炻板燒 (已搬遷) 新店位置

位於屯門新墟的炻板燒， 獲得米珠蓮認證， 自然食得開心。店內掛滿真。香港人打氣卡， 令人既感動， 亦感慨。餐廳主推日本板燒， 有四款靚牛選擇， 分別係日本和牛、吉列牛板腱、牛小排以及封門柳， 價錢有平有貴， 總有一款啱心水。今次我就選擇了日本和牛板燒套餐$268/10片， 套餐價錢已包括咗麵豉湯， 白飯以及飲品。 假如惠顧咗兩個板燒set， 仲可以免費追加一客封門柳， 相當超值。石板燒講求石板要夠熱辣辣，皆因高溫才能把牛的油脂迫出，食起來就更加香口。在燒之前， 店員會將一舊牛脂肪沾滿板面， 目的除了是為了不易黐底外， 亦增加了牛肉的肉香。自己燒牛肉嘅好處， 除咗夠過癮之外， 最重點係可以自己拿捏牛肉的生熟度。顏色比較鮮紅的是日本和牛， 日本和牛雪花分佈非常平均，牛肉入口即溶， 肉質相當嫩滑。瘋狂嘅油脂喺口入面傾刻爆發，牛味嘅餘韻悠長，久久不散，令人相當回味。至於封門柳的口感就比較厚實， 雪花較少， 但更能體驗出牛的肉香， 假如追求牛味， 選擇封門柳就最適合不過了。一口吃下高質素的和牛， 再呷一口白飯， 感覺令人相當滿足。除此之外， 亦追加了溏心蛋， 溏心蛋蛋味香濃， 醬油味道突出， 8

約左呢日去朋友屋企housewarming，上去之前係新墟街市附近見到呢間石燒牛，無牛不歡既我地就比佢吸引左入去~坐低職員就介紹全日板燒 menu 第二份半價 午市仲唔洗加一 太正了吧我地就叫左吉列牛小排 set 同板燒封門柳 set2 個 set 加埋都唔洗$300! 抵~職員一開始會教我地用牛脂塗勻爐面 令佢唔會痴底吉列牛比較大塊同厚身 我地就燒耐少少先食吉列皮好薄 食落唔會覺得好油 反而增添香脆口感呢款牛同佢配埋既自家醬汁好夾封門柳好似即係橫隔肌 每隻牛得一條 比較罕有 所以會貴dd但油花分布都好靚 肉味比吉列牛較為濃郁 肉質軟腍我仲問左職員拎鹽 落少少鹽更加突出牛香 好想食多碟呀XD每個 set 都包埋面豉湯，飯，同野飲所以雖然牛肉只有十塊 但我地都食到好飽好中意佢個日本飯上面加埋飯素 唔會覺得個餐好單調另一個重點係呢間黃店氣氛都好唔錯!天花掛滿裝飾 仲會播 d 時代抗疫歌本身傾緊偈都忍唔住停低聽 d 改詞 笑死~

今日岩岩做完gym，好攰好攰呀！行過新墟見到E一間野，都想食好耐架啦，今日就試下佢啦！見到入面嘅裝修，就知道咩事啦。真係要補襯一下呀！咁靚。今次就一定要試下佢嘅名物燒牛肉啦！聽店員推薦就叫左一份日本和牛套餐同埋一份板燒封門柳套餐。日本和牛就較肥（都好明顯），而板燒封門柳就較有肉味。套餐已經包左飲品，麵豉湯同飯。一如所料，和牛真係🌅好～美～味～呀～🌅。學媽媽講，唔肥嘅野邊度好味架？所以呢就愈肥愈好味。如果中風同唔食和牛你會點選擇？就緊係中風啦（大誤）。如果你想多幾年命，大家都可以試下板燒封門柳。其實雖然佢無咁肥（我知我知大家都睇到啦），但佢嘅肉汁係的確多啲，肉味都的確較濃烈。所以，如果你想又有肉味，又想食油香，你可以點做呢？係啦。就係兩款都食晒。正所謂，不要太羨慕、不要太妒忌，你如果得到這福氣，你自己黎新墟食啦。同埋，又唔係好貴。店員們會好好款待你。個餐牌係我下次想食嘅野。佢有個鰻魚飯cum 和牛嘅餐，好似好好食喎。

