熊本牛鍋 (永勝商業中心)

營業中

休息中

我老公同阿仔昨晚晚餐上咗去食火鍋，食物一般，冇太多選擇，侍應安排佢哋入了一間房仔坐，缺乏服務，仲要食食下有隻曱甴爬出嚟，上嚟喱度睇下，但食評寫得非常好，但我哋以後唔會再去

呢排煩緊轉工事宜肥🐽就話搵間火鍋店SHABUSHABU可以邊食邊減壓最後我地搵左呢間「熊本手涮鍋」啦.熊本位於尖沙咀山林道但其實由佐敦站出會近好多山林道呢條街有好多火鍋店而佢係永勝商業中心嘅2樓即係樓上鋪上到去見到走廊冇人吾係玻璃大門亦冇任何裝飾以為搵錯地方點知一推開門哇，全店幾乎滿座，好熱鬧呀感覺上好似黎左間私房火鍋店.兩小時嘅自助火鍋放題一共有六款我地揀左美國牛肩胛放題 $198一位可以食盡牛肩胛，加拿大豚肉同日本雞肉添相當之抵食同枱要揀同一款放題架至於湯底我就揀左泰式冬陰功湯.落完ORDER第一件事緊係要四周圍望下，拎野食啦有飲品區，火鍋料自助區，甜品區同熟食區.主要係韓式飲品，如檸檬汁，蘆薈汁，烏龍茶亦有幾款啤酒值得一提嘅係仲有自然製涼茶有夏枯草，五花茶真係邊爐救星，食完都吾會熱氣呢.目測有39款火鍋料呀有丸類，餃子，蔬菜，烏冬麵類，蝦滑等款式多多，最重要係REFILL得快架.有咖啡牛肉飯同單骨雞翼咖哩牛肉味道濃郁，仲有好多一粒粒嘅牛肉添單骨雞翼更係不得了，勁搶手所以好快清空，不過REFILL就慢左少少雞翼味道好似KFC，香脆帶少少微辣，大讚.有雲尼拿，芝麻，藍莓味雪糕同泡芙最

推介熊本火鍋放題又到高質食店林立的山林道覓食。為了對抗MondayBlue 及避開人潮特登揀最少人的星期一去，點知都係坐無虛席～一入門口就見到凍飲櫃，最吸引眼球的就是兩款自家製涼茶。五花茶同夏枯草都不過甜，個人喜歡夏枯草味道甘甘地。亦有其他韓國飲品啤酒，全部任飲。老闆大力推薦的番茄薯仔濃湯番茄味好出，以豬骨及自製茄膏熬製幾個鐘而成，建議大家火鍋開始前先飲一碗湯～我們點了中價牛小排放題，性價比幾高，加拿大豚肉，牛肩胛，牛小排每樣先來兩底，兩小時內任點。看見員工密密切凍肉片。三款肉的肉質上乘，油脂分佈均勻，厚薄適中，汆燙兩下就食得。因為湯底夠濃，完全無需其他調味。旁邊的自助吧蔬菜丸類配料不欺場。店家貼心地將芋頭南瓜粟米切細塊，滾一陣就有得食。手打蝦滑好搶手，喜歡蝦滑的朋友一定要試。韭菜餃韭菜香氣四溢，不可錯過。需要澱粉質的話就有日本拉麵，烏冬等。熟食方面有咖喱飯及炸雞，但太飽食唔到了。雪糕都食唔到了。之前去過同一大廈另一餐廳食飯，同樣缺點係樓底矮有點嘈吵。定係老人家如我喜歡安靜？

同事介紹，尖沙咀山林道，有高質素又抵食火鍋放題，今晚收工去試下。晚餐時間真的幾乎滿座。選了美國安格斯極級牛小排放題248每位，加一服務費，同枱要選同一款套餐的。覺得這個款放題很最化算，因為可以吃盡加拿大豚肉、牛肩胛肉、安格斯極級牛小排三款肉。選了了木魚昆布湯底，不用加錢，上桌時已聞到非常香的木魚香味。還有自助任吃的食物，有蔬菜類、丸類、麵食，還有熟食呢！這個比較特別！今晚有單骨炸雞翼，和咖哩牛肉飯，在等湯底未滾的時候，就可以先吃熟食，非常貼心！飲品種類非常多，熊本自家製夏枯草、五花茶，適合愛健康人士。汽水有韓國果汁，啤酒都有我喜歡的黑啤，打邊爐怎少得了啤酒！還有四款Drayer's 雪糕啊！這個價錢，可以任飲任吃，同事無介紹錯。先來肉類。牛肩肉輕微灼熟就可以吃，質感非常滑，入口肉質非常嫩，又香牛肉味，超新鮮！滿分推介！加拿大豚肉，口感嫩滑之餘，豬肉味道非常香甜，食材也是很高質素呢！美國安格斯極級牛小排， 脂肪分佈很均勻，吃下口感煙韌，牛肉香味強烈。湯底煮完肉之後，味道更香甜，這時可以煮蔬菜類和丸類了。我最愛的芋絲和金菇，可以吸收湯底的味道，質感又爽口，是吃火鍋不能缺少的。手打蝦滑，味道

