炊豕店 (已搬遷) 新店位置

之前食Via T okyo都留意到呢間炊豕店啲睇落好正，今日終於有機會試下！ 一黎到呢度大概下晝一點，都仲有人排緊隊，隔離有點菜紙俾你揀住野食先。本來朋友諗住要個叉燒滑蛋飯，可惜話賣哂嚕，最尾我地都要咗個豬排肉燥飯，另加七蚊要多咗個肉燥汁share同三蚊既雪梨汁。 等咗一陣好快就入得去坐，上菜都好快。個飯一黎到我地都嚇親，個豬排好厚！豬排好淋好夠熱，冇想像中咁脆但都滿意。另外個汁甜甜地，有半肥瘦既肉喺入面，撈飯好好味！原本跟飯嗰個肉燥汁其實都夠撈飯食，不過我地覺得多啲汁好味啲，所以加一個汁share啱啱好。 整體黎講都覺得唔錯，下次唻要試埋佢個家鄉炸魚蛋！

Super value for money! For the food quality and for its location.Specialising in pork cuisine as the shop name suggests, it surely knows how to make pork tastes good. We have had some of the best pork chops in town here at Hogology.Setting - the shop signage is plain and bold - just three big Chinese characters that says "cooked pork shop". The shop is decorated with a vintage look with numerous vintage accessories put here and there, together with the Chinese phrases written on the walls give a

銅鑼灣搵食，竟然發現如此親民的小店，聯同隔鄰左右的甜點店，這裏應該是一趟美食之行的起點。店裏裝修滿載kidult趣味，牆上教你讀店名，坐上小學的椅子，用個雞公碗，暫且回到未老時。星期六午飯時間剛過，也要等兩桌，店員先給我們填點菜紙，只見每桌也點豬扒飯。飲品都是包裝好的，另外有牛腩飯、蒜香炸魚蛋或雞翼等選擇。我們都點肉燥汁豬扒飯，同伴要多飯，餐飲連可樂也沒有，只好喝雪碧。豬扒熱烘烘上桌，只一點點焦脆，肉質有點太腍，但醃得入味，亦不會炸得太乾，好吃。肉燥汁也不像別的食評形容那麽少，只是醬油都落到碗底罷了，米飯圓圓QQ的配合得宜，附一棵小棠菜聊勝於無。如果還有耐性排隊光顧隔鄰的人氣日本雪糕店，午餐便更完滿了。

經過這家店數次，看到「我們都是食豬長大的」，覺得很有共嗚。從小到大，我家料理的肉食主要是以豬肉為主的。是晚心血來潮，就去炊豕店吃豬。小店地方不大，座位不多，所以比較適合想要quick lunch/dinner 的人。裝潢方面刻意地加入懷舊的原素，店里一角放滿了舊式電器和擺設，還用了小學教室里的椅子，哈哈，真令我有點懷念小學時期的快樂時光。食物方面可以選飯或麵，再選主菜，也可以另加配料，因為這家以炸豬扒為名，所以點了2個秘製豬扒配肉燥汁飯，1個另加滷蛋。秘製豬扒份量大，鋪滿整碗飯，豬扒外面酥脆內里鬆化，調味適中，有點像台式或上海炸豬扒，味道很不錯。肉燥味道不算出眾，但甜甜的味道很適合拌著飽滿的珍珠米飯吃，算很好下飯，只嫌肉燥汁太少，想要多一點肉燥汁要另外付錢。吃完這晚餐，我已經默默地把它的炸豬扒放入我的encore list。

說起小店，吃雞扒我就會default想起榮式，吃綠茶雪糕，會直接想到via tokyo，喝三眼仔拉花，那就去R&C café如果是豬扒飯呢? 最近我就對這間小店念念不忘－炊豕店，位於禮頓道的小店，店裡有個小牌寫住「我們都是食豬長大的…」一直沒有機會幫襯這小店，今次一個人，想吃一個簡單的午餐，結果就由time square行老遠去到炊豕店，也因為一個人的緣故，所以不用等位看見對面的西裝男吃得津津有味，我也點了個肉燥底的豬扒飯，另加卥水蛋一隻，唔平架，要加7元，不過這卥蛋好深色，蛋黃好正，可肉燥就少了點，可能得一湯匙，飯呢? 粒粒分明，飽滿，好好味重點啦! 其實我比較喜歡吉列豬扒，這上海式的炸豬扒也挺好吃（其實我唔sure係咪上海式，但通常配上海菜飯的炸豬扒都是這個模樣啦!）這炸豬扒好大塊，幾乎蓋住個碗! 肉好軟，而且超厚，看橫切面有1cm啦! 好令人回味!btw 這裡好有懷舊感覺，舊的收音機，舊報紙，舊漫晝，舊的學生櫈 

