炻板燒 (已搬遷) 新店位置

今日約咗個中學同學食飯，咁佢係屯門番工既，於是就同佢黎咗新墟呢間日式鐵板牛試下。日式鐵板燒係旺角個頭應該就好多，但新界西就甚少呢類餐廳，絕對值得一試，而且呢間餐廳仲係黃既添，有好野食之餘仲可以支持良心經濟圈同手足！店員同我地推介板燒封門柳呢一款肉，食落口既既時候十分易入口，肉質鮮嫩，唔會太老。可能都關我同朋友唔鍾意食太熟既手既關係。除此以外，我地仲嗌咗份牛小排，同樣係高質之選。店員係切肉既時候避開d筋位，除咗外貌吸引外，仲十分易入口，除封門柳外牛小排都係必試之選。佢地既套餐仲包埋一碗麵豉湯、一杯飲品同埋一碗飯，如果想食烏冬既話就要另加錢了，最後我地兩個食咗$308，對比出面既價錢係相對便宜的，新西人一定要試吓！

之前聽過朋友介紹屯有間高質石燒小店,今日終於抽到時間去試!就近屯門西鐵站,行5分鐘,係門口量完體溫,潔完手後就入座揀野食!餐廳做緊第二份半價,超抵食,可惜果日無哂和牛,就同朋友揀左吉列牛小排同封門柳!餐飲也不錯,凍奶茶茶底香,不會煮得太酸封門柳,色澤鮮明,肉同脂肪比例一流,呢個價錢,呢個質素,加上清潔衛生環境,無得輸吉列牛小排都高質,吉列果層粉唔厚,又唔會好易甩,超級脆,正呀同朋友2人就SHARE一個爐,唔會做成浪費,抵讚!餐+15蚊轉做稻庭鳥冬,爽口彈口,15蚊係抵加既封門柳每邊燒10秒都唔洗已經變熟,牛味極香,極度推薦比各位!睇下D色水靚到,就咁食定送鳥冬都一流吉列牛小排同樣高質,就咁食超香口,浸湯同鳥冬一齊食都仲係好脆!最後就係蟹子玉子燒,蟹子夠多,蛋夠滑,十分足料,超級滿足既午餐!

疫情下已經少咗好多出去食，更加唔敢諗幾時有得去旅行啦！但係耐唔耐都要出去食吓好嘢平衡下嘅😝老公鍾意食燒牛，又話唔想食啲連鎖式嘅，不如就支持下小店啦。職員主動介紹而家做緊優惠，第二個set有半價，每個set都跟麵豉湯、飯、冷熱飲品。對於有選擇困難嘅我，唔使心大心細，係一張Menu度揀就掂喇！面豉湯：味道較清新，可能係加左生蔥，唔似一般嘅濃郁同膩，好飲。板燒日本和牛：有A3和牛質素、色澤紅潤、新鮮，燒烤過程亦聞到好香嘅和牛味，口感Juicy，有嚼勁。板燒封門柳：由於係牛肩部位，相對較少脂肪，口感較煙韌，牛肉味重，如果大塊d就好喇！鐘意去小店嘅原因係每間鋪都係獨特嘅，無論係餐廳背後嘅故事、餐廳設計、食物等等都各有特色。另外呢度更感受到滿滿嘅黃店情懷，可以慢慢欣賞，亦可以寫張咭仔支持下。

今日來到屯門支持黃店，揀左一間中高價位既炻版燒，食石版燒肉，我同女朋友7點去到已經要排隊，大約等左20分鐘就入到啦。成個天花版都掛滿支持手足既打氣卡，一路等野食既時候可以一路睇，掛喺天花既好處係坐喺邊都可以睇到，唔使一定要企埋牆睇餐廳最近做緊優惠，第2份燒肉半價，我同女朋友叫左一份日本和牛，一份板燒封門柳，每份大約10~11塊牛肉，圖上面既係板燒封門柳；下面就係日本和牛，每份燒肉都配麵豉湯、飯配飯素同埋牛脂肪。開爐時可以用牛脂肪抹滿石版，牛的脂肪同燒牛最夾，將香味提升幾倍！板燒封門柳的牛味更重；而日本和牛則充滿油脂，每一啖都係滿足既感覺，襯仲有優惠一定要多多懲罰呢間咁好食既黃店阿呢到服務都好好，如果唔夠飯素/石版唔熱同店員講聲，唔使一分鐘即刻就換比你

