焱燒串燒專門店 (已結業)

其實好少係佐敦食嘢，今次因爲去探朋友，所以順便係附近食埋晚餐。朋友帶路搵食，知我鍾意摸下酒杯底，於是去咗呢間「焱串燒」。朋友之前買過外賣試過不錯，今次搵我陪佢坐低食餐飽。店子不太，門口設有一張檯，半露天方便吸煙既朋友仔坐。如果怕熱可以選擇坐店內，店內大概有四張檯。點餐係用QR code 自助落單。食物種類十分多。除了一般常見肉類（豬、牛、羊、雞）串燒，亦有蔬菜類，仲有很多款海鮮類。餐廳亦提供有兩款香辣粉供客人自助使用，一隻微辣有花生《秘製香辣粉》，我就喜歡另一隻《辣椒粉》較香辣，大家可以隨自己喜好去試。蔬菜類點咗最愛《原條蒜香茄子》（$35），茄子肉厚，面層鋪上大量香濃蒜蓉醬汁，茄子皮吾會燒燶曬，第一次可以連皮都食埋。另外燒《韮菜》（$14）好嫩好出色，吾會燒到乾曬，仍保存菜汁而且冇根吾黐牙，呢兩款蔬菜推介必食。邪惡《盬燒香脆雞皮》（$20）係吾少得，呢個就反而鍾意佢夠乾身，脆卜卜而又吾會焦燶曬，甘香雞油回味。推介必食！餐廳推介《焱燒自家製叉燒串》（$18）真係值得一試，味道醃製不錯，叉燒肉爽彈。點咗至愛《汁燒白鱔》（$38），肉厚肥美，燒到塊皮少少乾脆，而又保存肉汁，好昧價錢又合理。

好失望，無一樣野係燒出黎既，基本都係微波爐或者焗爐叮出黎，點解我會知？因為我由落單，唔洗5分鐘就上齊餸。正常燒烤無咁快吧。仲有啲服務態度我真係覺得非常之一般咯。

隱世串燒店！地鐵站行過去都行咗一段時間，鋪面唔大，但裝修得幾靚，唔係好多位，但見成晚其實都好full，唔少都係回頭客🙊枱面有幾款調味粉任落，想食幾辣幾重口味都得！整體食物都燒得幾唔錯，食材都好新鮮，推介👅👍🏻1. 鹽燒牛舌芯（$38）：厚切👍🏻彈牙牛味重2. 鹽燒雞軟骨（$16）：好juicy，軟骨同脂肪比例把握得好好3. 汁燒火雞腎（$16）：唔會好難咬，口感好正，冇怪味4. 蒜蓉原隻燒聖子（時價，當日係$128三隻）：新鮮大隻，肉質飽滿爽口，蒜蓉好多好香口5. 娃娃菜（$12）：清甜多汁，燒烤必食6. 秋葵（$12）：正正常常～7. 韭菜（$12）：份量幾多，燒過嘅韭菜味道更加突出8. 蒜蓉清酒焗蜆（$42）：酒味唔太重可能揮發曬，蜆新鮮冇咩沙，不過有啲係空殼9. 蒜蓉焗雜菇（$30）：蒜蓉味重，菇好juicy10. 汁燒大啡菇（$20）：比雜菇更多汁！菇味好濃郁11. 椒鹽燒魷魚蘇（$22）：略嫌乾咗少少，本身冇咩味要自己落辣椒粉12. 台灣腸（$28）：有兩條，好有台灣風味嘅味道13. 日本甜薯（$12）：香甜軟糯，一啖一粒14. 燒菠蘿（$16）：燒過之後更加多汁，果香味重，

佢既食物選擇都幾多, 所有食物都係即叫即燒, 想食海鮮既卜位既時候要留定, 因為老闆係即日去買嫁😊 呢度係自助用QR code 落單, 所以非常方便, 又可以避免錯單既機會👍🏽今次都叫左唔少既野, 大部分都好好食, 其中我覺得必試既係焱燒自家製叉燒串🐖($18)整到好入味, 肉質好嫩同Juicy😊汁燒火雞腎🦃($16)大大粒火雞腎好爽脆, 配埋個沙嗲醬好正😋翠玉瓜🥒($13)好厚, 好甜, 好Juicy, 配埋上面既調味料係一流😚蒜蓉焗娃娃菜🥬($30)一大兜娃娃菜好清甜, 配埋蒜蓉完全係冇得輸🤩日本甜薯🍠($12)口感好煙韌, 甜味唔會假, 感覺係比較高級既甜薯😍芝士豆卜🧀($14)一分為二既豆卜塗上黑松露味融芝士, 出奇地夾得黎黑松露味又勁香, 必點✅ 原殼燒生蠔(3蒜蓉3白汁芝士)🦪($148)可以揀唔同調味去焗, 今次揀左各一, 始終都係蒜蓉加味粉去燒比較夾, 芝士相對地比較冇咁夾🥳原雙燒聖子🥢($148)超大既聖子簡單地用蒜蓉去燒, 啖啖肉同埋食得出好新鮮🤤燒鮑魚🍽($118)鮑魚只係用左簡單既調味加少少蔥花去燒, 口感好彈牙一啲都唔韌😙呢度既所有串燒都會跟一個泰式青辣椒醬同

