炊豕店 (加路連山道) (已結業)

今晚想食得經濟少少，但喺銅鑼灣要搵一間性價比高嘅餐廳真係唔容易，但都竟然比我搵到一間食豬嘅專門店，即刻試試佢🤟🏻🤟🏻一上枱真係俾佢塊豬扒既size嚇到呆左，超！級！大！塊！我哋仲要兩個人有兩塊大個面嘅豬扒，仲要每一舊都係好有厚度，佢嘅份量絕對係窮人恩物！而豬扒都唔會太鞋，蔥油同大阪燒柴魚絲嘅份量都係毫不留手！最後食到要捧住個肚走！大滿足！大食男自己食一份一定食到飽😱😱小食女就建議share食一份或者叫粉麵會好d啦🤪🤪🤪

第一次來到12：45到。排了15分鐘胡椒豚骨湯。新品。天寒地凍🌀。飲個胡椒湯。暖暖身。濕濕口湯底唔香。有胡椒味。辣口。小辣的1/2 level有1/4 小棠菜。青。米線大路係真係胡椒煲的證據。煲到開哂花。湯底有大荳芽。主角！🐖🐖夠熱。即炸。炸漿薄。肉都算淋。有質感。醃得好好。不太咸。炸漿都有調味的！誠意之作。真係必食！！俾個側面大家睇。厚肉。冇花冇假份量不算多！男士未必夠絕對會encore! encore

由於小妹返工返港島區，所以放工不時都會去銅鑼灣食好西，特別係加路連山道，稱得上係美食集中地👍🏻上星期同友人去咗炊豕店，平時成日都見排長龍，好彩今次早去，等咗５分鐘就入得。舖頭比較細，坐到20個人左右，座位有啲迫，裝飾幾有台灣復古感覺。一早聽聞呢度豬扒又大份又多汁，我哋兩個人分別點咗招牌蔥油豬扒飯（加配煎蛋同午餐肉）、大阪燒豬扒撈幼麵、肉燥凍豆腐，同埋一支橙汁。嘢食好快到，一上枱被佢個巨量size嚇親！蔥油豬扒好惹味，外脆內軟，塊午餐肉仲要係炸，勁邪惡但忍唔住一啖接一啖咁食。大阪燒豬扒都好好食，同平時日本餐廳食個味無咩分別，豬扒有成五六塊。幼麵幾煙韌，份量多到我打包做第二日飯盒。肉燥凍豆腐可以解濟，不錯不錯。埋單每人$90都唔使，飽到上心口。其實menu上仲有好多嘢都想食，下次放工再嚟過。

炊豕店最出名既一直都係秘製豬扒，但其實餐牌上其他item都幾高質，想去買外賣但又驚食唔哂大大份豬扒既時候我就會嗌呢個！◉ 厚餐肉煎蛋撈粗餐肉兩塊都係厚切，大size夠晒份量咬落去啖啖肉，仲要輕輕炸過所以好香脆，送飯麵一流一隻煎蛋加少少豉油正常發揮，再搭條菜膽消下滯，但作為麵控最大責任一定係轉。撈。麵！！呢度既撈麵醬汁偏濃味，但鹹度適中得黎唔會多汁到浸住個麵，所以我通常會揀撈粗，貪佢彈牙又掛汁！上面仲有大量炸蒜，齋食麵都夠晒香口

約左朋友7：30晚餐講下其中一位朋友的要求不嬲都好為難我們要求是什麼？首先現今社會晚餐時間要搵$100內的餐廳不多（如要選除了連鎖快餐店、茶餐廳已不知再有什麼可選）地點要求是他放工的九龍灣或是港島食完放便他回家的銅鑼灣我想起了此家餐廳第一次食是在它中環的店沒想到中環店沒了開了在銅鑼灣及長沙灣由於餐廳本身沒有網上訂座去到姐姐同我地講要人齊先可入坐已到了3位（只好先看看餐單）選了3主菜3款小吃最後我地要8點先入座餐廳格局是開放式廚房，但油煙味不大“人氣推介”蔥油豬扒蔥油有點咸豬扒酥脆令人吃完一口又一口，而且與飯加很夾秘製豬扒（肉燥汁）肉燥汁在豬扒下面沖繩豬軟骨豬軟骨很入味蓮藕有點太軟身唐揚炸雞只覺得脆口不太特別涼伴大豆芽太少菜就叫左豆芽酸酸辣辣另人開胃肉燥冷豆腐有點日本風的章魚小丸子的風格吃下冷冷的肉燥汁有點甜不過整體不錯

