熊本牛鍋 (永勝商業中心)

營業中

休息中

自選湯底- 揀左木魚昆布，有兩大塊昆布，清清地幾夾用黎打邊爐。.美國牛小排-好薄既牛肉，一放落鍋就熟.美國牛肩胛-重牛肉味.加拿大豚肉-大大片，肉質不錯.火鍋配料除左一般火鍋有既丸類、蔬菜及菌類 及粉麵類外，特別如蒟蒻、包心貢丸、韭菜餃魚皮餃等都有供應。.除左火鍋，仲有熟食小食可以任拎～日式咖哩牛肉，配飯一流。.炸單骨雞翼-炸得很好！好食！.Haagendaz 雪糕-有4款味道供應。我食左4球，已經回本啦。.飲品櫃有餐廳自家製既涼茶 同 其他罐裝飲品。

今日黎到任依牛肉放題，豪爽既男朋友帶我黎食A4和牛既熊本牛涮鍋！位於尖沙咀山林道21號永勝商業中心2樓A號舖，雖然地方唔太好搵，但食物都有水準而且好貼心既服務！今次叫左個A4和牛點解我會話貼心？因為職員會比埋其他肉你食，可以逐樣牛試哂，除左食到更多唔貼既牛肉，更可以試出唔貼牛肉既分別及味道！加拿大豚肉肉質爽口，肥瘦分明，完全唔鞋口！美國牛肩胛牛肉味最為濃郁，肉質有點鞋口，脂肪較少美國頂級牛小排望落同美國牛肩胛有點分別，脂肪分佈平均，雪花紋好靚，牛肉味好濃又不失牛脂味，口感最好A4黑毛和牛脂肪較前兩者最多，牛脂味亦為最濃厚，可惜肉質有點散，較難夾到完整一片，但就係禁，入口即溶，好正！職員亦好貼心，會逐漸增加牛既級數，鐘意牛脂味真係好鐘意禁食，仲可以好明確禁食到牛既分別配料配料大約有四十多種配料，大部分以蔬菜為主，食禁多肉，蔬菜係必須！甜品甜品以Haagen Dazs 雪糕飲品除左基本罐裝飲品之外，重點有夏枯草，五花茶等，雖然打邊爐飲汽水係好開心既事，但亦都要健康，夏枯草就岩哂可以降下火

今日經過見到呢間新開嘅日式打邊爐， 心血來潮好想試下，咁就好即興食咗呢間。餐廳都算大，時間可能尚早，所以冇咩人。湯底都有好幾款，我梗係試啲特別啲嘅湯底啦，所以就揀咗鮮龍蝦濃湯底。 湯底夠曬濃郁，好重龍蝦味， 湯底鮮甜，味道幾特別。加拿大豚肉唔會太肥太鞋， 入口嫩。而美國牛肩肉非常新鮮鮮豔， 牛肉軟熟而且沒有筋。美國安格斯牛小排， 看起來好似好肥，但食落口又一啲都唔流， 好重牛肉味之餘仲好有口感。隨意夾咗牛丸，芝士丸，獅子狗，蟹柳，魚片頭等等，非常豐富!蔬菜當然也不能少， 隨意也夾咗金菇，粟米 菜心苗，款式非常多。放得整齊企理，感覺好衛生。第一次見到有牛蒡茶飲， 味道清新帶些少甘甘地，唔會太甜，感覺幾特別。最後食返個藍莓movenpick雪糕， 藍莓味好重，雪糕夠滑，簡直係我嘅摯愛。涼茶果汁款式都好多， 任君選擇。放題都有四款，可以揀一款啱自己心水。 價錢都好大眾化，喺尖沙咀嚟講都算平。