買一客第二客半價，而且仲可以追加牛肉，唔限款式！咁我地叫左和牛（同埋唔記得咩🤣），後來再追加左吉列牛！三種都好食，但果然冇野比得上和牛🙈佢d肉肥膏位多左少少，但經過熱燒後就好油香！好好味！價錢唔算平，但對得住個價的！侍應妹妹好勤奮，自動自覺幫手加火，又清楚向客人講解餐牌同點叫先抵！好欣賞佢的服務態度。如果抽氣系統做好d就更好了，店內油煙都算大，不過是可接受的範圍。總言而之係好值得試的屯門小店！

最近搵梗有咩黃店幫襯，比我搵到呢間在屯門的石板燒。本身中意食燒肉，但晏晝食又太heavy,所以黎呢度食就滿足到我。是日去左食lunch set, 自己點左吉列牛根腱石板燒，友人就點左牛小排石板燒。平時吉列豬就食得多，吉列牛又出奇地夾同夠香，咬落去脆卜卜。至於牛小排就好夠牛味，食落口好大陣牛既濃味出黎，加啖飯真係幾好食。lunch set配的白飯都好大碗，而且又加左好多我最愛既飯素係上面。小食選左雞軟骨同唐揚炸雞各一款，2款都炸得岩岩好，唔會太膩。而重點，係黃店呀！

11/5/2020 （星期一）見到疫情有所放寬，於是外出鬆一鬆，同老公係黃金海岸玩左一日，唸住去屯門找間燒肉食下，補充反體力！於是決定試下呢間良心小店！呢間小店雖然環境細細～但地方乾淨整潔！好多人慕命來試下它的招牌—封門柳！包括我們兩個～見到孖住食優惠勁吸引，第二份套餐有半價，於是我叫左封門柳set,而老公就叫左日本和牛set!套餐包括肉類，麵豉湯，飯同飲品～飯香口仲落左芝麻，紫菜，味鬆，好夾！店舖好貼心，附上牛油粒讓我們先塗滿鐵板上，免得牛肉黏底難燒～日本和牛油脂感重些～但都好好味！不過相比和牛，我同老公都一致認為封門柳更有肉味，多汁更juicy，不槐為店中人氣No.1! 絕對十分推薦埋單每人$200，都好合理！店舖員工十分有禮，燒牛肉亦十分好味😋又可以過下日本癮～十分滿足的一餐！

屯門食好西篇~去屯門搵食，唔一定去市中心大型商場裏面找吃，行過少少，都有好多美食😆 繼上次去咗雅都商場 gogo mail food court 之後，今次就從周邊特色美食出發la，今次朋友就帶我去"炻板燒"食好西🥢🥢店舖唔大，帶有少少日本色彩😊午市套餐種類多👍主打板石燒，梗係要試下啦☺ 另外叫咗個爆芝吉列蝦烏冬🦐板燒封門柳💰128( 麵豉湯、雞軟骨、飯、飲品)第一次食，經過翻查，原來係牛嘅橫隔膜內部啲肉😚啲肉比較深色，牛既油花幾靚仔、肉質柔嫩、肉汁豐富🤤(得六塊牛，太少啦，實在唔夠喉呀 👉👈)作為一個跟餐， 雞軟骨份量幾多， 香脆可口👌爆芝吉烈蝦丼💰78+💰15改食烏冬🦐皮薄脆口彈牙，掛曬芝士忌廉汁既烏冬， 芝士夠味、香滑👌夠曬邪惡😈( 這個有少少偏貴)

