炊豕店 (加路連山道) (已結業)

秘制豬扒配胡椒豬骨湯米線（走蔥）排位放在第一行，仲要係推介，當然要試吓啦！先來渴一口湯，胡椒豬肚味好突出，，整個口腔都充滿着胡椒的香味。豬扒很厚身，很大件，醃得又好入味，加上豬扒是剛剛炸起，熱辣辣，好鬆脆，真是酥香又脆口。米缐的份量也不少，沒有吃早餐的我也是不能吃完整碗米缐呢！ 沖繩豬軟骨配幼麵豬軟骨煮得夠火候，10分冧，筷子用一點力便可把它分開。另外，豬軟骨內裏的骨膠原也豐富，入口冧、滑和黏囗，味道也調較得好，又煮得夠入味， 所以也10分之好味！涼伴大豆芽平時在家吃大豆芽都只是點豉油，這裏是加醋，原來酸酸地好醒胃，10分清新，配合炸豬扒一起吃，擊配！👍🏼

每次刻意走到加路連山道吃懷舊漢堡包及熱狗，今晚再到此街，熱狗店已收舖了，於是乎再行入少少搵吓其他嘢食，發現這條街有很多特色小店或者餐廳，被這間大大塊炸豬扒海報吸引，見時間尚早，不用排隊，急急腳去試吓先。店內大約不超過30個位，眼見店面及廚房人手充足坐下後，自行填上點菜紙點食物，除咗有招牌人氣推介蔥油豬扒外，今期還有新出品（每天限量供應）新出品秘製豬扒配胡椒豬骨湯米線，湯底滲出淡淡胡椒味，可中和豬扒嘅油膩感人氣推介，蔥油豬扒飯，可轉撈麵或者幼麵，因為本人太喜歡吃蔥，因此呢碗爆蒽簡直撈飯食一流，豬扒炸得好鬆脆，仲可以keep固豬扒本身肉味添麻辣炸魚蛋，好大牙，麻辣汁係我嘅至愛加$6可以有一罐汽水好味！足料！抵食！

一直都有留意銅鑼灣有咩野好野食。咁望一望見到一間 炊豕店睇到個名咁特別就去試下啦 ！咁就點左兩個餐黎食下一個就係蔥油豬扒飯（$64）另一個 焗蕃茄豬扒飯（$68）即叫即焗10分鐘係openrice 睇下d 圖好似好細碗咁 點知一上到枱 已經嘩左一聲雖然4舊炸豬扒 已經可以鋪滿成個碗 睇下圖個厚度 有咁既厚度去炸一塊豬扒 真係唔容易 已經係火侯 同時間要掌握得好好 蔥油多到咁撈飯一定好好食。但因為有焗飯所以轉左撈粗下次食一定轉返飯黎食焗豬扒飯內面都係炸豬扒啦 不過個炸皮就淋左。但都仲有少少炸物既感覺。下次黎真係唔洗講 一定要點蔥油豬扒飯因為 open kitchen 所以身上一定有油煙味呀。

準備去銅鑼灣行街街，事先睇定openrice有咩餐廳，見到呢間炊豕店好多好評，就決定黎試試食返個午餐先叫左個人氣推介蔥油豬扒配撈粗麵(64蚊）一上枱真係嚇親，好surprise 😱😱真係好大份仲有個蔥油小山丘豬扒炸粉好薄，唔會食到成口粉，超厚肉，鎖到肉汁，咬落外脆內嫩，so juicy 因為簡左撈麵，店主都主動比多個碗，要分開左勁大塊豬扒先撈到個粗麵豉油，蔥油加炸蒜撈埋真係好正望下個豬扒真係好鬼厚肉✨食完呢餐午餐真係飽到晚餐都唔洗食

