炊豕店 (加路連山道) (已結業)

炊豕店已經喺銅鑼灣屹立左一段時間對於豬🐷情有獨鍾嘅我😂😂 都想試下呢間豬扒專門店有幾好食😋一直以為佢個餐廳名係讀炊(吹)豕(團)店睇黎老闆都覺得一定有人會讀錯😂特登喺餐牌上寫埋解釋+讀音🤪正確係讀炊(吹)豕(始)店先啱😌人氣推介葱油豬扒🐷 ($64)一上枱望住D葱油已經流晒口水🤤係邪惡嘅 葱油香噴噴😌 粒粒葱花shok shok聲好有口感飯底仲加左甜豉油🍚 好味😋當然唔少得個主角 炸豬扒🐖煮法同上海排骨菜飯 嘅炸排骨相似外皮炸到好香脆 咬一口係嫩滑豬扒肉🤤食落一啲都無柴口感覺 成塊豬扒都係厚切 食到好滿足😍我仲加左$10炒滑蛋🥚 配飯食一流👍秘製豬扒配胡椒豬骨湯幼麵 ($64)豬扒同葱油豬扒飯都係一樣胡椒豬骨湯底再濃味D會更好加左$8鹵水蛋 整得好入味👍

星期六夜晚喺銅鑼灣行完街，諗唔到食乜，於是又嚟炊豕店食炸豬扒飯，之前已經幫襯過幾次。六點幾嚟到都要排隊等咗幾分鐘。餐牌以豬肉為主，除咗招牌嘅炸豬扒仲有豬軟骨、豬手、肉燥等等嘅選擇。另外仲有自家滷水同小食。鍾意食熱氣嘢炸嘢嘅我點咗蔥油豬扒飯，豬扒炸至金黃色，蔥油份量多，賣相好吸引蔥油食落好香，但唔會過份油膩，撈飯一流鍾意食蔥嘅一定要試下。豬扒係厚切，肉質唔算腍，係豬扒應有嘅口感，唔算難咬開，似乎無落好多鬆肉粉。炸粉厚度適中，而且炸得剛剛好，表面脆得嚟裡面唔會乾。另一個秘製豬扒飯(咖喱汁)，咖喱汁係另上，椰汁味香濃微辣，好惹味撈飯食好好味。但係咖喱薯仔煮得唔夠腍，有啲失望整體嚟講食物質素高，價錢合理。炸豬扒好大塊份量好多，一人一碗豬扒飯唔嗌小食都已經好夠飽唯一缺點係坐得太逼唔舒服，坐走廊位係咁畀其他人撞到…

super surprise! 同朋友傾緊公司嘢，隨手一夾塊豬扒放入口一咬，"kick-le-ka-la" ，同事嘩咗一聲😄好鬼正呀！外脆內嫩呀，啲肉好juicy添呀！ 我叫果個係“秘制豬扒豬骨湯米線”，佢豬扒係分開上的！而同事叫咗佢牆上poster果款“大阪燒豬扒”，豬扒加咗醬同木魚，靚到暈，都係非常脆卜卜，好好味。個飯底就冇咩特別既！講真，銅鑼灣係好多嘢食，但堅好食既唔多，呢間我覺得係必食😋我哋第一次黎，真真suprise! 番到公司仲介紹哂比同事知，食得勁開心。

上次lunch去完春嬌見到附近好多食店都好吸引今日放工終於有機會過黎試下呢間炊豕店店名既意思係指專門烹調豬肉既小店食物價錢非常親民選擇困難症既我諗唔到食咩好最後揀左一個主食同兩款小食同朋友share主食方面我地揀左:秘製豬扒配胡椒豬骨湯米線 ($64)豬扒即叫即炸上到枱仲熱辣辣脆卜卜之餘唔會太多炸粉一大塊炸豬扒切開五件肉質又夠嫩幾好食配埋胡椒豬骨米線都唔錯湯底有胡椒味之餘又唔會好辣啱哂我呢啲唔食得辣既人小食方面我地叫左:滷水拼盤 ($58)滷水拼盤包括: 豬耳、雞腎、大腸、雞翼同滷蛋豬耳燘到好淋雞翼都幾大隻滷水汁底夠味唔會好鹹👍酥炸鳳尾蝦 ($28)呢個真係好好食將蝦肉加左麵包糠去炸啖啖肉好正😋😋飲品方面我地叫左汽水同原味豆漿一款主食可以用優惠價加配飲品飲品有好多選擇: 罐裝汽水、樽裝豆漿、橙汁同蘋果汁等

