煮打菜打冷小菜館 (已結業)

身邊有兩個朋友食過呢間都極力推薦所以就特登搵一晚同個friend去食兩個人嗌咗三個餸本身諗住一定食得曬，但份量都好大份食到好飽 其中兩個最主打嘅菜當然有嗌第一樣係炸蠔餅佢個蠔餅大份到成個pizza咁樣上仲要係超級厚，完全係pizza厚批 新鮮炸到脆卜卜仲要有好多蠔仔同埋蔥超級好味又唔會太粉，比例啱啱好另外一個必食係籠仔荷香蒸爆牙肉餅可以揀唔同配料，我哋就揀咗鮮魷個肉餅超級骨滑，仲要入面落咗好多豬耳 所以每一啖都好爽口好正 拎嚟送飯簡直一流我哋仲叫多咗個豆豉蒸原條蟠龍鱔 蒸鱔都係冇得輸啲肉好嫩好滑仲有好入味真心冇介紹錯呀

愈黎愈中意食潮州菜,係果頭聽完個講座就覓食,見到間野好多相,又有好評就入左去。我叫左鮮GOOSE片,多肉,肉好結實,又有幾款汁比你選擇。下面有D豆腐吸晒佢D汁。想飲湯又想食海鮮羹。結果叫左個豆腐海鮮羹,冇諗過份量咁多,結果我1人飲唔晒,但好飲,有帶子,有蝦,有豆腐。見自己食左好多肉,就叫左個豆士鯪魚油麥菜BALANCE返。平時食呢味菜都唔覺有咁多豆士,今次落左好多,個味好出。樣樣都好好味加份量多,多一個人一起分享下會好D。呢度有D墨寶,唔錯,又有幾部電視可以解悶。上菜都幾快。呢度真係好多人食,見佢每張檯都坐滿人,好有人氣咁。感覺上呢間都幾地道,真係有好多潮州野食呀。同埋野食樣樣好大份,真係大件夾抵食。

去到這間食店，有一個是必點的就是肉餅， 這間店的肉餅同外面唔同的地方是除了是手打外還混合了豬耳仔，最主要就是銀魚仔，銀魚仔炸過非常香口，而且豉油又是其中一個靈魂之一，必定要試。另外蜜椒吊燒骨又是另一名物，外脆內軟，甜甜地有一點胡椒味，非常惹味。還有豉椒蒸盤龍鱔，鱔皮的油分非常充足，而且肉地很滑，味道一流。炸蠔餅就比較失色，多油，蠔肉小，粉厚，可以不點。最後來個魚湯浸菜，普普通通。味道: 家常菜環境: 一般衛生: 一般服務: 一般抵食: 超值

今日放工去左筲箕灣，想試下鄰東大街以外既野食，就搵到呢間打冷，見佢menu好似幾多不同選擇就去左試！打冷唔小得一定會叫滷水鵝，我比較鐘意食有骨多過淨肉，鵝肉同佢個辣椒油好夾仲有點左佢其中一個招牌菜，牛油煮大蜆，呢個煮法好新鮮，一上枱有好香既牛油味！仲有多蒜多蔥多洋蔥，用泥送飯一流！大蜆都好新鮮又無沙。最後點左個通菜，炒得都好夠火候，味道剛剛好唔會太咸，好岩我口味。總括泥講呢間餐廳唔係淨係得打冷菜，仲有好多家常便飯既菜式比你揀，食物水平都頗高。另帶一提既係員工都老闆娘都好好人