國難當前，戰火連天，要開飯除咗味道要對之外，頻道對唔對亦都相當重要，梗係要揀啲支持手足嘅餐廳嚟食，呢間炻板燒一入到場內即刻見到一片黃到金嘅旗海，就知道頻道對上。凍檸茶首先送上，估唔到連簡簡單單嘅一杯凍檸茶都有驚喜，作為一間日式餐廳，杯檸茶仲好飲過好多茶仔，犀利。溏心蛋，個燒肉餐加八蚊可以追加一隻糖心蛋，半熟嘅蛋黃滑溜而充滿蛋香，加上鰹魚汁嘅洗禮，相當出色。蟹子沙律，蟹子沙律口感爽脆，用料新鮮就係一個沙律成功嘅要素，加上我最愛嘅bb沙律醬嘅加持， 好味。唐揚炸雞，唐揚炸雞做得外脆內軟，咬開脆卜卜嘅雞皮之後，裏面係嫩滑嘅雞肉，味道醃得剛剛好。 板燒牛小排，牛小排上枱嘅時候見到一塊塊佈滿雪花嘅鮮紅經已叫人食指大動，侍應小姐先喺石板上面 用兩嚿牛脂嚟起動，將溶出嘅牛油搽勻石板，就可以開始燒牛小排，牛小排被放上灼熱嘅石板上面發出滋滋嘅響聲，伴隨住嘅係撲鼻嘅牛香，牛小排脂肪均勻，牛味香濃，本身已經係不可多得嘅美味，再加上板燒牛嘅生熟程度係可以根據自己嘅喜好調控，我鍾意食五成，朋友鍾意食全熟，完全無違和感， 白飯上面加咗飯素，更見小店嘅用心。

香港開設日本餐廳要很大勇氣。一難成本高，食材來自海外，壽司要用珍珠米，刺身要全程飛機急凍，加上損耗大食材難於保存，食材往往要佔收入五成。二難是和食款式已成定制，大分四款：刺身壽司類、拉面類、燒肉類、及麵包類。菜款已沒有創新空間，餐廳難有發揮，加上食客都忠於和食原著，創新很難成功。每店都是賣相同食品，競爭很大。所以日本餐廳只流得在紅海市場上分走兩條路：走高檔次，收貴價，用日籍師傅；又或走快餐檔次，薄利多銷。炻之經營者很聰明。完全不觸碰刺身類，以免加大損耗，嚴控成本。走快餐路線，及專賣燒肉類。光顧此餐廳，也因要發揚經濟圈之故。星期日中午到來，門口一大群外賣uber及food panda 專員正等待。兩位店員忙得不可開交，快速地包外賣。外賣專員也不斷地催單，時間就是金錢。餐廳油煙很大，做燒肉類卻沒做好抽氣系統，應是成本問題吧。還是外賣回家享用吧！點了燒鳥稻庭烏冬，雞扒醃得味道豐富，自製燒汁加少量砂糖調校比例合適，煎功良好，色澤漂亮，剛做到微焦效果。要彈是湯底味精粉落得太多，非常口喝。丼飯有心機，牛肉加汁及洋蔥煎香，逐塊平面舖平，再加芝麻香蔥。快餐價格，這種水準，沒任何彈劾理由。但碗太深了，空

今日去到屯門搵左一間好得意既鋪頭，就係炻燒入到去見到裝飾好靚，好似去左光復島咁，我就係咁，比佢既外表吸引左入去，係黃藍地圖嗰度見到呢一間係終極黃店推薦之一。朋友叫左一個燒鳥洞庭烏冬，望落去個外表雖然唔係好吸引，但都好似幾好食咁， 已佢個燒雞扒就相當之好食軟軟林林，仲有少少香味四溢。仲有個鰻魚吉列豬扒飯，鰻魚係去咗骨，分量雖然好少，但係賣相相當吸引， 如果可以多啲份量就好啦。佢個鰻魚汁係有少少木魚味炸雞滑蛋飯，呢個份量少到我一啖食完，我有個friend話好多份量很多。但係呢一碗飯勝在個滑蛋真係好滑，好似係用咗北海道3.6牛乳。但係個炸雞就冇乜味。好彩個味道同埋個賣相都令到我值得下次再嚟幫襯。