之前放lunch果陣成日經過炊豕店都見到好多人食, 今日行完donki去希雲街果頭搵食果陣見到有E間餐廳, 於是就去排隊試下! 餐廳同荔枝角分店一樣咁多人, 小妹同朋友大約等左廿分鐘到就入到去! 餐廳環境細細間, 乾淨企理, 食物選擇方面除左有多款以豚肉做嘅主食亦都有不少小食可以選擇! 小妹同朋友就點左個signature嘅蔥油豬扒飯同最新推出嘅胡椒豬骨湯米線!🌟秘製豬扒配胡椒豬骨湯米線🐷🍜一上枱就聞到陣陣香濃嘅胡椒味 , 豬骨湯底呈奶白色, 入口胡椒味重, 米線爽口彈牙, 底層仲有非常吸湯嘅醃芽菜同豆卜等配料! 豬扒極厚切, 同小妹塊面咁上下大😝, 外層香口酥脆, 咬落去脆卜卜爆肉汁🌟蔥油豬扒飯🐷🍚蔥油份量好多, 蔥香味濃, 豬扒同樣大大塊, 沾滿蔥油嘅豬扒更惹味, 一啖豬扒一啖飯, 十分滋味!

好多年前到過炊豕店食，今日到銅鑼灣突然醒起又再光臨，質素依然☺.🟥秘製炸豬扒配咖喱汁🍛🟧友人叫咗秘製炸豬扒配咖喱汁，豬扒大大份，炸得酥香脆口，唔會過油，食落爽口唔係霉肉，個皮又唔太厚粉~~而咖喱汁又夠濃夠香辣。朋友試完都大讚😂.🟨沖繩豬軟骨配撈粗面🍜🟩豬軟骨好怕太多肥膏，但呢度肥瘦適中，炆得好腍，十分入味😍而個撈粗本身都有汁，撈埋炸蒜好好食☺不得不讚蓮偶&白蘿蔔都好甜❗.提提大家好易爆滿，要早 d 排隊呀！不過真心大件夾抵食♥影完可以去附有的教主流動車影相添😆

第二次黎啦, 因為近排唔可以食牛, 所以只好搵d食豬/雞/魚既餐廳.又臨近糧尾啦, 決定返兜食出名塊豬扒大過你塊面既豬扒飯.咁大塊豬扒, 包保你飽到反艇呀.😝今次係星期5晚7:30PM去到, 都排左一陣先入得, 今次我地唔食飯啦, 試新野, 食麵.🍢炸麻辣魚蛋 $25先黎個小食, 岩岩炸起, 炸到黃金色,彈牙又脆,麻辣醬勁惹味. 🍜秘製豬扒配胡椒豬骨湯米線 $64🍜蔥油豬扒配撈幼麵 $70先講豬扒, 大大塊, 都算係幾厚身. 醃得好入味, 外層炸得脆卜卜, 皮十分酥脆, 入面好腍, 完全無油溢味.胡椒豬骨湯米線, 好味到連湯都想飲埋,🤩胡椒味唔會好重, 可能夾埋豬扒一齊食, 唔可以太濃味. 米線都幾有咬口. (事後重點:食完唔會頸渴)撈麵啲葱多到呢, 中意食葱既人一定勁開心. 個人中意食撈麵多過食飯呀.👂🏻講真, 呢個價錢呢個質素已經好高, 推介. 下次想試埋咖哩豬扒🍛

聽人講呢間小店啲豬扒好好味 終於嚟試到😍 夜晚6:30到已經幾多人 啱啱好唔洗等位～食食吓7點幾就多人啦 所以早啲嚟食會好啲～ 🐖🍚*人氣推介*蔥油豬扒飯 $64超大份足料 豬扒大大塊🤩鋪滿成個碗～ 下面嘅飯亦超多 啲蔥油亦好足 撈飯啖啖都有得食 食落幾香唔會覺得太油膩 仲可免費轉撈粗/幼麵🌟 🐖🍚 “大阪燒”豬扒飯 $64 睇落個名好特別 碗飯嚟到見豬扒上面有超多鰹魚乾、大阪燒醬汁同一條條沙律醬🤤 食落豬扒酥脆嫩口 配甜甜地嘅醬好出色～ 下次會想再食多次👏🏻🥃餐 配可樂 +$6🍯餐 配熱蜂蜜柚子 +$6❄️肉燥凍豆腐 $22超冰凍豆腐 配濃醬汁👍🏻食落好平衡 仲有好多肉燥同鰹魚乾 口感豐富!!!Tick好食咩好快送到 同埋唔洗加一～

