炉端金 (已結業)

是晚共九個大男人，咁既然成班都係大食王，就梗係食放題食盡佢。一般乜乜屋既放題店，位有咁窄得咁窄，張枱有咁細得咁細。坐到迫迫咁。呢度就唔同，地方大位闊坐得舒服。食野唔駛你撞我我撞你。先講刺身，各類刺身都好新鮮，尤其必要講佢有隻珍寶大蝦，本人見識少未見過咁大隻刺身蝦，一定比其他放題既刺身蝦大一倍。每一枱都會送既長腳蟹，新鮮味美無需多說，我亦未見其他放題有送四人以上送一版海膽，都係新鮮必吃再黎壽司類，唔會大大舊，三文魚子好味。海膽都好新鮮串燒類必提，大家可能要比少少耐性等，因為佢係出面bar 枱生燒比大家睇。味道唔錯唔會好乾，牛舌必吃，其次係雞翼天婦羅及炸物都唔錯，尤其炸蠔入邊隻蠔一咬爆汁。呢度可以開埋爐日式燒，各類燒肉都唔錯。牛類就一定要多叫。雪糕唔似其他咁只可以叫一次，佢係出邊凍櫃任你拎。作為放題，真真正正放到極滿足唔寒酸，日後會唔會變無人知，呢一刻，如有幸見此文又想食放題，呢兩個月黎講既推介。

有時候遇上一間好餐廳緣份唔少得，好似今晚無意中見到炉端金，平時行開都唔知原來係日式放題，決定一試我地一行兩個人Walk in唔使排隊直接安排入座，食放題嚟講好難得，加上座位寬敞環境一啲都擠迫，坐低已經等唔切落單等醫肚。太懶太餓所以無加錢食爐端燒，等人餵食😜遞完紙無耐食物好快到，先嚟軍艦，紫菜咬落仲係脆; 到天婦羅仲係冒煙, 即叫即整值得一讚👍 無爐端燒都仲有其他串燒，羊架燒得剛好，牛柳粒串牛味濃不過可能太厚燒到太有咬感😐 還好鯖魚同燒冬菇juicy補救番食咗一半熟食刺身終於上枱，唔通係刻意安排?一見刺身排得井然有序仲有乾冰噴煙，相機嘅肚都照顧埋，講番食物，劍魚腩相當肥美，珍寶赤蝦鮮甜，翡翠螺唔多ok...唔知以為食緊沙粒...不過整體刺身係新鮮嘅甜品雪糕吸引，movenpick, dreyer's, haagen dazs任你揀其他甜品如太飽可以當無出現過~整體性價比中上，坐得舒服值得再幫襯，另第一次落完單見到隔離幾張枱食緊單上無嘅長腳蟹棒，追問先知每人免費有一條，如果主動同客介紹番就更加好

雖然呢間放題餐廳就係我屋企隔離小小，但我一直都冇諗過黎試，因為自己一個就唔係好想食，身邊啲朋友大多數又唔大食，多為唔肯食放題。呢排要準備搬屋，所以想趁仲未搬走之前試下附近未試過既餐廳。原本係想黎試下佢地既午市套餐就算，但係岩岩好嗰晚飢腸轆轆又諗到呢間好似宵夜時段比較平，於是就鼓起勇氣一個人黎！9:50左右到餐廳，用左前10分鐘剔野落柯打，然之後啲野食就好快上枱，雖然有漏幾樣，但都算幾好。第一轉主要係刺身、壽司同串燒。刺身都算新鮮，但係吞拿魚就唔得，好似雪左太耐咁，已經冇曬魚味。甜蝦細細條，冇咩特別；可惜呢度冇帆立貝，得小貝柱，好細粒，更係冇帆立貝嗰種口感。壽司味道全部都唔錯，但係米就俾太多，海膽手卷得細細舊海膽，淨返8/10都係飯😰 其實學下其他間放題俾少啲米會好啲。串燒我點左幾樣，但第一轉漏得比較多，後尾我又剔左一張新紙就全部都齊曬。個人覺得串燒好好味，牛舌同雞軟骨係埋飛佛！讚。之後就上左炸物（包括天婦羅）同其他小菜。天婦羅都炸得唔錯，如果天婦羅汁可以俾啲蘿白泥會更加好。其他炸物都算不過不失，熱辣辣脆卜卜，吉列蠔同大蝦都幾好食，唯一既美中不足就係冇俾蛋黃醬，可能真係要自己問佢地拎掛，

