無名炭爐伯伯雞蛋仔 (已結業)

終於一試大坑伯伯即製的雞蛋仔，金黃渾圓的外表和香氣很誘人，吃落口果然是另類的雞蛋仔，因內裏是充實的，像蛋糕仔般味道。而且不能當小吃，很飽肚的。吃不完帶回家，再焗熱，也是脆香的。

買左雞蛋仔喇!!!!!!! 等左四個人先到我,,,, 冇計喇要食好野就要等喇,,,, 見到伯伯好順純熟,,,,,,,, 張ｄ蛋槳平均咁倒響個鐵板到,,,,, ｄ火控制得岩岩好,,,,, 整出黎個雞蛋仔顏色完全係一樣,,,, 唔會太噥!! 食左一淡,,,, 好似食蛋糕咁 : ) 不過我覺得佢唔係太夠甜,,,, 可能呢個係伯伯既特色喇 : ) 唔錯唔錯!!! 伯伯努力呀!!!!!

阿叔好勤力, 成日都開檔. 又好口.雞蛋仔好足料, 裡面係實心既, 唔會好似其他咁得一半有料, 另一半空心. 食落似蛋糕仔, 蛋味好重.

其實我好少食雞蛋仔 ...個日見到阿伯用炭爐整雞蛋仔咁得意阿伯好有禮貌...雞蛋仔 好脆又飽肚...正......好佩服阿伯上左年紀仲咁叻....哈誰敢說老人家無用.

趁今日不用趕上堂，便去找這個伯伯買一底。先前找過了幾次，總是時間不對，遇不上他。這裡是用難得一見的碳爐，而且鷄蛋仔是實心的，不會像坊間的空心。把鷄蛋仔一粒一粒的放進口中，蛋香在口腔中迴盪，吃得出當中的心血和傳統味道的樸實。不過美中不足是稍為乾了點，不過花十元當午飯吃也很化算。溫馨提示：伯伯一般由早上十一點開檔至下午四時左右，一般十二時至一時多是人流較少的時間，他會預先做定囤積起來。想吃新鮮熱辣的鷄蛋仔，最好在兩時半後人流較多的時間買，不然就在他一開檔就幫他買

我有經驗喇, 上次Mon 3:00pm, 今次Sat 2:00pm, 我已經掌握到伯伯開檔時間, 但始終唔敢開口問佢幾時休息今日去到要排隊呀, 等一陣就到我喇, 見到伯伯間唔中加炭加炭, 第2度真係好少見到架.至於雞蛋仔呢~外層脆脆的, 裡面軟淋淋, 仲要好有內涵添, 食得飽人架! 但我愛甜, 如果佢甜d就更好喇

踏入了秋天，除了有時令的東西吃，也可以吃到在大坑附近擺檔的阿伯炭爐雞蛋仔，大熱天時是冇得吃的，前幾天也搜尋過，但沒有發現伯伯的踪跡，今天在去天后開餐途中，竟然遇到了他，真幸運！此處沒有複雜不同味道的雞蛋仔，但就又是夠古法，現在古老當時髦，一於吃一底用炭爐做出來的雞蛋仔，看看會是怎麼樣。只是走近那車仔，已經感受到那兩枱炭爐的威力，很熱烘烘的，怪不得伯伯夏天不開工了。要了一底，也是新鮮滾熱辣的，可能是由於火力夠猛的關係，雞蛋仔的外層很脆，咬下發出卜卜聲，咬開一看更是不得了，內部是填滿了如蛋糕的餡，我真的從來未曾吃過雞蛋仔的餡是這樣的，首次吃到根本就如蛋糕的雞蛋仔餡，這可能是因為其蛋漿的配方之故，據我的觀察所見，其蛋漿的黏稠度很高，黏得如半融化的芝士一樣，所以估計麵粉或發粉在蛋漿內的濃度是比一般的高，才有這樣的情況。可是坦白說，那雞蛋糕好吃嗎？普通而已，但皮夠脆，而且內藏滿滿的蛋餡，已經是很不錯的了；另一方面，雞蛋仔的蛋香也算挺強，比太安樓的蛋記及北角的利強記強一點，跟紅磡的媽咪比就還是稍遜，但始終是各有特色。有幸吃過已是褔氣，也希望伯伯加油加油，繼續維護我們香港的飲食特色。

