火車頭越南餐室 (已結業)

老豆話想食PHO，上網睇過話火車頭吾錯，所以帶佢去左試。餐廳不大，但好有地道的感覺，叫左碗生牛肉河，生牛肉很滑，湯底好清甜。再加左柚子蝦沙律，份量又是很大，比左3隻大大隻蝦再配上柚子既酸酸甜甜，很惹味又好清新。仲有個牛油雞翼，炸得好香同比左好多炸蒜，必食0。埋單都係二百幾到好扺食，環境幾舒服，又不用等位，推介。

食香港仔南記都物有所價，食完，覺得又貴又唔好食！🤮拎個飯盒又要收人两蚊！拎個膠袋又1蚊！跟本係搶錢既餐廳！本以為小店有驚喜，點知有驚無喜！如果想食越南野去第二間啦！

唔知幾耐無食過火車頭，男友係牛魔王更係叫碗火車頭，再叫兩個小食，就夠晒飽，價錢唔係特別平，都係300蚊左右2個人，但個牛湯食完唔口乾，仲要夾極都係牛肉，反而粉唔太多，我對內臟一般，只係百葉都ok,牛丸/蘿蔔每樣有兩舊，可以樣樣食d小食叫左酸辣無骨雞腳，味道剛好唔太酸唔太辣，如果少少少香料味會好d, 好多生菜拌，好新鮮另外叫左炭燒沙嗲雞串，我覺得好好味，因為落左蜜糖，雞又夠肉汁，沙嗲醬又唔會太多花生，男友就唔太欣賞，因為係白肉我怕訓唔著試左少少越南咖啡，唔落練奶係飲唔到，超濃同苦，加左奶好飲好多，雖然我鍾意練奶，但太甜都好驚下

果日同朋友食lunch，係灣仔見到間越南野，咪入去試下。叫咗個番茄牛腩，D牛腩好有牛味，番茄味好濃，加飯一流。餐廳環境好好，坐位唔太多，除咗牛腩下午仲有其他選擇。

灣仔食野真係多姿多彩午餐時段間間都排隊，今日揀左火車頭食越南野lunch set都有兩版但我只會食一個軟殼蟹撈檬 ｰ 呢個真係我本人誠意推介一黎出面好少有用軟殼蟹黎撈檬二黎真係即炸，一上枱真係燙口佢個軟殼蟹做得好好，好有椒鹽味加埋用黎撈檬既汁酸酸地中和番椒鹽味，好夾個檬粉又爽口加埋青瓜絲蘿蔔絲一齊食好有口感價錢$86另加一我覺得合理，仲有杯野飲，通常我揀荔枝梳打食完熱氣野飲杯凍荔枝梳化沖走番啲熱氣另外佢個生熟牛河都幾好，推介

炸雞扒飯d雞扒煎到脆脆，好好味。份量都ok. 火車頭湯河d牛展好好味。湯底1般。 d餸同面既份量都大。要等1陣位。 lunch個餐牌好多選擇，下次可以再encore.

今天繼續陪大陸同事午飯，他們都喜歡食越南河，而火車頭越南餐室更是他們的至愛。餐廳面積狹窄，中間一條通道貫穿兩排座位，座椅與桌子的距離甚短，雙膝幾乎可以接觸到對面的食客，坐得幾擠迫。餐牌的菜式都是典型的越南菜，但價錢卻貴得驚人，一碗湯河動輒要75蚊以上，包一杯飲品，還未計加一。點了一碗生熟牛河，湯河內只見熟牛，未見有生牛。牛肉尚算嫩滑，但只得幾片，河粉份量也不多。整體來講平平無奇，唔知點解竟收75蚊。食完河粉，再品嘗凍奶茶。誰知奶茶飲到一半，侍應已經把單據放在我枱面，示意我們埋單。這樣的服務居然還要付加一服務費? 簡直令人匪夷所思食物平庸，環境狹窄，服務惡劣，沒必要都唔會再來

本來約了一位好朋友晚餐，怎知他忽然無限OT，等到八點半都未有離開公司的希望，已經餓壞了我決定扔下他，自己吃晚飯啦。之前經過一直都很想試，這次有機會啦。晚上八點半的商業區餐廳果然不算多人。一邊吃一邊吹著風（今晚天氣頗好），很舒服呢。餐廳的裝潢也很有格調，只有數台人在吃，很寧靜。其實這是我到每一間越南餐廳必點的菜式xD札肉很厚實，煮得也入味。湯底很鮮很甜，我喝了大半碗也不覺口渴，看來不是味精湯呢。配菜也不吝嗇，麵的份量也多，吃完好飽唷。價錢合理，埋單七十多元，值得推薦的越南餐廳！我剛吃完朋友才告知他終於可以放工了。唉，我們香港人為何打工打得這樣辛苦，連準時收工也是這麼艱難。

