熊本牛鍋 (永勝商業中心)

營業中

休息中

秋風起，依家早晚都會有陣陣涼意，又係時候打邊爐暖暖身。放工同朋友去咗試試日本火鍋熊本牛涮鍋，佢呢個係兩小時自助火鍋放題，可以慢慢食到飽。首先醬料係自助既打邊爐識食緊係食牛啦，所以我哋就揀咗美國安格斯極級牛小排套餐。湯底亦都有好多款選擇，我哋就揀咗蕃茄薯仔豚骨濃湯。個湯好香蕃茄味但又唔會話太濃味搶過啲火鍋配料嘅味，飲完都唔會口渴。主角牛小排，見到d牛係即刻用機切，夠哂新鮮，見到牛脂分佈好平均，唔會過多肥肉脂肪，肉質幼嫩好食，牛味還可！而另一款牛肩胛就肥啲，脂肪比例較多，食落較多筋但都唔會好靭。我哋都另外點咗個加拿大豚肉，豚肉係薄切，所以都係淥好快都食得，肉質嫩滑唔老，反而好似比牛impressive haha! 肉類以外都有好多火鍋配料選擇，而且係全自助形式，有貢丸，蟹子丸，餃子，蟹柳，同埋竟然有芝士獅子狗！！😍😍😍蔬菜選擇都有好多。打邊爐點少得既飲品，依到好貼心咁有自家製夏枯草！最後仲有幾款雪糕同忌廉泡芙作為甜品，食完勁滿足呀！

平時打邊爐通常都係連鎖店，今次朋友帶我去呢間之前食過話坐得幾舒服，食物又高質嘅牛涮鍋店，位於尖沙咀山林道，要上樓先去到。位置唔多，但係都有唔少客人。首先我哋會揀個湯底先，揀咗呢個番茄湯底，店員話係招牌👍🏻 個湯又真係幾甜😻之後出去自助bar嗰度夾鍾意野食物，款式都算幾多，蔬菜類特別多👍🏻 之後枱面牛肉豬肉都幾已經上齊，睇個樣都覺得新鮮，食落去一樣，好嫩既肉，加埋呢個蕃茄湯底，肉味更鮮甜，好滿足😻飲埋個飲品就成餐打邊爐都好完美～

秋天為大家帶黎火鍋，天氣開始轉涼，當然第一時間帶埋兩個閨密去我最愛既熊本牛涮鍋大快朵頤！今次已經係我第三次黎幫襯熊本，之前兩次都非常滿意，隔一排再黎食，整體水準keep住，更有意外驚喜！首先講下整體環境，熊本所在位置靜中帶旺，交通方便之餘，入口附近人流唔算太多，唔使怕要逼一大輪先上到去。上到餐廳，店面唔算太大，不過座位都算舒適，我地好好彩被安排坐係房仔入面，一邊食野一邊吱吱喳喳，都唔怕嘈親隔離！身為一隻食肉獸，當然先講重頭戲牛肉，今次我地揀左呢個package既精華係美國安格斯極級牛小排，肉質鮮嫩、色澤紅潤、雪花均勻、入口即溶，食晒仲可以再添加，100分！另外兩種肉分別係牛肩肉同加拿大豚肉，牛肩肉夠咬口，肉味都濃，都有80分。湯底我地揀左蘿蔔豚骨湯底，貪佢夠清甜，可以試真Ｄ牛肉味。意外驚喜就係呢度既炸單骨雞翼，新鮮出爐熱辣辣，炸得金黃香脆，味道激似上校叔叔既炸雞翼，後尾見到個兜無晒，老細見我地咁捧場仲特登叫廚房即刻再炸，拎埋俾我地食，我諗我地前前後後加埋食左不下二十隻，無得傾，又係100分！熊本既蔬菜，丸類選擇都唔錯，一眾大路選擇都應有盡有，蔬菜都夠新鮮。我最欣賞呢度既墨魚滑，好滑好彈

