燉 (已結業)

外買自取幾個客飯同燉湯食物非常可口，魚、菜、牛腩和蒸雞都好好味，燉湯清甜 👍🏻👍🏻👍🏻👍🏻👍🏻👍🏻 啲湯足料；店員很細心； 等外賣時聽到店員之間傾緊call車司機要外賣比唔比保溫袋，比較senior嘅職員話比 👍🏻 之後又會叫執餐嘅職員再跟吓眼睇吓啲食物齊唔齊 👍🏻👍🏻👍🏻價錢合理，覺得抵食事前落order, 都唔駛等好耐就拎得 👍🏻值得推薦

開店那麼久第一次幫襯，無論取餐，味道，各方面都很好。下次會再幫襯。材料充足，餐具清潔，店員也很親切。飲完湯之後都冇口渴，只是份量有一點小，成年男士有機會唔夠飽。

今日中午左右揸車經過長沙灣青山道 見到燉 就拍好架車 就入去試吓 呢間幾好有枱有燈有得坐 冷氣仲好涼爽添 依家天時暑又熱 非常舒服又唔係好肚餓 就揀咗個燉湯飲 個味道都幾清香甜 湯了也好足夠 地方都幾好坐 收銀職員都好有禮貌介紹食品 大家不妨試一試之前我都食過佢啲冬菇炆豬手 都問得非常好食 味道剛剛好 味道不會太鹹 葉豬手聞到質感非常煙韌 若果大家經過長沙灣荔枝角站 大家不妨一試 我哋食飽咗就過咗去香港工業中心睇衫褲鞋襪 價錢非常合理 買了不少出口衣服

聽咗好多有關嘅報導及reviews，決定試一試叫咗原個椰皇燉雞，天麻魚頭湯，油菜，豬手飯，全部濃淡適中，份量足個湯多到飲唔晒，仲有好多渣，當飯食都得旁邊嘅顧客話佢日日都去幫襯，一路都保持水準，好由於坐位有限，以外賣居多，堂食就要睇吓時間去搵位，如果中午食飯，要12點前到，先至有位。員工態度親切，有問必答，雖然客人好多，忙到一頭煙，但係依有笑容，仲好熱情介紹餐牌，值得一讚鋪位就在地鐵站出口，好方便！見到外賣嘅包裝，都好精美朋友話豬肺湯都好正，要留番個肚下次試吓！

香港人鍾意飲老火湯，呢間燉湯店起正荔枝角港鐵站出口隔離，容易搵，而且湯水選擇都幾多，都係滋補款，男女老少都啱飲，有時行開附近都會特登過嚟飲啖湯，個人最欣賞佢個天麻川芎白芷燉魚頭湯。呢間勝在價錢親民，出貨快唔使點等，湯水無味精(所以會偏淡，可以問店員攞啲鹽)，店面整體都算衛生嘅(佢荔枝角店係外賣自助式，所以有時會出現啲嘢食完冇人收，積咗起張枱度嘅畫面)。如果對湯水冇太大興趣，佢都有糖水，蒸飯，中式小食可以試吓嘅，甜品個人推薦花膠燉鮮奶; 小食嘅佢個蒸白鱔都唔錯，幾鮮甜，不過好似係時令，唔係成日有。另外，好多人都知呢間店係某個TVB藝人開㗎啦，如果有心想見吓藝人，聽講佢周不時會親自起店面服務，見過佢親自收銀，抹枱，收垃圾同跟單，對啲客人嘅合照要求有求必應，又會同客人講多謝支持，幾貼地。我起佢間鋪見過佢2次，2次都係週五傍晚。

在附近忙碌完畢，有點口乾，見到有湯水舖頭，入內歇歇。川萼百芷天麻魚頭湯經常頭痛時都靠這湯水進補解決。習慣了其苦味，連出外也希望多喝點。湯是熱著上桌的。湯料有齊。不過味道有點淡，就像水是水，湯料味還湯料味，沒有融合在一起。沒有家裡煲般入味，感覺不是喝湯水，是在吃湯料然後喝水。有點可惜。看得出店舖主打工業區外賣，如要堂食便要站著吃了。而且套餐也挺化算，小菜連飯加湯都只是一個午餐價多少少。人工作生活忙碌，若然午餐都能滋補一下，因而排解下壓力，多好。下次有機會，希望試個湯水+飯餸餐。

位於荔枝角的餐廳，聽講係一位TVB演員開嘅燉湯，就係屋企附近，以為係明星開嘅就會好出名好多人幫襯啦，聽啲人講好似有幾好食咁，但每次行過都冇人幫襯，睇過下個餐單，款式非常之少，湯嘅種類都唔多，如果係想食飯真心唔建議喺呢度食，話就話係燉湯，不過睇落去都唔似燉左好耐，配料又唔多，價錢仲要非常之貴，十分唔抵食，每次行過根本都冇人幫襯，成日見一個人都冇，員工態度又非常之差，點解仲有人會食得落真係狗都唔食唔會有下次，雖然未試過有第一次

疫情關系，真係少咗出街，喺公司都可以飲到靚燉湯，正 👍🏻👍🏻👍🏻差唔多飲完先記得影 😆😆 湯喺蜜瓜螺頭燉瘦肉，超甜，最重要 ... 無味精，飲完唔口渴 👏🏻👏🏻 蒸飯質數都好好，兩樣加埋啱啱好，飽飽 😋 滿足！另外仲 order 咗呢個番屋企宵夜，大隻花膠，食埋甜甜去瞓覺，人都甜啲 🤣🤣🤣🤣有心機嘅製作，一定會再幫襯 💪🏻💪🏻💪🏻💪🏻💪🏻

