炉端金 (已結業)

成日夜晚路過見多人排，都想食呢間～ 格局裝修高級，有卡位可以坐得舒適，空間寬敞～價錢咁抵，一個價錢已可以有刺身，壽司，串燒，燒肉，有咁多野食，點菜紙都有咁多，真係樣樣都想試～ 上菜速度好快無漏單～剌身送到上黎賣相好靚，好有仙氣，忍唔住相機食先好多張～ 刺身新鮮，encore咗兩次～ 壽司賣相一樣好靚，色澤新鮮，味道好味～串燒同天婦羅，狂encore，好味！！ 燒肉肉質質素好～雪糕仲有Haagen-Dazs同Movenpick，兩個高級嘅牌子～飲品都好多種類多元化，除汽水，果汁，茶，波子汽水等，未見過放題有呢支宇治抹茶紅豆同荔枝甘露，特別！！總括，非常滿意，會再encore！！

炉瑞金係金馬倫道中間 個門口好光好靚 每次經過都好想試下😂😂 今日難得唔使OT 即時過黎食啦🙈🙈7點半前結賬只需235一個人 加埋燒肉放題都係加多38蚊一個人咋抵到爛😍😍😍😍行到入去 入面仲靚 擺哂d海鮮出黎 好似去左日本市場咁😬😬燒肉先會坐既卡位 非常寬敞👍🏼👍🏼其實冇expect 過會有酒飲 仲要唔使加錢清酒任飲 一見到已經心心眼 😍😍唔飲酒都仲有好多選擇 全部自助形式架好方便 😬😬近排做緊promotion仲有長腳蟹蟹腳送😬有淡淡既海水味 蟹肉又結實 送既唔一定係唔好架🙈🙈刺身種類好多 我地只叫左其中大部分咋😂😂但叫得既都好好食 吞拿魚腩 象拔蚌 北寄貝 八爪魚 全部都好新鮮 好香魚油味😬食完魚生食燒肉啦 擺碟已經好靚 牛肉粒有肥有瘦 入口之後 肥既慢慢咁溶出黎同瘦既部分融為一體 👍🏼一口牛肉粒超滿足豬腩肉都好正 加埋少少豬皮位 豬皮好有咬口 配埋豬腩肉既油😬😬Perfect match !!!! 燒物都唔錯架 燒得好靚 調味又好食👍🏼我真係好鍾意食卷物🙈🙈放題都要食 一口飯加少少魚生同蟹子 為呢餐飯劃上完美句點😬😬我同朋友都覺得1.5小時好唔足夠😆😆

喺尖沙咀行過好多次，經過過呢一間日本料理亦都好多次，但係就冇仔細睇佢食啲乜嘢。因為覺得佢個門口好似好誇張，好犀利驚好貴，唔敢去食，哈哈。原諒下我呢啲窮L。。今日因為公事，經過附近又唔想周圍行去搵嘢食，所以就入咗呢一間飯堂。其實係門口嗰度就見到原來呢間野夜晚通常就係做放題，假日嘅午餐亦都會有做放題，但係平日嘅午餐呢就以定食為主。佢嘅午市定食大概有＄50至百幾蚊不等，會配埋前菜，沙律，湯同埋主食。另外仲可以加錢加啲壽司又或者刺身等嘅小食。前菜係一啲日本小食青瓜，螺肉仔咁樣。但唔覺好食，食咗一粒唔敢再食。沙律就係一啲好普通嘅沙律菜上面加左日式嘅豉油。個面豉湯。。。暖的。。今日就叫咗個滑蛋豬扒飯，呢一個滑蛋豬扒飯個樣就好靚仔，上面個蛋整出嚟仲有一啲忌廉狀，看似好好食咁樣。但係食落去個飯好淡，飯有冇好感，唔好食。豬扒食落去外面唔脆，入邊嘅豬扒亦都無汁，好乾下。唯一好就係夠大塊，夠厚。另外就叫左一個高松魚生飯，飯入便會有四塊油金魚刺身，三文魚子同埋海膽。油金魚刺身味道中等。三文魚子質素一般，唔夠大粒，咬落去嘅汁都唔夠多。而海膽就係值得讚賞嘅，因為佢用咗加拿大嘅海膽食落去好creamy，有質素嘅。另