上到去等等等左好耐先有人招呼真係service 客人既服務員得1個，仲要生手我三個人去食送個板海膽有4小指甲片 睇到都呆Q左，咁小家就咪鬼送好過，見到都吾開胃....海鮮6種包括聖子3隻丶鮑魚3隻丶花甲3隻丶蝦3隻丶蜆3隻和幾粒螺仔，新鮮度一般，每人分得一隻牛肉算可以 其他配菜還可有二三十種醬汁 有豉油丶蔥丶炸蒜丶芫荽豉油超級咸同生抽冇分別最奇怪火鍋店竟然會冇辣椒供應，店員解釋今日冇返貨。再問有冇任何辣的醬汁可提供，店員話搵吾到....對食火鍋要吃辣既人都會明白餐飯會有幾咁乏味.......任食雪榚......算吧見到都吾開胃比OpenRice 打手呃左竟然一個負評都冇，今日終於相信真係有好多打手⋯⋯因為真係覺得被騙，所以第一次寫食評。

相隔數月姊妹們又再聚會今次揀咗開住冷氣打邊爐 烚下烚下開心啲呢間火鍋店位於佐敦同尖沙咀中間嘅山林道全條街食肆林立唔在講不過第一次嚟呢度 係搵路嘅過程有少少曲折 好彩無蕩失路一入到店內 已經有好多枱打緊啦 當時係大概7:30 我地一班牛魔王就揀左牛小排 × 番茄薯仔豬骨湯底 （夠晒貼地）係等湯同牛嘅來臨之前 我就去咗拎野飲一去到個雪櫃前面我不禁心裡“嘩“咗一聲任飲飲品入面竟然有五花茶同夏枯草正啊喂 五花茶同夏枯草都唔甜 仲飲得出堅係涼茶一邊飲涼茶一邊打邊爐 乜燥熱都化晒啦同時間 有姊妹都去左食材吧攞其他食物都算多野揀 好欣賞係菜類選擇比較多連魚滑都有無限供應 另外麵類選擇都唔少好快個湯底就到左 真係好濃嘅番茄薯仔味一瞬間啲牛肉都到埋啦 都算肥瘦適中 不過就相對切得薄少少Anyway打邊爐就由丸腸菇開始咗啦個爐嘅火力都幾強勁 啲煙不停吹去我塊面唯獨個抽風系統唔係好夠 我個人就開始覺得熱啦食到咁上下要加牛了 呢個時候我發現有師傅即場切牛 好fresh 不停咁食咗個幾鐘已經飽了係時候去食甜品 Haagen-Dazs雪糕今日有四個味道：綠茶，朱古力，焦糖，同杏仁我就揀左朱古力同焦糖 濃厚幼滑美中

朋友喜歡烚下烚下 找了間零負評火鍋店有人想試 一向愛嘗鮮的我當然樂意奉陪環境雖然較平凡 但價錢在鬧市中算吸引揀了兩小時任食牛肩胛 加埋一先二百蚊湯底揀咗蕃茄薯仔豚骨湯 顏色深幾重味係蔬菜味竟然帶一點點酸辣 味道算不錯牛肉質素不錯有肉味 油花分佈也頗均勻美中不足是有部分未完全解凍 較難挾起其他火鍋配料則是自助式 款式種類很多比較特別的 有萵筍有蟹棒有韓國公仔麵菇類蔬菜類很多 女仔唔洗擔心會無野食至於飲品同甜品 應該係我最欣賞的部分自家製五花茶同夏枯草 打邊爐下火啱哂五花茶清清地 甜度不太高感覺比較健康雪糕Haagen-daz 自己挖 想食幾多都得有我至愛焦糖脆餅味 仲有抹茶同朱古力食咗幾球 任食好爽呀雖然減肥中有負擔整體質素正常 價錢係抵食食雪糕都回本