相信大家都經常會食韓燒，無非都係志在同一班朋友吹下水之後一邊燒一邊交流但有時想燒下嘢食又唔想食咁多嘅話呢一間係絕對滿足到有要求嘅你哋去試一試首先地方方面距離地鐵站都只係5分鐘嘅路程而且都好容易去到絕對唔難搵。 至於裏面雖然地方唔大但係充滿着好多有價值嘅嘢， 大部份都係食客留低嘅心意， 亦都證明左有唔少嘅人都幾鍾意呢間餐廳。餐牌方面選擇都唔少比較專注係牛嘅方面，所謂炻板燒，其實比較似係一人嘅韓燒，有得燒之餘又可以自己調校生熟度， 最重要係價錢絕對合理而且質素未食之前都覺得唔會差。 咁今次就試咗呢一度比較招牌嘅肉— 封門柳，大約嘅位置都係牛柳嘅部位，顏色非常鮮明而且脂肪分布極之平均， 驟眼睇仲以為係雪花和牛。因為本身比較博新所以燒嘅時候每一面大約20秒就夠咁燒完出嚟大約就會係五至七成熟， 當然如果要求全熟嘅話就可以自己每一面都燒40秒就夠，當然唔可以燒太耐如果唔係好嘅肉都會變靭。跟餐都會有送飯同埋麵豉湯， 特別要提一提麵豉湯雖然味道唔會同其他麵豉湯差好遠但做到一樣野就係唔鹹，淨係呢一點都已經可以討得我歡心飲品方面就選擇大約都係差唔多，作為奶茶控嘅我當然都係要一貫選擇。 效果的確幾唔錯，效

屯門少有既日式鐵板燒餐廳，價錢唔算貴，物超所值。餐廳貼滿抗爭海報，天花板垂掛左好多打氣願望牌。全日鐵板燒套餐有多款牛既部位可以選擇，例如封門柳、和牛、牛小排、吉列牛板腱等。除左鐵板燒，亦有其他小食、芝士丼、咖哩丼、鰻魚丼，及稻庭烏冬。叫左板燒封門柳套餐($188)，包括有封門柳、麵豉湯、白飯及飲品，椒鹽蟹子軟殼蟹($78)。封門柳非常厚身，因為係牛既橫隔膜肌肉，所以油花比其他部位少，肉味更淳厚濃郁。店員先以牛脂肪抹勻鐵板爐，之後就可以自己燒肉。爐溫充足，一放上肉片就滋滋作響，每面燒幾秒，已經聞到肉香，趁未完全熟透時立即品嚐，質感比較腍，彷彿入口即溶。將肉片沾點餐廳自製既醬汁，帶點甜甜既味道，別有一番風味，亦可搭配白飯，入面混入左芝麻及紫菜，特別香口。麵豉湯用料豐富，加入左大量昆布，味道適宜。兩隻軟殼蟹炸得極之鬆脆，外層蘸上大量蟹子，有咬口之餘，亦減去油膩感。椒鹽味唔會太嗆，襯托出蟹肉獨有既味道。中間竟然仲有蟹膏，非常滋味。整體，難得可以食到豐富既燒肉套餐。肉質好，油脂香濃，而且做緊優惠。

屯門真係好多嘢食㗎，好耐之前嚟過一次覺得依度都係普普通通，但係最近你又發覺原來好多地方都有唔同嘅美食，唔行遠啲都搵唔到原來有咁多特別嘅食店，經過門口比餐牌吸引住，價錢本身已經唔貴，平平地就已經有一餐炻板燒啦！依度嘅格局唔錯，唔會係好迫嘅感覺，枱同枱之間都有空間，而且餐廳周圍都有唔同嘅字句，聽住音樂睇吓啲字句食一餐飯，都算係一種享受嚟㗎！店員真係好人而且好熱情，見到你揸住餐牌咁耐都會好主動向你推薦，最後我決定咗要吉列牛小扒炻板燒，可以揀要白飯或者烏冬，另外仲有麵豉湯，凍熱飲！等候嘅時間好快，聽下餐廳柔和嘅音樂，10分鐘之內就已經有得食啦，先來左烏冬同埋麵豉湯，吉列牛小排即叫即製，所以要等多一陣，石板燒真係好吸引，當吉列牛到咗之後，我已經忍唔住即刻燒一塊，佢另外會有個芝麻醬汁，牛小扒配上芝麻醬汁，估唔到係咁夾！一啖咬一啖烏冬一啖湯，10塊吉列牛小扒真係啱啱好，我自己幾享受可以燒嘅感覺，因為想食幾成熟都可以自己控制，例如第一塊我想食五成熟，第二塊七成熟，全部都可以自己控制！佢嘅烏冬係稻庭烏冬，煙煙銀銀口感爽滑，真係好好味， 分量亦都啱啱好！佢嘅檸檬茶茶味都唔錯，估唔到連凍飲都做得咁好，下次一