去開銅鑼灣，見這街有不少特式小店，便在此逛逛，最後見這店於openrice 有不少好評，便入內試試。因要人齊才可入，等了約15分。因怕太肥，不敢點蔥油豬扒，點了秘製豬扒配肉燥飯。豬扒味道很好，又大大塊，很滿足。另點了沖繩豬軟骨撈粗，豬軟骨軟硬適中又入味，正！小菜方面點了滷水牛𦟌，也很入味。菜就點了銀芽，很好味，很快被我們清光了。飲品方面我點了蜂蜜生薑茶，甜度適中，感覺不錯：食物及飲品選擇幾多，幾好。環境方面，這小店坐位算不錯，裝修也幾有特式。服務方面，侍應的服務及態度也不錯。總括來說，這店幾地道及有特式。食物質素幾高，服務也不錯，性價比很高，唯一的不足之處就係人多時有時限及要人齊才可進內，不錯的快食之選。

相信講起炸豬排，依間餐廳應該都出名多人知。諗起好耐無食有啲掛住就一於過嚟食中午飯。因為店面比較細，假日嚟到都預左要等位，好彩店嘅流動率都算高，今次等得唔算耐。佢嘅餐牌好簡單，主打當然係炸豬排，我之前食開豬排飯配肉燥汁，覺得好味所以本身今次想再encore。但因為見到有新出大阪燒豬排飯，又覺得好吸引咁，最後就試新野揀左依個。同埋中午諗住食少啲，於是揀左少飯仲可以慳多$1。等候時間唔算耐，好快已經有得食。因為我唔中意沙律醬，所以有專登叫佢走醬，好彩見佢燒汁分量都算足夠，可以撈哂成個碗飯。因為我本身好中意大板燒個醬，覺得依個飯好啱我口味。而佢啲豬排真係好好食，上碟嘅時候見到金黃色澤已經覺得誘人。佢外皮炸到非常脆，裡面啲肉質夠軟嫩，完全唔會乾柴，覺得真係做到外脆內軟，同埋佢係厚切豬排食落啖啖肉，非常滿足，難怪間鋪咁出名。而且我都估唔到佢嘅豬排同大阪燒醬＆木魚絲係出奇地夾，別有一番風味。成個配搭我都好中意，雖然食嘅時候都覺得好熱氣，但佢嘅豬排真係好好食，完全食唔停口😂雖則我叫左少飯，但食完都覺得夠飽加上佢嘅豬排都頗大塊，個人覺得喺銅鑼灣用$60幾蚊食依個豬排飯都幾值，推薦大家可以試下。不過唯一唔

今次去銅鑼灣搵嘢食😋，諗住去啲特別嘅地方發掘下！結果行咗入去加路連山道⛳️！真係第一次去，就睇吓有乜嘢好食！見到其中有一間舖頭有人喺出面排隊🤩！心諗，係佢啦🥳！跟住啲人排隊後先再望下食啲乜😂！間鋪其實好細間，但係就好有日本風情feel 🎏！木枱木凳，門口仲有一格格玻璃窗🏮！見到枱枱都係食緊蔥油豬扒🐷飯，第一時間就心諗：一樣🤣！㊙️蔥油豬扒飯 + 可樂 $67碗豬扒飯🐷嚟到嘅時候，啲豬扒🐷個size係誇張嘅！多度嚇親你😱！又厚肉，又香脆！加埋上面啲蔥油一大堆，真係冇得輸！啲豬扒同啲蔥油嘅油滲入下面嘅飯度😚，諗都諗到有幾好食🙈！不過建議如果係女仔嚟食，最好都係朋友開心share👫，好難食得曬呀😙！📌炊豕店🗳銅鑼灣加路連山道11號

