為食龍 (已結業)

Donki 沿著行人扶手電梯上去, 去到大館再搭多一條梯向左望就會見到。原本以為地下就會坐位, 點知只係reception 同廚房, 坐位就要行上一層先到。但係咁樣就有種探索神秘地方既感覺,每個角落都係舖頭用心佈置的,好好影。腐皮壽司就一定要叫啦，勁多人都叫左，見佢配既Topping 都不錯, 有拖羅, 三文魚, 左口魚等等。因為都唔算平, 都係想嘗鮮咁叫左5件。灸燒北寄貝沙律(HKD$29),蔥吞拿魚拖羅蓉(HKD$34)蟹膏甜蝦(HKD$34)明太子芝士蛋黃三文魚 （HKD$35)拖羅蓉最正，面頭勁多料，一啖食落口大滿足～佢出邊嘅腐皮我覺得冇平時咁甜，冇咁容易膩。西雅圖鬼妹(Half HKD$74)灸燒三文灸包住件壽司,壽司夾左牛油果同三文魚,口感軟軟的, 容易入口。咁食我地都唔係好夠飽, 再叫左個鰻魚滑蛋飯 ($198), 但係食完係會飽到頂住左, 因為都幾大份。滑蛋合格，熟得黎仲有蛋汁。黃金吉列蠔，我覺得呢個就一般般，可以叫其他～奶蓋白玉烏龍 ($62)呢個真係招牌, 除左影相好睇, 奶蓋上面舖左炒香左既茶粉, 連埋白玉食好香茶味, 白玉本身軟糯, 唔會痴牙。呢度仲有酒類, 有

為食龍顧名思義這店有好多👉QQ恐龍無論壁畫、擺設、任何角落都找到。地方好寬闊，可以選擇不同背景用餐😉每個角落都好靚。今日食咗午餐:迷你火炙海鮮刺身丼配搭冷烏東麵天氣咁熱，即食凍烏東，湯味濃又夠凍，好正。迷你飯嘅刺身有：呑拿魚、左口魚、帶子、玉子，刺身新鮮，彈牙又大片。飲品：奶蓋白肉烏龍底部係烏龍茶白色嘅係奶蓋（甜）有3粒丸子🍡係白玉（煙煙韌韌嘅糯米糍)澆上去嘅粉末👉係用威化餅壓碎，整到質感似(木糠)好花心思嘅飲品。

中環爆餡腐皮壽司定食🍣🍱開咗大約半年專食腐皮🍣嘅一間cafe 位置比較偏僻喺一條大樓梯嘅中間側邊 一唔小心可能會行過咗😅 樓高兩層 上層裝修好有森林風 有好多🌳🌴又有d 燈飾 整得都好靚 每張枱上面亦有d 🦖🦕條樹仔比你打卡影相 小朋友嚟到都會好開心🥳 講番食物 整體嚟講正常發揮 因為本身冇抱住食靚壽司/刺身嘅心態嚟 😂🍱有蟹膏三文魚子/ 明太子三文魚/ 柚子胡椒油甘魚/ 和風汁帶子/ 芝士蟹子燒玉子 仲有三片三文魚刺身 基本上所以魚生都係醃菜漬過嘅 所以你唔會食得到新唔新鮮亦食唔出魚嘅油香味😂 d 飯就真係好大舊好多好實一定食得飽 因為有每舊都有腐皮包住關係 其實整體舊舊都好食好開胃嘅唔會覺得太dry 總之就當嚟食飯團🍙心態就滿意架喇 三文魚刺身亦算新鮮但偏瘦都係冇乜魚油香味🙈 定食有三款醃漬前菜個人覺得比較韓式口味 有栗米仔🌽魚膏同粉絲 奶蓋白玉烏龍🍡🧋 比佢嘅賣相吸引住 有串灸燒過嘅白玉丸子🍡係上面😍 奶蓋亦好厚身creamy 有奶香 加埋烏龍茶底成杯味道都比較清新 面頭仲加咗啲胚芽碎連埋🍡一齊食煙煙韌韌🤤

天氣咁熱又想食壽司，經過中環見到呢間轉角位嘅新派壽司店，睇完網上介紹話佢哋嘅腐皮壽司系列好出名，當然要去試試！餐廳分兩層，上層超高樓底加埋落地大玻璃，森林系裝潢包圍住大量植物，熱帶雨林風格周圍都係打卡位，好似去咗旅行咁～招牌腐皮壽司系列腐皮壽司醬同腐皮味道非常匹配，鍾意佢唔算太甜，原來廚師先用高湯煮一次腐皮，以高湯咸味中和腐皮嘅甜味，有超過二十種款式可選，灸燒蟹膏厚燒玉子、柚子左口魚同明太子芝士蛋黃三文魚等都係必食推介！