今日又約咗三五知己，嚟到尖沙咀食日式涮涮鍋，我哋最鍾意揀任飲任食，可以放肆地大吃一頓, 呢度位處於商業大廈之內，方便得來又有啲隱蔽，環境都可以美國安格斯極級牛小排放題🥩🥩呢度嘅放題我最鍾意食嘅就係佢哋嘅牛小排啦，所以二話不說就揀咗呢一款，佢哋嘅牛肉食完可以再order，個湯底我就揀咗蘿蔔豚骨濃湯，覺得呢個湯可以提升肉類嘅鮮味, 特別配合蔬菜同丸類都係自己出去攞嘅, 特別值得一讚嘅就係除咗選擇夠多之外, 佢每一款丸嘅味道都好好，唔會話有啲食咗一粒已經唔想再食啦，蟹粉包, 包心貢丸，牛筋丸都係我私人推介，除咗丸之外, 仲有個鮮蝦滑都好唔錯，鮮味又彈牙, 而且仲有烏冬, 即食面等等, 唔使擔心食唔飽👍🏼👍🏼至於飲品方面, 都好特別, 除咗一般見到嘅汽水之外, 仲會有夏枯草, 五花茶提供，不會太甜，可以清熱氣，味道唔錯，甜品當然唔少得雪糕啦, 可以為呢一餐畫上一個完美嘅句號🥳🥳

天氣一涼涼地，香港人就出動打邊爐。香港打邊爐嘅選擇真係唔少，麻辣火鍋，一人一鍋，雞煲等各具特色，亦都各具滋味。一大班人去咗尖沙咀呢間熊本牛鍋，鍾意佢地方唔大，有少少似私房菜，但係係火鍋模式，蔬菜，丸，水餃雲吞，全部自助形式飲食，仲有雪糕甜品。至於肉類，可以選擇加拿大豚肉，日本雞肉或者美國牛肩胛，牛小排，A4和牛，全部產地直送，見到佢廚房入面有部切肉機，即叫即切，上枱嘅時候肉質仲鮮嫩紅色，非常新鮮，而且厚度適中，肉脂均勻，第一次食到咁新鮮嘅肉類😋🥩. 多款湯底之中，我哋揀咗蕃茄薯仔湯。湯底唔算特別濃，但係好在出面有蕃茄拎，所以湯底嘅濃度可以算係自己調配，湯底當中真係加入咗薯仔，而且滾咗兩個鐘，薯仔都唔爛。將肉類蔬菜放入番茄薯仔湯入面滾，到最後，湯底濃縮精華老實說，比起其他花膠煲乜湯底，呢個係更加天然美味。飲品自助形式，款式選擇唔算少。鍾意無糖嘅有茶，鍾意韓式特色飲料嘅有忌廉牛奶，亦都有啤酒，值得一提佢哋有自家煲仔嘅五花茶同夏灰草， 感覺好窩心。

黎呢到幫襯既原因系因為食過隔離同一個老闆開既私房菜。老闆用心價錢又親民，所以知道佢開火鍋一定要黎捧場。我地係即日book位，星期一夜晚去食，地方吾大，不過坐位舒適，係光缐有點暗，個人認為火鍋店還是光猛才好。我地坐系呢張大枱隔離，坐低15分鐘之後就開始full了。我地今次先試二小時美國牛肩胛放題，隔離系5小時任食，其實幾吸引。牛質素都ok, 豬佢都任你叫。食物bar款式吾算好多不過質素都吾錯架。最喜歡佢有秋葵同羽衣甘藍。另外要提介我地叫既龍蝦湯底，香味濃郁。要讚賞佢提供生雞蛋俾你。而基本醬汁都提供到。飲品方面以小店來講已經很儘力。選擇算系甘，仲有自加煲既夏枯草。今次冇緣跟老闆傾計，只見佢好忙碌。下次一定會再黎

日式火鍋是香港人最愛吃，因為它款式多用餐時間長，而且肉類一般也是較高質，所以很適合用來聯誼聚舊。今晚便來了這間熊本牛鍋，準備吃個痛快。多款飲品自取，很多款也是韓國大熱的飲品呢。最驚喜的是有自家製的五花茶，因為長輩通常也會告訴我們吃火鍋是很熱氣了，要喝些涼茶清熱。各款蔬菜，丸類基本上也一應俱全。跟外面連鎖的火鍋店也一樣，是自助調味的。牛肩胛牛肩胛脂肪較少，比較健康美味，而且肩胛部位牛味濃郁，令人吃上癮。牛小排另一邊廂，牛小排就比較多脂肪，但勝在肉脂分佈平均，吃落鮮嫩無比。豚肉豚肉也絕不遜色，也是帶點脂肪，香嫩味濃。任食當然要拿多些自己喜愛的響鈴及金菇。最驚喜的是有這個dreyer's雪糕任食，還可以加入泡芙一起吃。