在步入大坑的途中，在維景酒店門外看見了「炭火雞蛋仔檔」。其實自己對此雞蛋仔檔已略有所聞，不過打算回程時才買一底來試。二時開離食店，再途經此處，馬上向阿伯買了一底雞蛋仔($10.00)，雖然不是新鮮熱辣，只帶微弱的暖意，但只要是美味可口的話，便問題不大。急不及待放一粒入口，嘩！很重的梳打粉味，是有史以來吃過最重的梳打粉味。亦因為這樣，蛋香已沒有，口感亦太硬，是一底不折不扣的失敗作。梳打粉下得太多除了會破壞食物的味道外，還有機會令人出現心悸、嘴唇發麻、短暫失去味覺等徵狀，最後只好將其放入垃圾桶的口中。是阿伯一時失手還是另有內情，實在是不得而知。

近來雞蛋仔嘅心癮好大,oct 17, 09,決心今天嚟搵亞伯嘅踪影,大約1pm,終於比我遇/聞到 : 1) 雞蛋仔 (hk$10)-見到亞伯,我差d飛撲埋去咁滯..........當然誇張咗少少la........hahaha.........跑過去倒是真的~~~~-用2個炭爐.........真喺+咗好多分呢.........因相信宜家要擺街邊先可以咁整..........入咗舖,估佢咁會肯咁花時間用炭火整..........-去到,無人排隊,亞伯已整好3底...........所以入口時只喺微暖熱-外殼大約1mm厚左近嘅範圍,真喺脆口-亞伯介紹要涼少少,就會脆口d........熱食時,脆口度會-低-裡面就喺充實料(我印象中食親都好似喺1/2空心)..........似食緊雞蛋糕咁,綿密.......都鬆架-蛋味唔強烈(可能要熱燙時才會明顯d).........甜度不高,比較食其原味同少少嘅燒烤味-我食淨1/2包.........晚上食,就真喺差好多...........-下次我要試吓剛出爐嘅新鮮熱貨 * 亞伯都好習慣要影相嘅食客..........佢見我拎住包雞蛋仔......

星期6特意到大坑搵野食XD食完早餐行番出去的時侯,,終於1見伯伯真目面仲有1陣陣炭燒的味道..好香@@即排隊買番底黎食..其實都唔算好長龍XD睇住伯伯整個雞蛋仔的過程..整完仲要等陣先入得袋..伯伯叫我影相唔好影佢個樣,,當然要尊重佢啦;)雞蛋仔外脆內軟..外面係深啡色的~新鮮整出黎..1放落口仲好熱下嫁@@!同其他地方的雞蛋仔唔同,,佢雖然有D似蛋糕仔..但係呢個蛋味好濃,,好似剛剛煎熟咗隻蛋的味道..佢粒粒都係有軟綿綿既餡..食落係先脆後軟咁XD如果再有機會要再買XD

吃過了豆漿、腸粉燒賣及熱狗等小吃之後，新一輪的攻勢重點，便落在從小便陪着許多港人成長的雞蛋仔了....吃過了不少地方的雞蛋仔，翹楚當然首推從前未變質的牛下炭爐出品及經常門外出現小人龍的北角利強記。小弟對用炭爐烘焙出來的雞蛋仔一向有特別的偏好，可能是總覺得經"炭燒"處理過的食物是特別的香，是有着一股懾人的魅力吧。所以除了牛下四眼哥哥的作品之外，這位長年駐守在大坑的伯伯做的雞蛋仔，對小弟也是有些莫名的吸引力呢.....吃過伯伯的雞蛋仔的食友們都應知道，他的出品跟其他地方做的最大分別，便是那像雞蛋糕仔般質感的蛋芯。許多朋友平常吃慣的都是外皮脆脆但內裡像吃着一咲空氣的出品，對伯伯的這類"另類"做法頗有點不以為然。小弟初嘗時也覺有點怪怪的，但吃多幾次有覺得這種做法卻是更實在的，何況這近乎與清蛋糕無異的蛋芯也做得不算很死實(這當然只限於即弄起即吃的時候啦)，最重要是蛋仔之間的"薄片"仍是脆卜卜，有蛋香之餘又有炭味。這一餅雞蛋仔，吃得我們兩口子大點吾頭.....兩種不同的雞蛋仔，可謂各師各法，各有各的擁躉及愛護者。對小弟來說，只要是好吃的都會是來者不拒始終自己是一個天生的饞嘴人嘛....沒辦法...

