火柴盒

營業中

休息中

平日晚上外出食飯，市中心的餐廳都食勻晒，突然諗起大尾督都有唔少餐廳選擇，第一間記起就係火柴盒喇🤩第一次用餐體驗係午餐時段，日間時間望住外面一大片湖泊同山景好chill😛今次二訪就係食晚餐，雖然外面已經黑媽媽，但對比起燈火通明嘅餐廳內部，好有日式居酒屋感覺😚食晚餐可以食豐富啲，所以除咗主食之外，今次都叫咗兩個小食：玉子燒第一下食落口外層只係微暖，估唔到咬開之後係超級熱辣辣軟綿綿👍🏼加上面頭微焦的芝士同蟹子等等，幾有驚喜☺️雞軟骨質素正常，有沙律醬酸酸哋好開胃～每次都食嘅雞白湯拉麵，我個人口味鍾意硬麵💛略嫌湯少咗啲啲，雖然好濃一路食到底麵夠味😚溏水蛋勁入味～係壽喜燒牛肉鍋定食（唔記得咗正確嘅名🤣），跟一碗飯同麵豉湯。總括嚟講再入大尾督都會再encore😚

以前去大尾督多數都係去食串燒估唔到而家開左好多特色餐廳😆(可能係我太out🤪)朋友介紹下試左呢間👉火柴盒聽個名就覺得好特別去到門口以為自己去左日本😂😂平日lunch時間去到唔算多人Lunch set有好多選擇 🟣 豚骨湯叉燒拉麵配糖心蛋 $72 🟣叉燒肉厚，燒得啱啱好。湯底唔係最濃果d但都好飲，唔會太鹹！⚪ 雞白湯拉麵配唐揚雞翼 $70 ⚪️充滿大量雞汁精華、口感濃厚拉麵面質彈牙，食起來富嚼勁唐揚雞翼都好香口，唔駛再落調味🟢 吉列豬扒咖喱丼 $70 🟢豬扒炸得好脆，份量OK咖哩汁都夠濃味套餐配前菜麵豉湯及甜品🌟價錢都算公道店員服務亦幾主動~ 吃得開心聽講餐廳仲推出左cocktail下次要試下啦🌸

大家覺得身處一所有格調的餐廳吃飯，那會為整頓飯加分嗎？以下要介紹的拉麵店，沒有配合昭和風格，沒有日籍店員。這間「火柴盒」的位置不算方便，要是從大埔墟火車站出發的話，大家要再預留大概30分鐘搭小巴前往餐廳。因此，小妹有理由相信餐廳的目標客群是住在大美督一帶的街坊/踩單車的健兒/在龍尾泳灘放空完畢的旅客。餐廳的座位不算太多，那天小妹選了戶外位置（放心，風扇非常足夠，再伴上微微的海風，所以沒有被溶解）。食物的種類是頗多的，部份menu是手畫的，很有心！大家選好之後可以直接掃QR code下單。今次點了黑松露火炙厚叉燒拉麵。店員送上拉麵時，黑松露味是頗濃郁的。呷一口湯，豬骨湯頭是超濃稠（如只顧聊天而忘記進食的話，碗邊會出現一層膠原），麵條是爽口的九州幼麵，叉燒肥瘦適中卻略嫌有點乾，原本想喝畢整碗湯，可惜愈喝愈渴。總的來說，試過便好。