每次打邊爐最鍾意就係食肉，只要有肉就算冇其他配料都冇問題，有冇人有同感🐂🐖🐐熊本牛鍋的確係幾抵食，我自己就覺得質素一般，未至於好好，不過價錢同食物質素當然去成正比啦所以我都覺得CP值可接受。

近排反而到尖沙咀較多，一來有新開商場及日本超市等，二來人流相對也比以往少，終於找回一個屬於香港人的尖沙咀！與此同時又發現難以找到較經濟實惠的餐廳。這次與朋友終於在佐敦一帶發現了一間價錢合理又可吃個痛快的火鍋店在山林道轉入的一條小巷內搭電梯至2樓，便會覺到光亮的招牌，餐廳面積細小，但仍有足夠空間走動，內裡大約可容納三十人，燈光充足地方整潔我倆安排坐在門口旁的二人枱，不知是否近排秋意起，覺得冷氣份外給力。我倆決定點選美國牛肩胛及安格斯牛小排自助二小時火鍋放題，並選擇了木魚昆布湯底一嚐，點好後便拿著枱上的大碗外出夾食材～自取區大致可分為三個區域包括火鍋配料區、小食區及甜品區，各區雖細小但食材尚算齊全，可能由於星期三人流較少，自取區內的食物都逐小加添丸類大概有12款，其中5款均是有餡包心丸！是我光臨火鍋店以雲集最多包心丸的地方，包心丸控的我誓要每款都試，其他選擇有鮮蝦滑、蝦柳、腸仔、墨魚丸、芋絲、炸腐皮角及牛筋丸旁邊則是餃類區域有鳳凰水餃、韮菜餃及魚皮餃，另外放有雞肉任夾有16款蔬菜火鍋配料供應，基本食材都齊完，較特別為萵笋、秋葵及羽衣甘藍而雪櫃頂上則放有響鈴、生根、日式拉麵、烏冬、生雞蛋、即

秋風一起，唔駛講，啲friend一定係約打邊爐🍲，今次揀咗間喺尖沙咀山林道樓上嘅熊本牛涮鍋放題，2小時任食，我哋揀咗個美國安格斯極級牛小排放題，每位$248，價錢都算ok，最重要喺樓上舖，唔駛喺商場同人迫。朋友仔同我都唔係好食得辣，所以揀咗個木魚昆布湯清清哋，好大塊昆布呀，個湯都幾甜！牛魔王開餐啦🐂，我哋瘋狂地點牛，美國牛肩胛同牛小排都好新鮮，牛小排啲雪花紋整齊排列，油脂比例恰到好處，好有牛味，而且都好夠嫩滑。除咗食牛之外，出面嘅自助 Buffet 吧都有多款特色丸類🍡、蝦滑🦐、餃子🥟、有機新鮮蔬菜🌽🥬🥦及菇菌類🍄任食，仲有咖哩飯，炸雞，不得不推薦下個炸雞🐔，又香又脆，細細件，平時好少食炸雞嘅我都忍唔住食完又再食😋😋😋！打邊爐又點可以唔飲嘢呢? 🥤唔駛驚...有多款罐裝飲品任你揀，仲有自家製涼茶-五花茶同夏枯草，可以唔駛咁熱氣，太貼心安排！最後，當然唔少得食番啲甜品🍧，有3 款口味Dreyer's雪糕任食🍦，有朱古力味、芒果味🥭、士多啤梨味🍓、同埋雪糕泡芙。

