熊本牛鍋 (永勝商業中心)

營業中

休息中

最近同朋友放工去食e間火鍋店食打邊爐，發現e間火鍋星期一至四無限時，任飲任食，飲品方面都見到有啤酒果d😋一個套餐食到有雞煲同火鍋都幾唔錯☺️出面仲有配料自助區，可以自己揀下唔同嘅配料。睇返個雞煲先，入面有鮑魚，大蝦，蜆，紫薯等等。雞煲嘅味道唔算辣，雞都幾嫩😋海鮮夠鮮味👍🏻我地食完雞煲就轉左打邊爐，要左蕃茄薯仔湯底。酸酸甜甜幾開胃☺️店員好快比左牛小排，豚肉，牛肩胛。當中牛小排肥瘦均勻，牛味濃👍🏻😋仲可以無限追加😆

第一次襯呢間舖頭 環境一般啦 職員態度很好 食物質素唔使講啦👍 叫就一定要食和牛餐 尤其是和牛供應源源不絕 真係要畀💯like佢 仲有第二個賣點 你可以食足I80分鐘 今次冇食雞煲 下次會試埋 食飽喺度吹水都開心啦 其他食肆衹係可以坐90分鐘 淨係呢個都贏曬啦 飲品都係無限任飲 酒類飲品都好多 一定會再有第二次幫襯

超抵食雞煲皇牌套餐🍲🥳 ($258)邊爐任食任飲3小時都只係需要二百幾蚊🤩再送一份海鮮雞煲🦐🐓每人有鮑魚、鮮蝦、蜆各兩隻，加上美味嘅雞煲（半隻），真係好抵呀！頂級牛小排、牛肩肉、豚肉、雞肉都可以任食，場內仲有各種火鍋配料任添🤩特別推介牛小排，肉質軟腍又重牛味🐮嘢飲都幾特別㗎，有自家製嘅夏枯草、葡萄適等等，打邊爐嘅時候飲真係一流呀😩🔥三個鐘頭嘅任食火鍋真係比較少見，慢慢食唔使急🤭啱晒食嘢慢嘅人🤣🤣其實我哋都冇食夠三個鐘，但係可以慢慢咁食真係唔錯㗎😇

8號風球下，想和朋友晚上食飯，所以試下WhatsApp餐廳book位，非常快回覆， 態度非常好，抵讚！講返最重要的食物，首先食雞煲加海鮮，海鮮鮮甜，但d雞就比較差，唔知點解只有d骨，唔多肉。Like&share網頁會送生蠔，質素就麻麻地，免費的野唔好要求太高。我們食$258餐，牛肉選擇唔太多，一分錢一分貨，明白的。最後食埋雪糕和泡芙作結。總體來說，餐廳位置比較難找，服務好，食物普通，但可以坐3小時，的確比較難得。

餐廳：熊本牛鍋 (尖沙咀）地址：尖沙咀山林道21號永勝商業中心2樓A號舖尖沙咀呢間熊本牛鍋 @kumamoto_hot_pot 開咗2年有多🐮，喺元朗有另一間分店，介紹俾大家嘅原因喺因為佢哋逢星期一至四無限時任飲、任食、任坐😍，真喺好啱一大班朋友過嚟吹水飲酒食成晚🍻今次嗌咗佢哋嘅和牛和風海鮮火鍋套餐，每人$298加一，加$1仲有雞煲任食🐔，另外仲送海鮮拼盤，有鮑魚、蜆同蝦🦐，唔使怕好似普通打邊爐咁淨喺得肉同丸嗰啲，有時轉吓口味食埋雞煲都真喺幾唔錯😋佢哋嘅雞煲唔會一味得個辣字🌶，醬汁亦喺餐廳自己調校，惹味得嚟食落比較溫和，感覺無咁熱氣🔥；海鮮亦都放埋喺雞煲裡面，即刻變咗做海鮮雞煲😆食完雞煲就可以進入直路開始打邊爐🍲，如果唔想要豚骨湯底嘅話可以加錢轉其他湯底。加完湯底，店員再送上五份任食肉類，包括澳洲和牛、牛白肉、加拿大豬肉、頂級牛小排同牛肩胛🐂。澳洲和牛細緻嘅大理石紋理縱橫交錯，淥大概30秒，嗰種入口即溶嘅感覺真喺一試難忘🥰；牛白肉喺比較少見嘅部位，喺牛胸肋骨上面一塊細筋膜肌肉，充滿豐富嘅骨膠原，食落爽口有陣陣牛脂香👍雖然配料對比一般火鍋店唔算太多，但都有幾多特別嘅餸菜，例如炸魚角、白水