今日去咗佐敦一間小店食串燒～唔好睇呢間舖頭細細間，但係其實佢嘅傳銷款式都幾多，而且舖頭嘅裝飾都幾有心思～見到有鵝肝多士，二話不說點左兩舊！鵝肝個size都OK，仲有啲蔥花喺面，配埋多士一齊食都唔錯。串燒仲叫咗羊肉串，牛舌，雞皮，酸甜雞翼，雞內臟，五花腩，羊架，白鱔，韭菜，菠蘿。其中我覺得雞翼同埋白鱔係最好味，白鱔肉厚又多汁，雞翼都好Juicy~ 而最特別就係雞內臟，佢有雞乾，雞腎，同埋雞子，第一次食雞子，燒完嘅口感我都覺得幾好，唔會滑潺潺，其實都幾香！除咗串燒，仲有啲炸物，叫咗個好邪惡嘅炸鵪鶉蛋，炸榴槤波！雖然炸榴槤球係平時放題會食到嘅嗰隻，但其實我覺得佢真係好好食🤣

今日黎到位於佐敦新開既串燒店食晚飯, 估唔到小小既串燒店俾到我咁大驚喜!!6點幾到既時候都唔多人, 但到左7點到就差唔多FULL喇, 避免冇位真係要BK位先得喇~~呢道可以用QR code落單or tick餐牌~~食物種類方面2版紙一目了然有肉類, 菜, 海鮮, 丸等等串燒, 都幾豐富丫!飲品就有啤酒汽水, 仲有清酒梅酒添~~多款飲品~~叫左好多唔同種類既串燒~師傅將佢地放係一個大盤到, 感覺好正好豐富!!!鹽燒安格斯一口牛 $38 安格斯BITE SIZE容易食而且肉質軟腍 ~~鹽燒雞軟骨 $16$16串好抵食喔, 燒得入味又脆口!土匪雞翼(3隻) $25外皮微脆內軟, 雞肉幼嫩~金菇肥牛卷 $22燒汁好味味, 肥牛甘香台灣腸 (2條) $28口感結實, 煙韌多汁BB露筍 $12好cute既BB露筍, 每條都好幼嫩~~焱燒自家製叉燒串 $18叉燒有燶邊架 肉質軟嫩多汁~原條蒜香茄子 $35茄子燒得軟軟的~~蒜味好香好入味, 原條燒真係好正清酒蒜蓉焗蜆 $42清酒&蒜蓉味濃郁, 蜆完全冇沙鹽燒多春魚 $28多春魚有4條, 每條都燒得香脆, 全部都有春卜卜脆燒焦糖菠蘿 $16燒菠蘿幾時都

偉晴街呢間串燒店雖然空間不大，但牆身的五光十色的霓虹燈令我好似身處酒吧一樣，店舖除咗串燒外，更提供多款啤酒🍻及日本酒選擇，叫野食係用QR code 手機落單，所以叫錯嘅基律係微乎其微。每張枱都放咗自家製香辣粉方便客人自己調教串燒的辣味😀😀鹽燒生舌芯$38焱燒黑椒牛仔骨$38焱燒自家製叉燒串$18麻辣五花腩$20焱燒香烤羊架$45煙肉韮菜卷$20甜辣雞翼（3隻）$25肉類質素都平衡，正常水準，有鹽燒、黑椒、麻辣不同口味，不過串燒我都係最鐘意燒五花腩😋😋汁燒白鱔$38椒鹽燒魷魚鬚$22白鱔好肥美，魷魚鬚Q彈😋😋原條蒜香茄子$35韮菜$14汁燒大啡菇$20覆蓋茄子蒜蓉份量啱啱好，厚肉大啡菇吸收晒燒汁，燒韮菜好翠嫩😋燒年糕$18放滿紫菜的燒年糕，鹹鹹甜甜，食落都煙煙韌韌有咬口。炸生蠔（半打）$36吉列炸蝦（4雙）$28炸一口梦士（5粒)$28D24榴連炸彈（2粒）$30除串燒外，一定不要錯過炸物，廚師手勢好好，炸物唔會太油膩夠乾身，外層酥脆，食到每種食物的原味道👍👍零系可樂（2罐）$24