真的無味精，湯料靚。 豉汁蒸鱔都好味。欣賞食物款式夠精選，黃咖哩牛筋腩，雞翼，南乳豬手，梅菜扣肉。住家餸。 客飯夠平，白飯任裝。花膠湯足料。店內簡潔，餐具都夠衛生，環境整潔，只嫌bar枱不好坐，不合飲湯格局。地點好，荔枝角站D2扶手電梯一出便是。如果元朗有分店更好。合外賣。

#小秘書 一直都好想試吓 #楊生 嘅手勢，可惜總係搵唔到機會🤔 呢日下晝約咗朋友喺荔枝角附近，路過 D2 Place 先知道原來「燉 - 養生」開咗間分店喺 #港鐵D出口🤤 我到嘅時間大概係傍晚6:30，未計等緊外賣嘅食客，圍住cashier排隊嘅人數都唔少，言談間聽到大家都係特登嚟捧 #楊生 場... 好有愛呀❤️ 可能呢日餐廳實在太好生意，輪到我嘅時侯 #燉湯 就只係賣淨五款👉🏻👈🏻 本來想試 #椰皇燉湯 嘅我，唯有轉呔叫個 #雲腿菜膽燉豬肺 補補個肺🤣🤣 再叫咗個 #外賣 #黃咖喱牛筋腩客飯 比屋企人試吓。由於客飯需要20分鐘準備，我喺舖面先飲咗個 #燉湯，時間就啱啱好🤤 #燉湯材料 十足，#豬肺 有煎過嘅痕跡，#師傅 應該係為咗癖咗豬肺陣腥味，好細心👍🏻 未入口已經聞到好香嘅 #杏仁味，稍為加少少鹽，味道就啱啱好🤤 至於個 #咖喱飯 都唔錯呀，咖哩汁唔大辣，配埋 #紅蘿蔔🥕 反而有啲天然嘅甜味，配埋 #白飯 一齊食，認真一流👍🏻👍🏻👍🏻 不過餐廳地方唔算大，大家都只可以 #立食、或者要坐喺 #bar枱 配以 #高櫈，食客未必可以停留太耐，所以我見大部份食客都係買

鮑魚花膠螺頭燉雞 $88雖然實物同圖片show出嚟嘅份量係有d差距，但係湯料都夠食嘅，而且燉湯味道鮮甜，亦都無話好多油浮喺面，只係覺得88蚊有小貴，所以下次再嚟嘅話就唔會選擇買呢個湯，買個客飯/蒸飯加個湯仲抵食d添。鮮奶燉花膠$48呢個甜品相對地就抵食好多，花膠大大塊，食完會有種滋潤養生左嘅感覺。飲完湯仲買左個紫薯玉露年糕拎返屋企，試左煎同蒸呢兩個做法，覺得蒸係好味d，不過就真係一件起兩件止，如果唔係就覺得過甜了

有時想出街食得清淡得來又健康啲，每次都淨係會諗到去食粥，今日比我搵到一間叫「燉」嘅餐廳餐廳以外賣為主，不過有很多的企位，可立食。買完外賣我就返屋企慢慢享受。蟲草花無花果燉雞（$58）之前都聽過朋友佢哋嘅燉湯係真材實料，今日真係食得出無味精，而且足料，真係好過自己煮。蟲草花肉餅蒸飯（$29）出街食蒸飯最，怕就係長時間都heat住啲飯會「硬倔倔」，飯味香完全唔會過硬，肉餅嘅味道亦都滲入咗飯裏面，加少少豉油真係又健康又好食。午巿買「飯」加「燉湯」有減$8嘅優惠。

專程嚟到幫襯，店員服務態度好，湯水真材實料， 大人細路都鍾意飲， 冇味精但係好入味， 連鮑魚花膠都好好食，超好味， 大人細路都一致讚好， 買咗現金券 會繼續幫襯 👏👏👏👏👏

星期六中午一點黎到, 一入到餐廳見到好多人.呢度係自助形式, 先買野食, 後取餐.同朋友分頭行事, 我等位, 佢買野食.等左一陣就有位, 各食客都好有禮, 享用完就會離開. 咁大家就唔洗等咁耐.本身揀左蒸飯, 花膠燉雞湯, 但都已經賣清.所以叫左個青邊鮑燉雞湯, 海底椰燉肉湯, 同一個紅酒雞球飯.先食左個飯, 味道不錯, 份量又夠.兩客湯都好熱辣辣, 要預先打開蓋抖涼.我飲青邊鮑燉雞湯, 非常足料, 味道濃郁!內有鮑魚, 雞, 淮山, 肉, 乾瑤柱!❤️飲到一半, 已經身成大汗! 真係好暖身呀!朋友的海底椰湯, 內有很多海底椰, 肉,試左一啖, 味道好清, 飲完都覺得好潤😁會再黎食! 十分推介大家!

今日終於有機會去“燉”試下見好多人試過都話啲湯好好飲今日試各樣嘢都好味蛋蒸得好滑飯又好好味出街食飯好少飲到咁足料又無味精既湯今日見到座無虛席所以1點半已經好多湯、飯都賣哂舖細所以座位有限幸好都好快有位值得一提呢間舖啲客好有質素食飽都會即時起身讓位俾下一位客人呢間係全自助式客人都好自覺食飽順便收走自己既餐盤職員好有禮貌值得一試再試唯一問題大部份座位都以bar枱形式而且座位對小朋友嚟講太高小朋友唔夠高食嘢比較論盡啲