今日放假，陪朋友嚟大埔睇吓村屋，睇到咁上下，肚餓了，見到附近有一間日式拉麵店，就入去試吓先！今日天氣酷熱..33度😅想熱死人地阿媽個囡咩！侍應好快手咁倒左杯水比我地飲，抖一抖！好想飲杯凍冰冰既酒，解一解熱😚😚😚（唔知我講嘢係咪太大聲，侍應話，有呀！）一路推架調酒車出嚟，一路介紹，最後揀左兩杯🥳🥳Benny - Bailey + 牛奶Venus-金橘柚子 + 伏特加爽呀！解暑一流，味道超容易入口，完全唔重酒味，女仔一定飲到👍🏻👍🏻👍🏻⭐️蟹籽沙律⭐️蟹籽勁多😋😋新鮮👍🏻👍🏻⭐️蒲燒鰻魚飯⭐️鰻魚汁撈飯一流，鰻魚超大塊👍🏻👍🏻⭐️醬油原隻雞髀拉麵配溏心蛋⭐️隻溏心蛋超級入味，湯底既膠原多到痴住個咀😚😚😚拉麵軟硬適中👍🏻👍🏻食飽，飲醉😵‍💫，再繼續搵屋💪🏻💪🏻💪🏻

難得放假入大美督散下心,一路小巴上已經風景好靚，去到小巴總站，有d肚餓，諗住穩d野食下先。係附近周圍行下發現一間日式料理餐廳，見到menu有拉麵，價錢又ok。決定入去試吓。周圍環境好靚，好多花草樹木，對出仲有一個魚塘，空氣清新，難得放假入嚟玩下，都好relax 。坐低用QR code 掃左menu , 叫左個招牌黑松露火炙厚叉燒拉麵，同一杯柚子蜜梳打，叫多個小食，炸牛蒡，幾特別，想試下新野。落左單後食物等左一陣就上檯了，個侍應哥哥仲幾靚仔😂一上檯聞到好香嘅黑松露味，湯底好濃郁，因為太肚餓，所以飛快地食！個梳打都幾好飲！好快小食利啦，炸牛蒡配蜜糖，呢個好食啊，羅利配酒一流！之後待應哥哥建議可以叫一杯拒地新推出cocktail 配襯番牛蒡一齊食。簡左EUGENE,係用柚子蜜配Gin 酒，配埋牛蒡一齊食，真係可以係度坐多一個鐘😂。最特別係店員會係你面前親自調酒！食左個幾鐘，決定埋單去周圍行下，今日幾開心，發現一間別緻既”火柴盒”

今日同朋友入嚟大美督踩單車，決定黎火柴盒醫下肚先出發✨一入門口就好似去咗日本市場咁樣 冷氣夠涼幾舒服🥰 🌟特調咖啡酒 🍸店員話係新推出嘅產品嚟！佢根據左我哋嘅口味 即場沖咗一杯以冧酒，咖啡酒同埋bailey 作為成份嘅特調飲品俾我哋🤤好易入口 好啱女仔試！櫻花担担軟殼蟹拉麵 🦀拉麵好足料，入面隻半熟蛋煮得恰到好處👍🏻 佢哋自己熬製嘅湯底有好香濃嘅辛辣味同埋軟殼蟹味 最適合啲鍾意食濃口味嘅朋友🥸 隔離另上咗一隻軟殼蟹 食到入面鮮嫩嘅肉質同埋鮮甜嘅蟹膏！正呀✨火柴玉子燒 🥚玉子燒食到淡淡的蛋香 加埋面頭嘅魚子同埋柴魚片 又咸又甜咁樣都幾滋味😗蟹籽沙律 🥗沙律底鋪咗好多新鮮嘅青瓜條，拎嚟清味蕾一流七味雞軟骨 🐔好推介呢個雞軟骨！入口好香脆 忍唔住一粒接一粒咁樣食 連埋杯酒咁樣食應該可以坐成日🤣檸檬烏龍茶 🍋🍋平時檸檬茶底都係紅茶多 原來烏龍茶都幾夾！ 飲落唔會太甜 夠清新紫薯栗子吉列餅 入口香脆 紫薯蓉唔會太甜 我同朋友好快就一人一半清曬😛總結來講入大尾督真係可以一試佢地嘅拉面同小食！食物：👍🏿👍🏿👍🏿👍🏿環境：👍🏿👍🏿👍🏿👍🏿價錢：💰💰服務：👍🏿👍🏿👍🏿👍🏿👍🏿性價比：👍🏿👍🏿👍🏿👍🏿*滿

