢，湯頭清甜若不能吃辣也可以享受到的韓國料理。朋友點辣泡菜豬肉拌冷面$ 75，35度要降降溫，材料也很大堆頭，豆芽，菠菜，翠玉瓜，泡菜，辣炒豬肉片等等，麵條濕潤拌好後染上紅色。冷麵上的泡菜偏鹹，再撈上辣醬味道蠻重的。面就好長質地似長壽麵，糾纏一起不過用筷子就夾斷。再加韓式 紫菜包飯$35，包得結實米粒不鬆散，紫菜上掃了麻油更香，吃下是與別不同，材料有雞蛋，青瓜，火腿，醃紅白蘿蔔，爽口有致加上酸酸味道能增加肉慾。而見到兩瑞突出的位置，不完美但很媽媽應覺，米飯中下了白芝麻同調味

黎自火星既韓國餐廳，媽媽之前見到就有興趣想一次，所以就約左番工日一家人進餐。一上到樓已見到鮮明既招牌，可以好易就搵到餐廳既位置。一入到黎就有好多款的前菜可以試下，每款都好有特色，不似其他餐廳只提供兩三款。商量完之後我地就決定點幾個菜色試試。白切豬手水冷面($75) -第一次食豬手水冷面，感覺好新鮮，同韓國的水冷面一樣有加冰令水冷面更加冰凍，厚切的豬手加上酸酸冰冰的湯，適合怕辣而且怕熱的朋友，沙湯底令到豬手沒有油膩既感覺，配搭新鮮又好味。招牌炆牛肋骨配飯($85) - 牛肉非常軟熟，羅白同紅羅白都非常入味，一食就知炆左好幾個小時，配上白飯，非常好味。誠意之選。烤照燒汁大蝦($130) -蝦肉新鮮又大隻，大蝦一早已經醃好燒汁令食果時更入味，蝦烤完後香味濃郁，肉質鮮嫩有陣性，配埋旁邊既菇就一流。價格雖然較貴，但食完後覺得是值得一試的。最後食完附送既甜品我地就再次回到地球上了

好友失戀，作為朋友當然要陪伴她，聽她訴苦，選了她喜歡的韓國菜，希望在餐廳會遇上一個英俊的OPPA吧。前菜選擇比一般店舖多，有魚仔、泡菜、薯仔、和比較少吃到的黑豆，紅腰豆。烤照燒汁大蝦沒想到這兒也可以吃到韓燒，店員把燒鍋送到我們面前，我們把新鮮開邊大蝦放上去燒。大蝦預先已配上帶有紅椒絲的醬汁，甜中帶辣，非常惹味，蝦肉也爽口彈牙，但如果體積大一點會更好。旁邊的雞脾菇也不可錯過。炆牛肋骨配飯大大件的牛肋骨，當我一口咬下去時，發現肉質非常鬆軟，但不會過淋，仍然保持牛肉的結實，而且非常入味，應該是經過數小時的炆製，醬汁帶點甜，用來伴飯就最好不過。而旁邊的冬菇，紅，白蘿蔔同樣軟淋入味，推介。辣雜菜海鮮鍋這個海鮮鍋份量非常大，我想如果二人吃畢這個應該飽了8成。材料非常豐富，有原隻八爪魚，店員在滾兩分鐘後幫我們剪碎，方便進食。另外當然少不了大蝦，有4隻之多，鮮甜爽口，還有青口，蜆及蔬菜，瓜類等，就像百寶袋，永遠都吃不完。湯底方面鮮甜帶辣，喝畢後也沒有口乾，朋友更連喝4碗之多，而附送的粉絲口感煙煙韌韌，而且吸盡海鮮湯的精華，美味。還有免費甜品雪米糍。雖然位置有點難找，不過食物質數不錯，炆牛肋骨不可錯過。

試過駱駝漆嗰兩間都麻麻，已對工廈裡的韓國菜失去信心。不過同事鍾意食，就為有懷住一試的心情去啦！去到好似無乜裝修咁，但牆上面畫左好多畫。座位唔太密，都幾舒服的。侍應放低個menu,見到有成3x款lunch set 花多眼亂丫！由於本人唔食得辣，所以得返好少choice，就揀左白切豬手水冷麵。同事揀左蛤蜊牛肉大醬湯同辣泡菜豬肉拌粉絲。前菜有成6小碟，全部都好得。唔知有無得refill𠺢呢 個大醬湯聞起身怪怪的， 我唔喜歡，但料好足。辣泡菜豬肉拌粉絲睇落就唔錯喇！我個豬手水冷麵都係有啲辣同少少酸，而且冰的。不過我覺得唔錯。全部set的份量都好足，而且仲有咁多選擇。一定會再encore丫！

觀塘，終於有其他韓食店進駐，地點唔難搵，地鐵站行5-10 mins左右。雖然老闆講韓文，但店員同老闆娘都識廣東話，所以不用擔心。店內牆上畫了韓國風的畫桌上當然有一壺任添的茶兩個人有4小碟前菜食物方面，兩人只叫了「辣蔬菜海鮮鍋」同「烤照燒汁牛肋骨」，由於我哋超肚餓，最初仲驚唔夠飽，點知原來火鍋的份量好大！根本係可以3個人食！！最後飽到上心口！！*0*辣蔬菜海鮮鍋：勁足料！仲有得俾你揀要飯/粉，最後我地揀咗粉絲。3隻老虎咁大ge虎蝦勁彈牙！巨型八爪魚好新鮮同竟是唔韌！勁多蜆同青口墊底，加大堆不同蔬菜，令湯底好鮮甜！粉絲吸盡精華！正！ 自己燒牛肋骨：好味！明顯用料靚. 醃料特別，用照燒醬溝生果碎，同個肉超夾！除咗某部份肥筋位𡁻唔到有d可惜之外，食落是很美味的！埋單後有雪米糍, 香口膠, 同糖拎走 : - )店子冷氣足，食熱嘢都很舒服。店員亦有禮。整體嚟講會俾個Like同推介。

一直都想試下被人稱為白飯殺手的韓式醬油蟹，所以提早左四日就打左去火星料理到book。 火星料理位於觀塘工廠區，地理位置唔算太難搵，但預係地地鐵站出左之後都要行番五至十分鐘左右。內部既裝修係好似分左幾個apartment咁既，一個個廳咁坐。唔好處就係如果隔離燒烤緊，會有d油煙味飄過黎，所以解決既辦法就係自己都燒埋一份XD 或者叫老闆安排一下個坐位。老闆係正宗韓國人，唔識講廣東話，都識少少普通話同英文，所以溝通上都無乜問題。而且都會有其他店員係試講廣東話既。食韓國菜，餐前既小菜一定唔少得。有六款，食完侍應或者老闆會主動幫你refill。最鐘意係薯仔芽菜同菠菜，少少酸酸地，好開胃。醬油蟹(唔記得左幾多錢)我地三個人share左叫左一隻醬油蟹，會配一碗白飯。有睇韓劇既都會知，醬油蟹既精采之處就係要將白飯撈落蟹蓋都食，連埋d蟹膏同埋汁一齊食，終於明白點解會被稱為白飯殺手，因為太香口太好味，係真係會食唔停。蟹膏既油香，加埋特別醬料既咸香，一個蟹蓋食兩碗白飯都好正常。至於其他蟹肉方面，都好新鮮好滑。三個人share一隻好似就黎要打架咁濟XD韓式紫菜包飯 $35純粹太肚餓叫住d野下食。但估唔到$35有