座落Vcity斜對面，其實都好近西鐵站，就係喺新都影院果頭，估唔到新都呢邊有呢間cp值咁高的食店，下次睇完戲會再來食!!!要讚一讚呢度衛生，每張枱客人用完都會嘖滴露來抹，唔驚油膩同病毒細菌!黃店~下午茶好抵!都係牛肉餐，分左兩個選擇，可以揀第二份半價，或者食兩份送小食~其他MENU:呢隻豬好得意!我地叫左2個燒肉餐(日本和牛10件，板燒封門柳10件)，第二份半價，包麵豉湯、飲品。呢度的茶底好香，完成唔會澀，厲害!麵豉湯日本和牛10件，板燒封門柳10件，油花好靚，好均勻，厚度都均真! 白飯加上飯素，更容易下飯~我就每塊都燒1分鐘左右，如果食店再細心d教埋最佳燒肉時間會更好!日本和牛油花多，油味香，入口即化，滋味無窮，板燒封門柳(傳說中的蝴蝶腩)就更重牛味，油花比較少，腍身又冇渣，都係一個燒伕好選擇!!!呢度原來用呢種一粒粒的燃料粒，換燃料好方便，火力都幾猛又均勻!

晏晝入到屯門見到間食石版燒嘅黃店就同朋友入咗去試吓入到去周圍都有打氣字句同文宣 座位唔多但乾淨企理 好快就坐滿客一睇餐牌 野食都多選擇 除咗主打炻板燒肉都仲有好多丼飯/咖哩/饅魚/烏冬/特盛鍋/小食....見到午飯套餐幾抵食 板燒牛比晚市平一半 所以我地叫咗個板燒吉列牛set同滑蛋鰻魚飯 再加碟雞軟骨板燒吉列牛：上餐時外觀好吸引 跟飯 麵豉湯 仲有小食唐掦炸雞staff放低炻板之後會幫你用牛脂肪燒熱塊板冇咁易痴底 之後就可以自己燒吉列牛肉質鮮紅偏薄 炸粉適中唔會過厚 可能係lunch set 分量唔算好多 但牛肉味香濃 脂肪平均 幾juicy同新鮮 鐘意食生啲熟啲都可以自己控制火候炸雞同雞軟骨即叫即炸 一啲都唔鞋幾香口滑蛋鰻魚飯：大大碗既鰻魚飯同樣跟麵豉湯 鰻魚分量唔多但肉質幾厚同香甜 上面灑滿紫菜芝麻配埋個燒汁好送飯 滑蛋真係好滑總結：價錢大眾化合理 店員服務態度有禮 有機會都要黎支持下呢啲黃色小店

雖然鋪頭有d細間，大概20人左右，要稍為等一等先入到去。所以食晚時間要自己預住。入到去環境吊滿左好多字卡，寫低唔少嘅打氣詞句，食落都特別開心。而且充滿左日式嘅壁紙，好有氣氛。傳統嘅燒肉都係用上呢個爐，雖然比起一大個爐燒係要燒耐d，但一邊同朋友傾下計慢慢燒先係精粹。跟住嗌左個10片和牛同10片吉列牛，本身跟餐有飯同湯，所以兩個人食都完全夠飽。如果細食的話甚至可能有多。因為佢有分兩個set，10片同15片，所以好肚餓先好嗌。大概成個餐份量就係咁本身我係一個喜愛吃半生半熟的人，但基於疫情的關係，始於全熟先安全xd 但吉列牛全熟加上醬料，配埋有紫菜木魚粉的飯反而仲好食！相反和牛充滿油香，入口即化，燒香後岩岩好。所以就真係唔好燒到熟，會有爛開的。而且服務態度好好，亦都會提妳有半價優惠。