早一個星期已經決定去呢一間爐端金食放題 book咗一點鐘 當日早咗十分鐘到 場內有五成客 坐落冇幾耐呀個場已經有九成客 即刻落單首先呢個壽司 壽司差 紫菜淋嘅 再嚟叫刺身 刺身就非常之新鮮甜美 再叫天婦羅鬆化香口 燒肉有豬腩肉 澳洲和牛 牛脷呀都一般 仲有雪糕及汽水啤酒清酒任飲及飲食蛋糕呢就麻麻地啦

魚生類合格熟食達到劣食級別, 所有肉類無肉味~雞翼無雞味, 又好似無腌過咁.炸魷魚圈硬到爆, 又係無味.粟米薯餅, 薯蓉無薯味.燒肉方面安格斯同一口牛柳 無味.海鹽牛舌勁咸.雞腌到勁咸.五花腩無豬味.唯一可取係雪榚有MOVENPICK同Haagen-Dazs~

加咗價：宵夜時段9:50後入座$218+10%，環境寛敞，又唔洗等位，多款刺身新鮮，清酒任飲，仲有久違嘅波子汽水，雪糕2款Movenpick同2款Haagendaz 仲有Dreyers甜筒都係任拎（唔似其他放題只限一杯），值得一試！Last order完先見到隔離枱叫咗隻「巨型麵包炸蝦」，好似好香脆好juicy，下次一定要試埋打埋卡呢：）不過加咗$48仲可以自己燒「爐端燒」，主打燒和牛，牛舌，其他選擇其實一般，可以focus 番係其他食物，唔洗燒爐仲可以request坐open kitchen果度好有特色嘅橫枱。不過呢⋯⋯「清酒煮蜆」睇落好高質，粒粒都有蜆肉⋯望真啲食落去，一啖肉一啖沙囉-_-

食物遲遲唔上，追左幾次依然不理，女經理態度奇差！10點入，話食到1130，1045 話last order,但第一輪點的食物黎得少少，問下經理就好悔氣話只加一次單，無得加。大佬，食放題食到乞咁，求人先有得食，完全食唔飽，想點？一定唔會黎，咪比價錢門面厄。尖沙咀仲衰過旺角！

星期六去食 想去食生豪 點知無既原來三文魚都還可以 甜蝦有d奇奇怪怪既膠味 叫左個五知乜蜆 全部都有沙而且好腥串燒雞軟骨有騷味 小小 都可以接受牛肉串好un.咬五開咁濟諗住叫左個炒飯 一定無死啦海膽炒飯 臭既 真係又腥又臭既聞係臭既 食係腥臭既超級臭 垃圾房味 食左一啖想嘔其他野都係超級一般我唔明d好評係點樣樣得番黎既我末試過嬲到要打食評食8點 埋單加埋一要300幾蚊尖沙咀既價錢 旺角百幾蚊果d都好過佢淨係食之前影左張相 之後都無心情影