屋企人係潮州人，所以自小對打冷都有莫明嘅好感，一直想搵正宗又好食嘅潮式打冷，今次去到筲箕灣就特登去試下。滷水鵝片 $92鵝片幾好食，啲肉嫩滑，鵝味重，點辣椒醬幾好食。滷水雙拼 $92雙拼揀左墨魚拼大腸，墨魚切左薄片，咬落爽口，大腸味幾出。土魷蒸肉餅 $98今餐最欣賞係個肉餅，本身朋友話想食肉餅，我仲反白眼話邊有人出街叫肉餅食，但係呢間打冷嘅肉餅真係幾出色。肉餅蒸得唔韌，土魷又幾足料，食每一啖都食到土魷。加上份量幾多，食哂成個肉餅已經食唔落其他野。烏頭魚 $102凍食烏頭魚加普寧豆醬係潮式食法，我阿媽都鐘意咁煮，但成日都煮得好老。今次餐廳煮得幾好，魚肉唔腥又唔老，食落幾滑有魚味，抵讚。黃金一口滑豆腐 $88豆腐十級滑，拍得住百福豆腐，外面有蛋黃包住，如果有飯送幾好。蠔仔粥 $52已經叫左細嘅蠔仔粥，冇諗過咁大碗，蠔仔好足料，好好食。兩個人食左578蚊，食物質素幾高，肉餅感覺幾驚喜😛值得一試嘅潮州打冷

一般香港人講起揾食通常都會諗起旺角，尖沙咀，港島西區南區或者新界莫某某到如荃灣西咁咁。其實東區都有好多隱世平民食店（而且無咁多遊客）。 今日想介紹嘅系一間街坊打冷店。首先講講佢個位置，佢系筲箕灣天悅廣場對面橫街個邊。 基本上系街坊先知，雖然其實都好近地鐵站。食物方面其實除左打冷都有其他小菜但今日主要都系打冷。頭盤叫左個鹵水鵝片同鹵水墨魚拼大腸，呢兩樣分量啱啱好而且碟上重有辣椒油同酸汁比人點幾有特色。最值得一讚系佢個個荷肉餅飯，系呢間餐廳主打。今日叫左個土魷蒸肉餅，佢唔算太鹹但個口感超彈牙而且加上土魷嘅咬口比到人雙重texture。 佢個蠔仔粥（只需52蚊）， 明明佢寫主一碗（我估系平時個d 酒樓碗） 但點知原來系大湯碗夠4個人份。 另外總叫左烏頭同豆腐味道不過不失。綜合黎講呢間餐廳性價比高適合一大班人食飯。

是晚和朋友們相聚，有朋友說想吃打冷，於是找了這家挺多好評的小店。小店位置比較偏僻，如果不是特地去，都很難會經過呢。蜜椒吊燒骨(⭐⭐⭐⭐⭐)這裡的吊燒骨似乎是招牌菜，見很多枱都點了這道菜，我們當然也點來一試。果然特別香口。外層似是拔絲，吃下甜甜的，咬下入面的肉竟也嫩口，手藝不錯。蠔仔肉碎粥 (⭐⭐⭐⭐⭐)既然食打冷菜，當然少不了一份蠔仔粥。我們本身想點一窩，但店員建議我們點一碗便夠，想不到一碗的份量竟然相當多，吃四個人都可以呢！黃金煮大蝦 (⭐⭐⭐⭐💢)這裡的蝦菜式很多種，各種煮法，茄汁、黃金、醬油、避風塘炒，任均選擇。我們選了個黃金煮汁，蛋黃醬很香脆香口，炸得連殼吃下都可以呢！蝦很大隻，吃下啖啖肉，好抵食。雜菜鍋 (⭐⭐⭐⭐💢)最後還點了個雜菜鍋，清一清腸胃，味道較淡，就這樣單點吃都可以呢。有各種蔬菜，白菜仔、菜心、菇類等，很豐富呢。總括而言，這間餐廳食物質素高，而且價錢十分大眾化。下次有機會經過也必定會再來。~~~~~~~~~~~~~~~~~~~~~~~~~    煮打菜打冷小菜館 筲箕灣南康街18號康華大廈地下1號舖  推介菜式: 蜜椒吊燒骨、蠔仔肉碎粥 👍🏻惹味小菜👍🏻經濟實惠 