🍽為食龍 Hungry Dino———————————————🐈：記得以前喺銅鑼灣係有間細細間，同名，唔知係咪同一間呢？因為以前都成日食🥺，好好食。有無人可以話比我知🤣？依家呢間超大間超靚😍💓，氣氛又好，好岩傾計！推介x3😚!不過location有少少難搵，要落多啲眼力，但絕對值得！———————————————🌟岩手串燒拼盤有免治雞肉軟骨、雞皮、雞腎、雞柳。唔好睇個樣好似好普通，好食過好多所謂嘅居酒屋🏮。有香烤味，雞肉夠香滑又夠肉汁，雞腎新鮮，雞皮夠厚兼外脆內軟👍🏻👍🏻。撈埋蛋黃，正💓！唔_🌟焦糖肉桂蘋果配雪糕勁！好！味！🤤窩夫外香脆內軟，粒粒肉桂蘋果醬味道清甜，仲配埋新鮮爽口蘋果、密密麻麻嘅餅碎、黑芝麻雪糕(仲唔會好快就溶哂)，最後再加埋秘製甜品醬汁，絕對會食到個心溶晒🤤🤤！黑芝麻呢個配搭十分聰明，完全中和返其他嘢嘅甜味，所以放心💓，唔使怕好甜食唔到！_🌟奶蓋白玉烏龍推介🎊🎊！嗌咗先知原來係個個都會嗌嘅飲品🤣，烏龍茶味好香，最驚喜係面頭嗰三粒麻糬波波，煙煙韌韌，沾滿餅碎好有口感，賣相又可愛😚。宜家先知奶蓋茶上邊加啲餅碎會咁好味，會將岩鹽嘅味道帶出嚟，而且會令到飲品嘅口感更有層次。—

依家用恐龍嚟做主題嘅餐廳都幾特別🍴🦖🦕嚟到一定要食佢哋嘅招牌腐皮壽司🍣推介芝士蟹籽厚燒玉子！厚燒玉子微微燒過 有陣炙燒香 甜甜地 再加埋鹹香嘅芝士 配埋腐皮壽司都幾夾🤤

話說之前幾時去中環路過都想試🙈但次次都因為冇book位食唔到🥹今次同朋友仔三個人早一星期就book定檯🥹終於可以一試🦖🦖🦖嚟到我地梗係第一時間叫佢地最出名既腐皮壽司啦🤤首先我地叫左炙燒蟹膏厚燒玉子🍳, 明太子芝士蛋黃三文魚🐟, 蟹膏甜蝦🦀, 蔥吞拿魚拖羅蓉🐟, 炙燒檸汁帶子🐚同埋柚子左口魚🐠當中玉子燒好香甜, 蟹膏味好濃郁🦖而左口魚有炙燒過將啲魚油迫晒出嚟🥹柚子味又可以中和一下解解膩🥹簡直相得益章🥰不過~我同朋友仔都覺得炙燒檸汁帶子係最好食既🦖帶子鮮甜, 上面一層薄薄既芝士炙燒同埋一薄片既檸檬仔 夾埋入口口感豐富大滿足 味道都好有層次感🥹好食到我同朋友仔都忍唔住encore左一回🥰真心大推大推🥰另外我地都叫左佢既特色卷物~西雅圖鬼妹🤤食之前相當好奇西雅圖既鬼妹有咩特別之處😂 依個鬼妹仔係三文魚加上牛油果 🥑再有啲蟹柳 🦀重點係配上佢秘制kimchi sauce🥹這妞是好食的🥹🥹主食方面我地叫左兩樣野~ 首先~特濃芝士雞肉烏冬🍜佢個芝士醬真心極濃 每條烏冬都俾芝士醬滿滿的包裹住🥹不過如果個烏冬再彈牙少少應該更加完美了😘另外~蟹蟹蟹.蟹膏蟹籽燴飯🍚不得不說, 為食龍啲有蟹膏既料理都真心出