今天同同事吃farewell lunch, 近近地吃呢間有日本及韓國菜選擇的餐廳，室內好寬敞，2人比左張卡位我地，真係太多選擇睇左十分鐘先有決定，同事叫左個韓式烤三式肉定食，而我叫左韓式烤牛肉定食，店員話係即叫即煮，我地等左大約十分鐘左右，食物開始上，首先係前菜:面豉湯,沙律及醒胃菜，湯夠熱，味不太咸，沙律就一般啦。主菜好快就到，同事嗰個到先，個樣唔錯，熱熱辣辣咁，他話雞豬牛都唔錯，肉好淋，夠味，而我個餐個樣就一般，D牛好似好熟，食落都好淋好夠味但不夠熱，我地兩個餐的份糧都唔少，伴碟的洋蔥煮熟晒入晒味好吃。原來有甜品送但店員冇講係咩，吃完似係什麼奶凍但冇乜味。最後埋單有驚喜，現金有九折。

第二次黎食，之前食刺身冇事，而且覺得好新鮮，今天特別加埋燒烤同家人分享，點知，本人已係食得好鹹既人，燒完真係同食鹽冇分別！同樓面講，佢話cut1個小童燒烤費俾我費用吾係問題，預左，不過真係吾敢再食難聽D真係難食到嘔

宵夜放題燒肉呢到算好抵, 208 再加38 燒肉 9:45pm入座, 100 分鐘, 10:45 pm last order, 換言之9:45後入座就食到尾啦, 環境超靚, 仲要係尖沙咀地段, 平時經過都以為係食超貴野, 點知放題之餘, 價錢都仲好ok, 不過選擇方面, 始終宵夜時段, 係會有部份回本刺身係無左既, 最鮮味算是貝柱, 大大啖好爽口, 但至於三文魚和最期待的甜蝦, 質素只是一般到最後再e ncore 的刺身, 甚至已到貸尾,溶雪甚久, 有少少腥味另外我地也試了創作壽司, 壽司飯的size 也合適, 火灸壽司超級香口很有驚喜天婦羅方面屬正常串燒也有多款選擇, 不過羊架太咸, 牛柳 向冬菇串 十分 juice 最後不少得加38 蚊的燒肉, 和牛片最好, 其他的肉質一般不過地點方便, 價錢也大眾化, 下次都會再試~

太耐無食過放題, 今日心血來潮去左呢間放題店度食野, 七點約8成滿~我地被安排坐卡位, D位都幾闊落.野飲係自己去雪櫃拎, 都幾多選擇, 有汽飲品, 無汽飲品, 啤酒樣樣齊~除左野飲之外, 有D 小甜品都係出出面拎.我地都點左幾多野食架, 仲有升埋級食埋燒肉放題.張台多野食到就黎放唔落!先講幾樣個人比較推介既先~~海膽手卷呢個有得任點其實真係好正, 今晚我地一人食左三個首先佢個海膽係好新鮮, 份量多過D飯, 啖啖海膽~呢隻海膽個味好岩我, 味濃D, 質感比較軟身, 好味~~火灸系列個人好鍾意食火灸壽司,  今晚點左燒三文魚, 照燒帆立貝, 芝士日本帶子, 海鰻魚.呢度既灸燒食物黎既時候都好夠熱!咁樣已經贏一半, 最令我難忘既都係燒三文魚, 佢夠肥, 燒出黎勁香~~串燒系列燒牛舌係必點, 首先佢都幾厚切, 牛脷夠哂彈性, 牛味重! 正~~燒羊鞍都唔錯, 香草落得多, 無咁蘇, 但又唔會太咸~~其他野都幾好, 不能盡錄~~~~燒肉放題呢, 肉既種類唔多, 志在過下口癮~~肉既質素其實唔差, 色澤幾鮮豔~一邊放題一邊食燒肉其實真係好顛haha 好放肆~~出面仲有雪糕拎, 有haagen da