煮打是我經常和家人去的餐廳，因為近屋企，食物價格味道各方面都符合屋企人比較傳統的口味。这个吊燒骨弄得十分漂亮，色澤鲜豔，晶瑩剔透，看着讓人胃口大增。吃下去也十分滿意，肉質鲜嫩，十分多汁，甜度剛剛好，还有很香的焦味，想必師傅炒沙糖的手勢十分到家。只是他們選的肉挺多筋的，牙力不太好的婆婆吃着有点困難这个帶子海皇小炒十分豐富，帶子，鲜蝦，鱿魚配着各種雜菜，加上夠鑊氣，十分搭。这个蠔仔粥十分好吃!味道夠濃之餘又不会太濃，令我即使一邊吃它，一邊吃其他菜，亦不会觉得太膩。这个粥也有很多配料，像瘦肉，青葱等，这些配料都有為蠔仔粥的味道加不少分!这个粉絲雜菜煲挺清淡的，很有家常菜的味道，如圖所見，它的配料十分豐富!我們四个人吃也夠啊!这个黃金煆太好吃了!蝦的外殼裹着蛋黃，炸得脆脆的，吃着超香!令人吃完一隻还想再吃，意猶未盡。

今日行經筲箕灣見到呢間打冷舖頭，突然口痕想食潮州野，就同老公入左黎。入到去感覺好光猛同埋乾淨，比起好多茶餐廳都企理食打冷一定要食滷水啦，所以我地坐底就即刻叫左一個細既滷水併盤先，當係食住前菜再慢慢點菜。唔使5分鐘已經即刻送到嚟，同其他潮州滷水唔同，呢間係有少少微暖，細併盤已經有紅腸、腩肉、豬腸、生腸、鵝腸、豬耳、雞腎同埋魷魚。兩個人岩岩好樣樣都試到少少又唔會太多。每一樣食物都係爽口同彈牙，配合埋醋同辣椒油好開胃，作為前菜真係好適合。之後我地就點左呢個蜜椒薯仔牛柳，因為成日都有聽人講話如果整得好食既話薯仔係會比牛柳更快食完，估唔到我地今日都遇到呢種情況。首先薯仔半煎炸到金黃色同埋有少少脆，再加上每塊薯仔都有簿簿一層蜜糖覆蓋，真係每食一舊都好滿足，而牛柳亦都相當嫩滑同埋有牛味，忍唔住叫多左個白飯，呢味餸真係送飯一流!另外叫左一個黃金鮮魷，一上台已經聞到好香濃既咸蛋黃味，就咁睇每一塊魷魚都均勻沾上咸蛋黃醬，同埋食得出真係由咸蛋黃煮成，因為仲有好多細細粒既咸蛋黃碎喺到。魷魚方面大部份都係長條狀，估計係方便師傅更均勻咁溝埋咸蛋黃醬嚟炒。一坐低每台都會有一壺茶（最後睇返單係冇收茶錢既），夠哂熱可以

親戚住係「煮打菜」附近 感覺上係間家庭式經營嘅小菜館不過都有唔少明星幫襯過wor！店面都算大 仲會有廂房 啱哂一大班人聚會餐牌都算多選擇 近年好興嘅雞煲都有不過既然係打冷嘅 緊係要食啲潮洲野先啦～於是就嗌左一份潮式爆花蠔餅($96)、滷水鵝雙拼($102)同欖菜肉鬆四季豆($88)蠔餅同平時食開嘅樣子唔一樣 而且用pizza盤上 都幾新穎粉漿好鬆脆香口 唔怪得個名叫「爆花」蠔肉都算大粒 食落好飽肚滷水鵝拼墨魚 鵝片肥瘦適中 墨魚片非常爽口醬汁有酸汁同辣汁揀 好出色！最後就係近排好鍾意食嘅炒四季豆炒得好有火喉 又夠哂惹味 用黎送飯真係一流總括黎講 煮打菜嘅打冷真係唔錯連作為gaginang(潮洲話"自己人")嘅小編都覺得好食喔～