已經有數年沒有光顧這家小店了，這幾年台式餐廳如雨後春筍，差點忘了它。餐廳小小的，繁忙時間總不免要排隊輪候。⭐️秘製豬扒配胡椒豬骨湯米線$64湯底是淡淡的胡椒豬骨湯，配以菜和蔥花。重點在於炸豬排，外脆內鬆化，沒有多餘油脂，炸得很乾淨。⭐️沖繩豬軟骨$64粗麵配豬軟骨，還有蓮藕和菜。平時吃慣幼麵，粗麵口感不錯，咀嚼起來有口感。豬軟骨煮得很軟，煮得入味，入口咀嚼幾口就化掉了。⭐️滷水豬大腸$28豬大腸煮得入味，伴飯吃一流，很惹味。

📍 炊豕店 (加路連山道) (銅鑼灣)呢間炊豕店成日lunch都想黎食，但奈何中環店執左，過黎銅鑼灣又太遠。今次夜晚終於有機會一試。➖➖📌 蔥油豬扒撈粗麵豬扒同埋上面嘅葱油同炸蒜都非常足料，半肥瘦嘅豬扒食起嚟酥脆多汁又惹味，撈埋粗麵口感豐富➖➖📌 大板燒豬扒飯上菜嘅時候就見到滿到覆蓋哂成塊豬扒嘅木魚碎同大板燒醬汁，而豬扒亦都份量十足，配埋白飯一齊食真係冇得輸飲品📌 橙汁 蘋果汁跟餐可以加配飲品，橙汁同蘋果汁正常發揮，絕對喺喺唔想飲碳酸飲品嘅時候一個唔錯嘅選擇➖➖ 地址: 銅鑼灣加路連山道11號地下➖➖

同朋友嚟到銅鑼灣覓食係商場附近嘅餐廳價錢都偏貴想簡簡單單食啲飯朋友介紹我嚟依間炊豚店位置都比較偏 唔係佢帶路都真係唔會搵到嚟依邊食嘢呢～落單係自己剔選擇唔多 以豬扒為主燈登～係招牌嘅蔥油豬扒豬扒份量非常多差唔多蓋過成碗飯嘅面炸皮比較薄 咬落卜卜脆唔會好油膩 而且入面係滑嫩🤩肉汁juicy 好食到都唔記得餸飯而佢啲飯都好好食 珍珠米大粒飽滿豬扒下面啲飯係有汁嘅好好食喔～不過豬扒嘅份量真係好多我同朋友share食先食得晒呀沖繩豬軟骨 我哋轉咗粗麵想講啱啱上嚟嘅時候 我哋都以為係滷水小食拼盤🤣蓮藕蘿蔔等等嘅配菜絕對唔孤寒厚切大片 完全遮蓋左佢嘅豬軟骨反轉個碗先睇到豬軟骨嘅存在佢嘅豬軟骨係成條上嘅個人認為切開一件件更好醬汁味道好入味不過肉質較為乾身個人都係推介食依度嘅豬扒多啲依個先係滷水拼盤佢個拼盤份量都超級多雞翼滷水蛋雞腎豬大腸我哋兩個人食飽到完全食唔晒最後外賣左返屋企🤣所以提提大家依間餐廳嘅食物份量係超級無敵多 唔好好似我哋咁眼闊肚窄嗌左咁多嘢食豬大腸軟韌 略嫌醃得太鹹食到後面都有啲口渴而雞腎就偏乾雞翼正常口味飲品我哋叫咗豆漿同柚子蜜整體來講依度嘅招牌豬扒真係非常好食炸得剛剛好 仲要冇油膩