响呢區食嘢好悶，諗唔到食乜，上Openrice搜尋銅鑼灣，由第一位掃落嚟－甜品咖啡egg breakfast唔想當飯食、食過嘅暫時冇興趣翻兜、自己一個去唔到嘅、唔乾哽麵包… 結果揀咗“炊豕店”。門口計埋我有5個客，等咗約10分鐘就有位，排隊嗰陣已剔咗要豬扒肉燥撈幼麵($45)，加滷蛋($7)，要埋Zero($3)。啲嘢約5分鐘就上好快手。豬扒燙口，食落鬆化，調味適中，肉味稍淡，邊位是一大嚿肥膏我冇食。肉燥有啲似半肥腩位，味道幾好。滷蛋蛋心夠入味。麵有好微鹼水味但其實唔細心唔太覺。啲汁稍多浸到底啲麵好泛濫。室內擺設都係走五六十年代，問店員佢話啲嘢真係舊物品唔係扮，都幾得意。如果唔加蛋個飯連汽水都只係$48，呢區接近無敵價！

豬扒鬆化唔夠趣但係咁樣軟身仲好食有得揀食麵食飯麵味濃有d搶肉燥係正宗腩肉非肉碎肉汁少甜濃郁飲品得汽水，種類多有唔凍滑蛋可加，不佳，建議問佢俾蛋汁，可能會唔俾價錢合理

個人對台菜特鍾情，尤其是夜市小吃的街坊飲食。此店小小一間舖，坐得不算舒服，但其秘製的台式豬扒飯真係好食到什麼也沒所謂了。大大件的豬扒，肉很鬆，很juicy，醬汁混合粒粒飽滿的白米飯，加上dok穿了的太陽蛋汁，簡直食到停唔到口，很想大叫真係好好味呀！！

「炊豕店」在銅鑼灣係一間頗特別既食店，就咁睇鋪名，其實店子所賣既食物大部份都同豚有關，而鄰店就係人氣大熱的雪糕店 Via Tokyo，偶然一次經過，比佢既格局吸引左小妹去一試呢。.店子環境不大，內裡放滿了舊式電器和擺設作裝飾，就是別有一番味道，很適合來拍拍照。.沒有餐牌，很簡單的一張紙印晒所有食物和點餐，款式選擇唔多，包括有秘製豬扒、肉燥鹵蛋、柱侯牛腩、南乳豬手和叉燒滑蛋等，另可再加配料、和小食等。.叉燒滑蛋飯 $43 (飲品另加$3)一向都係滑蛋飯的超級愛好者，來到這裡又係揀左佢。.一碗的上桌，叉燒既賣相好吸引啊，上面淋上豉油和蔥花，不過就唔係我想要個隻滑蛋 (我幻想左佢係樂香園個隻..想太多)，雞蛋都差唔多煮到熟晒，叉燒份量多都好大塊，但食落比較鞋口同乾，同想像中有出入，整體味道平平，定其實我揀錯食物? 見到有人話佢既秘製豬扒好味的!?

前一陣子去via tokyo吃我心愛的綠茶雪糕時才發現原炊豕家就在via tokyo旁邊，但每次去吃雪糕時都已吃過正餐，即使經過也無緣一試。趁最近來銅鑼灣上班，午飯時間就過來吃飯了。這裡是走懷舊風格的，裝飾都是模仿以前的香港。來這裡，當然要吃最有名的肉燥豬扒飯，看到有些食評說會不夠肉燥汁，還加了肉燥汁以作伴飯之用。一大片的炸豬扒差不多覆蓋了整碗白飯，份量真的頗多，豬扒表面酥脆，內裏鬆化，雖然厚身但絕不是死實實的質感，啖啖肉很滿足，好吃。而白飯是像珍珠米的短身飽滿，比較有煙韌有咬口，是我喜歡的口感。但問題在於這個肉燥汁，這是肉燥汁嗎？在我的認知中，肉燥飯是半肥瘦豬肉而且醬汁較稠身的，而滷肉飯則是用較肥的五花腩做的，所以當醬汁送來的時候我有點疑惑。不知是我有所誤會還是店方的名字有所出錯，不過這滷肉汁對我來說肥膩了一點，但味道甜甜的還蠻適合伴飯食的。吃完這頓午餐，真的很飽，飽到晚餐也吃不了很多，女生建議可以叫少飯喔。

晚餐時段大概7點半，門口已經有人排緊隊。鋪頭不大，只有幾張臺，大約容納15-20人。好似拉麵鋪，在門口等位期間先拿餐紙落單，自己選擇配搭。首選當然是招牌豬扒飯啦，我們分別選了肉燥和咖喱的來試。豬扒肉燥飯同埋豬扒咖喱撈粗麵。等位期間，前面有位準媽媽，老闆都好細心地搬出椅子讓準媽媽坐住等。 等了大約15分鐘就有位，不過老闆就問我們介不介意坐吧檯。吧檯的位置就是兩人位，臺很齋，桌子略高，不是很舒服。建議還是等臺好些。不過吧檯上就擺了很多復古的小玩具，吃飯的時候可以欣賞擺玩一下坐下之後大約5分鐘就來餐了。肉燥豬扒飯+滷蛋。豬扒熱辣辣，皮酥里嫩，果然是招牌，好好味！滷蛋就很一般，不推薦。肉燥和飯就很一般，不夠濃味也不夠香，不夠趁出豬扒的好味。覺得可以改進。咖喱豬扒撈面，咖喱汁和豬扒粗麵分開裝，裝咖喱汁的小碗還擺了一塊薯仔 咖喱汁不夠稠以及不夠濃味，汁也不夠多，所以撈麵味道有點淡。面的口感還可以，不過因為汁不夠多，很容易結在一起。豬扒真是值得推薦，不愧是招牌。相比之下，還是推薦豬扒配飯會好些。