短版：食到一半發現啲牛肉有啲黑色一點點(如圖)，唔知係咩黎，即時無哂胃口兼反胃。成餐食完又痾又嘔。長版：入到去坐底見到張櫈係甩甩地皮既，男仕就無所謂，帶女仔的話可能坐得唔係咁舒服。坐底就攞野飲先啦，疫情底下其實都慣左飲罐裝用飲筒。因為運送過程唔知個罐口有無放地下或者落雨滴污水滴雀屎之類，直接用口飲就有少少污糟。但係餐廳就無提供飲筒，如果係環保問題可以提供紙飲筒，食你幾百蚊一餐任食，無理由紙飲筒都要慳嫁。咁呢個位已經有少少不滿。後來食食下野無啦啦有隻手由後面伸過黎拎起我罐野飲搖一搖，嚇到小弟個心離一離，原來係侍應拎起搖一搖睇下飲哂未。我望住個侍應隻拎完生肉又一直執枱既手，摸完我罐野飲就走，莫名感覺到一種美好事物比人係眼前沾污既感覺。大佬我罐野飲放咁近，個位點都唔似有示意你收走。又無飲筒又唔想拎起罐野，未飲哂都唔想飲。重點黎喇，食到一半發現啲牛肉有啲黑色一點點(如圖)，唔知係咩黎，即時無哂胃口兼有啲反胃。食過咁多間牛鍋，都係第一次見牛肉上面可以有黑色點點仲要拎出黎比客。無咩胃口想試埋個雪糕就走，雪糕就係無牌子批發大桶裝嗰隻，放係出面比大家任掘。疫情之後都好少見有餐廳夠膽咁做，比個個都可以放

🌸尖沙咀港式火鍋🌸熊本牛鍋🐮夏天已靜靜地來到，也無阻愛好火鍋的我！今天特意相約友人到了尖沙咀一間抵食港式雞煲火鍋放題店-「熊本牛鍋」享用一頓豐富的雞煲火鍋放題是日晚餐❗餐廳裝修簡約❗店員殷勤有禮，會時替客人收拾碗碟。🍽我們惠顧了以下晚市放題：👉🏻180分鐘雞煲澳洲和牛套餐 $298@🤩平日星期一至四享無限時任食任坐任飲💲加$1 更享雞煲任食（元朗店獨家）而放題套餐包括：🐓🍲和風海鮮雞煲火鍋首先會先吃含有豐富優質時令海鮮的香辣惹味雞煲，有肥美鮑魚、鮮甜大蝦、香嫩硯肉及香滑幼嫩雞肉，充滿濃郁秘製雞煲香味，然後會加上上湯作火鍋湯底繼續品嚐其他豐富配料。🐂牛類有多款嚴選上盛牛肉作火鍋配料，當中包括上盛澳洲和牛、牛白肉、頂級牛小排及牛肩胛 。每款牛類火鍋配料肉質也相當鮮嫩滋味，雪花分佈均勻，能充份吸收湯底精華，口感不會韌，十分惹味。🍽火鍋配料自助吧還備有多款火鍋配料。有多款時令翠綠蔬菜、豆腐、蝦滑、木耳、魚蛋、腸仔及鴨血等。🥤飲品火鍋店提供多款火鍋必備解渴飲品如汽水、紙包裝飲品、啤酒及自家製茶飲等；當中有自家製冰糖紅棗燉雪耳，味道香甜清新、解膩一流。👉🏻醬料方面有多款醬料包括醬油、炸蒜、芫茜、蒜