收工前想食牛肉火鍋，同事提意到尖沙咀山林道一間叫《熊本牛涮鍋》，話呢間D牛肉不錯價錢又不貴，於是我們20:00收工三個人就去試一下，從佐敦站行過去《熊本牛涮鍋》約六分鐘左右，20:30 左右我們就到了，幸好還有枱，我們三個坐低後就選了$248 一位的放題，再加了$20 點了龍蝦湯底，這𥚃還可以每人加$68 升級海鮮盤，不過我們今晚主打食牛就沒有加，很快濃味的龍蝦湯底就來了，我們選的$248 分別可以食到安格斯牛小排、牛肩胛和加拿大豚肉及雞肉，三款肉除了賣相不錯，味道和口感都很好，果然同百幾蚊的火鍋放題無得比，這裡也有提供自助式放題的食物，如丸類、菌類、蔬菜和各式麵類等等，我最喜歡的是墨魚滑，熱食就有炸雞亦和咖哩飯，飲品方面除了啤酒汽水外也有涼茶可選，以兩百幾蚊來說質數真是不差，評語是可多來幾次。

呢排係社會咁緊張局勢既局勢之下 我相信大家都要去釋放下壓力既 而我同女友都希望可以透過食黎釋放壓力 咁就梗係要打個邊爐爽下先啦xd 於是就搵到呢間熊本牛涮鍋xd 主要係食牛啦 主打係加拿大豚肉 日本雞肉 美國牛肩胛 牛小排 同 A4和牛都係產地直送, 新鮮味美我地今次2個都點左牛肩胛 牛小排同加拿大豚肉餐 差在食埋和牛 我同女友都點左最原味最清既羅白豚骨湯底 希望可以試真d牛肉既鮮味~牛肩胛好有咬口 綠落去湯就知好新鮮 仲會有點紅紅地色 唔似香港一般既雪肥牛 會有黑黑地 豚肉都好鮮味 薄切 好易有咬口 唔會太多渣 同肉質十分鮮甜xd個人最鍾意既係牛小排 食落口有陣牛既鮮味 肉質鮮甜 入口都會溶溶地仲有唔同既醬料比你簡 令到成餐既味道都upgrade左tim佢地仲有多款唔同既飲品任飲 最特別都係佢地自家做既涼茶 2支飲過都好飲 唔會太苦 好岩打邊爐 清熱飲佢既自助吧有唔同款既特色丸類, 蝦滑, 有機新鮮蔬菜及菇菌類任食 另有咖哩飯 炸物小食 真係好食又多樣化蝦滑係手打既 彈牙又爽口 菜都好鮮 好綠仲有4 款口味Häagen-Dazs 雪糕任食 打底 好正下次同班友打邊爐一定會叫佢地再黎試

朋友生日去尖沙咀行街買嘢，行到肚餓當然要搵嘢食啦，之前友人介紹過一間叫「熊本牛涮鍋」食靚牛既打邊爐，位於山林道，朋友都是魔王，就決定去食野好嘢，門口都幾難搵，見到廣告牌才知道無行錯，上到2樓直接推門，店內地方雖然細小，但坐得不會覺得擠擁，裝修美觀實際，牆上還有很多圖片裝飾，服務員說比較多人食3號，我們就選了美國極級安格斯牛小排放題，有牛小排食都係248蚊，認真覺得超抵食，朋友喜歡吃辣又不想太辣，就選了泰式冬陰公湯底，很香很濃郁，分別叫了2碟牛小排,2碟牛肩胛和2碟加拿大豚肉。牛小排真的很好吃，牛肉和雪花黃金分佈，入口即溶很新鮮牛肉，件件厚切食完都幾飽吓，牛肩胛簿切一拖就熟，新鮮很有牛肉味，至於豚肉都唔差，很新鮮成碟食曬，另外還食咗啲菜，飲咗支涼茶和食咗4球雪糕，都是靚嘢，埋單都是5舊零水，認真抵食下次會再來幫襯。