話說見到網上介紹尖沙咀有間抵食既火鍋放題，於是揾朋友一齊黎食🥳基本上佢有兩類可以選擇，一款係兩小時自助火鍋放題，可以揀加拿大豚肉/日本雞/牛肩胛/牛小排/黑毛和牛，價錢就跟你揀嘅類別而定。而另一款就係五小時任食，可以食晒豬🐷雞🐥牛小排同🐮牛肩胛🤩.湯底都有多款選擇，我地就揀左蘿白豚骨濃湯，幾清甜。牛魔皇既我打邊爐最緊要有牛🐮🐮🐮，牛肉質素比我預期既高🤩牛肩胛新鮮而且好有牛肉味。牛小排肉既脂肪比牛肩胛多啲，牛味濃郁。豚肉一啲都唔韌亦唔會好鞋口🤤🤤.除左肉之外，仲有好多自助火鍋配料🤗例如鳳城水餃、韮菜餃、魚皮餃、鮮蝦滑、牛筋丸、芝心獅子丸、沙拉龍蝦丸等。菜又新鮮，整體質素真係唔錯，可以一戰👏🏻.飲品方面有十多款選擇😯👍🏻咁細間火鍋店黎講絕對足夠，最驚喜仲有成枝涼茶添，啱哂我🔥呢度仲有出面比較少見既牛蒡茶，都不妨試下👍🏻.就算食到飽飽都記得留返個胃食甜品呀！甜品有四款Haagan Dazs雪糕任食😍😍😍包括有朱古力、夏威夷果仁、藍梅同焦糖脆餅🤤🤤超滿足🥰.💟由於餐廳唔大，建議最好預約定，咁就唔驚黎到冇位！

火鍋店位於山林道比較近佐敦地鐵站火鍋店似係新開裝修好新淨！價錢方面劇同其他日式火鍋店一樣，有幾種唔同級數的肉類選擇！可以俾你任食！睇吓你會揀邊一隻！湯底方面呢個選擇比較多，大約有八款！而我覺得最吸引嘅係個龍蝦湯底！而我哋揀咗龍蝦湯底，嚟到些時候龍蝦湯湯底個都好香味，好香濃嘅龍蝦味！嘢飲方面比較特別，有自家涼茶飲五花茶同埋夏枯草！而且仲有牛蒡茶，有啲好特別嘅韓式飲料！呢啲係日式火鍋店比較少有嘅！配菜方面都係可以任食，應有盡有！特別嘅特別之處係佢有蝦滑話俾你食😁其他日式任食火鍋店係冇見過嘅！而且仲有韓式公仔麵！雪糕方面雖然唔係獨立包裝，但係有Häagen-Dazs嘅四種味俾你任食😁

今日嚟到尖沙咀行街食飯，行到咁上下同女朋友商討究竟我哋去邊度食飯好呢？係尖沙咀食飯但多數都係日本野拉麵放題為主，最後我哋就選擇咗去山林道食一間新開嘅熊本牛刷鍋放題，山林道就出名最多嘢食嘅唔知呢一間個味道又如何呢因為實在好耐未食過牛刷鍋 上到餐廳店員為我地安排位置然後就介紹放題嘅幾種唔同肉款，坐嘅位置其實亦都好歡堂好舒服，未叫嘢食嘅時候已經聞到一陣陣香噴噴嘅火鍋味道 美國頂級牛小排，肉味非常之香濃油份同肉味亦都成正比 豚肉非常之好味，肉味非常之香濃 餐廳所有嘅配菜亦都非常之好食，有芝士腸，貢丸牛丸，豆卜，蔬菜類，仲有食放題必食嘅韓國麵

