煮打菜打冷小菜館 (已結業)

同友人黎食餐簡單生日飯，呢間好多人，要早少少黎等位。滷水拼盤(小)有豬耳,生腸,紅腸,等。夠滷水味有好多芽菜墊底，所以啲餸其實得好少🙈蜜椒吊燒骨呢個有驚豔到😍😍超級好味！香料好夠，每一啖肉都有好濃味。雖然熱氣咗啲，不不過啖啖肉加少少肥膏好正🤤上湯㓎菠菜湯底應該係用咗雞湯，好多魚仔🤪有啲魷魚啫啫雞煲好多豬潤，雞件較少好似雞煲咁夠味整體來講，環境坐得舒服，服務態度好👍🏻👍🏻會再嚟的！

外國同事嚟香港帶佢去打冷！行咗條長長斜路，嚟到呢一間家庭式嘅打冷店。餸菜上菜速度都幾快，所以好夠熱！嗰刻大家好肚餓，迅速叫咗好多餸！特別推介脆卜卜蠔餅！佢用talk Pizza嘅木盤好似fusion菜咁~真係切開脆卜卜，非常香口最愛加魚露真係Perfect match！鵝片來講唔算好特別，滷水拼盤尚算合格。魚湯雜菜煲，魚湯真係好鮮甜同事特登飲佢啲湯👍🏻大家需要留意番店舖只收現金不設碌卡。不過附近亦都有提款機大家可以隨便多多食😆

話說有日去搵友人去食飯 由於友人家住筲箕灣對於東大街既野早就食厭左 佢話介紹我去長期係openrice第一位既煮打菜打冷小菜館 由於係晚飯時間 未到餐廳已經見到人龍 好彩佢地係一早book左位 而我地一行4人無book既都只係等左一陣就入得！嚟到呢度梗係要點佢嘅得獎小菜係銀魚爆牙肉餅 呢個肉餅果然係名副其實 好好食呀！幾乎每檯都有叫呢一樣餸 而且好快就被人食清光！佢啲銀魚令到佢個肉餅勁有鮮味 同一般食開既肉餅非常唔一樣！ 必嗌！ 另外有叫既係潮式凍烏頭 凍魚新鮮既話加豆醬一定好食啦！ 條魚又滑又鮮 仲有魚湯野菌什菜鍋 哇個魚湯鮮到呢 頓時忽略左個d菜 飲哂d湯 而個個蜜椒薯仔牛柳粒又係無得輸 甜甜地勁香口我哋仲叫咗個蠔仔肉碎粥 不過呢個粥唔知係咪落單線先開始煮 所以等左差唔多四個字先到 都好食！份量多 蠔仔亦勁多 我哋叫咗一碗四個人多差唔多每人食咗兩小碗 抵食！呢間餐廳值得再黎食！ d野又唔貴而且每樣餸都做得好出色 抵讚 難怪長期number1!!!

作為東區人，梗係要不斷發掘好味的食物享openrice 打筲箕灣，第一間出現的餐廳就係呢間！一於去試下星期日晚上8:00左右黎到，部分家人先到達，職員便指出每張檯用餐只有1.5小時....估唔到茶餐廳level都玩限時，重要收加一.....我們終於都等齊人！過程中都擔心會唔會有人會搶左我地張檯....食前增加擔心我們呢左以下呢幾款食物：荷葉蒸肉餅第一次試到原來荷葉配肉餅的味道是很夾，很驚喜呀鵝肉片作為潮州鋪頭，令我感到失望的是到肉片沒有驚喜蜜糖薯仔牛肉蜜糖令到薯仔變得很香口好好食，但肉炒得有點老炸蠔餅睇落好有氣勢，但都幾熱氣啊總括來說，小店製作的食物很吸引，亦都很有特色。可是，小店的服務令人感到失望，我明白餐廳生意好，但限時限刻總會給客人壓力