6:45 分左右黎到餐廳，差唔多7:00-7:30 餐廳已經8成滿，要上黎打邊爐既記得最少前一日打去book位。入黎見到飲品櫃見到有自家涼荼都幾驚喜，有夏枯草同五花茶，涼茶唔岩飲既仲有汽水啤酒等。五花茶都幾好飲，甜度剛好，清熱解渴。$268 5小時任食真係好抵，美國牛小排，牛肩胛,加拿大豚肉仲有雞肉。好岩中意食肉既朋友黎。美國牛小排既雪花分怖得好平均，整體覺得呢款牛比牛肩胛好食，較薄身同較香滑，而牛肩胛就牛味比較濃，較大片。加拿大豚肉同雞肉質素都好唔錯，無冷鮮味。另外，仲有各款丸子同新鮮菜，韓國即食麵，素麵，烏冬仲有蛋，好多選擇。最後食埋個雪糕真係好滿足。

放假日子最鐘意同為食姐妹周圍搵嘢食，朋友介紹呢間任食火鍋放題，就去試試啦湯底有好多選擇,有豚肉，味噌，冬陰公，沙嗲，昆布，蕃茄薯仔，只要加多20元就有龍蝦湯底，一於加錢揀過龍蝦湯底，湯底滾起就聞到濃濃的龍蝦味牛肉和豬肉係落單，其他配料係自助，配料選擇種類也不少，仲有烏冬，生麵同韓國即食麵選擇還有咖喱白飯供選擇，咖喱做得出色，配白飯一流，咖喱汁配上炸雞翼一樣咁好味豚肉大大塊，不油膩食落有口感美國牛肩胛，牛味比牛小排更香濃，肉質比較煙韌，咬落有口感美國安格斯嘅級別牛小排，牛脂分布均勻，色澤新鮮，淥一會就熟，入口香牛味，肉質細滑飲品多選擇，最特別係有夏枯草同五花茶，清熱解毒，最啱打邊爐最後當然要食返個甜品先夠完美，雪糕不是一般貨色，係Haagen Dazs，仲要有四款不同口味任君選擇

同閨蜜shopping完就不約而同想打邊爐兩丁友又怕叫得多食唔哂無意中睇到一間火鍋放題為材，就一於gogogo📍熊本牛涮鍋有四款分別唔同既放題價錢我地揀左 豚肉雞肉，嚴選美國牛肩胛湯底揀左蕃茄薯仔豚骨濃湯點完湯底之後就岀左去攞配菜醬油 調味料 火鍋料都係自助形式！仲有咖哩牛肉同炸雞翼，白飯提供。熱愛蕃茄人士必點！蕃茄味濃郁，正！牛肩胛色澤鮮紅色，感覺新鮮，食落牛味重，又香濃，堅好食！份量足！我地2個女仔清哂🤤豚肉既脂肪分佈好平均！而且片片薄切，食得岀係靚豬🤫🐷自助配菜都算多選擇牛丸，貢丸，金菇，沙律龍蝦丸...好多最令我驚喜係竟然有蝦滑仲要係新鮮手打，彈牙爽口！抵食！雞肉大大件，無雪藏味！豐富，滿足，好食，平靚正！以後想一班人/少至兩條友，都可以黎食了😍

今日係尖沙咀收工，之後同朋友去咗海港城shopping。岩啱時候等到媽咪收工，諗咗好耐都唔知食咩好最後行吓行吓就嚟到山林道，見呢度有間牛涮鍋，一個價錢任食，睇落好似唔錯咁我哋就上咗去啦依排天氣熱辣辣，上到去第一件事就係覺得個冷氣好涼，正呀！店員過嚟介紹有多款牛肉嘅選擇，我最後我哋點左牛小排 $248包括左三款肉類（牛肩胛、牛小排及加拿大豚肉）任食另外仲可以選埋湯底，湯底花多眼亂，我哋用咗好耐時間先諗到最後因為媽咪鍾情於味增湯，其實個湯真係好濃郁。食到後來，其實我都已經開始要加水。飲品係雪櫃飲呢入邊自取包括埋有黑啤、韓式飲品及自家製涼茶。花花茶飲落足料，而且可以解熱氣我一個人都飲咗兩支牛肩胛，牛味濃郁牛小排，油香味香，而且牛肉更滑嫩。加拿大豚肉，平時出去食放題火鍋，應該都唔會主打豬肉， 但係依度超班水準。另外自助區入邊亦有好多選擇，蔬菜、丸類及餃子全部自取食到尾仲有雪糕🍦我嗰日有四款味道，曲奇、雲呢拿、士多啤梨、石板街

