熱狗の家 (已搬遷) 新店位置

今日行街經過..諗起呢間..於是去試下試..叫左個夏威夷戀芝狗..因為見到有芝士...加多罐可樂..個熱狗黎到..好失望..佢所謂芝士只係一d芝士醬..唔似德國熱狗咁係一大舊芝士...味道還可以..有d黑椒o係面感覺上惹味d..如果無左黑椒味道會好寡...服務還可以..女侍應好熱心向我推介..但我一路聽佢講咁多個餐有咩搞到諗唔到自己究竟要咩...店外只有三數個位..多數都係做外賣生意..都係德國熱狗水準高d

有好多種吾同的HOT DOG (32種) 同三文治比你CHOOSE, 而且食左三款吾同的HOT DOG, 都覺得各有特色, 都好好味, 而老闆同老闆娘都好NICE, 好好人, 一個字"GREAT" , 下次我會再試下第二種味既HOT DOG .

近排好大壓力，收工覺得好累，本想不吃晚飯便回家去。回到荃灣，又有點肚餓。唉，肚子餓但食唔落既感受，真係難受。掙扎一輪，決定買些外賣返歸吃，突然諗起這家一直都好想去的熱狗店。店鋪小小的，比車品品的舊鋪還要細，主攻外賣生意。這裡，相信是兩夫婦的一對男女經營。我在門口揀選食物時，男店主很友善、主動地向我推介，真係有家既感覺。經一輪挑選後，終要了道地熱狗餐。什麼是道地熱狗？店主話係自制醬汁+法蘭克福腸。什麼是自制醬汁?原來是芥辣和青瓜粒。腸仔冇咩好講，醬汁的味道調教得不錯，不太辣，又幾醒胃。縱使我是晚沒有胃口，也得把它吃掉。跟餐有杯飲品，選了榛子咖啡。可惜，回家後已凍了，只喝到丁點榛子味，咖啡的香濃欠奉！我想，如果趁熱飲一定會好好多。食物不俗，又有熱情招呼，感覺很親切的！

今日我帶左我女朋友去食熱狗..行呀行下...終於搵到啦!!一去到睇緊個mena時老闆娘已經好熱情咁樣出黎講解介紹佢\今日既餐\係咩係咩我地叫左個蛋沙律海苔熱狗~同一個酸酸地咩梅子唔記得左叫咩名既熱狗~跟餐\叫再加多左20$叫多一個加大沙律叫~個熱狗唔錯~熱辣辣食晒之後等左一陣個沙律先黎個沙律認真唔錯~好有外國feel~唔係平時落沙律醬個d沙律~係落檻欖油個d~仲加d香草實在一流!!個餐\飲既豬古力奶茶都唔錯不過食完都係唔係太飽~而且價錢都有點貴~不過下次都係會去再試下其他款!!!

位置較偏僻熱狗款式很多, 不能儘錄, 亦是不好味到非幫趁不可, 但重要是她們很殷勤招待客人, 這點很重要

有一晚餓住個肚又得一個人,都唔知食咩好, 果陣已經七點幾, 行到華都見到有張熱狗之家banner, 有d好奇走落去睇下, 鋪頭細細間但好有歐陸feel, 心諗住左荃灣咁耐, 竟然唔知有間熱狗店,之後老闆娘就來招呼我, 真係好細心同有耐性咁介紹, 要左隻住家細狗, 跟餐加$5叫左個沙律同埋榛子咖啡, 老闆娘仲送左個飾物比我, 仲諗住要一個人食孤獨餐, 竟然變左溫暖餐, 食物同配料都好夠, 個沙律細細個, 但係賣相精緻味道好, 要再加分既當然係服務啦!(上兩張圖係第一次去)第二次同阿妹去, 今次老闆娘唔o係度, 但有個阿姨亦係好有心機咁同我地介紹, 叫左兩隻狗share, 道地熱狗+愛爾蘭熱狗, 兩隻味道有d似醬汁亦差不多, 有時真係覺得食野可以有多份溫情, 都會令人食完返尋味(下兩張圖係第二次去)

今天下午,一個衣衫襤褸,愁眉深鎖的人步入華都商場,此人正是在下,看到熱狗之家的菜單,驚嘆:有冇咁多種狗ar?由住家熱狗到上海三六狗,再到朱古力雪糕熱狗,真是款款新奇,樣樣想試凝望了菜單一會,店主主動走出來向在下介紹,可能店主見在下生面口,所以特別向在下介紹一些較易入口的熱狗,店主態度親切,也很專業,紹介得很詳盡,最後在下選了道地熱狗,因為本人很愛蛋黃醬,實在沒有拒絕的理由下了單,於由即叫即製,要等一下,在下就趁這段空檔觀察一下店舖周圍,發覺店內的裝修就像一家歐陸小店,但最奇妙的地方就是店內外的氣氛會令人彷如置身於歐洲的民家小店一樣,令人感到很溫暖,無論是店員還是顧客,面上都掛著微笑,在這裏,在下是一個外星客熱狗來了,包比一般熱狗闊大,質感亦較好,自家製的醬汁亦對在下囗味,而跟餐的榛子咖啡,熱騰騰,很有榛子味,也是在下杯茶,整個套餐,在下也很滿意,心想:點解香港間間華人開ge熱狗店都咁好味,服務都係咁好?享受過後,悶氣也消減了不少,於是收拾行裝,返回自己的世界