筲箕灣一帶有不少的小菜館，但這間小菜館真的偏僻，由電車路沿斜路走上去，人越來越少，只剩此店的明亮招牌。不過，走這麼遠去試它的肉餅是值得的。是次點了銀魚爆牙肉餅($92)。上菜時銀魚仔舖滿肉餅面，每一口也會有鹹香。肉餅本身結實而滑，咬下去有回彈力，不會有筋等雜質。為了增加肉餅的口感，此店的肉餅還加入豬耳，讓肉餅偶有爽脆感。除了肉餅外，還點了其他小菜，如南乳粗齋煲、避風塘鱔球等，質素都不錯，值得一試。此店另外亦有打冷出名，但是此人少，未能點太多，待下次再來便試試。

如果唔係朋友帶住，我依啲九龍人係唔會識行去依度搵食，原來間餐廳係耀東邨附近。入到餐廳，習慣會八卦下其它枱叫咗咩菜，勁多人叫既係 — 蠔餅！！ 只可惜，我熱氣，唔比我朋友叫。其實餐牌上，有好多野都想叫，又想叫鹵水，又想叫勁多小炒，於是.......我地叫咗： 蜜汁薯仔牛柳粒薯仔出色過牛柳粒沙嗲粉絲肥牛煲肥牛肥牛肥牛，牛肉好愛者出咗黎。肥牛份量有好多，唔會肥到得肥膏。不過，沙嗲味可以再重啲。漁湯海味浸時蔬有驚喜，好多海鮮鋪係菜上面，啲漁湯好好飲。

相信大家都聽過筲箕灣嘅東大街好多好野食，掃街、粉麵、日本菜等。今次一個住筲箕灣嘅朋友（地膽😂）帶我去打冷，鋪頭都幾近地鐵站，但要行條斜路仔先到，唔係朋友帶路都未必會知道呢頭有好野食。鋪頭都幾大，地方闊落，冷氣又夠，並設有卡位同大圓枱，一家大細黎食都坐得舒服。而且設有多部大電視，相信差唔多坐任何一張枱都睇到電視。👍🏻食物種類方面多到眼花😂，雞煲，煲仔菜，滷水野，海鮮等等，好多選擇。既然朋友黎食開，等佢發板！蜜椒薯仔牛柳粒薯仔應該走過油，外皮略脆，都用密汁包住個外皮，好惹味，口感又有層次！魚湯海味浸覓菜魚湯再加埋d蝦乾、魚乾同鮮魷魚圈，湯底好鮮味！沙爹肥牛粉絲煲呢個菜送飯一流！肥牛同粉絲份量都幾多，算抵食！下次黎開筲箕灣食野，又多間餐廳做選擇！

今晚同朋友仔去耀東村做義工，做完後當然要去醫下肚啦，見到係對面康華大廈地下有間叫煮打菜打冷小店，一於入去開飯啦！入到店，都差不多滿座，而且好香餸菜味！越聞越肚餓，快啲叫餸先！這個爆牙肉餅，差不多每枱都有叫，可以配梅菜，鹹魚，鹹蛋，銀魚等等！我哋配銀魚仔，嘩，全個碟面都鋪滿銀魚仔，又大條，又鮮，正！肉餅不止爆牙，仲好彈牙爽口，好食到冇朋友！唔怪得差不多枱枱都是指定菜式！滷水拼盤（細），有好多款，紅腸，生腸，墨魚，豬腸，腩肉，豬耳，腎，鵝腸，滷水味好香，不鹹！美極香蔥魚雲，一上枱，好香美極味呀！魚雲炸得酥脆香口，卜卜脆魚湯海味浸莧菜，魚湯鮮甜，魷魚彈牙，茹香口，配上銀魚仔，絶配，最重要係大大碟夾抵食，正！飯店真的好多人流，服務員還未執好枱，門口已經又有人等著入座醫肚啦！而且環境又乾淨衛生，下次去開筲箕灣，一定會再食過！