都一段時間無食雞煲火鍋，有少少想念，所以即興約朋友刷餐勁😋哩間雞煲火鍋店之前喺元朗食過，質素唔錯🤤。無限時嘅可以唔洗就住就住，俾你食幾耐都得🤗，今次仲唔食到回本✌🏻。元朗分店平日(星期一至四)就可以俾你無限時🤩任食任飲任坐，實行真正吃到飽捧住個肚走😚·和風海鮮雞煲火鍋放題，顧名思義咁梗係食🐓雞先，雞件大大件啖啖肉，雞煲仲加入鮑魚🐚，叫咗少辣都好惹味。食完雞煲再加湯打邊爐🥘 揀咗($298)嘅雞煲澳洲和牛套餐🐂，澳洲和牛、頂級牛小排、牛白肉都好高質🤩 牛魔王🐮真係夠哂興奮！牛肉紋理同顏色都勁靚，脂肪分怖均勻😍個人特別喜愛牛白肉，牛白肉即是牛胸爽肉，入口仲有層油脂充斥口腔，酥香嫩韌，好好食😋·自助配料有多款選擇，推薦墨魚滑、白水丸、鮮蝦雲吞等等👍🏻。另外仲有不同汽水、啤酒等任飲，最特別仲有店家自家製養生飲料供選擇。當然唔少得我最愛嘅🍦雪糕，Dreyer's係一大桶，想食幾多球就幾多球， 我好似食咗6、7球😚😆，大滿足💖·📍熊本牛鍋尖沙咀山林道21號永勝商業中心2樓A號舖

食物：我叫左個海鮮雞煲$298小小辣，個雞煲無味，好淡，唔夠香，直頭無味，去食一品好過。湯底：清到⋯⋯得3個白蘿蔔，冇其他配料環境：地方好細，燈光不足，好暗位置：好偏僻，上到2樓，感覺似係非法開店咁樣（感覺炸），又關哂門之類，唔知咩事，你地試完就知我講咩食一次中哂伏好處：D牛又的確幾正，食完可以再叫員工好好禮貌，值得讚Total: 10分 我俾2分，因為野食太差，得牛牛係得，完😞最後賣單係$335 一位，好貴，食一品都唔駛呢個價！

同朋友第一次上去食放題火鍋，簡單講解：環境都狹窄燈光又些暗，冷氣好似唔係好夠。我地叫左個雞煲食但湯底好淡味隻雞就唔太好味，之後加湯轉打邊爐，食物方面唔多選擇都係普通超市會買得到，和牛方面我覺得食落只係普通牛肉，我就諗自己買嘢返屋企打邊爐可能好味過佢不過好在飲品都算多款，還有兩三款雪糕同泡芙，但我個人很少食甜品不知道好唔好味。好在嗰度有兩位侍應都好有禮貌，我記得我上到去係walk in，我就問侍應我無預約可以入去嗎？佢就望一望入面就即時帶我地入去坐，然後好清楚甘講解畀我哋聽收費，我哋選擇了二百幾蚊個嗰餐，但食完後覺得唔直。全場都係侍應服務好呢到加返分，不過好似得兩個侍應做都做唔切， 人手已經不夠底下佢地都咁有禮貌對人直得一讚，到埋單這位女侍應有笑容好有禮貌比張單我地睇，還有笑著送我們出門口以上是個人感受

今次搶到kkday買一送一3小時火鍋任食，去到可以任揀一款湯底，如果要鴛鴦鍋/龍蝦湯就另外加錢。我地叫左個木魚昆布湯，香味都濃，職員上菜非常快，一入座一陣間已經上左海鮮拼盤同2隻蝦刺身，仲有分別一盤牛肩胛，牛小排，同一盤豬肉。牛肉既質素唔錯，唔會太肥，而且後續叫既牛肉同最初上既牛肉質素一樣咁好。同埋職員態度值得一讚，一開始帶入座既女仔講解詳細又溫柔，仲有笑容添。後面有個後生男職員好勤力幫手收碟，同埋加水都加得快，而且叫野食都好快送到。野飲方面都多選擇，有d應該係自家製例如紅棗雪耳冰糖水，幾清甜但好快冇，入座見到有要快d拎左先，另外仲有一堆韓國飲品都唔錯。整體黎講cp值好高，服務非常好，又唔駛左等右等，非常滿意！