焱燒串燒專門店最近同朋友係佐敦嗰邊食宵夜，有間新開嘅串燒舖叫焱燒串燒專門店，門口已經聞到串燒嘅香味，而且價錢唔算貴，平均都係$20串我哋都叫左好多野…😝 肉類：鹽燒牛舌芯、焱燒孜然牛肉串、汁燒五花腩、香草豬頸肉、鹽燒雞軟骨、土匪雞翼、鹽燒香脆雞皮，佢哋嘅肉類串燒都好惹味，夠調味但又唔會太重味精味同埋太鹹，另外仲有配兩款醬汁，兩款都係比較泰式風味嘅，一款係泰式青醬，另外一款係燒汁推薦大家試下鹽燒牛舌芯、土匪雞翼 - 一份3隻，好香孜然、表皮燒到脆卜卜、鹽燒香脆雞皮 - 以往都淨係見到日本串燒店有燒雞皮，出面比較少蔬菜類：Bb露荀、娃娃菜、芝士豆卜、大啡菇、焗金菇本來以為佢哋嘅娃娃菜係一片片菜葉串住嚟燒，但原來係半個娃娃菜直接拎去燒，面頭再加啲調味粉，仲有菇類串燒都好香，大啡菇入面好Juicy特色類：炸一口芝士、炸生蠔、煙肉帶子卷，啲炸嘢炸到金黃色好靚，推薦佢哋炸一口芝士😝佢哋有好多串燒選擇，另外仲有各款啤酒，宵夜就係要食呢啲～😎#宵夜#油尖旺美食#串燒

夜媽媽見肚餓想食宵夜，諗黎諗去都係食串燒最好，食幾多叫幾多。呢間焱燒串燒性價比，串燒嘅款式種類又多，牛、豬、雞、羊、海鮮、蔬菜應有盡有，仲有冷盤、小食同炸物。原隻燒蟶子 @$60大大隻蟶子我哋叫咗兩隻，用大量蒜蓉鋪面燒，上枱已經聞到好香蒜味。蟶子肉質爽彈，味道鮮甜仲好多汁。鹽燒多春魚 $28多春魚燒到勁脆身，魚尾位置咬落卜卜脆。魚身飽滿，食落鹹香，仲有滿滿嘅魚春，一份有4條都幾抵食。汁燒白鱔 @$38白鱔厚身，肉質偏爽彈，魚皮燒得香脆。鹽燒牛舌芯 $38爽口得黎唔韌，牛味香濃。焱燒自家製叉燒串 $18個醬汁香甜，叉燒入味，肥瘦適中，而且都幾腍。焱燒香烤羊架 $45羊架唔羶，肉質都算腍。燒焦糖菠蘿 @$16大推燒菠蘿，面頭有焦糖，賣相金黃勁吸睛，食落超香甜菠蘿味，仲要係爆汁。汁燒大啡菇 $20大啡菇充滿水份，非常juicy。蒜蓉焗帆立貝 $38將牛油、蒜蓉同帆立貝用錫紙包住一齊焗，d帆立貝勁香濃牛油味。煙肉車厘茄卷 $18香口煙肉卷住爆汁香甜車厘茄，口感味道都非常有層次。餐廳提供自家製嘅沙嗲醬同咖哩汁用黎點串燒食，醬汁惹味香濃，正！。。焱燒串燒專門店 (佐敦)佐敦偉晴街81-87號翡翠閣