平時都唔知原來山林道咁多火鍋店 今日朋友帶我黎食呢間熊本牛涮鍋 話有我鍾意既牛小排食😋其實形式係類似啲連鎖一人一鍋 不過呢到就係幾人一鍋 咁先係打邊爐嫁嘛🍲🤣坐低無耐 已經俾佢個飲品櫃吸引左 除左係街行完真係好熱外 呢到既飲品種類都好多選擇 要甜有甜 要無咁邪惡既就無咁邪惡 仲要勁有心有自家製出品既涼茶！到揀湯底 6款湯底任揀 全部都好吸引 最後我地揀左蕃茄湯底 睇下啲蕃茄味同豬骨湯夠唔夠濃😋湯底一上到 見到有蕃茄肉 證明好足料🤣除左預設既肉外 仲有個雪櫃擺左好多唔同配料任夾 配料之多係可以滿足晒你既願望 仲要我平時鍾意食既 大部分呢到都有😋🥰好正到到最重要既肉喇！食左豚肉、牛肩胛同牛小排🥩 豚肉值得大讚 厚薄剛好 肉質唔鞋 食落係爽脆！因為食左牛小排 所以頓時覺得牛肩胛無咁正（本身就咁食都正）🤣牛小排肉身薄啲 同肉既脂肪多啲 食落會滑啲同易嚼 唔會太乾爭爭！去到尾聲 有任食四款口味既haagen dazs雪糕！！唔係平時食個啲一盒盒 係真係自己筆 感覺好似好食啲 同埋啲味特別啲 我今日食分別有焦糖脆餅、藍莓、夏威夷果仁、朱古力～😋食完好滿足 食物整體都比連鎖個啲邊爐高質 環境都幾靚

聽聞係山林道有間新開既涮涮鍋，味道都唔錯，趁放假試下先。地方好隱蔽，大廈既電梯係巷仔入面，要好注意，如果唔係就錯過啦😭餐廳既地方唔算好大，但都坐得舒服，座位下面都有籃比你放袋，但最好唔好帶太大既袋啦😬呢到既涮涮鍋分左4種價錢，最平既就得豚同雞肉，最貴既係A4黑毛和牛任食，今日梗係叫和牛啦，承惠$328再另加一。除左肉任食，配料都有成廿幾款，我幾鐘意佢既水餃，食左好多隻🤤另外仲有好多款丸類, 蝦滑, 有機新鮮蔬菜及菇菌類等等，任你食。熟食有兩款，咖哩飯同炸雞翼。咖哩飯一般般，雞翼同麥記脆香雞翼一樣，所以都唔錯☺️🥢🥢加拿大豚肉，顏色粉嫩，涮熟後口感爽口👍🏾美國牛肩胛，鮮紅色，證明好新鮮，肉質係較瘦，睇到油花係冇乜，但入口濃牛味，有咬口，適合怕膩既人。主魚A4 黑毛和牛，係日本直送，油花平均分佈，入口雖未至於入口即融，但可以食食豐富油香同肉香，食多幾碟一定回本😝呢到仲有Haagen Dazs雪糕任食，有四個味道，又一回本位👍👍佢既飲品都有好多，其中最正係有涼茶呀，清熱氣一流

今日放工有啲口痕想食牛肉 上網search到呢間開左應該唔算好耐嘅日式火鍋等埋阿妹就去試啦 入面都裝修得幾靚 又新淨 唔會話好污漕我地揀左個蘿白豚骨濃湯 清清地又幾甜bar枱都幾多選擇 有幾種菜 又有金菇冬菇芋絲 魚皮餃 仲有蝦滑添 幾特別架 另外仲有芝士魚豆腐 獅子狗 蟹柳 豆腐卜我見到仲有啲熱食 首先上嚟啊就係豚肉 成日都覺得豚肉好鞋食落口會好唔舒服 但呢個都好滑 食完又再食仲有牛肩脊 店員都介紹話會比臀肉再滑啲牛小排 呢個真係好正 好有牛味 又好滑擺落去兩三秒就熟哂 見到隔離枱有A4和牛 望落都覺得好正下次一定要試下呢隻A4和牛同其他有咩唔同先打邊爐最怕成身一浸味喺度打完都唔會覺得好臭 又唔會好吸味