男朋友超中意食燒肉，所以作為一個貼心既女朋友，當然會搵啲高質之餘又物有所值既燒肉放題同男朋友食。除了有燒肉外，一般日式放題有既嘢呢度都有。雖然燒肉類得一張紙，但係牛肉是高質類，仲有我最愛既澳洲和牛同一口牛柳粒。刺身估唔到刺身都幾新鮮，而且上枱擺位絕不馬虎，好過旺角放題既質素，三文魚厚切之餘又超肥！澳洲和牛、牛舌、牛柳粒喜歡澳洲和牛油脂分佈平佈，牛脂在口中溶化的感覺好有罪惡感喔！牛柳粒、七味手羽、厚切五花腩五花腩超正，燒到脆卜卜再沾燒肉汁，可惜無得叫花菜包住嚟食！天婦羅 個天婦羅蝦炸得唔錯，炸粉不會好厚。榴蓮年糕、香芋年糕男朋友話呢粒榴連年糕一定要叫，外皮被炸得卜卜脆，一咬落去入面榴連汁馬上流出嚟，正！甜點種類有好多，可以自己去雪櫃自取，有馬卡龍、芝士蛋糕同布甸等。當然不少得有我最愛的movenpick雪糕仼食啦，食多幾杯感覺賺返唔到。總括嚟講，人均三百左右就有甘高質既澳洲和牛又有movenpick雪糕仼食都幾抵，下次會再嚟食！

平時經過這店一啲都唔覺得似‘放題店，以為是燒肉或高級日本料理。 直至揾冬至晚飯才知道。。。因今年得我同媽媽食過冬至，佢唔想食中餐，俾佢選了幾間，佢點了呢間。 店內裝修很和風，大部份以木為牆的建築材料，而且幾寬敞，有啲位仲有一個個包相咁， 空間感高。 因為做節，都唔介意加錢食埋日本燒烤，燒烤有幾款，我認為係和牛最好味，尤其煮到半生熟嗰時， 邊位香香帶微脆，裏面又夠嫩， 有少許油份既味道。而媽媽較喜歡豬肉， 佢話幾新鮮，肉質夠實，又唔重調味料，食到肉既鮮味。 有很多飲品，當中最重點既係楊枝甘露同荔枝玉露！ 第一次見放題店有， 平時十幾蚊細細枝，響7仔都未買過嚟飲，呢家任飲，楊枝甘露迷千祈唔好錯過！裏面有很多芒果粒(唔細粒的)同埋柚子等，好豐富。另外，清酒都係任飲的，仲要係自由添！ 刺身種類多，成兩張紙既選擇，除了有必點三文魚，吞拿魚，油甘魚，赤蝦等仲有少有的白玉豚，少少甜，好柔軟，有啲甘，不停encore。不過有一點唔明既係每一次點刺身，都有啲白色既螺肉跟埋，明明無點，俾左咁多次我，無食的話，係我浪費定係你浪費呢？ 另外有很多創作壽司，配搭創新，用

無諗過放題餐廳可以坐得咁舒服，空間寬敞～咁抵嘅價錢有咁多野食，任食所有刺身，壽司，串燒，燒肉，熟食，飲品，甜品，雪糕～ 平時出街食壽司，串燒都十幾蚊一件，呢到食物材料質素好，收咁抵嘅價錢，又選擇都好多。刺身新鮮，三文魚，鮑魚片encore兩次～沙律新鮮、爽脆。串燒同蕃薯天婦羅，狂encore，好味！！炒飯炒得好香，唔油，推介～拉麵都彈牙～雪糕仲有movenpick～上菜快，同員工貼心服務，主動收碟／換碟～

