煮廚 (已結業)

同朋友一齊出黎食餐飯傾下計，呢間店就幾岩啦，叫幾個小炒就差唔多啦，呢度噶服務態度都幾好噶，個人就比較推薦過個沙爹肥牛粉絲煲，賣相唔錯分量都算ok啦，味道都唔錯，仲有火腿浸娃娃菜都好受歡迎！

即慶同朋友食dinner, 揀左朋友仔屋企附近嘅士美菲路熟食中心,夠哂方便就夠小炒皇味道ok, 金沙鮮魷都幾特別，比平時食開嘅椒鹽鮮魷多左一種咸香味反而雞煲就麻麻地喇肉質雖然算滑，但咬落無味，而且雞嘅數量好少，相比另外果幾款小菜，相差太遠喇，希望下次帶改善啦。

原本諗住同朋友去西環熟食中心食好出名雞煲，點知原來星期三休息，所以我哋就去咗隔離鋪《煮廚》試吓佢的雞煲。重慶麻辣雞煲$118(半隻）好失望的雞煲我食第一口，發現雞肉未熟，大約5成熟同侍應反映，佢連sorry 都無講，直接比左個爐我地，叫我地再煲下隻雞！但係本身個雞煲都冇咩汁，所以我哋要求要少少雞汁我們煮返熟d雞。佢就俾咗打邊爐嘅普通湯我們倒落去，不過加左普通湯個味會不一樣！另外，本身半隻雞的份量比較少，辣味為主，沒有什麼麻味，所以覺得有點失望。金沙鮮魷 $88外皮炸得唔脆，應該要打鹹蛋落去嘅時候，火候掌握得唔好！所以成碟都好油，同好唔脆！總括來講，失望。😋味道: 2/10💸性價比:1/10🍽回頭率:1/10

夜晚興致勃勃約朋友去食雞煲點知冇留意原來逢星期三唔開😳又費時行返去 見到隔離間鋪都幾多人食就試下本人係雞煲控，見到有雞煲當然要試下半隻$118, 1隻$218，價錢上都算平同公正一於見半隻試下先上菜個陣都好熱辣辣，不過香味唔太濃郁，份量都一般食落雞肉都還嫩口，炒得少少入味，但味道唔太濃郁同麻辣味得好少雞煲控表示好失望😢重點重點係---竟然唔熟，見到粉紅色喎個員工比個gas爐我地煮返熟😰但又唔比湯，整到差d燶，好彩我地及時強烈要湯加左湯(水)後的雞煲，真係完全唔係個回事半隻雞配上淡淡的雞煲汁送飯都還食得過諗住打下邊爐，但選擇真係好少諗住叫個菜碌下碌下但都要$68田園籃咁不如我叫個小菜食仲抵又要冇烏冬冇公仔面，打邊爐必備的😢另外叫左個小菜--金沙鮮魷 (佢推介)一黎到見到個樣都真係下左一聲個漿係薄但係好淋好淋，冇炸過的香脆而咸蛋黄份量唔多同唔香，又掛唔上係鮮魷食到一半個碟就好油同好油唯一的好就係個鮮魷整得嫩口，唔“鞋”身仲叫左個自家制竹蔗茅根水味道幾清同唔太甜不過味道唔突出總括黎講: 環境坐得舒服但滴水😢，不過食物質素好一般，雞煲仲要係生，真係失望