今日lunch 去食，好多人都話好食，豬扒大，都好多正評，又長期排隊，當然想去試下但我今日食個塊豬扒係好大，但成塊都無肉，骨又大，粉好多、係咪因為係秘制豬扒秘制係無肉同粉多既我見隔離枱叫蔥豬扒，個塊好多肉係咪肉燥豬扒飯係咁既？成塊都係炸粉？失望，係自己唔好彩，我個塊先係咁🤦🏻‍♀️🤦🏻‍♀️🤦🏻‍♀️我都好想知點解，係咪碗碗質素唔同🧐食完但如無食咁🥲👎🏻👎🏻👎🏻應該無下次

大食妹一直好想食呢間炊豕店, 但成日經過見到大排長龍, 所以一直冇去今日難得星期六去銅鑼灣探班, 順便一齊試吓呢間超人氣嘅炊豕店<蔥油豬扒飯>炊豕店嘅嘢食種類唔算多, 難得嚟到一定要試吓佢最招牌嘅蔥油豬扒飯炸豬扒又大又脆, 非常肥美而且飽肚大食妹仲另外加咗一隻脆邊煎蛋吉開蛋黃, 等蛋汁流喺飯裏面一齊食, 絕對加分大食妹覺得最抵讚嘅係佢嘅蔥油俾得好多, 超香超好食, 難怪次次黎都見到大排長龍<煎蛋焗豬扒飯>朋友就嗌咗煎蛋焗豬扒飯唔知點解豬扒更加脆, 味道甜甜地, 配搭下面嘅蛋炒飯, 亦都係個唔錯嘅選擇<滷水豬大腸>最後嗌多份滷水豬大腸滷水豬大腸非常入味, 分量比起大食妹想像中多, 而且比較肥美

一句「我們都是食豬長大的」由他們舊舖一直食到新舖。當然講既新舖都經已開咗一段幾長既時間了。炸豬扒大大塊加上彈口Juicy口感。咁多年一直都keep到。特別要講就係佢既秘製肉燥汁，香口又入味，食完完全無口渴感覺。而我自己就最鍾意加配厚切午餐肉，外脆內軟。配埋汽水，食肉獸一定大大大滿足咁走。（唔緊要有肉食都有兩條菜跟俾大家，店主細心！）提提大家佢所有野食同醬汁可以自由加配，所以大家真係可以加到自己滿意為止！

想試好耐嘅炊豕店！趁住假日要到港島區辦事，終於行到去銅鑼灣分店一試。星期六嘅銅鑼灣人來人往，要食就當然要排隊。等了差不多十分鐘就可以入座了，一個人點了人氣推介嘅蔥油豬扒飯~果然沒有令人失望！主角豬扒厚身之餘，入口香脆，味道濃郁又唔會太咸，又可以保持住豬扒嘅肉汁香濃味道，唔會太油！豬扒上面鋪了滿滿嘅蔥油，加埋甜甜嘅醬汁，好啱送飯，又易入口，不知不覺就成碗飯連豬扒食哂~~

🐷 #銅鑼灣 #炊豕店偶然同朋友嚟咗呢間餐廳食個簡單晚飯，呢度嘅豬扒好出名㗎，嚟度緊係要試吓喇😚🐷 蔥炒豬扒飯 （$64）哇 份量超級大😍 白飯同豬扒車好多！ 豬扒大塊得嚟少骨，而且仲炸到個皮好脆，係咬落會有聲嗰種crispy 😍 白飯撈埋蔥油同鼓油都好好味😋🐷 秘製豬扒配豬骨湯米線 （$64）朋友都係叫咗豬扒，一樣都係咁大塊、脆皮、啖啖肉，但呢塊豬係另上嘅，因為佢叫咗湯粉～ 呢個豬骨節米線都挺大碗又鮮味😋🍵 熱蜂蜜生薑茶 （$6）🧃 蘋果汁 （$10）

早兩日去開銅鑼灣同天后交界搵野食 無意發現左依間主打炸豬扒既日式料理店 雖然成晚上8點幾 但都坐無虛席 睇完個menu 更加想試下今次分別叫左「大阪燒豬扒」（$64） 同「煎蛋焗豬扒」（$68）以銅鑼灣黎講晚上咁既價錢都相當平民價 本身係飯黎 但都可以要求轉撈麵。 今次因為幾肚餓 ，同男朋友都簡左係飯。 餐廳收9點 去嗰陣已經較晏就決定買外賣食 外賣仲有88折 超抵出去附近行左個圈 番黎已經拎得。 份量黎講合理， 重點係個豬扒，又大舊 ，又juicy， 又厚切 不過美中不足係切得太大舊😂😂 首先講左大阪燒豬扒先，個汁真係世一黎完全感覺去左日本咁 口感配上豬扒 好似食緊大阪燒 但大阪燒又冇依個咁厚肉 撈埋個飯 真係勁吸引 而煎蛋炸豬扒 ， 睇到是屬於店舖既頭號陣店之寶， 個剪蛋食落唔會太硬，炸豬扒味道唔錯，配上蕃茄醬，絕配