前陣子經常往尖沙咀, 偶爾會經過炉端金附近, 但它那低調的門口確實毫不起眼, 所以一直都沒發現它的存在。直至最近尋找這地區的餐廳時, 才發現這間吃放題的餐廳。男友說打鐵趁熱, 要去會一會這燒肉+日本放題店。聞說很多人排隊光顧, 故預先訂座會較安全。翌日正午電話訂座成功, 很令人期待呢！我們訂了7時半至9時半的時段, 男友偏好燒肉, 故訂座時加錢要了燒肉放題。餐廳裝橫富日本風, 枱與枱之間距離合適, 沒大喜x等典型放題店的極度擠迫感, 而且通道寬闊, 光線充足又不失柔和, 環境很讚！我們兩人被安排了卡位座, 座位闊落, 能放置袋子和厚褸; 檯面即使放置了一個燒烤爐, 亦有足夠位置擺放多碟食物; 跟大喜x的二人檯對比起來, 今次待遇好太多了！(感動) 原來吃放題都可以很舒適。但舒適歸舒適, 吃放題當然要開啟作戰模式, 這兒雖沒什麼新派多國菜式, 但返樸歸真的日式放題, 個人覺得更有和風味道。食物的種類選擇雖不太多, 但基本想吃的都有, 在我們而言是可以接受的。刺身類三文魚:厚切, 新鮮肥美追加了好幾遍呢！飽魚片: 味道很鮮, 不錯北寄貝: 好新鮮象拔蚌, 小貝柱: 有點腥八爪魚: 太薄,

今日係我同老公既紀念日，見到呢間價錢OK、地點OK、質素又好似幾OK之後，就決定黎試吓。餐廳嘅環境好好，每張枱之間嘅空間都好大，唔怕會比隔離騷擾到，而且雪糕、飲品、甜品都係自助，客人可以自己出去拎。今次我哋揀咗放題加燒肉。食物嘅種類都好多，令人花多眼亂，但係見到牆上面貼住嗰張咪嘥野宣傳單張，我決定慢慢點，唔好眼闊肚窄。先來左刺身，擺設就不在話下，連食物嘅質素都好高，每一樣食材試到都係新鮮，入口即溶，令我不停encore。仲有試咗個海膽手卷，一啲都唔聲，仲食到海膽味，而且購花唔大，唔會擔心太飽另外燒肉嘅肉類都唔錯，試咗隻澳洲和牛，油花分布平均而且入口即溶。飽嘗唔少刺身、燒肉、小食之後，就係甜品時間，武訓平可以自己出去拎，我就食咗幾盒都係朱古力味，好好味總括而言，呢間餐廳係值得再嚟食嘅！

個人推介指數分9 (10分為滿分) - 價錢合理, 特別是週六日午市時段, 筆者更感超值. 當然差不多二百元食一個午餐好似有點貴, 但食物質素和環境肯定不會讓你感失望. 筆者親身經驗, 抱住滿足充實的肚子, 其實晚飯也可省掉. 數月前我和太太也品嘗過這間坐落尖沙咀的日式放題, 在日式放題林立的地方,各方面我們也覺得很滿意, 只是太忙沒有時間分享. 今次再罕有地扮孝順請爸媽來, 她們也渡過了一個美妙的下午, 不得不在此分享. 這裡的坐位非常舒服, 除了這些吧枱外, 還有不同的卡位選擇, 四至八位也沒問題. 枱與枱之間有足間的空間, 絶對不會發生一般日式放題人貼人的情況.  枱上也有足夠的位位置擺放一會輪又一輪突如其來的美食. 媽媽比較愛吃熟的食物, 於是我們今次額外開爈, 點了自助日式烤肉, 每人也是多加數十元. 點了菜後, 不消一會, 烤肉到了, 開火. 自家選烤肉拼盤有一口牛粒, 七味手羽, 厚切五花肉和澳洲和牛. 最愛是五花肉, 烤到兩邊金黃, 吃下去的焦香, 連媽媽也忍不住"安哥". 尾場我們還試了韓式牛肉, 肉質很嫩滑, 奄料惹味, 也是我的推介. 醬料有三款, 燒汁, 芝麻醬