星期六出開銅鑼灣買嘢，順便食個晏，之前喺附近返過工，所以我都略知附近有乜嘢食。我同朋友行咗去加路連山道嗰邊，見到炊豕店依然屹立不倒。雖然要等位，但又唔使好耐，就一於尋回昔日風味。店舖環境偏迫少少，有啲似課室，但餐枱起碼夠放晒所有食物。佢嘅招牌菜冇乜點變，但終究不能日日相同，所以我見到有新item。呢到抵食夾大件嘅風格不變，我同朋友都係男仔，但食正常麵量都已經足夠填飽我哋個肚，所以考慮到個份量其實算係抵食。🍜秘製豬扒配胡椒豬骨湯米線，$64豬扒其實我已經食過好幾次，佢嘅水準保持得好好，次次都能夠炸到外脆內軟，而且豬扒夠厚夠大塊，食落好有咬口，滿足。湯米線有驚喜，主要係因為個湯出色，胡椒味香而不搶，暖喉暖胃。米線亦煮得彈牙有嚼勁，絕對值得一試。🦴沖繩豬軟骨撈幼麵，$64幼麵份量比湯米線還要多，但由於佢並唔係生麵，所以質感唔算好彈牙。豬軟骨有成四大件，佢地完美將啲麵遮蓋，肉質炆到超軟，唔錯，又夠入味。另外仲有蓮藕同蘿蔔作伴，我敢講食哂啲餸都飽咗一半。🍤酥炸鳳尾蝦，$28佢其實即係吉列炸蝦，沾上麵包糠嘅炸皮酥脆非常，放耐咗都脆。但避免唔到有啲乾身，不過好彩有沙律醬可以點嚟食。蝦肉本身就好爽口的

星期5收工食好西是常識吧！平時見到呢間出面排曬長龍，今日6點就去食，無咩人排。我地叫左個秘製豬扒配豬骨湯米綫同埋必叫既葱油豬扒飯！加左隻煎蛋同埋厚午餐肉，仲叫左枝蘋果汁。豬扒配豬骨湯米綫湯底係胡椒湯底好正，面既分量都多，炸豬扒分開上，勁大塊！豬扒外脆內軟好好味！平時最驚d豬扒炸到好乾身或者好硬，但呢個完全唔會！葱油豬扒飯又係勁大碗，塊豬扒就黎大塊過隻碗。d葱油比好多，完全吾怕吾夠撈飯，加埋煎蛋真係不得了！另外塊餐肉好厚身，炸到脆卟卟好好食！個蘋果汁本身無咩期望，但飲落幾驚喜，好fresh 又吾會死甜，食左甘多炸野好解膩餐廳環境黎講位就真係吾多，都有小小逼，但勝在價錢真係好親民，高質豬扒店！一定會再黎呀

一間專門烹調豬肉的小店除咗出名嘅蔥油豬扒外大阪燒豬扒、咖喱秘製豬扒亦同樣受歡迎🔖 蔥油豬扒撈幼麵大大塊豬扒 炸至金黃香脆(◍´꒳`◍)✧再灑滿蔥油係豬扒上面 撈麵食簡直世界級🏅不過份量真係超多 小編同朋友都食唔晒 太濟了建議可兩人sʜᴀʀᴇ一碗 然後再單點其他小食

好味指數：🌟⭐️⭐️⭐️抵食指數：🤑🤑🤑喺南華會打完波想食返啲好嘢獎勵自己，一直知道呢間店成日排長龍，咁啱呢個鐘數唔多人就去試吓啦✅蔥油豬扒飯上菜就見到好多蔥油，正🤤豬扒炸到金黃色，厚切得嚟肉質結實，炸粉厚度適中，而且炸得啱啱好，做到外面脆入邊又唔會太乾。另外加咗個肉燥汁，香濃嘅醬汁加埋少肥嘅腩肉碎真係好開胃✅叉粒豆角蔥花炒滑蛋飯配料豐富嘅飯，叉燒切得夠細粒，炒蛋夠滑，加埋豆角再多一層口感，連埋蔥油配飯一流✅唐揚炸雞炸雞酥脆雞肉嫩滑，加埋炸蒜粒同秘製醬汁更加惹味

依間賣炸豬扒賣到出曬名，難得今次經過無咩人等，當然要試吓啦！蔥油豬扒飯係佢哋嘅招牌菜，差唔多台台都有人食，豬扒係大到可以遮蓋曬啲飯，厚身得黎又唔會太乾，的確係大件夾抵食。不過蔥油就有啲失望，唔夠蔥香同埋鹹左啲。另一位朋友就驚熱氣，叫左叉粒豆角蔥花炒滑蛋飯。可以試佢嘅叉粒豆角蔥花炒滑蛋飯，叉燒同豆角粒都幾足料，不過就普普通通，無咩驚喜同特別，個人覺得炸豬扒飯抵食同吸引好多。