天氣一涼少少, 就想去打邊爐,之前上網見到介紹, 今次就去試下先黎雙拚湯底, 由佢滾下先一個濃味D , 一個清淡D, BALANCE 下D 野要出去自己夾, 要幾多夾幾多仲有哈根大師雪糕,,,,,,遲下先食!有芝士竹輪, 已經值回票價仲有水餃,雲吞都好好味菜都好新鮮, 仲有日式O既水野菜先黎個豚肉, 片得夠簿, 咁就唔怕唔熟之後就牛肉了, 食落不過不失食食下比個店員SELL , 加30蚊食個好D O既...一場黎到冇理由唔加又真係好食好多喎..油脂夠香, 肉味又夠膽粗粗再UPGRADE !!!A4 黑毛和牛睇落真係好靚...不過食落我就覺得太肥了...反而朋友覺得哩個最好食果然食物係唔同人唔同口味!飲多兩支自家制涼茶下下火

樓上舖卻幾乎坐無虛席 足以見到實力有翻咁上下！一定要預早訂左位先呀馬來沙嗲湯好濃郁 有驚喜我地揀左牛肩胛套餐每位都係198咋 又幾平美國牛肩胛放題之外仲有加拿大豚肉同日本雞肉全部都新鮮味美無論點幾多round 質素都保持到好嫩滑既肉質 油花靚到不得了真係物有所值！自助 Buffet 方面都有好多款特色丸類同新鮮蔬菜 仲有d炸物小食都幾多選擇 好滿足仲有Häagen-Dazs 雪糕任食最欣賞佢地既自家製涼茶 真係好好飲好正

今日想食火鍋，上OpenRice睇一睇，睇見呢間熊本牛涮鍋嘅評語都唔錯，決定放咗工去食。地點位於山林道嗰頭，門口見到有佢嘅poster，跟住就轉角上樓。鋪頭環境唔算大，而且見樓面有一個夥計都好勤力。這裏主打嘅係兩小時自助火鍋放題，我哋決定食$248/人 美國安格斯極級牛小排放題，換言之比佢再平少少嘅加拿大豚肉、日本雞肉同埋牛肩胛都可以任食。湯底選擇都幾特別，我哋叫咗個馬來沙嗲風味。餐廳比我嘅感覺有少少似牛陣，牛類豬肉嗰啲就全部自己order，而且出邊有少少自助位可以俾你夾食物。牛嘅質素算係唔錯，建議大家叫牛小排就OK🤣🤣食得出牛肩胛同牛小排嘅分別，係會比較嫩口啲，食完之後仲有個甜品區比你自己筆雪糕或者夾泡芙🤤

朋友和我到一個新開的高質素牛涮鍋，吃一個慢慢聊天，心情又得到舒緩之晚上。這店子的座位很多，亦很寬敞的，自助位子有很多食物～店內提供六款特色湯底，款款也很好呢。放題可以任吃美國牛肩、澳洲和牛，還有新鮮海鮮及多達四十的配料子，牛涮鍋有不同的海鮮極上牛鍋放題，我們選的是以下餐款:- 加拿大豚肉放題加- 美國牛肩胛放題一看發現，店子內的食物都是很新鮮呢，我們叫的加拿大豚肉和美國牛肩均是產地直送，新鮮味美，值得一吃。而且自助 Buffet 的吧亦有多款特色丸類，更難得是有蝦滑，朋友說有機新鮮蔬菜及菇菌類非常新鮮，更重要是任食喔，實在不錯。另有，咖哩飯及炸物小食也是任吃，而且味道也不錯的。吃飽後也供應4 款口味雪糕任食~很貼心~這算是新店，吃後感覺實在不錯呢！

熊本牛涮鍋喺山林道，因為是樓上舖的關係，價錢比較實惠，CP值很高！自助混醬區，除咗基本配料之外，仲有日式咖喱飯！蔬菜類、丸類、麵類，和雞肉都是自取的，有卷簾保持溫度和衛生。飲品選擇超多，淨係啤酒都有五六款選擇！最特別係有自家品牌嘅五花茶！有酒精無酒精，任君選擇！先來了一轉加拿大豚肉和美國牛肩胛，肉片切得夠薄，而且肥瘦均勻，淥幾秒就食得！我地叫咗木魚昆布湯底，無添加的，完全突顯出兩款肉的原味，正！蔬菜類也是很新鮮的，健康又好吃，不要錯過啊！第二輪Order咗美國安格斯極級牛小排，淨係睇都睇得出有分別，入口多了一份油香，肉質更為軟嫩，不得了！食飽䬲，當然要瘋狂食雪糕啦！這間店供應的是Haagen Dazs雪糕，食多兩杯好易回本！