無肉食 (堡壘街) (已結業)

朋友約咗我食飯，但係都諗唔到食啲咩、🧐🧐於是我朋友話不如提議下食齋，咁我哋就去咗呢間餐廳度食飯。👌喺門口見到呢間喺間素食嘅自助餐、選擇嘅款式非常之多。環境亦都非常之闊落，坐得好舒服。基本上有飯、有湯、飲品、不同類型嘅蔬菜同甜品都有。🍲其實佢哋有好多唔同款式嘅食物俾我哋選擇，例如春卷，波菜麵。我食咗一round都已經飽飽地🤣我最鍾意嘅就係食春卷同埋沙律。春卷入邊嘅喊真係非常之好食。沙律亦都非常之開胃。

講咗好耐，佢即將租約期滿，趁佢仲喺度就食咗先。第一次嚟北角店，多數去旺角或者荃灣，感覺地方都幾大；食物枱放正中間，睇落幾闊落；特別鍾意食佢個「滷水拼盤」個豆腐超入味。唔少人都買個外賣餐盒，塞到爆滿，蓋都冚唔到，好我誇張。📍 無肉食 (堡壘街) (北角)北角堡壘街10-16號華曦大廈地下B舖。好味指數：🌕🌕🌕🌕🌑回味指數：🌕🌕🌕🌕🌑

聽過好多人讚好「無肉食」，今日就請阿叔和細佬去試下。星期五、六、日、假期、假期前夕和齋期晚市每位$158。原來長者有優惠，每位減$15。原本晚市用餐限時90分鐘，但今天是星期五，竟然沒有限時，真是喜出望外！一進門口，有位很親切的姐姐招待我們，令人感到很舒服。我們是第一批客人到場，所以可以隨便選座位。 未到6pm開始的時間，食物區已準備了各式各樣的食物，但仍見有食物斷搬出來。6pm一到，忽然有一大班長者進來，取了外賣盒就到食物區取食物。我以為這間餐廳是專做外賣的，過，再過了一會，就有好多堂食的客人進來，最後是幾乎滿座呀！ 食物方便，選擇非常多，而且refill的速度很快，這款食完就會有另一款補上，我食到好飽都未能每一款都試完。食物的味道很不錯，尤其是齋义燒，真是很好味！可以知道㕑師是一位好有heart，好有創意的人。我食得好滿意。

朋友外地返港探望 我找來這間素食店吃自助餐 店內陳設像學校飯堂 簡潔清新 收銀員問有樂悠卡晚餐可減免$15一位 主動為我們減收👍😉 付錢後入座洗過杯筷即可以隨便取食物 款式都很多 有沙律炸物熱食湯飲糖水生果甜點 雖然長枱一張一眼睇哂都足夠大家飽肚 質素很好 可惜炸春卷有點靱 大部分食物都以低糖低鹽為主 為大家增添健康效力 可惜沒有炒飯炒麵之類 男士們可能不夠飽啊🫢😜臨尾見到店員用Jif 抹裝食物的不銹鋼盤 我們還未食完啊 有點不雅啊 請店舖注意一下吧 原來離開前是要自己清理枱面所有物品的 大家真的不為意 慌忙快快清理🤣😄

想試素食自助餐好耐喇！尋晚心思思好想試就決定今日下午茶時段一定要過嚟食～首先下午茶時段感覺冇咁多人，其二下午茶平18蚊！🤣🤣😁好抵呢老實講素菜款式就真係唔太多，但係就食自助餐嚟講$70有沙律、甜品、糖水、湯仲有洛神花茶飲你話係咪綽綽有餘！真係捧住個肚行出門口㗎！😆我自己推介沙律菜嘅粉紅色海藻、粒粒紅豆糕同埋綠茶麵！滿懷期待嘅香芋紫米露好稀好淡可以不試。炸物都ok架熱茶都好飲 唔係茶餐廳嗰種洗餐具茶嚟～睇落簡簡單單～～食完身心很滿足呢🍀推！

