無老鍋

營業中

休息中

無老鍋其實就是鼎王的另一個台式麻辣火鍋品牌, 所以當鼎王打着香港市場的時候, 我相信無老鍋也會不久在香港開分店, 果然如是. 可悲的是鼎王在香港的所有分店, 已經光榮結業, 幸好無老鍋在銅鑼灣和尖沙咀的店舖, 依然繼續苦苦支撐下去. 生意實在不易, 營業開初已經有晚市的折扣. 折扣之後比鼎王更抵食, 也就成了我在香港吃台式麻辣火鍋的首選, 風味是一回事, 侍應的服務態度, 真的很不錯, 例如鍋底和食品只是遲了一點點上枱, 在我們沒有任何投訴的情況下, 奉送整壺的酸梅湯, 我倆也覺得不需要這樣, 就是相當慷慨和有誠意.這裏的鴨血和豆腐是無限添家的, 其實我覺得普通豆腐比出名的冰淇淋豆腐更好吃, 除了更大塊之外, 豆香更濃而且大小不一的洞能夠給付着麻辣湯汁, 更為入味. 鴨血Q彈, 入味之餘也沒有怪味, 真的會有衝動一吃再吃. 肉品水準同樣不錯, 沒有冷藏怪味, 牛肉和豬肉基本上就是大家也會點的, 但這裏的羊肉油脂分布均勻, 羶味不會太重, 油脂和肉汁結合起來味道, 反而有驚喜.

點左豆腐白湯鍋同無老辣香鍋（鴛鴦鍋），出名係麵包豆腐同鴨血90分鐘無限任食，唔知係咪因為呢個原因所以食物冇咩選擇。豆腐白湯底採用雞骨，豬大骨，洋蔥，青蔥，薑同蒜頭等熬成既湯，仲有d中藥香辛料，台灣直送鴨血入口非常滑嫩。食物就叫咗台式丸，牛小排，羊肉同埋菜，因為真係冇咩選擇，數埋都唔知有冇20樣嘢俾你揀😅牛小排油脂分布幾均勻，辣鍋烚一烚已經好入味，味道好獨特入口又唔會真係太辣。最後送嘅沙冰就令我哋諗起台灣，味道差唔多。

今日老婆見悶悶地，就即興預約咗銅鑼灣打邊爐之前喺台灣無老銅就食得多，第一次喺香港食，除咗價錢貴咗啲之外，味道，環境都好好。仲可以免費任添白飯。鴨血同埋豆腐，都可以免費添加嗌咗兩個半份嘅牛，份量都唔算少，另外都嗌咗白蘿蔔同寬粉兩份牛其中一份好似叫牛頸脊，比較有韌，有少少後悔嗌咗佢另一份就係牛小排，質素比較好，唔會黐牙，口感不錯老婆太鍾意食蘿蔔同寬粉，價錢貴啲都照嗌咗，不過蘿蔔嘅質素都唔錯，冇渣同好甜除咗價錢貴dd之外，其他嘢都冇問題

天雷滚滚的一顿饭，老板雇用的服务员严重不足，服务基本没有。从进门开始就开始踩雷，reception强调必须人齐入座，用餐时间严格90min，结果自己龟速上菜，桌子也一直没坐满。前台还特地前调，让我们自己把桌号告诉朋友，不要再麻烦他（此处黑人问号脸）点菜开始更加崩溃，七个人配的火锅巨小一个，鸳鸯锅单边就一个拳头大。肉基本就是冻肉，一煮不停出沫。菜量巨小，200块6片肉，菜单图片几片就是几片。说到服务，店里人手严重不足，中间根本找不到人加汤，几次都要满场叫人，锅快烧干了才加上。等太久了想取消一个甜品，服务员非要逼着我们把点的两个甜品全部取消，因为“太忙了，来不及做”。有钱不赚，开的是个啥餐厅啊。建议大家避雷而行，想要看戏的，请吃饱再来体验涨见识！

今天拿了杯咖啡，中午12点半了店里明明就一桌人，店员还非要我们喝完再进去，老板要不要反省一下为什么生意这么差呢。我是不希望这家店关门才写的review，希望老板能看到

之前去台灣食過無老鍋覺得好食又平，早兩年嚟香港開個陣有諗過去食，但太多人排所以放棄咗。呢排想打邊爐至醒起佢，好彩仲係度，就book位去試吓。叫咗個鴛鴦湯底，無老香辣鍋配麵包豆腐鍋，一位湯底費都要$60-70，都幾貴。湯底味道同係台灣食印象中差唔多，最正係豆腐鴨血可以任添，而且好好食，加咗4-5次🤭食物嚟講其實唔會話特別好食，響鈴即炸有啲誠意，水蓮亦都新鮮，手工三色滑中瑤柱滑同蟹滑膏都幾特別，牛小排牛味都算濃，其他食物就普普通通。香港食真係貴好多，同一價錢可以去其他火鍋店食仲可以叫多啲嘢，下次都係去台灣至會食。

