烤肉時代 (已結業)

黑豬腩肉懷舊便當盒 돼지고기 도시락 $58前文提要，一個豬拼盤只係剛剛夠飽時，當然要點啲小食呀熱食呀餵飽個肚，正當我望黎望去都係個幾味時，登～懷舊便當盒？好盞鬼呀😆好似依啲咁得意呀懷舊便當盒，蘋果乾係台北就同臺鐵嘅便當無緣，依個係機會呀！其實有時蘋果乾我好無膽，雖然個水梨雞肉便當好似好吸引，但基於安全考量，我都係揀咗黑豬豚肉懷舊便當。講明係懷舊便當盒，佢真係好似相咁用鐵盒裝住，大家小心睇熱，唔好「辣」親手！便當餡料由左至右排名（調轉講都得）豬肉，類似腸仔嘅食物，跟住紫菜，上面就係一隻煎熟咗嘅太陽蛋同埋撒咗好多粒芝麻。豬肉，好似肥牛咁款，我諗依啲係豬肉片？食落係有啲乾，但好彩佢本身都有啲醬汁，所以食落又唔係咁差，乾就少少梗有但帶點惹味；而中間嘅類似腸仔，一片片，我信真係腸仔嫁，咁因為依個係黑豚豬肉便當嘛😂點解我抱有質疑？因為食落個質地較淋（無平時腸仔嘅彈口）同埋我覺得偏鹹；紫菜，被撕成一條條，咪正式紫菜原味（唔係咁都要介紹嘛😅）整體黎講，我分開黎食，麻麻地，但試下將每樣都拎咗再撈埋一齊食，呀，又幾好味哦！所以，我諗過問題應該係我到，睇韓劇明明啲人都係shake shake 個便當盒先食

吾好食，好失望，油煙大都接受到，但D食物質數好差，食物上碟真係重衰過自己去食自助餐令野食咁，價錢貴吾緊要，但都要有賣相，又吾好食，請D韓國人有鬼用咩!其實真係諗吾到有咩好讚!

豬拼盤 모듬 돼지고기 $248話說蘋果乾我已經正式失業，無業遊民無咩多，咪就係時間多咗，所以上星期四真係好屎忽痕約咗朋友入天水圍！作為一個香港人，好啦，我認我係失敗嘅，成世人今次係第一次入天水圍，都唔知點解佢叫悲情城市⋯😞由於無業遊民嘅時間好彈性，所以約人無論係我遲定對方遲都唔緊要，因為時間多的是😅入到天水圍都2點幾，太肚餓啦，頂唔順，搵間餐廳食野先！烤肉時代環境都算寬敞，裝修到好似真係去咗韓國燒肉店，唔止，個圓筒形座位可以打開放手袋是基本啦😆，店內貼滿韓國海報（標語同電影海報，啲海報望落好似啲19xx年啲中國內/外戰宣傳海報🤐，好復古/韓國feel)，我去時得一個店員係香港人，其他全部都係韓國人，你話啦，係咪有種去咗首爾燒肉店嘅錯覺😂事不宜遲，點野食，由於我唔食牛而海鮮拼盤又唔太啱心水，最終咪又係揀咗豬拼盤🐷🐽。豬拼盤：黑毛豬頸肉，美國五花腩肉，醬醃豬梅頭肉，同豬大腸！豬肉送上時好似唔多大碟？嗯，少年，你太年輕了！夠唔夠飽真係見人見智，但我同朋友2條女食，真係夠飽！因為你唔止食燒肉一味餸嫁嘛。除咗豬大腸我唔評論啦，因為我唔食，其他三種肉類整體都唔錯！黑毛豬頸肉：juicy就無啦，但