想食大排檔風味，不過又唔想去附近嘅煲仔飯狂等到2046，聽聞呢度街市嘅大排檔好出名，就試試啦。叫菜之後，等左大約15-20分鐘先有菜黎。第一個係紅燒豆腐，其實，呢個係好普通嘅菜，普通嘅味道，無咩大驚喜，都無咩特別差，味道咸左小小，蠔油多左小小，過得去啦。第二係金沙鮮魷，味道十足，不過濕左啲，咬感就差左，應該係因為要快而求其左。第三係薑汁芥蘭，菜算係新鮮，不過薑汁麻麻，鑊氣普通，應該係因為用水拖得太耐，無左應該有嘅鑊味。第四係臘味糯米飯，料十足，味道中上，都因為咁多料，好難味道會差，不過都要一提，飯雖然一粒一粒，無一pat pat，但調味都係差啲啲，呢個應該係咁多之中比較好。第五係沙拉肉排，見到相都應該問，呢pat係咩黎架？正正係我見到第一眼嘅問題。咬落，肉排好可能拖油唔夠，咬落比較一pat，再者有可能因為外面嘅醬滴滴吓，真係有啲。。。。感覺麻麻，味道都普通。最後係扁豆，平常係欖菜炒，會野味好多，不過試試呢個呀。好，全部野都拖油唔夠，食落味道已經差啲，肉好油，辣椒都出唔到味，豆就普通啦，有啲味，不過都係一樣，差鑊氣。食後感: 呢度煮咩都快為主，將好多應該要做嘅野都簡化左，不過因為簡化左後

身為西環人，都好少入士菲熟食中心搵食。屋企人想食有火喉嘅平價小炒，我就提議去試下煮廚，試下新野。一入到去，老闆娘好熱情，仲扶住兩位老人家坐低。以熟食中心嚟講， 士菲呢個都算幾乾淨，又有冷氣。天氣甘熱冇冷氣嘅真係搞唔掂！周圍熱氛都好熱鬧呀！一行四人叫左五樣野。第一道係椒鹽鮮魷。炸得好香脆可口，炸漿夠曬薄，唔會咬落口成口炸粉同好油！第二道 沙爹肥牛粉絲煲。賣相麻麻地，連相都冇影到😂 比較淡口，味道似沙茶醬多過沙爹醬。 牛肉煮得過熟，比較"鞋口"第三道 火腿蓉浸娃娃菜。一餐飯點都會叫碟菜食下。正常野，所以都係冇影相啦。第四道 窩貼小棠菜墨魚餅。呢個係老闆娘重點推介我地必食。呢個的確好有驚喜呀！窩貼皮炸得香脆無比，而且一啲都唔油膩！墨魚餡混入左小棠菜令到個口感更加豐富同埋彈牙，兩位老人家食到舔舔脷！第五道 大煲炒飯。用瓦煲裝住上， 熱辣辣香噴噴，而且份量非常驚人。好香蝦醬味，用料都幾豐富。 四個人都食唔晒，打包返屋企第二日再食過😂每人都唔使＄100埋單，經濟又實惠，要搵多啲機會再嚟食多啲！

一班人食飯，黎熟食中心可以叫多幾樣野，而且實食得飽，價錢又經濟。椒鹽魷魚：最好食呢個！炸得唔脆，但炸醬薄，魷魚質感實在，軟熟，有鮮味。蠔仔蛋：份量大，本身比較淡味，蠔仔幾多，可以點魚露食。雞煲：份量似乎偏少，雞肉質一般，麻味幾重。生魚片白菜魚湯：魚湯勁咸，令菜都偏咸，菜份量應多點，不太夠分食，生魚片薄薄地都ok。蒜蓉開邊中蝦：呢個比較差，蝦好細隻，似乎未算中蝦，用黎開邊蒸好勉強，又蒸得較熟，蒜蓉味道則幾好，底下有不少粉絲。大煲炒飯：份量驚人，幾香蝦膏味，有啲蝦仔，用料唔少，但較咸。