喺尖沙咀金馬倫道嘅呢間炉端金，就門口嘅裝修都令我哋以為自己去左日本咁，主打日式放題加爐端燒，舖頭內裝修好靚，樓底高，充滿日式風味，而且野食仲好好食。呢度野食嘅種類比我想像中嘅多，刺身好新鮮，造型賣相都好靚，甜蝦同象拔蚌都係必點嘅，甜蝦好大隻好鮮甜，象拔蚌就好爽口，可以點多幾次。壽司嘅選擇好多，除左基本個d之外，仲有火炙壽司，軍艦壽司，手卷，而佢地嘅創作壽司亦喺相當唔錯，其中黑松露劍魚腩壽司非常好食，因為魚腩夠曬肥美。火炙壽司可以試下照燒帆立貝同蒲燒左口魚。佢呢度嘅壽司好精細，基本上一啖就食完一件壽司，食多幾件都唔覺滯。其他天婦羅、燒物及炸物都好有水準，有幾樣必點：燒羊架，七味雞翼，燒波蘿，廣島炸蠔。而我就加38蚊試埋個爐端燒，一d都冇後悔，因為呢度俾你燒嘅肉都非常好食，絕對係高檔食材，其中一口牛肉粒同厚切五花肉好吸引人，肉腌得好入味而唔韌，燒完點埋佢地哋醬黎食就更正。呢度嘅飲品同甜品都係自助，連水同茶都係自助嘅，要自己去拎。而呢度嘅甜品，款式多，尤其係tiramisu 同芝士凍餅，可以拍得住5星級酒店，唔會太甜，每件又係細細件，一啖一件，食多幾件都唔會有罪惡感，哈哈！呢度仲有Hagen

今日和朋友往尖沙咀爐端金食, 分享一下:手卷和鰻魚：點了鰻魚手巻鰻魚好入味, 醬汁香濃, 紫菜爽脆；玉子鰻魚壽司玉子好厚燒得好香配上鰻魚食好美味。胡麻冷豆腐:胡麻及冷豆腐配搭份量剛好,入口時有濃香豆味及胡麻混合起來的味道, 豆腐好滑天婦羅：炸大蝦好脆, 好香口, 蝦好新鮮；炸番薯好味，脆鮮而甜；炸南瓜可再切厚一點便更好吃,南瓜味道沒太突出；冬菇炸得好夠味炸物：七味炸雞翼炸得好味, 好爽口, 佐酒一流；一口芝士年糕,年糕甜度適中，芝士不太黏口；吉列麵包蝦, 蝦好脆口, 配上麵包多士, 食落好爽口；而魚方塊食落魚肉鮮嫩, 好香脆烏冬：野菜湯烏冬好好吃,清淡可口的湯,烏冬好爽滑,野菜鮮甜；清湯拉麵好好吃，清湯湯底好濃度令拉麵更入味入味,拉麵好爽口彈牙蔬菜:燒汁炒野菌,好吃味道剛剛好,燒汁滲入野菌美味；蒜香炒雜菜有蒜香,雜菜鮮甜；奶油白菜好吃,白菜是甜的,配上奶油, 食落好滑好甜串燒：真味燒菠蘿好吃；雞軟骨味道好爽口彈牙；燒日本帆立貝好新鮮爽口, 帆立貝新鮮美味；海蝦新鮮, 彈牙爽口, 燒得香脆, 有油花。燒肉：香草雞柳有香草香員,味道調配圴衡,味道適中甜品：馬卡農 (朱古力、芝麻、綠茶及雲呢

前排係平日同2位朋友食午餐，1：05pm已落單…但等等等左半個鐘都未有得食…之後問經理是否漏單，經理答覆：會幫我地睇下.… 再過多陣，見到仲未有得食，唯有再問下…經理：廚房好忙，叫我地再等下…（當時食客5多，係個場一半既客都冇）我同朋友們只可以好無奈繼續等……係等緊期間，有其他食客坐底，職員有同佢地講要等半小時…佢地聽完後離開左… 如果一開頭職員同我地講要等成個鐘禁耐，我地就5會入去食當時肚餓都有點胃痛1：55pm 終於有得食拉以五十幾蚊既價錢黎講食物質素都算好好有點美中不足…滑蛋豬扒飯既滑蛋似生蛋多d最遲個餐係2：10pm 先到