火柴盒今日同男朋友去大尾篤🚴🏻‍♀️踩單車，踩到好攰好熱，唔想食燒烤咁熱氣嘅野。傍晚正當想搭小巴離開之際，見到對面馬路個大招牌寫住日本拉麵，就吸引咗我哋了。一入到去，有種日本魚市場嘅feel，店員又好主動咁同我哋打招呼，馬上安排入座。雖然店舖以半戶外嘅形式，但冷氣十足，座位間距舒服足夠。兩個頭盤小食不錯，叫咗芥末八爪魚同胡麻豆腐。八爪魚細細粒好易入口🐙，芥末味亦唔會好辣，唔食辣嘅人士都好適合。豆腐香滑，加上胡麻汁醬充足，令人更開胃。海鮮是日推介清酒煮花甲，清酒加上蒜頭的味道令到花甲更鮮甜，比街外嘅蒜味濃好多，清酒亦唔會搶咗花甲嘅鮮味。 花甲食落一粒沙都沒有，而煲內每一隻都是開口，證明餐廳食材新鮮。之後我哋再叫咗一個醬油原隻雞腿雞白湯拉麵，拉麵的湯底十分creamy，食到淡淡的雞肉味。根據店員介紹原來這個拉麵的湯底是餐廳自家製的，並以雞肉打成湯底。相比於出面的味精湯底更健康，更沒有味精，值得一試。🍜之後店員為我們介紹了他們最近新出的Cocktail，因為老闆係空中小姐，希望帶比客人有旅行嘅感覺🥺🥺🥺，所以以餐車遞上，上面裝滿唔同牌子款式嘅酒。店員會行埋你身邊為你調配一杯合適你口味的飲品。

萬裡無雲的一天，跟愛人一齊去到大尾篤逛一逛。由大埔去大尾督的一段路，在車中望出單車徑，年輕踩單車的回憶立時湧現。到了大尾督下車，因為平日，泊車位不算太full，搵位泊車尚算容易。Good.向湖行，路邊有許多餐廳(相比十多年前多好多)，去到接近盡頭，因為天氣有點熱，所以進入一最近的一間餐廳。本身以為係普通茶記，誰知道原來是一個食日本串燒的居酒屋，因為今日我中午到來，串燒服務未有提供，要到晚上才有，不過我們都點了幾味。。。因為當時很肚餓，所以快快的點了這個，希望有飯可以頂下肚。炸豬扒食落去沒有油益味，份量十足，咖哩汁不會太鹹， 珍珠米軟硬恰到好處。這個小食拼盤內的支豆是用水煮的，愛人第一次食支豆，感覺很新奇。特別的是。。。它是溫的，在外邊食的支豆多是凍的，味道未能夠突顯出來。另外，它只用鹽調味，簡單而味美，剛好中和咖啡飯的濃味，用來做前菜十分合適。跟店員談起來，原來這個雞軟骨的粉漿是廚師特別調的，說是與街上面的不同。食下去七味粉的味道十足，我會建議大家如果會點這個，最好準備一杯凍飲，這樣會食得比較舒服。另外，我們點了這個BEN是cocktail 來的。跟店員談起，他們近期推出cocktai

Lunch time 同同事去到大尾督，成日食西餐同泰菜，今次就去試下日本野火柴盒係巴士站方向行過去，望向餐廳就見到成棟建築物真係同佢個名一樣，又長又窄今日中午比較熱，waiter 哥哥好好人安排左近冷風機既位置俾我地坐。 重好貼心上左凍飲俾我地先。我地點左冷泡桃味凍烏龍，冷泡蘋果味凍烏龍；佢地推介既炸牛蒡配蜜糖；雞白湯拉麵配炸雞件，中華沙律&抹茶蕨餅；海鮮大阪燒杯凍飲完全上得岩時候，透心涼又唔會太甜炸牛蒡就第一次食，唔油嫁wor，配蜜糖又幾夾。如果送啤酒就更加好啦，不過陣間要番工拉麵方面，木耳絲同蔥正常，湯幾特別，麵好彈牙，雞件好好食，好新鮮下；大阪燒佢地已經預先切開左8份，方便開心share，同埋裹面居然有蘿蔔粒成餐都好健康咁！餐廳環境佈置幾靚，枱同枱之間唔會太埋，重見到餐廳既細心位，就係放定左個籃俾你放低個袋如果朝早黎重會好清楚望到外面既湖景添！