今日同朋友黎銅鑼灣食晚飯，我地揀左呢間港式x台式小店食，好似好特別咁，而且個撈粗好似都幾出名，今日終於有機會來試試。晚飯時間比較多人，因為餐廳位置唔算多，我地早左少少黎排隊，好快就有位啦，點了兩個撈面同小食。-蔥油豬扒撈幼面$64（野飲Zero另外加$6）好大碗，豬扒份量好多，堆到成座山咁，豬扒嘅肉質好嫩滑，炸到個皮好香脆，好林好易入口，而且好香蔥油味，D幼面多汁好好食！-沖繩豬軟骨撈粗麵$64豬軟骨嘅份量都好多，而且炆得好琳，好好食，好入味，撈粗麵都好多汁，但感覺比較多油，係好好食嘅，但減肥女士要留意🤣-滷水豬耳$25好嫩既豬耳口感，唔會好硬，易入口，滷水又入味，真係唔錯！👍🏻👍🏻整體來講都幾抵食，有特色，又大大份！

今日的起心肝去試呢間想試好耐嘅小店... 雖然已經係下午2點幾... 過咗lunch time... 店內仍然坐無虚席... 徘徊咗一陣... 終於有位!呢間食店裝修簡樸... 地方尚算乾淨企理... 但感覺比較狹窄!Order咗必點嘅葱油豬扒... 可跟飯或撈麵... 我兩樣都有點... 個人比較鍾意配飯... 感覺冇咁油膩! 一上枱... 大大塊切好嘅炸豬扒鋪滿個碗... 幾乎連飯都遮到睇唔到!🤭🤭🤭 豬扒一d都唔嚡... 表層又好香脆... 難怪係呢度嘅招牌菜! 上面又放咗好多葱油... d葱油用嚟撈飯真係一流呀!👍👍👍另外... 點咗麻辣炸魚蛋... 一碟五粒... 稍稍貴咗d... 不過算係好食嘅... 炸魚蛋沾咗d麻辣醬... 再沾炸葱酥... 好惹味!😋😋😋仲有... 再叫一客鹵大腸... 都係細細碟... 不過鹵得好入味... 而且超級腍... 非常讚呀!😍😍😍以食物質素嚟講... 我非常欣賞... 會再次幫襯呀!😊😊😊

炸豬排，簡單得黎又唔簡單要做到炸到靚得又唔會肥膩，係好唔容易呢一間就做到呢樣野啦淨係豬扒都有咁多款，夠晒花多眼亂，果然係豬扒專門店依家外賣仲要有折，超抵大阪燒豬扒講真，豬扒食得多，咩椒鹽豬扒果D都真係食到悶估唔到竟然會有大阪燒豬扒呢樣野果然夠晒驚喜塊豬扒真係成塊大阪燒咁鋪上滿滿既鰹魚，仲有咸香既大阪燒醬汁食落味道同真真既大阪燒真係一樣但係唔同之處，係佢個底係用肥美既豬扒食落口豬肉獨有既油脂香會滲晒出黎但係因為佢炸過，令佢多餘既油脂都冇晒配上酸酸地既大阪燒醬汁令佢既味道好平衡，完全唔會膩估唔到大阪燒汁同豬扒可以做到呢個效果不愧係豬扒專門店配菜既滷蛋都入晒味勁正滷水雞翼呢碟滷水雞翼都真係唔錯滷到入晒味，但又保持到雞翼肉質既口感最後整返杯暖笠笠既蜂蜜生薑茶即刻成個人暖晒！

係銅鑼灣次次學車都經過加路連山道依間專食豬排既舖頭，次次都坐滿哂人無機會試，終於有時間黎試下餐廳環境都係一般小店咁，幾企理同女朋友一人叫左一個飯，驚唔夠飽仲叫多左個小食（後尾飽到有少少後悔），因為我地兩個都叫豬排飯，所以叫左個清淡既豆腐小食豆腐唔錯！係硬豆腐再加魯肉同埋木魚花，食落豆味幾重，清新開胃。女朋友叫左豬排撈面，豬排勁大份同埋蔥俾得好爽手，唔似有d餐廳嗌蔥油雞排飯都係得一pat仔蔥油。豬排好入味，食得出無用鬆肉粉"la"過，包係外面既炸漿上得好薄，唔係食落成口粉咁，撈面質地都好乾爽、唔會太油太乾我就叫左焗豬排飯同樣都係咁大份豬排，超級厚，每一口咬落去都好滿足到我依個食肉獸醫。飯焗得好乾身。蕃茄汁唔會死甜、仲有蕃茄既酸甜。而家加埋芝士同蛋，我覺得完勝唔少連鎖餐廳既焗豬排飯咁既價錢、咁既份量係銅鑼灣黎講真係算好抵食，難怪日日都咁坐滿