嗰晚就同左啲朋友去放題聚一聚食吓好嘢本身就諗住呢個地方200幾蚊ok ，所以就去咗試吓，咁就嗌咗個壽喜燒湯底同。咁佢又有海鮮又有牛肉，而且海鮮嘅質素都可以，仲要一人一個煲，可以試多個湯底。1.牛肩胛同埋豚肉首先佢啲肉嘅質素都唔錯嘅，啲肉都唔算太肥俾啲脂肪位你，佢啲牛肉嘅肉同埋脂肪比例都幾均勻，-2.海鮮🦞咁佢個海鮮都幾驚喜，有蝦有蜆仲有鮑魚，家系壽喜燒個湯就啱啱好，唔會令到啲海鮮失去咗個鮮味，而且啲啲蜆都幾大隻，啖啖肉，鮑魚個size都唔係cheap貨，亦都唔會細細隻，最鍾意係佢個扇貝舊肉真係好滑3.

早前都係朋友推介，上網買coupon 又抵又好食，受唔到引誘我就衝左去買。3小時日式火鍋放題任⻝牛小排 / M8-9澳洲和牛 |送海鮮盤+海膽（每位$239 ）好抵呀 239咋，加1到時現金俾就得不過佢都幾爆，所以買之前記得睇吓有冇位。當然你都可以買咗先，因為佢有效日期都有一個月，記得記得WhatsApp 同佢講買左想book 邊個日子咁。位置唔算難搵，上到去間鋪唔算好大，但係佢位置安排得都幾舒服！蔬菜類，丸類係基本款，嘢飲有驚喜，有廈枯草同雞骨草！真係不得不讚佢嘅牛小排非常之鮮嫩，👍🏻👍🏻👍🏻仲提供唔同位置既牛肉，食完呢度既肉係食唔番出面一般放題既肉。太好食啦！我哋一路食一路係咁喺度問點解可以咁平都有咁高嘅質素🤣🤣🤣（不過我地掛住食唔記得影啲肉🥲）職員上肉既速度好快，態度都好好！有啲船期問題冇海膽提供，所以佢加多左海鮮俾我地。有鮑魚有蝦有蜆有青口，好正！！！*大家量力而為，唔好眼闊肚窄☺️☺️☺️☺️*

只有第一round係真和牛。其他refill所謂和牛都是普通牛肉。 海膽話係先到先得。。。火鍋湯底唔得refill，只有熱水。。。服務態度非常普通。人均消費300左右，極度不推薦。

👨🏻‍🍳食物: 湯底： 本身包鴦鍋， +$30 加左出色的特濃龍蝦湯，湯頭好濃， 記得落食物前飲啖湯先，美中不足是之後加湯用滾水， 愈溝愈淡。 主打牛肉： 第一轉俾左所有牛&豬你試左先，分別有： M8-M9 和牛， 牛白肉，安格斯牛小排、牛肩胛、加拿大豬柳； 每款有6-9片， 分量十足。 個人比較M8-9和牛同牛肩胛、 因為油脂比較少， 和牛淋D同牛味濃D。 海鮮：每位都跟時令海鮮盤 (鮑魚/蟶子/蚌/蜆/扇貝) + 海膽板 （不可任食） 但勝在新鮮， 彈牙， 不過蜆有少少沙。其他配菜， 飲物， 雪糕要自己出去拎。 款式好多， 有少見的羽衣甘蘭， 日式咖哩飯😅， 飲品都有黑/白啤， 自家制涼茶， 韓式罐裝飲品。🏙環境：山林道大廈樓上鋪比較隱蔽， 入到去地方， 枱都夠大張， 唔會特別細張。🤵🏻服務：收碟收得密， 亦主動問我地加唔加肉。💰價錢：有2種選擇； 牛小排日式火鍋放題約$230-$240/位；M8-9 和牛日式火鍋放題約$280/位😋抵食： $300 內任食火鍋， 物超所值。 食材新鮮， 加埋海鮮， 真心抵！