星期三晚約咗朋友食飯，大家都中環返工嘅，終於都食到 “為食龍” 。場內佈置好靚，成間主題餐廳咁🥰好有氣氛👍🏼。腐皮壽司岀名：辣味三文魚，蔥吞拿魚拖蘿，柚子右口魚，灸燒檸汁帶子。好好食😋，魚生夠新鮮，加上腐皮增添咗層次分明，幾有創意，物超所值。最鐘意右口魚邊，入口即溶，好鮮味配上柚子汁 perfect match 🥰，必食之選。灸燒檸汁帶子俾人好fresh 好light 嘅開胃感覺😆，唔錯㗎。辣味三文魚比想像中辣，如果剩係食到小辣嘅，呢個辣度會係個挑戰。三文魚份量多，都幾好食。西雅圖鬼妹，half roll 嘅卷物。三文魚牛油果🥑，好食😋，我見多人推介就試下呢款，值得一試👍🏼。三文魚高質，配上牛油果、醬汁，味道升華🥰。免治雞肉串配日本生雞蛋🥚，燒得幾好食嘅免治雞肉😉，都唔算太細串嘅，點生雞蛋食真寫意呀👍🏼。

終於比食返啦🫶🏻由銅鑼灣開始已經幫襯佢哋啦～嗰陣間鋪超細基本上都冇得堂食咁滯，而家竟然喺中環嘅半山搵到佢好開心呀咁大間鋪當晚同朋友weekday 晚市walk-in 7點好彩都有～ 堂食好好feel 可以望任對面pure 啲人做gym~我地叫左卷物～ 兩份都好好食！推介三文魚個款卷物，個醬好好食另外我哋都叫咗個吞拿魚蓉嘅當飯～呢個就一般般啦識落啲吞拿魚嘅話好似唔算非常新鮮另外我地都叫咗炸雞～意外地好食呀！！個雞外脆內嫩～仲要熱辣辣好

早排疫情緩和返，就約左朋友去中環食嘢🤤經過半山電梯啊陣被呢間睇落似叢林feel嘅餐廳吸引住，就膽粗粗入左去試下🥢我哋叫左幾件腐皮壽司，最記得蟹膏甜蝦壽司超級好味，多蟹膏但又唔會好濟🤤仲有蟹膏飯🥢自己平日算少食蟹膏，怕會苦，但呢間餐廳啲蟹膏會令人食完一啖接一啖🍚最後都叫左兩杯嘢飲💫奶蓋白玉烏龍💫白桃檸檬梳打，奶蓋夠濃夠奶香，唔單止好飲，賣相用嚟打卡更係一流🤤而白桃梳打就正正常常，食完咁多蟹膏再配一杯梳打，夠曬解渴！

侏羅紀世界最近上映，依個時候黎探店真係夾都無咁橋～進店後需要行樓梯上一層到達用餐位置，其中已經感受到唔少恐龍世界氣氛，上到上層更有大量特色裝置及裝飾品，加上落地玻璃設計令採光程度較佳，可以舒適地用餐～❝腐皮御鱔 + 迷你吞拿魚腩茸卷❞ ($178)〔推介！〕一份腐皮御鱔總共有五件腐皮壽司，餐店又再貼心分為兩種壽司組合選擇，今次點選Set A有蟹膏三文魚籽﹑灸燒蝦沙律﹑柚子胡椒油甘魚蓉﹑和風汁帶子﹑明太子厚燒玉子。加$28/$48可以享用飲品/特飲，亦可選酒精飲品。每件壽司都大大件，女仔要三四啖先完食到一件。外層腐皮甜度突出﹑餡料份量大方，個人最愛蟹膏三文魚籽，鮮味極重，而每款調味都有心思，例如明太子同玉子係無須多講嘅相襯﹑和風汁帶子清爽而香甜，值得一試！𓂃𓈒 𓂂𓏸 為食龍 𓏸𓂂 𓈒𓂃 @中環些利街2-4號LL Tower地舖及1樓港鐵香港站C出口，步行約8分鐘抵達每日12:00 - 22:00營業𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♡♡抵食指數 | ♥︎♥︎♥︎♥︎♥︎♥︎♡♡♡♡店舖環境 | ♥︎♥︎♥︎♥︎♥︎♥︎♥︎♥︎♥︎♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎

主打腐皮壽司同恐龍主題嘅餐廳。環境好令呀！中意恐龍嘅老友應該會幾有feel！腐皮壽司醬同腐皮既味好出！腐皮幾好食，酸酸甜甜又唔膩，比起一般出面死甜既腐皮壽司係唔同層次！叫左七件壽司，綜合二人意見整理如下~強烈推介：灸燒檸汁帶子($36)、柚子胡椒油甘魚蓉($29)、牛油蒜香赤蝦($35) - 好好食！！全部都好香濃！都好食：柚子左口魚($33)、灸燒蟹膏厚燒玉子($32) - 都好食！尤其係柚子左口魚，又有柚子清香又有左口魚嘅油香。蟹膏玉子就建議2者分開食，因為玉子會搶左蟹膏味。不推介 : 明太子芝士蛋黃三文魚($35)，蔥吞拿魚拖羅蓉($34) - 魚味唔特別香。。蒜香醬油炸雞 $89一上枱就勁香，食到停唔到口！脆卜卜又唔太硬，配埋個蒜香醬油，好食呀！特濃芝士雞肉烏冬 $128雞肉稍為唔夠雞味，但好滑！芝士堅係特濃！每啖烏冬都有勁香芝士！奶蓋白玉烏龍 $62白玉似麻糬小丸子，煙煙刃刃咁。店員建議我地將個白玉點一點個奶蓋再食，口感再正啲！飲落好清楚飲到奶蓋同烏龍，幾清香。不過係偏淡嘅，重口味人士就冇咁啱啦！當Tiramisu遇上Affogato $88雪糕可以中和Espresso嘅苦味