約埋幾位同事一齊去食😍已經選左年初二，都有很多街坊同付近上班的食客，都算旺場。 我同事有訂位，會安排「留座」，幾貼心。我地12:45入場，很多熟食都無曬，職員都keep 住有refill食物👍🏻 點評一下我食過既食物： 1. 炸芋頭 ❤️❤️❤️❤️❤️呢個簡直5星好評，好香脆，芋頭入面好夠味，真外脆內軟，好似見到無再refill我都食到三件。 2. 梅子洛神花水 凍既，酸酸甜甜，好開胃，我飲左一杯之後都無曬。 3. 烏冬 / 腸粉特別既炭水化合物得呢兩款，我個人覺得麵好好食，有味但唔鹹。同事個個都話腸粉好食😋 4. 波菜麵 （沙律個邊）見個樣無汁以為乾爭爭，點知好夠味，又唔鹹，有冷麵汁既味。 5. 蓮藕夠軟，食落唔會多絲👍🏻🤣 但因為次次食物未必一樣，只供參考。整體來講，呢間食素味道好掂，廚房煮出來既配搭/用色/食飯既款式都好多，幾用心既，希望keep 住，長做長有。 環境算唔錯👍🏻 有4人位，唔會太逼，行都鬆動。職員都好友善，可以八達通付錢，可以留位。會推薦朋友再來。

天天出街吃飯，經常是肉多菜少，所以每周一素是應該的，堅持才是健康的飲食習慣。今日決定午餐食素，人不太多，安靜又舒服。交錢💰後找個角落位坐下，靜下心❤來才開始食素。平時總是食冷盤先，今日想食熱的，先飲了碗葛湯，清熱祛濕，再取碟去揀喜歡的蔬菜。今天特別喜歡吃大芥菜，雖然有點苦，但苦口良藥，暑熱的天氣，吃些甘苦的食物，有助消暑解毒。又揀了苦瓜，茄子，西蘭花，椰菜花，蓮藕，四季豆，羅蔔，豆腐等，還有滷蛋，豆角炒蛋。非常美味。

Green Monday ~ 又係初一约咗朋友食lunch , 朋友是素食者，怕我唔啱食所以带我去素食自助餐。這次真是讓我大開眼界～原來素食自助餐也可以這麼豐富，能做出這麼多不同的菜式和味道，無論顏色賣相、香氣、味道、口感也非常好👍🏻。有南瓜、茄子、青椒天婦羅、壽司卷、炒麵、炒腸粉！應有盡有！還有甜品，花奶涼粉、紫米露，蓮子雪耳糖水呀！仲有棟嘅羅漢果茶！真係大滿足！看來我這隻食肉獸要把素食重新定位了！美味佳餚

雖然菜色一般，味道幾好，好多可以自己煮而且都係少失手易煮得好味，但我幾滿意好想讚下佢有幾項: 1）雖然後段不太忙，但工作人員仍keep住留意同refill, 永遠唔會唔理仲有小貓三四隻兼已收左你錢，好過好多酒店；2）除左小菜外，炸甜旦散同湯，水果都好好味要encore幾次(出面食到既我唔係好鐘意食，一般自助餐既湯我都唔會好飲），入貨要記一功。大埔多得利會好食d, 但佢係碟頭飯同較油膩，無肉食會較健康。3）環境好舒服自由唔迫，食完坐幾耐冇人白眼。初初覺得lunch 8x 好似貴左少少，但走果時好滿意，日後黎開北角會再黎。

-🦄無肉食-晚市 假日Buffet 大人 Hkd155/1Rating🌕🌕🌕🌖🌑-當出街又想食好多菜嘅時候我諗 有時候食素食自助餐都係一個好好嘅選擇而荃灣分店嘅無肉食 我都係第一次去食之前都係幫襯旺角同埋中環分店～荃灣分店嘅面積好似有啲細 不過食物供應充足！我哋準時18:00開始拎野食食物款式選擇都多 而且出得好快隔一陣又Refill又出新嘢 真係食唔切！每次出新野大家都好興奮好開心🤣呢個氣氛真心好正 其實好欣賞呢個Refill速度分分中仲快手過啲酒店嘅上菜速度呀😌👏🏻-澱粉質方面主要有炒飯/炒河粉/炒麵/腸粉我自己就無食到澱粉質 所以不作評論不過就咁睇色水好似唔錯 幾靚幾上色！-當然有一向好受歡迎嘅魚香茄子同埋炒豆角啦～-我想講炒蓮藕真係幾好食 好有驚喜嘅味道！一向食開蓮藕都可能係啲煲湯嘅蓮藕又或者係鹹味嘅蓮藕 但係呢度係酸酸甜甜架好似食緊咕嚕肉個隻味 好開胃好清新而且蓮藕口感都唔錯 幾爽幾好咬～-翠玉瓜爽口鮮甜 而西洋菜都幾好食～同行嘅屋企人好鍾意呢味菜不過佢只係出過一次就無再出了T^T-個人最鍾意食番茄炒蛋 住家飯老是常出現嘅菜式但係因為我都好耐冇食住家飯嚕所以好耐冇食過番茄炒蛋