今日同屋企黎左呢間聽左一陣子好正但又未有機會試嘅 煮打菜 因為聽到好多評語都非常不借所以都好期待叫左必叫嘅 >>土魷爆牙肉餅<< 92$>>鵝片<< 88$ >>蜜椒薯仔牛柳粒<< 98$>>霸王雞<< 108$>>香蝦啫時菜煲<< 82$>>潮式爆花蠔餅<< 62$🤤🤤🤤🤤🤤🤤🤤🤤🤤🤤🤤🤤🤤🤤個土魷肉餅,, 真系幾好食佢好滑 好彈牙 爽嫁 不過如果再溝少啲粉 應該會有100分好耐好耐以前真系食過間 系咁不過,, 現今香港應該好難再有呢個肉餅可算是現代最好食嘅肉餅 🤣鵝片,, 不過不失冇咩驚喜蜜椒薯仔牛柳粒😍又一道我好欣賞嘅菜佢吾只個牛柳粒肉質軟軟 冇根連個薯仔都整得好好食脆脆的外面 淋左甜甜的醬汁 🤤有少少似 拔絲薯仔的感覺 🤣真系食到停吾到 []佢其實吾只甜的食食下仲會食到黑椒呢個推介 👍🏻霸皇雞,, 吾錯啲雞好滑 😊香蝦啫時菜煲一上 打開個煲蓋就聞到好香睇相都睇到啲菜都仲系好鮮綠色時間控制

同屋企人慶祝生日次次都去酒樓食。諗住今次食唔同D，食打冷。一家人約食生日飯原本開開心心。買左個蛋糕諗住食完飯食。。點知買左個蛋糕到店後個店員態度非常唔友善地說：得一個位。已經無位放蛋糕。訂位時咪同你講左囉！（之前跟本就無講過）你收我切餅費都無咁嬲。食過咁多間未試過連蛋糕都無位放。仲要態度咁樣。如果你真係有講我地就唔會帶蛋糕黎啦。。之後叫我地蛋糕放凳上就了事。食完飯我地蛋糕都無食就走。費事受氣。蛋糕放咁耐都溶啦。。冷氣咁差。。食物係滿意的，上菜都非常快。只是位置好窄。要離開都要其他顧客起身先走到。。建議要慶祝生日買蛋糕的話就咪訂呢間。。

筲箕灣好似有啲唔錯嘅餐廳，煮打肉餅攞晒獎，今次終於過黎探朋友有機會一試。門口好多明星合照餐廳係大排檔風格，有冷氣，可以坐得舒服啲。好多人排隊呀，8點去到都排左差唔多半個鐘首先點了拿獎菜品【銀魚蒸肉餅】，肉餅好鮮，多汁，銀魚好多，好大份，肉質滑嫩，鹹淡適中，不愧是拿獎菜品。【潮式爆花蠔餅】蠔肉好大隻，份量超足，外層炸得好脆好香，堅好味。一啲都唔鹹，一啖啖停唔到口。【蜜椒薯仔牛柳粒】牛肉易入口，很鮮嫩，薯仔炸得外皮好脆，入面又十分鬆軟，蜜糖汁有小小甜，甜中帶鹹，送飯一流。埋單兩人$318，好抵食呀！

約咗個老死筲箕灣家共聚，晩飯時段共聚，佢帶我嚟呢間食打冷菜，入到去呢度都有D裝修，唔似一般打冷咁成間大排檔feel，叫做有D卡位坐，都幾舒服咁。叫咗個潮洲鹵水併盤，啲鹵水夠陳香，鹵料入晒味，D豬腸腍到化境，柔潤有鹵水香，墨魚有鮮味，咬落帶煙韌，也是入晒味，豬耳夠爽帶膠質，生暘好有鹵水咪，煙煙韌韌越吃越好味，香腸簿切，也十分入味，腩肉肥香又入味，好味都暈。鹵水野十分有水準。牛油蒜蓉焗蜆，D蜆大隻肉多，蒜蓉又多，牛油香，味道清淡，無蓋過蜆肉鮮甜。蠔仔餅一流，入面有埋鴨蛋，炸到表面相當酥脆，加只蔥和芫䇴香，D蠔仔是較大隻，份量都多，加埋魚露食，香口惹味+鮮味到不得了，咁多香口菜，叫埋幾枝啤酒啤下吹下水先過癮!