呢間餐廳位於中環蘇豪區，沿住半山電梯一直上，過左大館就會見到，入口位都有明顯指示，唔會太難搵。從大門入去果一刻已經感覺到餐廳老闆用心既設計，客人會收到一塊恐龍牌，方便員工辨認帶位，即使座位要上一層都唔會造成混亂。加上店入陳設都好用心，有好多隱藏恐龍，等緊野食既時間都可以周圍打下卡。座位設計係偏日式簡約風，店員會主動拎個箱比我地放袋，十分貼心，唯獨是佢地張櫈偏硬，坐得唔算舒服。點都好，呢度全日都限用餐時間90分鐘，座位既質素對用餐既感受都沒有大影響。講返野食先, 打頭陣既係呢度主打既腐皮壽司。我地今日試左四款, 包括:1. 牛油蒜香赤蝦 ($35)赤蝦有少許腥味, 好在有牛油搭救，配上甜既腐皮，反而搶左蝦既鮮味, 食落主要淨係食到腐皮味。2. 炙蟹膏厚燒玉子 ($32)玉子做得夠厚(~8mm), 配上蟹膏既香味同沙律醬將甜味平衡左，整體不錯。3. 辣味三文魚 ($33)三文魚大大粒, 但辣味就唔係好食到, 都係被腐皮既甜味蓋過左鮮味，有點可惜。4. 明太子芝士蛋黃三文魚 ($35)明太子醬沒有驚喜，但三文魚依然新鮮，唔太食到芝士味。對我個人而言, 腐皮壽司有點名過於實, 腐皮既甜味再加上

💬 以恐龍做主題的餐廳 位於中環soho 🦖餐廳唔難搵 但入口位置唔係太當眼Weekday午餐時段去 好彩有book位因為都幾full Menu只提供lunch sets 同飲品 冇得散叫有少少失望因為想試多啲唔同種類同朋友每人叫左一個腐皮壽司sets雖然係咁睇係5件壽司3件小卷 但份量好夠飽🍣 最中意柚子左口魚 🥰我比較怕甜但有奶蓋 所以味道幾好 白玉煙奀好味！💁🏻‍♀️ 整體感覺不錯 座位唔算太迫食物份量好足夠但要注意食店要消費夠$500先可以用卡 如果唔係只收現金

中環為食龍已經一早入左我個必食list度😋最大嘅對手係無時間去食🤡今次終於食到啦😍🦖餐廳正門霓虹燈招牌好吸睛👀 店內設計好有森林feel🌳🌳周圍都係恐龍🦕🦖我同朋友係咁影相😂▫️腐皮御膳 + 迷你吞拿魚腩茸卷 ($178)聽講腐皮壽司係呢度嘅名物 當然要試下😍仲有兩個set比你揀 我揀左choice A🍣蟹膏三文魚籽、炙燒蟹沙律、柚子胡椒油甘魚蓉、和風汁帶子、明太子厚燒帶子🍣腐皮味道增加左壽司嘅甜味 加上不同配料醬汁嘅配搭 特別喜歡柚子胡椒油甘魚蓉🐟通透魚肉不帶一點腥味 配上微辛柚子胡椒醬 甜辣嘅感覺好開胃吞拿魚腩茸小卷一啲都唔馬虎 飽滿魚腩茸餡 配上葱花好滿足😍▫️黃金吉列池魚 (+$28)香脆吉列魚柳 魚味較重 最正係無骨啖啖肉好正😍▫️迷你火炙海鮮刺身丼 + 冷蕎麥麵 ($136)雖說迷你 剌身都有好幾款 吞拿魚、左口魚裙邊、帶子、甜蛋(呢個唔算🤣)用料新鮮 左口魚裙邊尤其出色👍 冷蕎麥麵好爽口 冷麵汁味道清甜仲有埋海苔雜菇做配菜 嘆埋杯冷泡綠茶🍵