網上好多人讚炉端金放題好味，趁boxing day 去試下午餐放題。這裡環境和衛生都相當好，食物種類繁多，雪糕有兩大名牌坐鎮Móvenpic 和 Häagen-Dazs，不過每個牌子只有兩款味道供選擇，如果+$38仲有炉端燒任吃，一定食過飽。食匀晒大部份食物，覺得刺身，壽司無乜鮮味，串燒牛舌好像擦紙膠令我印象深刻，燒肉類嘅澳洲和牛，老實說，真係橡筋得緊要，總括來說，食物味道偏淡，鮮味欠奉。由於價錢唔算太高，想滿足口慾的話，我個人覺得有幾樣比較可取的: (1) 燒肉類: 香草雞柳(2) 刺身類: 北海道小貝柱，油甘魚，赤貝(3) 天婦羅類: 炸大蝦(4) 串燒類: 鹽燒海蝦(5) 飲品: 樂天芒果汁(6) Móvenpic 和 Häagen-Dazs雪糕

未食先興奮，環境舒服，好寬敞，裝潢好有日本感覺食物選擇好多由飲品，刺身，爐端燒，雪糕及甜品，全部仼食，真的想由2小時去到4小時呢一開始侍應還端上一客新鮮生蠔，款式因供應期而有所不同，雖然只是送的，但卻十分新鮮肥美另外一提，必定是其仼飲的飲品，有荔枝及楊枝甘露同仙地，外面的放題無架而另一值得推介的係其清酒專區，任飲架超正的清酒仼斟食物方面：刺身選擇超級多，而且款款都新鮮有口感，擺放得好吸睛，甚有心思，而且端出來會有煙霧彌漫之感其中有幾款要提一提係其鮑片，這裡的十分有口感煙韌且味道稍為濃，不像外吃到的較為減；而螺亦係原隻上非常新鮮;生蝦則彈牙鮮味，總括來說，就是全都好'鮮'!另有豬骨湯拉麵亦濃淡得宜，麵彈牙，湯濃而不膩朋友吃了2碗😋壽司選擇多到唔記得，呢幾款係少數放題吃到，所以必點，同樣新鮮足料，如帶子，啖啖肉，鰻魚味道討好，海膽配三文魚亦討好十足而主角的爐端燒只要加HKD38就可以食埋，味道調得好好，一口牛粒，牛舌，厚切五花腩，雞翼等......各具特色，味道各異，肉烤後還入味非常，香氣十足，肉亦唔會過韌除了食物，雪糕仼食無仼歡迎，有2個正正牌子仼選我們2人老實不客氣吃了5個超正的一次放

正所謂冬大過年,唔食餐好點對得住自己!同屋企人決定唔食中餐,食日本野反一反傳統!呢間餐廳成日經過見門口咁靚一直想試下,今日終於機會來了。入到去覺得裝修好靚,有用心設計,唔係一般放題得個迫字!未食個感覺已經好好!坐低左睇下有咩食,好多選擇!!!有刺身,壽司,手卷,炸物,燒物,沙津,天婦羅,燒肉,甜品!!多到不得了!**最正係送每人生蠔2隻,雪糕係HAGADAZ同MOVENPICK!**呢D 真係回本食物!!刺身-太多唔逐一講,總之非常鮮甜!!最讚係特大蝦!!有手掌咁長!有甜味!!出面買就貴咯~一定要食!壽司-細細舊,而且飯小刺身多,都算有良心,真係唔錯!手卷-都係細細舊,想一試又驚食飽左既人最岩啦~炸物-最好食係蠔,不過炸物大多炸粉厚身,而且炸得過龍,有點失色天婦羅-蝦天婦羅好香口,而且隻蝦好大隻!!燒肉-少有放題會有GE 部分,而且好出色,肉質鮮嫩JUICY!一定要食甜品-HAGADAZ同MOVENPICK任食!!仲有好多口味,非常不錯!順帶一提,飲品都唔少野,有波子汽水同楊枝甘露!!好有誠意基本上食一ROUND 都飽哂!唔錯呀!!真心好有誠意唔係HEA 放題!