煮打菜電視雜誌都見過，朋友口中都聽唔少，今晚第一次親身嚟試下係唔係好似我啲朋友講咁好食，門口貼左一大張用餐須知，嘩！限制多多，另外一邊show 左好多奬狀及名人到訪相片，都幾有霸氣；東將西望之下，見有煮打古法生煏，可選惹味香辣或蒜蓉果皮，我哋揀左蒜蓉果皮生煏大白鱔㷛$208，見瓦㷛內有大量蒜頭及乾葱，乾葱大且甜，白鱔肉多，夠厚身，味道好，夠惹味，好抵食👍🏼滷水拼盤，大$158，墨魚、滷水蛋、紅腸、腎、鹵肉、大腸、生腸、豬耳、鵝，一碟滷水拼盤五顏六色，款多過絕大部份嘅打冷店，味道好又唔過鹹，原本都唔叫啤酒，但呢碟咁正嘅滷水，係要啤一啤佢至過癮🍻杞子豬潤浸時菜$82，揀左時令油麥菜，主角厚切豬潤，煮到啱啱好😋咁好食，唔怪得咁多人排隊食。

好耐無食打冷啦，今晩好想搵間同老公撐下枱腳。好友推薦筲箕灣既 「 煮打菜打冷小菜館 」，話好好味，我上網睇食評又確係唔錯，所以尊登同老公坐車去筲箕灣試下。晚上7 點零去到，已經有唔少食客，睇嚟真係冇揀錯地方！其實打冷有好多特式野食，但今晚得我同老公2 個，只可精挑細選幾款小菜。滷水拼盤同蠔餅當然唔少得，再加個蒜蓉牛油蜆就夠哂「 滷水拼盤 （小）」$82， 相當豐富，包羅萬有：有墨魚、腩肉、紅腸、生腸、大腸、鵝腸、豬耳，腎。全部都好爽口，尤其墨魚口感最佳！！「 潮式爆花蠔餅 」$88， 金黃色既蠔餅放係小煎plan 上枱，別具特色。猶如其名，蠔餅好似盛花咁爆開，賣相吸引！咁味道又如何呢？非常酥脆可口！蛋漿同蠔既比例很好，每一啖都食到蠔，而且每隻蠔都非常非常大隻，相當有蠔味，十分抵食！「 蒜蓉牛油蜆 」$88， 有驚喜！極香蒜蓉、洋蔥同蔥味，好惹味！又係大大隻蜆，好新鮮，無沙，d 汁餸飯一流！係一間好值得推介，好有誠意既餐廳 ！

今日剛好到筲箕灣搵食，筲箕灣除左東大街出名美食雲集之外，其實都仲有好多好野食。今次我就到煮打菜打冷菜館用餐，雖然餐廳唔係位於大街，但都唔算難搵。門口光鮮，遠處都已經見到。餐廳食物多樣化，一般小抄都有，而且仲有潮式打冷，煲仔菜等！難得有滷水食，當然叫個併盤，可以每樣都試一試。併盤有紅腸，豬耳，墨魚，豬大腸，鵝腸等等😍應有盡有，濃味香厚，豐富口感，質感各異。再點了蜜椒吊燒骨，店家推薦。外脆內軟，外層用了蜜糖燒了一層薄薄的，甜而不膩，加上粒粒腰果，口感層次更加豐富。香蝦啫啫時菜食左咁多肉，都要清清地食菜，時菜點了通菜。還以為清清一個菜煲。點知原來都係香氣十足，加入蝦乾蝦味極之突出，配上白飯一絕。總結：小抄做得非常出色，每樣菜式都很惹味每人約150