如果淨係以服務態度同衛生情況去評價，絕對不推介呢間趕客嘅餐廳。原本諗住近近哋去間細細哋嘅餐廳食碗越南粉，點知嗰度好多烏蠅周圍飛，衛生差，店員服務態度惡劣，好無禮貌，未食完就執走啲嘢，我都未加哂啲青檸同埋芽菜，佢哋問都無問就執走咗，嗰碟嘢收咗都算喇，到食到尾聲嘅時候，佢又係問都唔問，想成碗收走我碗嘢，我都未食完，勁趕客，仲要喺背後取笑客人。如果大家鍾意火車頭呢間餐廳，我會推介去大坑分店都唔好去呢間。味道都係差唔多咁好味。如果普通越南餐廳，呢啲服務態度同衛生狀況我都可以接受，但係以$80一碗麵嚟講，我覺得不能接受。價錢係應該計埋食物質素加服務態度及衛生。

I went to this once famous locomotive Vietnamese restaurant in wan chai. Their cooking is now very bad. Soup for the pho not hot, just warm, the rice was badly cooked, soaky, I hated them. Told the woman there, they said give them a chance the chef is new. I asked why I'm paying to train their chef. She was speechless. And at the end they charge me full price. I'll not go back

食物超超超超超咸，完全食唔出食材的味道。蟹肉粉絲沒有蟹肉，賣相更令人降低食慾。法國燒鵪鶉味道怪異，食完反胃。蔗蝦炸得太耐加上勁咸，入口半點蝦味都無，光顧完十分失望。

當日食晏時候去到得兩個客，已經驚驚地....我叫左青檸梳打+南瓜雞飯。杯野上到黎唔見有青檸以為距唔記得，無理照飲，哇~酸到苦的！完全飲唔落口！唔知化學野定距落左20個青檸！到南瓜雞，唔熱！雞鞋口唔入味，其中有兩件更是煮濃左，一反面都是黑色焦。成個感覺好似玩緊我咁。😑茶記都不如

We made a booking with a Groupon voucher for 6pm and arrived on time. Ordered a grilled meatball dish with rice paper, baked chicken and vegetables. The waitress told us the chicken would take half an hour which was fine. At 6.50pm with no sign of our food despite there being only three other tables (and only one table served so far) she comes by and tell us then that they are out of meatballs... I guess it took them almost an hour to get started on our appetiser. After an hour our vegetable di

是夜公司慶功，在灣仔舉行酒會。為了不用空肚飲酒，所以和同事們先去醫肚，打個底。選了這間裝潢和氣氛乽不差的餐廳進餐。餐廳不大，但裝修頗有特色，以火車作主題，幾有趣。我們一行六日，本來想各食碗湯河了事，但侍應好客咁介紹，所以叫多了幾款小食。佢仲提我地係Fb 讚好專頁，仲有飲品送，不錯。湯河份量好足，生牛肉很滑，湯頭清甜，一碗已經食到好飽，沙律份量又是很大，柚子酸酸甜甜，很惹味，是健康清新的選擇。不得不提其串燒，豬牛羊任擇，配上特製醬料，上枱時以炭爐盛載著，別有風味。好彩我地無叫好多小食，否則一定食唔晒。埋單每人百三，幾扺食，最重要係坐得舒服，又唔使等位，推介。

未試過食碗河粉食到忟憎!!! 今日行開呢邊，諗住求期搵間嘢食就入咗黎呢間嘢，坐低已經3點幾，餓得濟唔等朋友就叫咗個午餐火車頭河。碗嘢黎到，其實湯底味道係ok既，粉質都唔差，除咗有俾青檸同辣椒之外仲有一大棵九層塔，但係碗湯個溫度連暖水都唔係好算得上就堅係超驚嚇囉… 😱😱😱 算，諗住食住先，浸耐d都會熟啦掛，到我食晒都仲係全生!!!!! 然後朋友到咗，睇到隔離檯有下午茶係3點開始，但由我入黎到食完都冇人同我講過有下午茶，waitress亦都淨係俾咗正餐牌同午餐牌我，即係焗我食貴餐? 都算，太攰嘅關係我都默默咁食完俾錢走，俾完錢走之前，我叫咗經理埋黎，同佢講碗嘢完全唔熱，所有牛肉都冇熟過啦（我都只係想俾佢知道，如果係要攞著數就俾錢前講啦），佢嘅反應竟然係“哦”咗一聲就算!!! sorry都冇句，超級忟憎!!! 😡😡😡😡😡 我呢世都唔會再黎呢間嘢，亦都會叫我d朋友唔好黎!!!!!