昨晚去試過，有D失望，還是覺得勝利道Hotdog Link好味D。

上星期看到了這個Hot Dog Family, 我同細佬都好興奮, 因為好耐冇食過熱狗, 但可惜星期日唔開, 拿了一張宣傳單張, 有20幾款的熱狗, 超期待, 今日終於一試.東洋火之狗: 照燒汁, 紫菜, 芝麻魚鬆, 七味粉, 木魚絲, 沙律醬, 熱狗腸, 7吋的包包.口感跟食八爪魚丸一樣, 好有趣, 包是烘過的, 微脆, 但熱狗腸可以再粗一點.夏威夷熱狗薄餅: 佢將7吋長的熱狗放平, 上面再舖上辣肉腸, 菠蘿, 蘑菇, 粟米, 芝士, 香草, 黑胡椒, 蕃茄汁, 然後再焗, 超級香口美味的, 個底好脆的, 餡料好足, 熱辣辣, 餡料好juicy~~~~服務真是太好, 不停的在recommend, 因為佢真係太多古怪的選擇la, 重有甜的熱狗都好想食lei, 但貴了一點同唔會太飽.

上星期試過該店新出的pita bread，很美味！我吃香腸、芝士、小黃瓜、菠蘿配千島醬，我覺得很match，哈哈！麵包香脆，配料感覺很清新！之前沒有吃過任何的pita bread，把配料放在pita bread 中，感覺挺有趣，個人認為值得一試！另外，上星期去這店時，發現有很多款式選擇，事實上要選吃那一種真的很困難！不過該店服務很好，會給客人一些推介。老實說，我不是第一次去這家店舖，但每次我都留意到職員有善、殷切的招待，笑容滿面，真的可嘉！特別對食客來說！吃也吃得開心一點！至於送小飾物，我個人很「受落」，飾物也很美！不過，有時可能要等候一點時間，但美食當前，等等也無防la，哈！很想試該店的「童夢熱狗」，雪糕都可以配熱狗？真的創意十足！下次我吃後再分享！

totally agree the last comment.the hot dog is not very special but honestly..they have paid much 'sum see'..on packaging...(the fake diamond...)Besides, they have raised they price...for ~$20 to eat a hot dog..I think it is not a valuable choice.

如題, hotdog有好多種款唔同款式係個配料的分別, 而sausage都係同一種老實講, 配料真係唔差, 個味道是okay的但係, 最大問題是個sausage,雖然都係長長大大一條,但一d都唔似外國食到的sausage, 反而似我地平時食開的腸仔味...呢點令我好失望服務好好, 好細心咁講解佢的product我take way 的包裝都好好, 仲粒假石, 幾有心思不過如期花$$係呢一方面, 倒不如落d本, 用一d靚d的sausage黎得更實際

一間與四周環境很不配合, 但自成一格的熱狗店!!不要以為熱狗只能成為餐\\\廳裏的平價下午茶餐\\\, 也不要以為熱狗只是\\\"一個飽加條腸再加少少醬\\\"這麼簡單...其實只要有心思, 熱狗也能成為鎮店招牌!!這店子雖然只做外賣(近期好像多加了兩個門口bar檯位), 但據負責人說, 生意多得應接不下...這又難怪, 12款完全不同口味和口感的熱狗, 加上9款很少地方有售的意式三文治(panini), 還有飛碟, 意式沙律, 就是要試也要差不多一個月吧!! 其中店長推介的house dog和東洋火之犬, 真的是有心之作, 我從來也未見過有這麼多配料的熱狗!! 另外, 雖然只有生番茄, 生洋蔥和olive oil做配料, 但這個意式熱狗卻出奇地醒胃好吃!!好東西不能在此盡錄, 親自試試吧!!

想不到會在荃灣一個平民化商場中(我office附近)，出現了如此般的take away 熱狗店！雖然店的外觀設計成歐洲的小店樣子，但熱狗的種類卻充滿各地特式，如美式，英式，日式，意式等。像常見的美式熱狗，以往也在香港吃過好幾次，但只有簡單醬汁；但這裹的house dog卻放滿了生洋葱、蕃茄碎、酸瓜片、甜酸瓜碎、芥辣和茄汁。另外，這裏的腸，品質也不錯...不像一般油油的，皮也有咬口而包也很軟！見過另一熟客人叫了一隻田園熱狗(是以意式沙律油醋放在野菜之上,再加些煙肉碎和黑椒碎)，三數口便失了踪；眼見他還未完全吞下，已急不及待地order另一款愛爾蘭熱狗(以熱的白洒忌廉汁配蘑菇、火腿、生菜、芝士和黑椒碎！)香來也很不錯...除熱狗外,這裏也有panini意式三文治，口味亦有多款選擇！我喝了一杯house coffee 加多一盒意式田園沙律，跟一隻住家熱狗，也不過是$25。加上店員很好笑容，像家人一般,所以吃得很開心。