最近超有人氣嘅日式板燒餐廳，每次經過都見到有唔少客人或者等外賣嘅人。今日難得黎食番餐，原來做緊板燒牛第二份半價，超抵！餐廳係黃店，座位唔算多，所以晚市時段可能需要訂位。我點咗吉列牛小排10片($158)，附送白飯、麵鼓湯、飲品。職員示範用牛脂肪塗均塊板，等牛肉燒個陣唔會咁黏底。吉列過嘅牛小排金金黃黃，打卡一流，每面煮大約幾10秒就有7、8成熟，燒完之後牛小排非常鬆脆，而肉質比較有韌性，肉味香甜，點埋餐廳秘製嘅醬汁就更惹味，整體較為香口。芝士玉子燒($45)，外表好似好普通咁，但係內涵非常豐富，層層嘅蛋中間夾滿流心芝士，蛋味同芝士味十足，唔會喧賓奪主。唐揚炸雞($48)，可以話係我食過入面其中一間整得最好嘅唐揚炸雞。調味合適，唔會太過，而且食落唔油膩，肉質鬆軟，係唔錯嘅小食。

雖然近排出街好驚菌，但間唔中都要出去呼吸下新鮮空氣。今日出到屯門，行到咁上下就開始肚餓，就上openrice睇下附近有咩好推廌，順便刺激下黃色經濟圈。今日咁好彩就比我搵到呢間炻板燒！門口大大隻字「炻」，好易搵、好易認！望下menu，一睇就知係黃店，仲有咩多選擇，同埋而家做緊第二份半價，抵到喊！糖衣毒藥派個一萬都可以慳返！時間都算早，但門口已經好多人排隊。入到去，哇，一睇就知黃到核爆，好開心、好有feel！我叫左吉列牛板腱，唔洗等好耐。雖然睇得出店員都好忙，但係佢地都勁有心機勁有禮貌教話要燒下牛脂肪防痴底先，好有heart。睇下個牛，啲紋好靚，唔係求其執啲冰鮮隔夜牛比客人食，good！啲牛亦都比人感覺好乾淨，要客人自己燒既肉最緊要係乾淨，怕燒唔熟會食壞肚，但呢到就絕對唔洗擔心啦，更何況食牛半熟是基本吧。我都係燒到咁上下熟就食，肉質好軟身，好重牛味，而,且燒完啲吉列牛都仲可以係脆，真係未試過咁好食既牛，唔係講笑。我叫既係10片set，都已經食到好飽，真係好抵食。最黎埋單加一174，一啲都唔貴。最重要係，黃店 + 高質 + 抵食！香港人加油！三萬 thx！

今日嚟到屯門呢間炻板燒，位置就喺屯門嘅巴倫紐戲院隔離！十分之近西鐵站！餐廳本身就主打食日本嘢，最出名嘅應該就係板燒牛肉，佢本身有四款主打牛肉嘅，有吉列牛、封門柳牛小排同埋日本和牛揀。因為餐廳而家做緊優惠叫第二份牛就有半價，我哋兩個人就分別叫咗吉列牛同埋封門柳！咁佢本身跟餐仲會送麵豉湯同埋飯，我哋其中一個呢就轉左要烏冬唔要飯，不過就要加$15。味道方面，封門柳個牛味十分之濃郁，而且最好係佢板燒塊板夠熱。好多時喺出面食板燒牛肉，佢塊板本身唔夠熱嘅話好難可以煎到塊牛肉外脆內軟嘅效果，變相令到塊牛肉幾好味都冇用。吉列牛炸皮都做得好脆，坊間有啲吉列牛個渣皮都未必做到呢種效果。佢跟餐仲會有一碟牛肉汁，我就覺得封門枊唔係好適合再點汁，因為依個部位本身牛味都比較濃郁，再點汁就可能搶左陣牛味。相反吉列牛就好適合，因為佢牛肉本身唔係話好濃味，但係牛肉嘅質感比較冧。以佢嘅白飯上面亦都加咗啲飯素，出面嘅日本餐廳都未必食到。 整體來講，依間餐廳性價比十分高。再加上佢而家做緊第2份牛肉有半價優惠就更加抵食。佢除咗有板燒牛肉食之外，餐牌仲有其他唔同丼，期待下一次再去試吓！