放假入大美督去新沙灘玩完一輪就上網搵到呢間日本野🇯🇵好鬼易搵 招牌夠大 遠距離都會見到！ 因為好熱 大家都無乜胃口所以淨係叫咗🍜蒜油豬骨湯拉麵配唐揚雞件 $72其實個樣無乜特別但一食落口好正湯底蒜香味超濃 加埋有啲粟米同木耳絲 好多重口感 好好食！另外有3件炸雞 都唔算細舊炸粉唔會太厚身 同埋啲雞好嫩滑 唔鞋口～超鍾意呢個拉麵！另外佢原來仲會送埋前菜帶子裙邊同個日式蕨餅做甜品！雖然兩者份量唔算多 但都覺得幾有心思 🍗七味雞軟骨$38炸得好好食 好脆份量好多 食極都食唔完～炸粉唔似出面食果啲咁厚身！配埋蛋黃醬 正～ 🍹檸檬烏龍茶$28呢度嘅烏龍茶係可以配唔同嘅口味例如桃 梅 檸檬等等我就揀咗檸檬咁熱嘅天氣飲杯凍野真係好爽！檸檬味唔算好重唔會蓋過咗烏龍茶嘅味道好味 又解渴～ 🍸Eugene $52即係柚子味嘅GIN！原來男店員係會推架車仔出黎係我地面前度溝酒（聽店員同格離枱啲姨姨講好似話老闆娘係空姐所以諗到推架車出嚟溝酒(๑•ૅㅁ•๑)）好似個表演節目咁 好特別！打卡一流！佢仲會問我地想飲甜啲定酒味濃啲～勁貼心！因為就返我 所以就揀咗甜味重啲！

和朋友去了大埔大美督村47F號地舖火柴盒食飯，這是一間隱世的日式拉麵餐廳，在大尾篤巴士總站行過去大概三到五分鐘左右。其實大尾篤都好多特色餐廳，例如有燒烤場，泰國菜，西餐，這間就是食日式拉麵的餐廳。餐廳沒有華麗裝修，但是環境也讓人感到舒服。店員服務亦相當殷勤有禮，而且很主動。我們點了清酒煮花甲，北海道海老味噌蝦湯叉燒糖心蛋拉麵，火柴玉子燒，燒扇貝等。飲品點了鳳梨酥打及蜜桃味烏龍。而且他們有新的cocktail推介，所以我也點了一杯，名為susan的cocktail。清酒煮花甲，花甲清酒湯相當濃，可以食到陣陣的日本清酒味道。北海道海老味噌蝦湯厚叉燒糖心蛋拉麵，拉麵面質堅韌彈牙，而且他們的北海道海老味噌蝦湯相當濃郁，有一種鹹香味道，撒上一些櫻花蝦，厚叉燒相當好味，加上糖心蛋，是一碗有質素的日式拉麵。火柴玉子燒，上枱時賣相吸引，木魚絲在熱氣騰騰上郁動，內裏加了些芝士，吃起來有一種芝士的味道。燒扇貝有芥末味和蒜蓉味，扇貝燒得剛好不會太韌，芥末味內有wasabi會比較刺激。餐廳剛推出了cocktail，我就點了一杯，調酒師會走到我的面前，為我調酒，我就點了一杯名為susan的cocktail，味道