屯門黃店都食得7788，因應五一黃金周，一於外出撐黃店，今次就食位於雅都嘅炻板燒！🤩🤩店舖唔算大，六七張枱，正是小店嘅代表，原來室內嘅裝修都有很多黃擺設，食得稱心😌😌店舖主打炻板燒的，佢今日天氣真係好熱，就試吓佢其他set先😅天氣熱，食咖喱刺激一下胃口，咖喱吉列豬扒丼，豬扒夠淋身，外面炸得脆脆的，配咖喱特別Match !🥰🥰另外加$10可以跟埋溏心蛋及飲品👍👍爆芝唐揚雞丼，喜歡芝士的要試吓，香濃芝士淋滿，每一口飯都有芝士汁，但出奇地又唔膩喎！😆😆原條鰻魚飯配和牛2⃣個字：好味！！鰻魚起長而且厚身，真係包住成個飯🤣🤣有四片和牛，剛剛熟，正呀🤩🤩人均百松D消費。算是高質！！下次再試其他☺

呢幾日天氣太熱喇🙈🙈真係唔想對住個爐咁熱煮飯 😝😝就做無飯主婦出街搞掂啦😬😬見呢間位於雅都商場地下嘅炻板燒 口碑唔錯！仲係黃點添 😌😌裏面嘅裝修 充滿 yellow嘅氣息 店員仲好友善原條鰻魚飯配和牛 $168呢個餐，掂！鰻魚超級超級大條非常厚，鰻魚汁都調得非常好 👍另外，和牛火候控制得剛剛好，牛味濃郁，七成熟，原來配鰻魚都咁好味😋我係芝士控，點了 爆芝配唐揚雞 ，當然係 超級多芝士淋滿成碗飯 炸雞外脆內軟，雞肉嫩！咖哩吉列豬扒不過不失啦！咖哩汁都幾惹味，全部跟他加十蚊可以配埋糖心蛋和飲品！等天氣凍啲再嚟試下佢嘅火炻板燒先🥰🥰1

今日行完山去咗屯門食，一入門口聞到陣味以為去咗日本食燒肉🥰 首先一入去，可能時間仲早唔洗等位。 因為疫情期間，員工都好有禮貌咁幫我哋先探熱 ！所有防疫措施都做得好足值得讚賞。 例如幫手探熱、枱與枱之間隔左塊膠板。🤣🤣 全部都做得足，希望疫情快啲好返👍🏻 由於行完山好肚餓所以就想快啲食到野，我哋今日食咗全日丼，包括鰻魚燒鳥丼同爆蔥玉子肥牛飯本身好肚餓加上成間鋪都好香嘅燒肉味，兩碗丼嚟到我哋面前嘅時候都住熱辣辣。 除咗香噴噴仲熱辣辣！！！仲有煙出架！！x3 (由於好重要嘅要講三次haha😹)呢一間小店絕對值得支持，如果下次再過嚟新界屯門我一定會再幫襯🤑🤑 #黃色經濟圈

服務員就好細心同我哋講邊種牛肉最好食。服務員仲講今期有特價，食第二碟半價，既然係咁當然叫兩碟牛肉。再加多個蟹子軟殼。一個熱辣辣嘅石火爐仔先送上，先放舊小牛油在石爐上，食牛肉當然先食淡味，後食濃味。牛肉細細片，但肉質嫩滑，燒起上嚟就聞到牛肉香味。套餐跟左一碗飯及一碗烏冬。唔好諗住跟餐嘅飯同烏冬好求其，啲飯又香又軟，飯面再加入一啲紫菜粒芝麻粒，連同牛肉一齊食，味道好夾，又好味道。蟹子軟榖蟹新鮮炸起，又係諗住平平哋試吓，點知有另一個驚喜，新鮮熱辣，本身隻蟹都非常新鮮，蟹肉鮮甜，炸漿厚薄適中。每一道菜嘅味道都非常驚喜，一間非常低調嘅小店，我相信小店買嘅真係食物嘅質素，超贊。