安格斯肉眼扒🐮 ($148)肉眼扒份量好大🙀，放左烤盤燒一燒虎食得😚。肉汁豐富，加生蒜包生菜，醬汁唔洗點都夠晒惹味。海皇拼盤🐲 ($288)烤肉時代除左主打肉類之外，🐟海鮮拼盤都十分吸引！海皇拼盤有兩大隻手掌咁大既生蠔，點少少附送既自製韓國辣汁，又好夾喎😍！食落鮮味之餘海水味唔重，好易入口。除左生蠔做頭盤外，仲有大大粒帶子同扇貝、虎蝦、多春魚同埋魷魚，唔怕唔夠飽！漢拿山牛肉炒飯🐂 ($118)漢拿山炒飯先加上韓國辣醬，炒炒炒😎，再加入韓國牛肉、蛋同埋大量芝士😍見到啲芝士溶晒係個飯入左，每啖都拉到絲，好淫賤呀🙀！飯食落係輕口味，辣味一啲都唔重。韓國原個菠蘿冰🍍 ($58)原個菠蘿直接上！入面係打碎左既菠蘿肉同沙冰，飲落酸酸甜甜，飲完仲可以當甜品食埋啲哪菠蘿肉添！

屋企人食烤肉條癮又起，奈何最近轉季病病地，都同佢地一齊去食啦，但我自己就食海鮮為主，又幾驚喜喎！首先店員有幫我地加上牛油粟米，食到半路再食下啲熱辣辣嘅牛油粟米即刻加分！仲有我最愛嘅韓式炒飯，大量芝士加上蛋，仲有帶微辣嘅韓式炒飯，炒埋一齊嚟食，真係而家睇返啲相都流晒口水。大量芝士加左落個飯到，見到佢拉晒絲咁即刻流晒口水！病病地唯有主打食海鮮，唔食咁多肉費事喉嚨痛。點知都幾有驚喜喎，蝦超大隻，蝦肉都唔少而且蝦肉十分之爽口，帶少少海水味。同場仲有帶子，扇貝同埋多春魚，個扇貝一路燒一路勁多汁流出來，好吸引！魷魚同樣十分之爽口，美中不足嘅係個盤太污糟搞到賣相麻麻地添！

知道天水圍一直開咗一間新嘅韓式烤肉，今次終於約到朋友一齊去食啦！就即管試試天水圍嘅質素高唔高啦。就算晚上九點鐘都仍然座無虛席，不過好彩唔使搭五位就入得。啲肉好新鮮，放上烤盤，炸一聲就有大量油脂流出，超香！而且仲有爐邊蛋同埋粟米可以一齊食添！同行友人超鍾意食海鮮，叫咗個海鮮拼盤滿足下佢。拼盤入面除咗有兩隻超大嘅生蠔之外，仲有帶子、蝦、多春魚，同埋魷魚！隻生蠔超級新鮮，兩隻都有手掌咁大，點返少少韓式辣醬一齊食，超鮮甜。最近天氣開始轉涼，應下節咁樣叫咗一個人蔘雞，一上台揭開蓋，原來係同飯一齊上嘅！人蔘雞食落人蔘味唔算超重，連我唔係話超鍾意食人蔘嘅人都可以接受到，食完仲成身暖粒粒添！最後我仲叫咗一個菠蘿沙冰，用原個菠蘿打出嚟之餘，仲會用埋個菠蘿一齊上枱，飲落菠蘿味重之餘酸酸甜甜超開胃喎！

同朋友兩個人黎屋企附近食烤肉~食烤肉我反而唔太喜歡食五花肉，而係偏好食牛多啲。牛扒一份竟然有兩塊，超大份啊！燒到五成熟左右就食得，配泡菜同生菜就已經好好食。菠蘿既特飲好特別，成個菠蘿皮咁上，有沙冰有菠蘿肉，飲完超爽，自我感覺良好，好似食烤肉都唔熱氣。

估唔到天水圍都有韓燒食，同朋友仔黎食，簡直捧住個肚走啊！配菜款式多，烤完既肉加少少泡菜同蒜，正！有爐邊蛋同粟米食，食左超多蛋，好滑😚。倒插既汽水，望到都開心，玩味重又岩烤肉飲。雪花牛雖然薄切，但牛味濃，而且超長，食落好滿足。唔想剩係食肉，叫左個人參雞湯飯，超足料雞肉好夠，配埋飯一齊食，好補啊。