東區嘅朋友成日話筲箕灣有間潮州打冷好好味，今日路過筲箕灣就去試吓。間野起耀東對面，未入門口就見到好多明星幫襯既相，就知依間野實有啲料。入到去個環境都ok，乾乾淨淨，唔似啲舊式潮州店咁舊。菜式好豐富，唔止一般潮州菜，好多大路既小炒都有。黎到潮州店緊係唔少得食滷水拼盤啦。賣相好吸引，而最令我有驚喜係有兩款醬汁，係好經典傳統既味道，好懷念細細個果時同老媽子番潮汕老家探親食野。我最中意食佢既滷汁腩肉，半肥瘦，好正，另外生腸都好爽脆我仲叫左個豉椒炒蜆。平時去啲大排檔，如果叫炒蜆無沙嘅話我哋已經覺得算係咁，依個唔單止冇沙，仲要勁大隻，味道又香，激讚！最後仲叫左碟腐乳通菜，菜好新鮮，好脆，唔會老。最後嘆埋杯凍0茶，就好滿足咁走人。總括黎講依間啲食材都好得，新鮮大份，味道又好，價錢又唔貴，下次實再番黎食過！

爬完龙脊山过来，在筲箕湾附近还是很容易找的。蚝饼味道不错，中间厚两边薄，有两种口感，喜欢软的可以食中间，喜欢脆的可以吃边边。味道不错，很弹牙，但其实广州也有类似的菜式，分量挺大的。食得肉多，饮碗粥解解滞，都几好。买单要加一。

成日都同屋企人黎煮打菜食飯，主要送菜好岩胃口，味道又好！最中意食佢個生煏大白鱔煲，可以選野味香辣或蒜蓉果皮蒸，我選左後者，正！蒜蓉好多，甜甜地，好香！加埋少少果皮既香味，味道一流！白鱔肉質好嫩滑，無物骨，新鮮！底既肉邊有少少焦，更香口美味！好多莞茜蔥，令香味更多一層！Yummy ！好食！白鱔生買都成百幾二百蚊斤，係度食整埋俾你都係二百零，化算醬燒野菌牛仔柳醬汁甜甜地，野菌好香！牛仔柳唔韌，啖啖肉！加埋醬汁食，正！洋蔥同香芹都好甜好爽口！楊州炒飯料好多，有叉燒、蝦、生菜同蛋絲。炒飯粒粒分明，好香蛋香味！夠鑊香，炒得唔錯！兩個人，叫兩送一飯已好足夠，夠晒飽！推薦大家！

每逢星期五六日，晚上就會出現排隊人群，所以都係選擇平日黎開餐啦！餐廳係筲箕灣立足左好多年，係口啤唔錯既潮洲打冷小菜。黎到又點可以唔食鹵水野呢？呢碟鹵水拼盤有鵝腸、豬腩肉、生腸、大腸、豬耳、紅腸、腎同墨魚。樣樣有，鹵得唔錯。個底仲有芽菜，吸晒啲鹵水精華，好有味道！生腸爽口豬腩肉薄片，唔肥。想講鵝腸好好味，好爽口！鹵水入味，好食！避風塘炒蝦第一啖食都幾辣，但食食下就慣左，幾惹味，中意食辣既一定會喜歡！蝦好大只，夠肉地，肉質亦爽口！惹味！楊州炒飯佢呢個飯好特別，有蝦有叉燒有菜外，最特別係個蛋！蛋絲好幼，食落有啲沙沙地既感覺，似咸蛋黃，撈埋食，個飯好鬆化好棉！yummy!菜式唔算好貴，有質素，唔怪得甘多人黎開餐！

又是周四啦！明天最后一天上班💼所以，一定要跟朋友约晚饭🥣打打气一直有朋友推荐我潮州菜，今天终于有机会过来吃啦！地方挺好找的，地铁站出来步行几分钟就到了。不过，这条街还是第一次来，完全是为了美食！赞👍街坊店的感觉，宽敞明亮，适合跟朋友坐下来，好好吃吃饭，聊聊天！老火汤，一定是必点的！来了香港之后，就爱上喝汤，而且，女人嘛，👩是水做的，滋润一下自己皮肤，美美的，才开心嘛😃我们店了两个菜，蜜椒薯仔牛肉，黄酒鸡煲🐔哈哈哈哈，这一周都在吃各种鸡煲🐔 特别喜欢蜜糖的甜，裹在肉跟薯仔上，一口下去就很幸福的感觉。来一张近照，小伙伴感受一下！超级无敌好吃😋美食就要分享，开心也要分享！谢谢餐厅🍴准备如此好吃的晚餐🥣也谢谢人生中有这么多的好朋友👭