今晚慶祝表妹考完試，帶佢黎到尖沙咀食好野～我地去左金馬倫道果間炉端金，一去到已經好多人，好彩一早book 定位！一坐低，就已經即刻睇下要食咩～ 餐廳環境佈置得好靚、好有聖誕氣氛 ! 環境好舒服！ 一開始點左幾盤刺身～ 蝦同翡翠螺都好新鮮！ 刺身當然唔少得三文魚、吞拿魚同八爪魚！其實款款都好正～ 另外，仲有生蠔送tim ar!! 我地額外比左$38食燒肉～職員遞上燒烤醬、芝麻醬、辣醬 等。。。呢度咩肉都有，eg. 牛、豬、雞！ 最正係澳洲和牛，非常鮮嫩，而且牛味濃，好軟稔～ 另外，亦有五花腩、韓式牛肉、牛柳粒～韓式牛肉明顯有醃料調味過，又幾好食喎！ 點左天婦羅，都炸得很香脆，表層乾身的，正！ 另外，呢度既蟹子沙律、壽司類都唔錯，睇得出師傅好有心機整！最中意係吞拿魚蓉、三文魚子 =] 最後值得一講，呢度既雪糕係任食！！！仲要有haggen dazs 同 movenpick，好名牌！ 最後我都係鍾情movenpick，最中意呢２款味 －panna cotta 同 swiss chocolate！ 我地係食5:30-7:30 ，因為呢個時段係平d ~埋單每人$300，環境坐得舒服，而且食物質

呢間嘅日本放題我放工有時都會經過見到個門口好有氣勢加上金馬倫道地段，我諗一定好貴喇，由於有朋友升職加人工，就請我地成班朋友去食餐勁！好彩一早就book定位入到去嘅時候已經差唔多爆滿，坐低無幾耐職員就自動奉上生蠔，生蠔Size唔算大但係夠creamy,夠鮮味,仲有少少海水味喺度係半自助嘅飲品清酒雪糕甜品都係自己拎，有我最愛movenpick and Haagen-Dazs 雪糕枱面有放題只要返本嘅我哋係咁瘋狂去剔，不得不讚餐廳的全才服務唔使10分鐘所有食物已經到咗枱面喺度嘅牛肉粒係澳洲和牛，牛肉粒遍布油花，食落有肉香， 不過少嘅時候要比較留意好容易就燒焦炸天婦羅係即叫即炸，脆卜卜，咬落去油份少大大嚿刺身主打三文魚及象拔蚌好鮮甜特別推介象拔蚌好爽口食落去口感哈亦都好大隻好爽口好新鮮喺度有五款雪糕，淨係食雪糕我都覺得已經回咗本因為我樣樣雪糕都食晒

尖沙咀金馬倫道有一間裝修得幾靚既日式餐廳叫「炉端金」，心諗響度食野一定唔平，點知上網睇一睇，周末午市放題只係每人$185，大胃王加埋燒烤就加多$38，絕對affordable，呢日一於黎試下。 入到餐廳，又大又闊落，裝修非常揼本，立時滿心歡喜！呢度既串燒全部都即點即燒 (由生燒到熟，唔會燒定)，所以製作需時，大家要食好野就必須要耐心等候啦！ 睇下柯打紙，總共有11張，分別係：刺身、壽司/創作壽司、火炙壽司、軍艦/手卷、卷物、沙律/小食、天婦羅、炸物、串燒、烏冬/拉麵/飯/其他、燒肉 (另加$38)。咁多野食，限時100分鐘要分秒必爭啦！ 先食壽司同刺身啦！刺身全部騰雲駕霧咁上枱，好靚呀！刺身好新鮮，尤其喜歡甜蝦同鮑片，好鮮甜；海膽手卷亦係必食，新鮮甜美，夾埋脆卜卜既紫菜，非常好味。 串燒又係擺到成幅畫咁靚上枱，真係唔小心「嘩」左一聲出黎。串燒全部熱辣辣，必點牛舌，只用黑椒同鹽去調味，爽口惹味；燒蝦都好好，有天然鮮蝦甜味；安格斯牛粒串好有肉味，牛魔王必食！ 我對枝豆有一種情義結，今日都點左，只用少少鹽去調味，食到枝豆既天然味道，好。 今日破戒，食左一D炸物同