呢間素食餐廳，衛生程度極之差。門口由早到晚，都放一堆垃圾和發泡膠箱，無公德心，阻住行人，見到都想嘔。完全不明白，斜對面都有間翠河茶餐廳，人哋乜嘢食物都有，都冇「冇肉食」咁污糟，唔會將一堆垃圾發泡膠箱放喺門口。

首先食物係唔錯既，但真係唔會再食因為眼見好多人都會將食過既碟拎返出去夾野食…同負責收銀既黑衫店員反映，竟然話環保，如果隻碟唔係太多汁就可以重用！嘩！衛生意識會唔會太差吖？呢個答案都真係直接反映到店舖既衛生情況，唔好話而家疫情，就算正常情況，自助餐用新碟應該係常識掛？啲客唔識，店員唔單止唔提醒，仲縱容甘做仲要店內本身就喺食物區附近寫左兩張告示，叫人拎野食戴口罩+唔好重用食過既碟…講一套但做一套。我係因為你呢張紙甘寫先有信心喺度食自助餐，但你自己既店員就竟然甘講，真係令人極之失望！！

記得食完要做返分類同throw rubbish✌🏻特別推薦大家✅Lunch Vegetarian Buffet💰$78《前菜》️🍜綠色冷麵，有口感，撈埋胡麻醬，正🥒青瓜，係好爽，酸酸地好開胃🟢秋葵，唔會硬口《炸物》炸物係唔會覺得油👻，炸粉薄又夠脆😍🍚炸飯波波，真係好特別，外脆內軟，異常好食😂🫔春卷，兩隻都好食，一隻似腐皮卷，另一隻就係傳統脆春卷🎃 南瓜天婦羅，個炸皮夠晒薄，南瓜又甜《熱食》勁多種類😎，每樣夾少少試晒佢🟩四季豆，好嫩，好夠味🍆茄子，夠晒淋，好入味🥚蒸蛋，勁滑《湯、甜品、飲品》依三樣都係得一款，睇吓你撞啱邊款😌🥘湯係好足料，唔好以為唔落肉就唔夠味🥣個人就鍾意椰汁紫米，唔太甜又有紫米香🥤紅菜頭汁同羅漢果都唔會太濃，清清哋，好啱配素*佢唔繁忙嘅話係唔會趕你走😌，可以慢慢食，佢又會不斷refill新嘅食物，好多種類，次次唔同🥰**Dinner係會有埋甜品，見過有芝士撻🧀🤭***餐廳環境好好，夠舒服同闊落🤙🏻

根據營養学資料，健康飲食需要每天吃三十種食物，都市人很難做到，這裡的素食自助餐，可以滿足以上要求。我大概數了數；第一碟有羽衣甘藍，白羅卜，青瓜，火龍果，雲耳，茄子，秋葵，彩椒，腐皮，蘑菇。第二碟有蛋，窩筍，苦瓜，玉米心，菠蘿，密桃，淮山，四季豆，番茄，蓮藕，椰菜花，松茸菌。第三碟有番薯苗，黃牙白，薯仔，杏鮑菇，珊瑚草，再加上湯裡的椰子，甘筍，雲耳，青羅卜，羅漢果，不能盡錄，非常豐富了。

唔想成日食肉？有朋友係素食者？想食自助餐？仲想一次過滿足3個願望？可以試下素食自助餐，仲可以試到唔同款式嘅素食。 🔔用餐時間為90分鐘🔔先付款後用餐，自助形式，需要自行收盤 素食自助晚餐 ($138)因為提早入座，睇住店員用心咁放置食物，食物種類好多，有中、日、韓、意、印等唔同菜式，就輕輕介紹幾款食物 韓式炸雞💕用椰菜花做，將炸粉包好然後炸再加韓式辣醬 滷水拼盤有滷水蛋滷水豆腐，仲有滷水素雞 洛神花茶自助餐包呢一款涼茶，唔洗怕冇飲品 以下係一啲比較特別嘅菜式：韓式紫菜飯球麻醬秋葵日式麻醬豆腐日式冷麵涼拌皮蛋素Pizza 好味指數 🌕🌕🌕🌕🌗抵食指數 🌕🌕🌕🌕🌗打卡指數 🌕🌕🌕🌑🌑推介指數 🌕🌕🌕🌕🌗