見到呢間都幾多好評 所以決定試試佢😂老實講 個位置都算隔涉架 但都有唔少好評所以我都有信心唔會中伏🙈店內其實唔算大 我平日放工嚟都有8成full難得嚟到緊係揀日本直送極上A4黑毛和牛放題啦聽講係產地直送！飲品任飲 都唔少特別款係出面未必有😂打邊爐咁熱氣 一定要飲佢地自己製涼茶！大支又好飲！拍得住外面自己買既質素熟食嚟講 主要係咖哩飯同炸物 今晚係炸雞翼 想講炸物都算高汁！有8成似xx勞既脆香雞翼因爲我本身係勁中意 xx勞既雞翼 所以我好興奮咁啪左好幾隻😂重頭戲嚟啦 就咁睇紋路都覺得肥瘦分佈均勻 食落雖然未到日本和牛給即融 但係果個牛味好新鮮好好食 完全好食過出面啲牛系列既店出面仲有自助食物吧 有菜呀 丸類 蝦滑等等 最後緊係食甜品！係自助4款味既Haagen Dazs雪糕任食😂感覺扺返哂！

抵食高質牛肉放題, 識揀一定係揀A4和牛任食!講真呢間餐廳如果唔係朋友帶我黎，真係唔識黎呢邊搵好西食。佢係山林道其中一幢大廈嘅樓上鋪黎，可能因為係樓上鋪，鋪租無咁貴，所以呢間餐廳嘅價錢好貼地，而質素十分實在同高質。一去到門口，STAFF就俾左張個MENU我地揀。MENU上面有4個主題，每個主打放題價錢都會有D唔同，由最平嘅$168到最貴嘅$328任你簡，分別有豚肉雞肉、嚴選美國牛肩胛、美國頂級牛小排 同日本直送極上A4黑毛和牛套餐簡。因為我地上去之前已經做哂功課，亦都一心已經係諗住食和牛，同埋呢到既玩法係揀左貴嘅，可以食暈哂佢幾多野無限制，反正難得一次， 所以諗都無諗就已經同店員講簡日本直送極上A4黑毛和牛套餐。我地揀左蕃茄薯仔豚骨濃湯，我最喜歡既蕃茄薯仔，蕃茄味勁濃！呢度嘅食材都十分新鮮，豚肉爽身完全唔會鞋口；牛就分別有三種牛可以食，分別係美國牛肩胛、美國頂級牛小排 同埋A4黑毛和牛！美國牛肩胛，牛肉味濃，唔會韌！美國頂級牛小排，雪花紋靚脂肪分佈剛好，牛肉味好重，幾有口感！STAFF教最後先食A4黑毛和牛，好彩有聽佢講, 因為食完真係返唔到轉頭，感覺係入口即溶, 但係又唔覺得膩, 反

大熱天時，朋友話約我食shabu shabu涮涮鍋，我即時反應係，唔係卦？🤪不過諗深一層，香港地基本上一年四季都可以打邊爐啦，又有乜問題，最緊要有冷氣啫😬於是佢就帶左我去尖沙咀山林道「熊本牛涮鍋」🍲一上到去，好旺場，呢D熱閙氣氛我最喜歡😘，食嘢特別開心🥳首先巡下自助區，食物排放整齊，種類繁多，應該有嘅都齊哂👍🏻最特別嘅係呢度除左有汽水🥤飮品之外還有自家製五花茶、夏枯草涼茶，我試過好正氣，又唔會太甜，打邊爐啱哂❤️上面係牛小排，下面係A4和牛，好靚好新鮮，雪花均勻分布😍特別係A4黑毛和牛，油脂分佈平均，像點點天上繁星🌟一樣，極品即是極品😍湯底揀左蕃茄薯仔豚骨濃湯，蕃茄味好濃郁，用嚟食牛特別夾，當然還有其他不同湯底選擇🤗傾下講下又食下，120分鐘好快就到，呢餐食得好滿足，食材新鮮，氣氛熱鬧，地點又方便，食完仲可以係附近Shopping一番😂