今日黎接朋友收工，之前都聽佢成日話佐敦有好多好野食，今次佢就介紹左呢間串燒店叫我地一齊試下！平時我都好鍾意食串燒，熱辣辣又好香口！呢間鋪好易搵，入面既裝修都好有心思，好多好靚既霓虹燈可以打卡，氣氛一流👍🏻❤️鹽燒安格斯一口牛($38)同埋鹽燒牛舌心($38)呢兩個真係好好食，好有牛味，肉汁又好豐富，第二round又有再encore! 我同朋友都覺得好好食，必試推介。❤️原條蒜香茄子($35)同蒜蓉焗金菇($30)基本上都係次次食串燒都必嗌既野食，呢間店好值得讚既係啲調味料落得岩岩好，唔會好死咸但又好夠味，熱辣辣咁食真係100分 😍❤️甜辣雞翼一set有三隻($25)，調味好好食好惹味，雞肉都好juicy。而焱燒黑椒牛仔骨($38)一共有四件，係食肉獸既性價比之選，肉味香濃，推介比大家下次黎都值得叫！❤️而朋友最鍾意既係汁燒自鱔($38)、燒韮菜($14)同埋鹽燒香脆雞皮($20)。 佢話白鱔燒到個皮脆肉嫩，好好食。韮菜就好新鮮。雞皮就係次次食串燒都會叫，因為平時係街都好少會食到！ ❤️調味方面呢間鋪頭仲有自家製既沙嗲汁同海鮮汁，沙嗲汁好香濃，點肉類既串燒好惹味；而海鮮汁比較似泰式味，係酸酸辣辣咁

最近跟朋友買了佐敦一間抱石場的月票，經常要到附近吃午餐和晚餐。以前也不知道，近著柯士甸站一帶有那麼多新餐廳。這間新串燒店聽名字有三個「火」字感覺就很有鑊氣了，店內有很多特色字句的霓虹燈。餐牌上林林總總的串燒選擇很多，價錢相對市區較便宜，想不到份量比起出面的更多，而且免加一服務費，真的非常划算。焱燒孜然牛肉串 - $18/1芳香的孜然粉掩蓋牛的膻味，好鮮嫩。焱燒自家製叉燒串 - $18/1豬肉的油份比較多，口感較爽口。孜然雞柳串 - $16/1雪白的雞肉頗嫩滑多汁。孜然羊肉串 - $22/1羊肉完全不羶。椒鹽燒魷魚鬚 - $22/1爽滑彈牙的魷魚鬚，邊位有點焦脆，濃郁的椒鹽有點辛辣。原條蒜香茄子 - $35茄子肉厚又大條，滿佈惹味的蒜蓉，更有少少辣椒刺激感，拉出一絲絲茄肉好柔嫩。清酒蒜蓉焗蜆 - $42份量頗多的蜆肉很鮮甜，吐沙得仔細沒有沙，有陣陣清酒幽香和濃濃蒜香。台灣腸 - $28香脆的外皮，咬開紮實的肉餡很重香料味，一共有兩串。土匪雞翼 - $25/3滿佈香濃的孜然粉，雞肉好嫩滑香口。汁燒大啡菇 - $20厚肉多汁的大啡菇好鮮甜，汁燒增添幾分惹味，更可選白汁芝士。煙肉帶子卷 - $

一到夜晚熱死辣辣就好想啤啤佢 又點少得食串燒👅👅👅📍焱燒自家製叉燒串個叉燒串又真係港式叉燒黎 估佢唔到地又幾惹味！唔會太肥/太靭 個汁一啲都唔咸 必叫佢！！！📍椒鹽鮮魷魚鬚好香椒鹽味 食落冇燒到乾爭爭 份量少左啲 但$22黎講已經好值！📍燒焦糖菠蘿一咬落口好脆！果然coat左層焦糖係面 脆扑扑但又唔會太厚太甜 解膩一流！📍鹽燒牛舌心佢將啲牛舌切做一粒粒 再串埋做一串 好方便🙌🏽個人認為有啲重手 偏咸 但燒得一啲都唔老 爽口(⁎⁍̴̛ᴗ⁍̴̛⁎)📍鹽燒安格斯一口牛啲安格斯牛好淋 仲有少少juice 係入面 可以一試！反而呢串牛唔係好咸 會推介安格斯一口牛多過牛舌心啦😛😛📍原燒玉子呢個玉子串係好厚！啖啖都係玉子！同埋應該有落糖 好甜😋😋韮菜📍鹽燒鯖魚條鯖魚size可接受 都夠咸 mami鐘意沾埋佢自家製海鮮汁（明明已經係鯖魚 但mami就係堅持要沾埋佢個自家製汁汁 就是好食啦！但mami冇影兜汁 想試想見就自己去幫襯啦😛📍原條蒜香茄子成條茄子超足料 重蒜係基本 佢都好達到要求！重蒜重椒鹽粉夠曬重口味😘 整體黎講啲串燒都係即燒即上,真係好快啲食 因為冷氣好勁 好快凍！！！！但大熱天時就係要冷氣夠勁