難得嚟到銅鑼灣，梗係要周圍捐窿捐罅搵嘢食，今次想食啲日式啲嘅豬扒飯，就行咗嚟炊豕屋！黎到門口仲排一陣隊先可以入座，我再早咗少少嚟唔到如果唔係條人龍有越長就有排等啦！可見呢間舖頭都幾受歡迎！聽日再坐低，睇一睇叫嘢食張紙，原來都有唔少特色嘅豬扒飯可以選擇！今次我就揀咗新出嘅豬扒胡椒湯米線，仲係每日限量供應嘅添！唔好睇落搵嘢以為好清淡，食落都有胡椒豬肚湯嘅味！而豬扒大大塊，炸得一啲都唔乾！值得一試，如果同埋呢度係秘製辣椒油，碗米線更加好食！而老公就叫咗蔥油豬扒飯，啲蔥油同埋炸蒜真係好多！成條飯食落好香口！豬扒都係大大塊好厚切！真係好好食！最好食嘅我反而覺得好小食！係唐揚炸雞！真係新鮮炸起！超級香脆！我覺得仲出色過炸豬扒！整體來講呢間食店都抵食，食物質素又高，價錢又合理，大家都可以來試一試！

兩個人夜晚喺銅鑼灣唔知食咩好，喺OpenRice見到依間餐廳，一直好想試，次次都好多人排隊所以冇食到，今次我哋早咗，就決定試一試。去到好彩唔係好多人，即刻有得入去！雖然只係做炸豬扒，但係款式都真係唔少，估唔到炸豬扒都可以咁多玩法。大阪燒豬扒，塊豬扒整到好似大阪燒咁，食落去真係以為自己食緊大阪燒，塊豬扒真係好厚！估唔到炸豬扒同大阪燒嘅做法可以咁夾，真係好好食，真係要試吓。秘製豬扒配胡椒豬骨湯米線，首先講吓個湯真係幾濃嘅胡椒味，飲落去你都會飲到豬骨嘅香味，同米線都幾夾。咁因為個湯都咁濃味，所以豬扒係就咁切咗嘅厚切炸豬扒，好處係豬扒唔會蓋過個湯，湯嘅味又食到豬扒既味又食到。滷水牛展，每一塊牛展都好大塊，望落好深色，食落去發現真係好入味，冇想像過牛展都可以咁好食！好淋，食落去都幾強嘅牛味，真係唔錯。

今日Happy Friday 放左工之後同同事去左銅鑼灣行街經過見到呢間餐廳都好多人係門口排隊所以我地都跟人一齊排隊大約等左15分鐘之後就可以入去👻👻👻餐廳既裝修都好有特色😽係開放式既廚房坐bar枱既話仲可以見到廚師係到整野食🤩我同同事因為都好肚餓所以一人叫左一個主食同埋一份小食share食餐廳既菜單主打平民同埋豬扒🍖可以係銅鑼灣以咁平既價錢食晚餐真係好難得🔺秘製豬扒配豬骨湯米線 $64 🍜米線雖然睇落去好似清湯咁但其實有好重既豬骨味 仲有少少黑椒豬肚味開胃之餘仲可以飲下湯🔺蔥油豬扒飯 $64 🍚呢個係人氣推介 嚟到一定要試呢一個蔥油豬扒飯佢配上一個大大嘅油炸豬扒 一啖咬落去十分脆皮鍾意食油炸嘅大家可以試下而個飯撈埋啲蔥油好濃味食落去好開胃😌而且份量亦都好大份 唔會怕唔飽🔺唐揚炸雞 $32 🍗如果淨係食豬扒就會有少少dry所以我哋加追咗小食炸雞配上沙律醬夠哂熱同脆香 服務方面：店員全部都好友善 服務態度好好 員工都好好笑容👍🏻👍🏻推介指數： 9/10 🥰 可以下次再黎