為食魚海鮮火鍋專門店 (已結業)

長假期之後的工作天，整天也悶著，放工約一約朋友，一齊食石鍋，近旺角又方便，找到了這間為食魚。全身悶氣，選了麻辣魚春魚卜雞煲，希望辣一辣，精神大震我們還叫了原條加拿大象拔蚌，成條肥美的象拔蚌，切成一片片薄薄的剌身，刀功利害，象拔蚌薄得如一片紙看上去好像半透明可以看透它。入口超冰涷爽口，肉鮮味甜，好新鮮，坐飛機過來入我口，正石鍋來了，香氣撲鼻的麻辣魚春魚卜雞煲，和凍凍的象拔蚌刺身成了好強烈的味道刺激，一時冰冷，一時麻辣，一樂也石鍋魚春魚卜雞煲，麻辣味的辣味，濃而不嗆喉；麻味剛剛好到位，麻與辣並存，相當過癮。雞肉鮮嫩，已入了麻辣味，食時仍保存到多juicy，我估這是用石鍋煮，所以可以保留全煲原汁原味。另一驚喜是好軟腍的魚春，及好像炆過而外腍內爽彈的魚卜，同食花膠一樣保充骨膠原，全部吸收的麻辣雞的精華，讚

小敏和我最愛Lamer, 也最愛吃龍蝦鍋，得知旺角臥虎藏龍，舊年十二月開了一間為食魚石鍋烤魚專門店，有很足料的龍蝦海鮮鍋，所以買完Lamer 就走食好嘢!首先我們叫了一個龍蝦海鮮鍋，鍋底用新鮮游水的大龍蝦，加上鮮蝦8隻和很多大蜆和新鮮的大菇煲成的海鮮鍋用來做湯底，而且海鮮全是新鮮炮製的，大蝦又大又爽口，龍蝦有很多，而且味道鮮甜，大蜆又鮮又甜，我們四十分鍾己吃完!當然再叫了一碟黑豚肉和豬腰作火煱料，豚肉一碟份量十足，加上豬腰也很爽口，這個海鮮鍋很夠水準!忘了一提我們叫了一碟韓國蚌仔刺身，鮮味十足!今晚的龍蝦海鮮鍋真夠水準!

朋友食過呢間火鍋店，推介來食。聽聞此店的海鮮非常新鮮、全部真材實料，所以今次我特意來吃啊。我覺得火鍋重點係個湯底，一坐低就選個湯底先，呢度都好多湯底選擇，個名睇落已經好似好多料咁，最後吸引到我，係人氣推介既《龍蝦雜錦海鮮鍋》個鍋來到，嘩！好大個石頭鍋呀，d料多到湯出面都見到，大份兼抵食，依家三百蚊有找仲有咁大鍋口咁足料，都真係好ok。湯內都有好多海鮮種類，龍蝦成隻上，店員介紹話有一斤重的原隻波士頓龍蝦，另外仲食到蝦、蜆、不同的菇等煲滾左就先食隻龍蝦，呢隻龍蝦好厚肉，用石鍋煲應該可以平均熱力，令d材料更入味。龍蝦一食就知道新鮮，龍蝦肉質好爽口彈牙，仲有好多肉而且鮮味十足。海蝦鮮甜，又彈牙又大隻。鮮蜆好滑又淋，一食好juicy, 仲有陣鮮味擁出來。海鮮以外d雜菌吸左咁正既湯，食入囗又多汁，超甜。一路食一路飲d湯，真係無比鮮甜，喝完冇囗渴，用石鍋煮的海鮮鍋，同平時自己滾湯分別太大了。加左原茜，更加吊味，更突出海鮮的鮮甜食到差不多，放片手切牛頸脊灼一灼，好彩之前我朋友講定比我知，牛頸脊要打電話預先抬時預約的，咁特別一定要食下本地牛都已經少見，同店員吹開水，原來本地的奄牛得幾十隻，老闆朝朝晨早六