2014的最後一晚，與親愛的行完工展會，一點東西也無買，但已累透及餓了。當然就係搵食既時候...打開openrice搜查下先，見到個名幾特別及評語不錯，打開地圖，跟路行去，不久就到，地方雖小，但好懷舊，簡簡單單，只得20個位。沒有餐牌，只是用點餐紙，好似車仔麵咁。叫了豬排飯，配咖哩汁和鹵肉汁，加罐裝汽水，坐了一陣就有得食了。豬排份量多過吉野家，飯可以叫多或少，我們叫了正常的。豬排是厚切，有肉汁，一定夠送哂d飯，當然好撈汁既朋友可以加錢要多汁，但我見其他食客沒有叫多汁。飯是用珍珠米的。簡單的豬排飯就成為2014的晚餐了。銅鑼灣搵食真是很難，今餐只是$101就可以食飽也是不錯的選擇。 Happy New Year 2015

是日，與同事去炊豕店吃名物炸豬扒。十二點半，店內已座無虛席，只好在店外稍等片刻。幸而，未夠十五分鐘，已可入座了。小店門外，一張學生木椅上，放有三碗小店招牌菜的sample，吸引路人入內光顧。食店走懷舊風格，地下鋪有幾何圖案的瓷磚，一側乃原始粗獷的石屎牆壁，店內擺滿鐵皮玩具、雞毛掃、花露水、電話、風扇、鐵水壺等七八十年代的物品，蠻具花樣年華的經典感覺。另一側牆身，則飾以一塊塊塗上不同顏色油漆的長方形木板，其中寫有「我們都是食豬大的」。對啊，小時候，大人們罵我們時，總愛說我們是「蠢豬」。我們就是這樣長大的﹗﹗另一旁，則掛有褪色的漫畫插圖，以及過時的舊報紙。小店食物選擇不多，貴精不貴多也。主菜有六款，分別是秘製豬扒配咖哩汁$50、秘製豬扒配肉燥汁$45、肉燥滷蛋$43、南乳豬手$43、柱候牛腩$43，以及叉燒滑蛋$43，可選配白飯、撈粗麵或撈幼麵，跟餐另加$3可選配紙包裝或罐裝飲品。此外，另加$7-$10可選配滷水雞蛋、煎蛋、炒滑蛋、加咖哩汁或加肉燥汁等配料。小店也提供了四款小食，如香炸雞翼$18/3隻、滷水雞蛋$18/3隻、香蒜炸魚蛋$18/7粒，以及涼拌大豆芽$18。小妹為豬而來，當然要

未到5點就食飯，就當係下午茶啦~行過見到無咩人唔駛等，就入黎試下啦叫左人氣豬扒飯同炸魚蛋我叫左少飯因為驚食唔晒會浪費豬扒好大塊好厚身，炸得好香口，無咩骨頭，真材實料飯裡面有滷肉汁~不過略嫌少左D，好在朋友加滷肉汁分左D比我炸魚蛋~soso，唔難食but無咩驚喜~OK的，都算彈牙，未食過可以一食

看了一場很爛的show, 有點心有不甘。慶幸睇show前在附近吃了一頓不錯的晚飯及甜品。先來學學中文。炊音「吹」，豕音「始」。好像很難記著的樣子。因為爛show是以玩食字為主的talk show，我們也來揍揍熱鬧。四號立時想起他在日本的星矢朋友，所以我也來玩玩「豕」的同音字並以此為題，方便大家記着這個字的讀音。至於星矢會不會煮飯喜不喜歡吃豬，大家就不得而知了 很爛對不對？大抵大家可以感受我睇完show之後的挫敗感.... Oops, 去得太遠了，還是回歸正題。食店走懷舊風，一還牆擺滿鐵皮玩具殘舊飯壺雞毛掃乜乜乜，盡是七八十年代的產品，不知這些擺設是否店主的經年收藏。至於另一邊的牆就以一塊塊塗上不同颜色油漆的長方木板組合鑲嵌而成。牆上掛有褪色的插圖漫畫及舊報紙張。“我們都是吔豬大的”，饒有興味的語句。食店提供的食物貴精不貴多。一張紙睇晒。食店人氣最旺的始終是秘製朱扒。第一次來光顧還是吃最具人氣的食品好了。秘製朱扒飯中的朱扒份量不少，滿滿的把整個碗舖滿了。加七元便可跟煎蛋。(後來發覺整碗飯只伴有少量的滷水汁，幸好另加了煎蛋可以蛋汁撈飯吃)除了滷水汁之外，肉燥的份量也蜻蜓點水只得少許。怪不得