有人會爭論空心脆皮的雞蛋仔好味, 還是實心鬆軟的好味?我想各有捧場客, 但是我輩喜歡的不單是那個實心鬆軟的味道, 而是記憶中孩提時代的味道.這個伯伯不常開檔, 兩個炭爐, 一雙手; 每次相遇, 我總會得花十分鐘排隊等, 等一底剛出爐的雞蛋仔, 一種懷舊的味道, 一點回憶中的兒時情懷!

今日終於食到大坑既雞蛋仔同出面其他既雞蛋仔真係好唔同, 因為出面o個d係中間冇咩餡既, 但係大坑呢檔既雞蛋仔, 每一粒都好似蛋糕仔咁, 所以食完真係好飽外面係脆身, 但係真係食到口都乾哂食完滯到宜家(5個鐘)都仲未滯完所以我認為唔係個個人都會鍾意, 不過真係幾特別

三月十五日(星期日)今日同老公去花卉展覽,今年就決定到大坑吃個lunch才出發吧!第一站一早已經決定是炭爐雞蛋仔了,我們都十分喜歡吃炭爐雞蛋仔,與平時吃開的不同風味,但是香港只剩下兩檔其一的牛下炭爐雞蛋仔可能很快就消失了,我們下星期會再去!好好回味一下,珍惜珍惜!今日行過了皇仁書院後,見到對面馬路的一檔車仔檔,應該就是炭爐雞蛋仔!!!很興奮呢!前面有一個小朋友在等,伯伯是開檔一會而已!而且就捧場客了!果然厲害!伯伯毫每底雞蛋仔都十分細心,很專業的把每底弄得靚靚才賣回食客!!!而且control得很好!!敬業精神值得一讚雖然沒有平時的雞蛋仔香,反而滿是雞蛋味,不太甜,咬下去再看,十分足料!!外面有點脆,內面似是蛋糕!與別不同!!!!推介!

給大家一點提示, 想食到伯伯既雞蛋仔, 就要中午打後, 到下晝四,五點到佢就收檔ga la.仲有, 佢係夏天係唔開ga, 只係係入秋轉涼, 直到接近第二年夏天既時候先開檔. 而係佢既開檔季節, 佢又未必日日開. 所以, 呢位阿伯, 你想撞到佢, 係有啲隨機性既.我都食咗佢啲雞蛋仔四, 五年啦. 食慣咗佢嗰D, 就食唔落市面上好多其他檔既雞蛋仔. 市面上嗰D, 有d無蛋味, 有d得個脆字,有d就落牛油, 入到口咩都冇哂,(有啲人可能覺得係入口即融,但我不甚認同), 總覺得不是味兒.阿伯嗰d就外脆內軟有口感, 蛋味濃郁. 炭燒既焦香味同濃烈既蛋味, 你食又食到, 行過佢檔口附近聞都聞到. 份量對於我黎講真係好多, 因為佢粒粒都係有軟綿綿既餡既. 缺點可能係有時佢無客時會整定2,3 底, 你去買既時候佢多數唔會比新鮮出爐嗰底比你, haha, 佢都有啲狡猾ga. 總之新鮮出爐熱辣辣既最好食. 不過我都體諒佢呢點既, 因為佢再唔賣空閒時整定嗰D就會變凍冰冰ga la. 雖然有時我見到佢將唔係新鮮出爐嗰D比我我都有少少唔開心, 不過講真我幫襯咁多年都未從佢手上接過凍冰冰既, 同埋正如之前有其他食