屯門黃店推介！屬於高質拓板燒✴️店舖環境十分黃 有好多文宣同手足寫的自製post card餐牌如下: 可選炻燒/丼飯今次2個人食，一共係576元(已包括加一)吉列牛板腱 ($218/15PCS)配送 一個白飯、麵豉湯、飲品牛既香味，油脂分布平均而個吉列 亦炸得好好配合埋一個牛脂，令到個爐不會黐底 十分體貼！封門柳 （$268/15PCS)呢個價錢上比較貴小小但個人覺得物有所值！呢個牛既香味同口感更佳放入口 就有種幸福的口感十分推薦👍🏻另 加了$38 升級神級蛋白飯 (原價價值$138)呢個蛋包飯神級嘅地方係入面竟然仲有牛！真係10分足料😍 而且個蛋十分之滑 令人想一食再食份量啱晒兩個人食😊送既飲品 2罐忌廉

一直都很想試一試吉列牛，上星期路過看到炻板燒有得吃，於是今天就和朋友過來了。一進入舖頭就被天花板上的裝飾吸引，很有心思呢！而且店舖裡內也有很多飾物都很有心思，播的音樂都很有意思啊～牛肉可選擇要十片或十五片，二人同行更有免費唐揚雞/三文魚腩邊/五片封門柳追加啊！套餐已包麵豉湯、飯和飲品，十分抵食。我和朋友分別叫了吉列牛板腱和牛小排各一份，另再追加封門柳，一次試足三款口味！【吉列牛板腱】看到已經開始流口水，牛味重，但相對牛小排和封門柳會較為韌身，但仍然很吸引呢！不過炸皮如果可以再脆一點就更好～【牛小排(左)、封門柳(右)】牛小排和封門柳脂肪都比較多，很有肉汁，煎起上來滋滋聲很療癒呢～ 把牛肉放在石板上燒，如果可以可配上啤酒會更滿足啊！飯也附上飯素，完全不會單調。除了石板燒外，也有各種丼物和小食，價錢都很合理喔～總括而言，三款牛都很吸引，性價比很高，一定會多多支持的。

喺屯門呢一邊睇完戲，就順便喺呢邊食飯！行左一圈，見到炻板燒，好似幾唔錯咁窩，就食呢間試下！餐牌精而簡，一眼就望到自己想食邊啲都講得明係燒，當然唔少得叫個板燒日本和牛啦， 和牛十片， 係一個set嚟嘅！ 仲配一碗麵豉湯，轉咗稻庭烏冬加咗15蚊，和牛片片都砌得好靚，晶瑩剔透 ，脂肪遍佈成片肉 ，肯定好滑，識發光咁！店員教落，首先要將個肥牛膏搽一搽個爐，唔痴鑊， 然後呢就可以將和牛擺上個爐度燒， 個爐好迷你嘅 ！一次燒四塊就差唔多啦！ 好快熟， 試咗一試真係超級好味呀！呢個就係點和牛嘅醬汁同埋麵豉湯， 呢個醬汁真係超級好味，配埋和牛食夾到十足！轉咗個稻庭烏冬 烏冬本身味道比較淡口咁好呀 配埋點咗醬汁嘅和牛食 滋味無窮另外亦點咗一個鰻魚配蟹籽丼飯， 鰻魚燒得勁靚，蟹子顏色鮮豔 ！呢嚿鰻魚好爽滑， 口感極佳 ，佢嘅餸同埋飯嘅比例啱啱好！ 真係非常之唔錯！