搵位度：🌟🌟好食度：🌟🌟🌟🌟🌟抵食度：🌟🌟🌟台式火鍋嚟講，我覺得無老鍋真係最正，喺香港食都keep到喺台灣嘅味道，最多係服務冇台灣咁好。第一次嚟食我推薦食晒鴛鴦鍋，因為鴨血喺麻辣鍋，我覺得好食少少。不過第二次打後我都淨係叫白湯底，冰淇淋豆腐，我覺得麻麻哋。因為價格偏貴我通常都係等佢有優惠先會來，例如之前OpenRice早啲食晚餐嘅時段呢係會有折，由於佢哋min pay所以會叫咗好多唔同嘅嘢食。推介食物有蝦滑，鵝腸其實好食，小蘇肉雞肉打邊爐都唔錯，大家叫開啲大路嘢都可以試吓。當日嚟到真係要瘋狂咁食佢啲免費豆腐同鴨血，加埋飲湯都回晒本。反而肥牛海鮮嗰啲我覺得普普通通。唔好唔記得飲佢個免費甜品水蜜桃沙冰。

相信大家去台灣旅行嘅時候都一定有聽過或者食過呢一間咁出名嘅餐廳，今次亦都係我第一次喺香港食到呢一間餐廳！我哋係下午嘅時候去！味道同台灣基本上一樣，令我覺得非常懷念台灣！✔️鵝腸，味道非常爽脆而且加埋湯底嘅味道令到佢嘅味道更加昇華，好少地方食到好食嘅鵝腸，鍾意食嘅朋友絕對唔可以錯過！✔️豚肉，味道嚟講，唔會有蘇味，我覺得整體上都合格，但係略嫌份量有少少唔夠，豬肉嘅味道上係可以，我會覺得係合格以上✔️台灣凍豆腐，豆腐加湯底簡直冇得輸，吸收晒所有嘅精華，而且熱辣辣非常好食！

台灣過江龍火鍋店🍲無老鍋係香港都開左一段時間，呢排台灣癮起 去打個台式火鍋止下癮先🤤叫咗個鴛鴦湯底，麵包豆腐湯可以先飲湯，然後再打邊爐。鴨血豆腐可以無限添加🤤豆腐索晒啲湯汁 好入味！上咗湯底之後，店員就即刻俾咗兩粒冰淇淋豆腐，店員提醒要快啲落唔係好快就會溶！食落好有雪糕嘅感覺 係台灣嘅味道啊！😍叫咗一個🌟牛肉嘅拼盤肉味好濃郁，而且一個價錢可以試幾款唔同嘅嘢😍另外叫咗個🌟老油條一樣索哂湯汁 好正🤤🌟綜合丸大讚牛丸啊！好彈牙，而且好有肉汁😍叫咗一個平時好少見嘅🌟黃喉都幾特別嘅口感，未食過嘅都可以試吓😌最後叫咗個🌟蔬菜盤入面竟然有白菜仔，平時自己打邊爐好少落白菜，原來都幾夾幾好食🤣

最近在銅鑼灣上課，多了機會探索港島區的餐廳週日放學後約了2位朋友到無老鍋吃晚飯。台式火鍋一向以服務周到和任食鴨血聞名。對上一次到台灣旅行已經是6年前，以前和朋友去台灣玩必吃台灣火鍋。幸好近年本地開了很多台式火鍋店，可以解饞友人一早在Openrice預訂了座位，可享訂座8折優惠我們6PM左右到店，客人不算多。3人被安排坐在窗旁的卡位，非常闊落舒適店內空間大，座位也不會很擠迫。無老鍋採用QR code自助落單系統，可以在手機內慢慢揀選自己想吃的菜。加了冰淇淋的湯底有淡淡雲呢拿味，湯底的豆腐味濃湯滾起後未落餸前先喝一口湯、吃一塊鴨血鴨血可以免費refill，店員也非常細心，見我們鴨血吃得七七八八，便主動替我們refill3個中年人打邊爐真的不可以叫太多餸，雖然只落單了一碟牛肉、一碟綜合餃、一盆菜和一個烏龍麵，最後還是吃撐了。特選手切牛拼盤看起來很新鮮。共有4款牛肉，除了白色那款外，其他3款都牛味濃。白色那款牛肉不知道是什麼部位，淥得太短時間的話會韌得難以咬開(應該是未熟XD)，建議淥長點時間才吃。綜合餃用料新鮮、好吃。溫馨提示，訂座8折優惠是不包括全日精選組合的。另外，烏龍麵也是非常好吃。吃