一向好喜歡食牛的打邊爐，打邊爐對最近剛開始行緊生酮飲食的我黎講非常有利。剛好呢間新開的熊本牛涮鍋好似好吸引咁，我同美女朋友就去試一試。佢位置有啲隱蔽，唔係咁容易搵到，宣傳都唔多，我諗都係賣口卑吧！好嘢多人推介。佢個位好大，適合成班人一齊嚟食嘢。講返嘢食，出面嘅自助buffet吧有好多唔同嘅丸類同埋蔬菜,推薦大家食呢度嘅蝦滑,好彈牙,蝦🦐嘅鮮味都到位，自助吧仲有鮮雞件同脆炸單骨雞翼😋二人選擇咗熊本美國安格斯極級牛小排放題😋個人激到佢剪加拿大臀肉，非常薄切，脂肪分布平均，每一舊都食到幸福嘅味道😋😋😋其次就係啲牛小排，牛肉味道好新鮮，沒有雪味。不得不提係佢個有四款味道嘅哈根達斯雪糕,仲要係任食。😻😻😻減肥中嘅我食唔到啦，但係我朋友就食得好開心！

平時對火鍋放題感覺不過不失啦！但比我發現到呢間主打高質牛肉既放題，所以即刻約朋友黎食！我地就簡左美國牛肩胂放題！除左你簡既牛肉之外，仲有多款配料小茶任君選擇！有火鍋必備既牛丸、墨魚丸、魚片頭、芝士腸同埋多款生菜！出去仲望到有咖哩薯仔飯，估唔到唔差仲幾好食！講返我最期待既美國牛肩胂，望落油脂分佈平均，輕輕一灼就食得，入口牛肉好嫩滑，絕對係有質素，而且牛味十足！呢度除左牛肉正之餘，仲有哈根達斯雪糕任食，可以食個夠本！呢度絕對無令我失望，我同朋友都好滿意，下次會再黎呢！

晚市2小時自助火鍋放題 total有四個價錢供大家選擇 最平嘅$168/位 最貴嘅$328/位主要分别係牛肉嘅級數唔同 但係四個價錢都係任飲任食嘅今日同朋友選擇咗中等價位嘅美國牛小排放題$238牛小排是雪花比較細密 牛肉味比較重 而且是薄切的 質素比較上乘即使點選牛小排這個套餐 亦可任食牛肩胛 豚肉及雞肉平時好怕食豚肉 因為覺得肉質比較嚡 但係呢款豚肉相當有肉味 而且肉質非常軟熟湯底方面加$20升級做龍蝦湯 非常濃沃嘅龍蝦香味 喺自助吧區域拎咗大量蔬菜 蔬菜吸收曬龍蝦湯嘅香味 超好吃的 湯底真的很重要自助區有好多款唔同嘅火鍋配料 各式各樣既丸類 餃類 腸仔 蟹柳...蔬菜亦有十多款提供 全部都好新鮮 而且清洗乾淨 餐廳職員添質食材速度非常快 值得稱讚手打蝦滑真係有粒粒蝦肉喺入面 味道非常鮮 而且彈牙仲有麵類提供 有三麵 烏冬 及韓國公仔麵飲品方面放滿咗兩個大雪櫃 全部擺放得非常整齊 仲有餐廳自家製嘅五花茶同埋夏枯草 好適合打邊爐飲用 可以清熱氣火鍋醬料隨個人口味自由配搭仲有haagen dazs雪糕提供 超鍾意食呢個朱古力味 朱古力味非常濃郁 作為飯後甜品確實一流原來早一日訂位 餐廳

放假打咗五個鐘頭波，又攰又熱又超級肚餓，波友問我想食乜嘢，我話最好係有一啲任飲任食㗎喇，結果佢就帶咗我去左一間佢公司附近樓上的牛涮鍋。這兒是上樓食肆，主要都是做熟客生意的，晚市兩個鐘頭自助放題，加拿大豚肉日本雞肉放題價錢$168，美國牛肩胛放題188，牛小排放題238， 我哋揀咗小朋友至愛的蕃茄薯仔豚骨濃湯，因為我覺得蕃茄薯仔係好配合豬肉同埋牛肉的味道。食物種類有一些與別不同的選擇，例如沙拉龍蝦丸， 芝士魚豆腐， 菜心苗， 秋葵等等飲品方面，起碼都有十款八款給你揀，還有他自家製的涼茶任君選擇。另外，香辣雞翼非常好味， 就算擺咗一陣都已經好香脆，而且平時食風沙單支雞翼， 一個餐前小食五六支都要38，48蚊，食返佢七八支都回到本。加拿大豚肉比起日本豚肉肉質夠結實， 不會像 其他放題一放入鍋中就散掉， 而且味道非常好， 平時我只食一碟肉，今天我食了三碟。美國牛肩胛比一般雪花肥牛， 脂肪比例較少， 牛味濃郁。牛小排搭起上嚟嘅時候好似彈下彈下橡筋一樣好得意，食落彈牙。 朋友話比較喜歡牛小排。食放題我至愛的就是看他 雪糕這二是haagen dazs四款雪糕任你選， 但是食他三杯雪糕已經九十幾蚊啦！