張和張媽點餐👦🏻👩🏻1）$64《秘製豬扒飯》(咖喱汁)評分（10分滿分）：8⃣食評💬：超大超大超厚嘅炸豬扒，仲大過隻手，咬落香脆juicy，而咖喱汁係另上嘅，呢個值得一讚👍🏼平時食開嗰啲倒埋落去塊豬扒到，搞到塊豬扒皮已經冧咗唔脆，呢個就無咁嘅問題。而咖喱個味就唔辣，似日式嗰種～2）$58《叉燒豆角蔥花炒滑蛋飯》評分（10分滿分）：8⃣食評💬：望落好似好易煮嘅叉蛋飯，但煮得好食就唔同講法，呢到就係可以煮到較高水準～蔥油好香，叉燒同蛋唔會太鹹～3）$28《酥炸鳳尾蝦》評分（10分滿分）：8️⃣食評💬：炸得好香脆嘅蝦🦐點埋沙律醬嚟食好夾，蝦算大隻啖啖肉～炊豕店 (加路連山道) (銅鑼灣)📍銅鑼灣加路連山道11號地下

炊豕店喺香港嘅豬扒界都算係有返咁上下江湖地位，想當年我仲好後生就已經排過佢條隊N咁多次。今次再嚟到，原來多咗唔少菜式。難得見到炊豕店踩過界連米線都整埋，梗係即刻吖嚟試下。全名係叫秘制豬扒配胡椒豬骨湯米線，兼寫到明每日限量供應！頓時覺得自己食到限量嘅新品真係好lucky。啲米線係比較軟、淋嘅嗰種，並唔係話煮嘅時間長定短，而係呢款米線本身就係咁嘅質感，配上呢個小小胡椒味、略略濃稠嘅豬骨湯底，兩樣口感巧妙地夾，非常易入口，食出一種溫柔順滑嘅味道。豬扒就其實都唔使多講㗎喇，出曬名咁好食。炸的均勻而又唔會有粉嘅感覺，肉地烹調得好好，肉質鮮美，肉汁亦都唔少，一啲都唔dry都幾令人驚喜。而且豬肉嘅肥瘦部分都拿捏得幾好，有少少肥膏令到每一舊肉嘅口感都增加一個層次，可以做到咁真係唔容易。呢個新產品好評！飲品我叫咗蜂蜜生薑茶，幾甜，唔辣，真係可以食到薑片唔係得個講字，鍾意嘅一定會好鍾意！

今日同我妹出銅鑼灣學野，lunch就去左附近食。渣甸坊行過黎呢度都唔遠。舖面唔太大，雖然已經2:15去食，但都要等位🤣呢個有少少意外~因為平時2點應該唔駛點等位。上左成朝堂唔想食炸野，想養生既我就諗住食呢個叉燒豆角蔥花炒滑蛋飯。我妹就叫左個豬排胡椒豬骨湯米線。所有野上菜速度都好快(因為多人食掛), 肚餓的我見到當然好開心。每樣野賣相都唔錯。飯既味道同我expect差唔多，叉燒係瘦的，個飯底豉油係好好食。份量都幾大下，過左幾個鐘都唔係咁hungry~另外米線就比較胡椒味重，都幾軀寒🤣Share左個凍豆腐~佢好滑，肉燥好食，再加木魚絲。食完就知點解咁多人排隊了😍🤣呢度附近都好多小店，大家都多多支持下。熱飲+6蚊

身邊幾個唔同圈子嘅朋友都介紹一定要試吓炊豕店嘅豬扒飯！讚豬扒好食之餘，份量大，價錢又貼地，讚到咁試一試先知😂 晚餐時間等一兩張枱，不過好快有位。主菜以豬扒飯為主，亦有豬軟骨、豬手、肉燥等等，可以另加配料，例如滷水蛋、煎蛋、午餐肉、或者醬汁。另外有自家滷水、小食。==============================🔸蔥油豬扒飯 $64 + 滷水雞蛋 ($8)豬扒cover成個碗面，感覺好吸引外層脆卜卜，而且切得厚身有口感，鎖住肉汁濕潤唔柴。珍珠米飯煙韌，軟硬適中。蔥油小山丘見到就興奮，唔過鹹好送飯。🔸滷水牛展 $38牛展肉質細緻，一層筋一層肉，筋位都好腍滑，仲好入味，下面有大豆芽索汁🔸滷水雞腎 $28雞腎滷得入味，質感爽脆但唔硬🔸肉燥凍豆腐 $22涼浸浸嘅豆腐淋上滷水肉燥，濃味醬汁balance清淡嘅豆腐，肉丁有返咁上下大細，再加埋鰹魚碎，多重口感。整體嚟講，豬扒飯份量幾大，如果兩個人share，加多一兩個小食啱啱好。==============================炊豕店 (加路連山道) 📍銅鑼灣加路連山道11號地下