難得入嚟大尾篤就周圍搵吓好嘢食經過呢間外型長長哋又窄嘅屋，落住毛毛雨，配埋吹到飄飄吓嘅燈籠好似去咗湯婆婆嗰度，即時瞬移咗去日本咁樣。食咗佢哋幾款主打嘅嘢食。火柴燒物盛包括咗有牛脷，雞腎，雞軟骨同紫薯，見住佢哋即叫即燒，牛脷同雞腎燒嘅程度啱啱好，唔乾身而且咬落肉汁同俾岩鹽帶一帶個味仲出好多。佢哋有個新推出嘅腩肉西京燒，腩肉經過一定時間醃製，再燒香後，肉質係外界略為焦香，入面係爆哂汁，估唔到西京燒除咗魚肉配腩肉都好突出。最後嘅重點都係佢哋新推嘅大阪燒，入面啲材料係滿滿到每一啖都好豐富，而且海鮮份量都好多。

窩夫與蝦子餅之前介紹過大美督的泰國菜和西餐，今次要介紹日式餐廳火柴盒。火柴盒主打日本拉麵。第一次光顧，點餐前可參考門外的人氣排行榜。從餐廳的佈置可見店主的心思。先來兩杯飲品，分別是香橙蜜桃乳酸特飲(原價$28/價惠價$15)和菠蘿乳酸特飲(原價$28/價惠價$15)，可以選擇少甜少冰，正合窩夫心意。窩夫點了黑松露火炙厚叉燒博多拉麵($88)，一上桌試一口原味的豬骨湯底，味道濃郁，膠原蛋白滿滿的，加了黑松露令味道昇華至另一層次。拉麵偏白偏幼，口感不錯。火炙厚叉燒也有水準。蝦子餅點了醬油原隻雞腿雞白湯拉麵($88)，雞白湯有點像忌廉雞湯，窩夫一試難忘，覺得它比豬骨湯更出色。拉麵偏黃， 較粗身。醬油原隻雞腿煮得入味。日式煎餃子($52)有很大的進步空間。最後有原味的日本烤芝士蛋糕($32)，比預期細件，是窩夫喜歡的質地，伴以抹茶蕨餅，更添日本風味。

入到大尾篤平時次次都食泰國菜，上年知道有間日本料理小店，評價都好似唔錯，又有朋友介紹，就去一下先﹗呢間「火柴盒」日本餐廳主打兩款拉麵「豬骨」同「雞白湯」，仲有好多日式小食、串燒，仲可以配日本酒，選擇都好多㗎🥳﹗------------------------醬油原隻雞髀雞白湯拉麵 $88小弟本人係食雞白湯拉麵嘅，雞白湯同出面嘅都不相伯仲，好香😚﹗係質感冇出面最出名嘅咁濃稠，但我反而鍾意�呢種雞白湯，因為濃嘅好易飲到「漏」，而且雞髀肉嫩唔柴﹗值得一試------------------------黒松露火灸厚叉燒拉麵 $88友人食叉燒所以試食咗啲，我會話頭啖湯，呢個湯底比雞白湯第一啖更驚喜😍，因為黒松露味真係好出好出🥳，肥叉燒更加重份量，就算係男仔都唔怕食唔飽😂不過對女仔嚟講應該都幾怕肥，未必適合想修身嘅女仔啦😆整體我會喜歡雞白湯拉麵主要係因為叉燒好肥😂不過佢個黑松露湯底係出色嘅👍🏻------------------------推薦：🌕🌕🌕🌕🌗性價比：🌕🌕🌕🌕🌗

食物唔難食，亦唔可以話好味。我哋一班人行咗去食飯嗌左滿滿兩枱嘢食，期間問侍應可否攞一匙羹飯俾個BB，因為佢吵想安撫佢，亦都費事嘈住隔離食客，但是大人既米飯浸晒咖喱汁。被拒，答：佢哋不嬲唔會咁樣做。於是我哋焗住嗌多一碗飯。店家就咁收多咗一碗飯嘅價錢，我哋就比多左一碗飯嘅價錢同埋嘥左成碗飯。自覺要求不算過分，你哋亦不一定一定要滿足，但是說話可以講得好聽啲。如此不通情理嘅服務，考慮埋食物質素，不會再幫襯，亦都唔推介。