食物正常，最可惡係門口兩個職員西面加態度超差，吾會再幫襯帶子不新鮮，日本蠔、豚肉正常，蟹滑可以本來門口遇到啲咁差嘅態度嘅職員，我係想唔食嘅，但係費事出面銅鑼灣又要等位又唔知有冇位，所以先繼續食

呢間嘢乜都想賺到盡， 定位係高級台式火鍋，啲嘢食差過放題，湯底逐個位收已經唔合理， 鴛鴦鍋仲要加錢， 好明顯要賺到盡。座位坐唔滿，定位係高級火鍋但要限時， 我以為自己食緊放題，食品樣樣都貴，選擇又少， 仲要係交黎嗰啲普通貨， 完全冇手工嘢， 但碟碟收到貴一貴，最離譜係連擺盤都唔做， 用個豉油碟仔上菜，嘢已經難食， 賣相仲要差， 真係一肚火。 店員解釋點解要限時， 因為鴨血同豆腐都係無限加， 就係因爲呢兩樣cheap嘢要限時， 作為顧客我覺得不受尊重，大佬人哋真係任叫任食嗰啲先限時， 呢啲cheap嘢又要限時， 施捨咁款。最離譜係飲品竟然收過百蚊一 杯嘅普通嘢， 雖然我冇飲， 但竟然夠膽收呢個價錢， 真係好嘢。大家真係唔好做老襯， 講完。

鴛鴦鍋🥘冰淇淋豆腐鍋+無老辣香鍋冰淇淋豆腐鍋湯底好特別，其實系冇冰淇淋既😂，只系豆腐整到冰淇淋造型，冰淇淋豆腐用左花枝漿﹑魚漿同埋豆腐整成，要煮15分鐘，湯底白雪雪加左紅棗﹑杞子養生😝，無老辣香鍋唔會好辣，亦都唔系麻辣個種，可以放心🌶️，湯底濃唔洗點醬汁都得，入面有鴨血，紅棗，枝竹，豆腐同鴨血免費任加👍，火鍋配料選擇多，仲有台灣直送食材，打邊爐當然唔少得各款牛肉🔥，雪花紋理好靚.✨環境典雅，座位舒適，iPad自助下單，醬汁配料唔多，白飯任裝🍚，每枱都有壺茶，佢既茶帶有香味，仲會送水蜜桃沙冰🍧去油膩，火鍋食物高質不過香港始終唔抵食

無老鍋原來都係香港開左差不多兩年，終於醒起要去食下，拎返當年去台灣食果種感動。帶位果刻開始已經感受到服務既優質，內在環境舒服寬鬆，雖然兩人但都坐卡位，仲要窗口隔離，更加正。落單用iPad落，留意如果食鴛鴦湯底要額外加錢。我個人覺得食無老鍋係完全唔需要混醬汁，用醬汁浪費咗個湯底，侍應哥哥建議個湯底一到飲啖先，真係非常之好飲。材料我覺得未必同其他火鍋店比有太突出嘅地方，整體嚟講都正。呢度食嘢唔知點解可以儲埋K Dollars，加少少分。但有樣嘢真係唔係咁好，晚餐時段都淨係可以食90分鐘，實在唔夠同埋有啲急，希望可以改善。

無老鍋定位應該是鼎王的高貴版, 主打的是任食鴨血和豆腐, 以及其雪糕豆腐, 先說後者, 恕我直言外表似米田共多過雪糕呢, 哈哈! 口感比一般的豆腐更細滑, 但要多加十塊才有兩塊, 吃過就好! 麻辣湯底比鼎王的細緻, 特別是麻香和辣勁層次分明, 先麻後緩辣, 辣度也合適, 不太嚐辣的也可以接受. 至於另一邊是傳統的骨湯, 味道較為清淡, 至少喝起來沒有什麼人工味道, 還算可以.配菜的牛肉價格並不便宜, 水準可以, 牛小排肉質尚算嫩滑而雪花度也算可以. 比較有特色的是口感軟和帶實的切腸, 以及較大塊而爽脆的黃喉, 而且在吃到中途有沙冰提供, 味道也和台灣吃到的差不多. 除了價錢比台灣的貴外, 沒有太多為變而變的變化, 似從台灣原味也許就是其賣點, 但如果可以提供台灣的牛肉作打邊爐配料, 那就更有台灣風味.