焱燒串燒專門店 (佐敦)佐敦偉晴街81-87號翡翠閣地下B號舖免冶軟骨雞肉棒X2 HK$ 40 雞肉棒啖啖肉，一大口好爽，肉質鮮美！焱燒香烤羊架 HK$ 45羊架肉質鮮嫩，無乜羶味，烤味佐料味極香口，肉汁較少但唔會有乾嘅感覺，恰到好處。原條蒜香茄子 HK$ 35茄子一條條軟熟香口，有多蒜蓉增添濃郁香味，正！四季豆 HK$ 10好嫩嘅四季豆條條爽脆，有野菜味又有煙香味，爽！秋葵 HK$ 15烤秋葵爽口香脆，味道唔錯，黏度控制得宜。燒焦糖菠蘿 HK$ 16好甜好爽嘅菠蘿經烤過多咗層碳香，味道好特別又好味！鵝肝多士 HK$ 68鵝肝油香又唔膩，多士烘得香脆，同肝油不謀而合。椒鹽燒魷魚鬚 HK$ 22烤魷魚鬚唔會乾硬，口感仲要非常好，海鮮味亦有保留得好好。芥末八爪魚HK$ 32混合咗野菜、八爪魚、同芥末調製嘅醬汁，風味十足！冰極檸檬茶 HK$ 12日式燒烤配冰極檸檬茶非常合適！秘製燒春雞 (半隻) HK$ 78半隻燒春雞肉質嫩滑，香料味道濃郁，雞皮香脆！孜然羊肉串 HK$ 22羊肉烤得好香，調味有新疆風味，非常出色。鹽燒安格斯一口牛 HK$ 38調味相當好，一口牛大小剛好，牛油香同碳香完美結合

雖然平時鐘意食日本野多，但港式野都有佢既魅力，間唔時都想食下街坊野，今晚搵到間好坐既串燒店。燒蟶子非常出色，大愛蒜蓉唔洗本咁鋪滿哂成條蟶子，香口到爆。 最重要當然係蟶子本身夠哂大隻厚肉，勁鮮甜，60蚊一隻我覺得物有所值。開邊虎蝦真係夠大隻，食得出係新鮮係街市買返黎開邊。原條蒜香茄子可以話係性價比之王，大大條食極都仲有。 鐘意茄子燒得熟透好腍滑，雖然調味睇落好深色咁，但食落唔會太咸，食到食材原味。清酒蒜蓉焗蜆份量好多，蜆肉係彈牙鮮甜既，但個人覺得再大隻d減份量會更好。雞泡魚干幾有驚喜，燒得好香唔會乾柴，仲食到水潤既魚肉質地，仲有兩塊咁多，抵食。另外比較深印象仲有麻辣五花腩同焱燒自家製叉燒串，前者夠甘香有肉汁，後者自家調味勁惹味，有衝動即時encore多串。

餐前小食雞泡魚乾和椒鹽燒魷魚鬚係必食！燒得不會乾身，又不韌，加上沙律醬特別好吃。炸鵪鶉蛋係第一次食，外層超脆卜卜，令簡單的菜式加添新意。海鮮類燒蠔 (芝士&蒜蓉)最少要半打起，蒜蓉好惹味，芝士就香濃，就算有咁濃味的調味，蠔鮮味仍保留到，燒完後，蠔肉不會縮小仲好多汁！蒜蓉帆立貝鮮嫩又美味，而且都好多粒，好抵食！清酒蒜蓉焗蜆蒜香味濃，仲有淡淡清酒香味。汁燒白鱔皮脆肉爽，帶點燒汁嘅甜味。蔬菜水果類尖椒唔好俾佢細小的外表呃到，一小口已經辣得非常過癮！包你食完醒神晒！雞髀菇夠厚身，非常彈牙juicy。煙肉車厘茄卷呢個配搭一流，酸酸地嘅車厘茄可以減低煙肉嘅肥膩感。燒焦糖菠蘿係必食嘅甜品，焦糖覆蓋係菠蘿嘅表面，食落酸中帶甜。除此之外仲叫咗免治雞肉軟骨棒同燒年糕，免治雞肉軟骨棒淡淡雞肉當中又有粒粒嘅軟骨，口感新奇有趣。燒年糕非常煙韌，配上醬汁非常美味。所有串燒即叫即燒，送上沙爹汁、泰式醬、自家製辣椒粉等等，多種配搭！價錢好平，可以盡情叫，嗌到成枱都吾洗500元(2個人份量)