韓烤好耐之前試過一次，喺荃灣嘅軍事裝修那間。當時印象麻麻地，四個人食左千三蚊，但麻麻地飽。今次係事隔好耐再食韓燒，整體感覺都算唔錯。週日啱啱開店冇耐就冇乜人，但大概點半鐘左右就滿喇。店內面積就唔算話好大，但枱與枱距離都闊，唔會話好焗促。餐牌的話，係分左烤肉同熱食兩類，即係如如果唔食燒肉，都仲有其他野可以點。前菜有幾款，生菜都係任添，爐邊蛋同粟如果唔夠就要加錢。牛拼盤 $288/份（醬牛護心肉、降霜一口牛、和牛舌、醬醃牛肋骨肉）雖然網上見過有人話拼盤冇散叫咁好，但個人都係覺得拼盤冇點錯。一來唔洗好似我地咁計來計去邊樣抵，因為根本冇得計。二來我覺得如果拼盤嘅食物都咁啱係本身都想點嘅，就點拼盤冇死。店員話呢個拼盤係兩人份，如果你有3、4人的話，再散點幾款就啱啱好喇。醬牛護心肉：個人認為呢隻最好食！醬醃得啱啱好，唔會鹹，包埋生菜食，一流。護心肉帶好少好少脂肪，肉夠嫩。如果散叫都建議呢款降霜一口牛：其實個人就唔太鐘意燒牛柳粒，牛柳粒一般會比較雪藏，由於切得比較厚身，其實烤起上黎唔容易熟，但烤得太耐，基本上會濃得好快，而且肉質會韌，同食舊炭冇分別。呢個亦都無法幸免，不叫也可。和牛舌：牛舌黎講，呢隻

天水圍新開韓式燒烤, 以為是充韓式, 點知真你全場大部份的職員都係韓國人, 連叫位的也是, 怪不得咁多人排隊今天以試菜心情, 人數不多, 也不太餓, 所以只叫了兩款部隊鍋 - 份量比想像中少, 有兩三片午餐肉, 豬南肉超肥(根本無辨法食, 最後加左落去燒就食得啦)份量也算多, 少量金菇, 豆腐, 菜,泡菜, 年糕,加埋一個麵同兩片薄薄芝士, 賣$108, 算貴. 味道濃, 醬燒牛肋肉 - 注明有150G, 連埋夠骨應該夠磅數. 呢款肉奄得好好, 不會似一般的太重口味和太唸, 蓋住D肉的味道. 口感豐富, 肉味濃郁. $128 算底食總括是味道不錯, 價錢算OK, 下次會再來試多幾款菜式, 尤其燒烤款式.

近期最喜歡周圍食烤肉，因為可以自己動手烤食物，而新鮮的烤肉食落啖啖肉汁！探朋友前醫肚，見到呢間有韓國特色的烤肉餐廳，即使lunch時間食烤肉會有點滯，但都要食。點了一個牛拼盤，五花腩肉，重味石蠔及豚肉石鍋飯。上菜時間很快速，看見一盤盤鮮肉真是流晒口水，望到肉質鮮紅，層層脂肪夾雜，很吸引呢！食了石蠔，海水味較重，有咸鮮味，凍凍的，滑滑的，一啖食完。 牛拼盤有護心肉、和牛、牛舌及牛肋骨肉，全部牛味濃郁，一放上烤盤油脂流出，我們烤至8成熟，入口口感最佳，配上餐廳預備好的醬汁，很香口，而五花腩肉同樣出色，不過當然要全熟才好，上層白花花的腩肉很美味。除烤肉，石鍋飯都好好味，有大量韓式配料，職員會把醬汁另上，讓客人按個人喜好放上適合的份量再拌勻，豚肉很肥美，飯粒軟軟的，我最愛鍋邊的飯焦，香脆可口。 餐廳的烤盤會預先放上牛油粟米和蛋漿，食完烤肉再食粟米和蛋，剛剛好。