教跳阿根廷探戈o既KP老師相約聚餐，原本係想介紹學生及好友們食士美菲路市政大廈街市熟食中心內最出名o既清湯腩，點知晚上七時半前，該店已經賣哂清湯腩，我地唯有喺中心度另覓美食。喺熟食中心食野其實就好似喺商場food court咁，只要有位坐，就可於不同食檔購買食物，唯一規限係要即時找數。我地五個人為舒服方便起見，就隨便揀咗間有大枱o既「煮廚」。對於居灣仔o既小肥黎講，士美菲路市政大廈街市熟食中心地點真係有啲隔涉，因為地鐡唔到，的士估計都要成舊水，如果搭電車，車程亦較遠及需時；當日選擇咗乘坐巴士，結果塞咗成個鐘先到。熟食中心內座位大多為接枱接櫈，被食肆包圍，集中於大堂中央，雖然人多有啲嘈吵，但感覺好街坊。屬「煮廚」o既餐桌都有枱布，亦有滾水沖洗餐具，都算講求衛生。「煮廚」o既伙計好熱情，不斷遊說食客入座幫襯，推介食店招牌菜式。其老闆亦毫無架子，粗重功夫全部都會落手落腳自己做，就算我地喺其他食檔叫食物，佢都冇黑面，就連老師要求一杯滾熱辣o既熱水黎沖藥粉，佢攞上枱時都好細心地叫小心燙，比起某啲所謂高級食肆o既服務生更為親切體貼。大家隨心所欲，想食乜就叫乜。窩貼小唐菜（墨魚餅）（$88）：第一味

今天朋友建議煮廚去試一試，雖然曾經聽過些少不好的評語，也只好捨命陪君子了。 首先來個木桶沙薑雞， 冰鮮雞煮得有點過熟， 肉質粗糙， 沙薑的味道也很淡。 接著是xxx煮脘魚， 脘魚的肉質也是比較粗糙， 杏色的湯還算可以， 味道有點像胡椒豬肚湯。 芝士大蝦伊麵， 那些蝦的個頭應該屬於中蝦吧， 吃進口裡一點脆度也欠奉， 而且都沒鮮味， 可能是被芝士的味道給蓋過了， 芝士的味道也不香。 木桶啫啫花甲， 這種烹調方法讓花甲失去了原有的鮮味， 而且一點都不辣， 搞得像辛辣麵辣粉的味道一樣。 一口炸豆腐， 豆腐外不是很脆不過內的確是軟， 勉強可以入口。 黃金魷魚， 外面不夠香脆， 內裡的魷魚又過熟變得有點韌。有時路邊社的消息也還蠻準的， 這家餐廳的味道和我相衝， 所以我還是避之則吉， 別再見了。

難得有朋友有個空的羽毛球場給大家玩，所以便打完波後一起食晚飯。因為場地附近近熟食中心，所以便前來一食，味道很好，份量十足，這餐也不貴，很開心又和朋友一起又食又玩地過了一天。來到熟食中心環境便是這樣，我們找了張大枱坐下來。這碟雞我沒有食，但朋友說味道不錯，雞肉也滑。炸大腸我也沒食，朋友說炸得香口，也不錯。椒鹽魚做得香口入味，送酒和飯一流。魚香茄子材料十足，也夠香濃，送飯一流。秘制酸甜骨，這個汁較為普通一點，但排骨也不會全肥肉。海鮮什菜煲，湯很新甜，所以連菜和粉絲都入了味。琵琶豆腐，豆腐炸得香口也不會很油，每件豆腐都很大件，又好抵食。反沙芋頭，這個有點失色，說是他們的出名菜，但芋頭入口不覺得沙，炒也不夠沙。普普通通的一個炒麵，沒什麼特別。最後還要了支啤酒來送小菜。小菜味道都做得不錯，材料份量十足，環境又乾淨，又有空調，一大班人來的食小菜也不錯的選擇。