一入到去間鋪頭入面就見到有個恆溫嘅魚虹， d海鮮 就係曬入面， 見到d水好清，同埋d海鮮都好生猛， 即刻覺得可以試下，一坐低侍應就會好熱心咁同你講解鋪頭的特色野食，咁就一定要試下佢個原條石鍋烤魚啦， 咁有三種魚比你揀，有龍躉，桂花魚 同埋魽魚，其實魽魚係第一次聽，其他兩種都食過，所以今次就叫條魽魚試下，因為食唔到辣嘅關係，湯底就決定要清魚湯，落左單之後，好快就捧左個石鍋上泥，見到個湯隻色好白，飲落去好清甜，食得出落足料泥煲，肉眼可以見到嘅材料有雲耳，芽菜， 蒜頭，豆腐卜，條魚都幾大條，我諗有我前臂咁長，條魚應該本來就已經煎熟左，所以d肉好容易夾，魚皮煎到脆哂再浸湯，明明淋哂嘅魚皮係唔好食，個又因為吸左d湯汁而覺得好食，而魚肉好香好滑好軟，最重要係條魚除左條主骨之外係無細骨，可以盡情咁食唔洗驚食食下會有骨。一條魚好快食哂，見到佢d海鮮精選好似幾正，就叫左幾樣，韓國蚌仔刺身，好新鮮好鮮甜，咬落去好爽，完全唔洗加豉油，加左反而會遮左陣鮮味。珍寶石蠔刺身，見到成隻半個手掌大嘅生蠔已經好驚喜，起先以為會好腥，但係竟然無，落小小檸檬汁已經提到個鮮味，以為個蠔邊會好韌，但又唔係喎。元貝皇燒烤，好大舊

今晚成家人去左為食魚打邊爐，7點8,9去到，啱啱有位，唔駛等就入去坐低左。因為媽咪想食魚，所以我哋已經決定揀招牌既石鍋烤魚煲唔揀其他。佢有魽魚，桂花同龍躉揀，我地今次試左魽魚。原條魽魚石鍋烤魚 $178個湯好夠奶白色，未滾已經忍唔住飲一飲，濃到湯面結左層膜 魚皮煎到好脆好香，浸左湯都唔覺淋晒，最重要係條魚冇乜骨，啖啖肉！未食完條魚都已經可以開始打邊爐，唔洗等。本地手切牛頸脊 $298牛頸脊比較瘦啲，好新鮮，岩曬怕肥又想食牛肉既人，而且份量唔少，三四個人都夠食。本地手切肥牛(細) $138細嘅都咁大碟，肥牛就係我爸爸食，最鍾意佢雪花分布平均，油香四溢。自家製手打四寶丸 $72分別墨魚丸，鮮蝦丸，鯪魚丸，牛丸。牛丸原來咁大粒好難熟架，要6耐d。我就鍾意墨魚丸鮮蝦丸多啲，夠彈牙！翠綠萵筍 $24打邊爐最啱就係食萵筍，呢度萵筍唔貴，又無渣。凍豆腐 $18 ／手打牛丸 $48凍豆腐索晒啲魚湯，小心啲食因為會好熱，但係d魚湯真係好好味，同凍豆腐響鈴呢d簡直絕配 除咗打邊爐嘅嘢食，我哋仲叫咗啲刺身同埋燒烤，佢哋都做得好好食。韓國蚌仔 $48(特價)呢一個唔特價都一定要嗌，好新鮮好甜好爽口好抵食，連

第一眼吸引是因單張上的75折，可惜原來是10點半後才有。這日都只是普通時間約8點過去食，所以無優惠。食完發覺是不錯的。桂花魚，口感不錯，軟硬適中，食落感覺新鮮。夾起來都不會散開。另外肥牛也肥瘦度恰當，好有牛味，爽滑。其他配料都OK合格。