22-10-2016晚上 我地叫左三樣野分別系1.辛辣海鮮湯飯 2. 學生綜合飯卷 3.雜錦拼盤 同兩杯忌廉柚子冰沙。啲野食系黎得幾快既，當我地食個海鮮湯果陣，心諗：中伏！好難食，根本就系滾水加海鮮！最後呢個$78既湯我地只系食左個白飯！ 另外，我食韓燒經驗都幾多下，我第一次食一間韓燒，無論我好快拎起佢又系燒黑左，燒熟啲又黑左。無論如何舊肉都系痴底，即系吾知想點。啲肉一般般，吾系太特別好食。好彩叫左個飯卷，無咁伏，叫有啖野落下肚，但吾系話特別好食。另外啲小食粟米雞蛋食完要加$20先有，不值！好多地方都無限添加。另外佢啲蛋漿應該無加任何野，因為好雞蛋味同腥，吾好食。而粟米一般有芝士佢又無。 總括一句：野食方面好伏，去左第一次試完就吾會再去。因為張單計埋加一$440。但比完錢吾知自己食咩黎而系服務方面：可能因為入面有啲韓國人，而有啲系香港人，而果晚我地坐系角落入面仲要有條柱阻住。一般我地要求服務故要舉好耐手都算，韓國人吾識中文就梗系搵啲同我地溝通到既人黎。最後個女侍應我地要求佢第三次服務時，佢竟然「妙」我地。我話我地買單，佢表情先吾同即刻有晒禮貌，咁即系咩意思？評分到系比全一星除左環境同衛

去到天水圍食韓燒 店內有韓國oppa onni haha2個人食lunch叫到成枱都係烤肉方面揀左3款: 降霜一口和牛 醬缸醃牛肋骨肉 美國五花腩肉 (主要係十大推介名單度揀)之後仲有芝士牛仔蛇形腸 另外叫左美國珍寶蠔 極大隻2隻手掌咁大店員好細心同我地講解點烤會更好 原來五花腩唔需要落油就可以燒我地之後再叫左午餐套餐既迷你部隊鍋 部隊鍋內有好多五花肉 叫到成枱都係咁多都係hkd500左右 勁豐富 平均每樣野都唔算貴樣樣都好食 推介一口和牛真心正 烤肉仲有鑪邊蛋同牛油粟米添

今日到天水圍探朋友， 經朋友講起有間特色韓國菜餐廳不錯就去一試。 餐廳環境裝飾好有懷舊感和韓國風味很特別。 前菜好多選擇食韓燒五花腩肉係必點， 不過上台後比我預期細塊好多， 食落口都可以接受除左豬肉， 點左一個牛肉拼盤 ， 牛肉粒 ， 牛肩肉， 基本上拼盤的牛肉真係好好食， 特別係牛肉粒脂方分布好均勻入口嫩滑牛味重生豪都好食，配以韓色醬汁不錯我覺得呢間餐廳都唔錯， 有機會可以再試如再入天水圍。

今日放工去天水圍探Best Friend個B，真係好得意呀探完當然要Girl's Talk啦，係咪先。我朋友介紹我去天水圍一間新韓燒餐廳，佢話食詔唔錯，所以我地就去左試下啦。我地差唔多宵夜時間先去，所以唔使排隊(本人真係好討厭排隊haha)問口感覺餐廳好有年代感，入到去真係復古，見到有唔少仿製既懷舊電影poster、商店招牌、燈箱等裝飾，突然好似回到"請回答1988"個種年代haha，搖身一變成為「德善」而且價錢比其他韓燒店平好多下，幾抵食咁。降霜一口和牛$88 (150g)呢個和牛出到黎放係枱面，係凍到冒煙，我地放左2粒上去燒，發現好容易"痴"實左個爐板，燒出黎唔係咁好。後來D和牛我地放左一陣，等佢解凍下，再拎黎燒，好易熟，點少少麻油鹽，食落去牛味幾香，幾juicy。火雞腎 $48 (100g)火雞腎切得比較薄身，燒落去唔洗燒好耐，因為好易熟，食落去肉雞嫩同埋爽，同普通雞腎有D唔同，但唔係話相差好多，不過都值得試，因為價錢唔算太貴，味道都尚算可以。前菜唔算多，但都唔算少，有泡菜、菠菜、芽菜、辣蘿蔔。我叫左個原隻菠蘿冰$58，幾fresh，由其係食熱氣野，沙冰係最好配搭。朋友叫左忌廉柚