出糧的日子，有糧擲袋，又係時候收工同同事食反餐為勞一下自己的時間！凍一凍的天氣，暖粒粒既麻辣雞煲就最為不過也！原本想去老地方《雞煲》，可惜老闆話今日太好生意，好多美食都賣曬，仲要提早收舖。。。無奈之下唯有選擇對面的《煮廚》！結果反而有驚喜！是一款很特別的菜式！把雞腿的肉拆起然後反轉落鑊炸，令椒鹽煮出來更入味，雞腿肉很嫩，好味！伊面份量太少，但芝士汁就很多，稠度適中，芝士味香濃卻不會蓋過大蝦的鮮甜味；大蝦被分開兩半，煮的時間控制得很好，令大蝦很有鮮味而不［諧］口！招牌菜式，木桶一上桌就已吸引我們注目！先細嘗它的湯汁，由椰汁和少量辣椒煮成，椰香十足而不辣；裏面大約有四十隻花甲，每一隻花甲都很有肉地，更重要的是完全吃不到沙。。。實在是重點推介！和朋友聚聚，食一食小食，配上冰凍的啤酒就最適合了！飲一飲，大家各自抒發工作上的辛酸不快，就樂透了！

其實味道都ok，不過不失。不過份量真的太少，每款菜式的價錢大約$5-70，原本這個價錢都可以接受，不過份量太少，根本不夠飽。原來在街市搵食一點都不便宜的，下次不會再來了。這個味道似蝦餅尚算ok，配了些菜一齊煎，煎得不錯，不會過燶，賣相就一般。聖瓜炒豬頸肉，豬頸肉太少了，全都是聖瓜，味道可以接受，有少少辣，香口惹味，配飯一流。蠔餅，算是最足料的一味菜色，隻隻都是蠔仔，味道不過不失。

22-11-2010收工捉了朋友到西環尾食 dinner, 行了幾條街仍然無乜心水的情況下, 上了士美菲路街市碰碰運氣. 本來想簡簡單單幫襯源成興的奶茶咖啡公仔麵, 但時近 7:30pm 佢已收鋪, 轉戰呢檔小炒. 兩條友食唔到太多, 結果只 share 了一碟炸物, 一 pot 嘢及一支青島 (大), 另一人一白飯.椒鹽鮮魷: 想有炸物送啤酒, 又好耐無食椒鹽鮮魷, 就叫了一碟試試. 「椒鹽」分佈得唔太均勻, 不過炸漿薄脆又竟然唔油, 魷魚則軟熟得來彈口, 收貨了吧 -- 除非你要求 e.g. 魷魚要有魷魚香, 甚至連炸漿都要有炸漿香吧 沙爹粉絲牛肉煲: 牛肉非梳打滑牛, 食落雖然有點韌, 不過仍然幾有肉味; 粉絲份量比芽菜少 , 沙爹汁就同預期一樣香, 微辣及鹹, 送飯都不錯, 不過就要有食完口渴的心理準備了.埋單每人約 $60, 下場又去邊度食甜品/糖水好呢?

這晚我們陣容陣鼎盛，一行20人，早幾天訂了座，他們好有誠意地在當天致電來confirm，和一些稍大集團的做法，還提意替我安排怎樣坐，掂呀！好教帶呀！雖然係在巿政大樓內，相對有某些一樣在巿政大樓內的食巿，合格得多，問番那（不知是否老闆）人，這食店開了多久，原來都只係數月，雖然不是很乾淨，但起碼沒人在吃煙，他們要吃會行出去外面花園仔度。我們分成兩枱大桌坐，都各自點了美食，大槪如下：炸豬腸，豬腸不會干爭爭，還很脆！椒鹽腰果蝦干，好香口，夠脆！滷水什拼，味道適中，不會太咸，所以都好快被搶奪一空！木桶啫啫花甲，嘩！這個一上桌，它的香味和買相都很吸引，其實我好驚吃這類貝殼類會一口沙，哈哈！差不多隻隻都有肥美的肉，還沒有沙沙在內，掂呀！！海鮮什菜煲和琵琶豆腐都不錯，其他的忘記了他們的名稱，但都好味！爽滑炒魚麵，有芽菜同蔥段加埋好味！又不會太膩！